رواية مجنونه اسرت قلبي الفصل الثاني 2 بقلم زهرة الربيع

رواية مجنونه اسرت قلبي الجزء الثاني

رواية مجنونه اسرت قلبي البارت الثاني

رواية مجنونه اسرت قلبي الحلقة الثانية

انا حامل وانت لازم تطلقني علشان الحق اتجوز ابو الطفل قبل ما حد يعرف واتفضح
فريد اتسعت عتيه بزهول شديد ..بس ضحك جامد وقال…حامل بعد ما نطيتي من البلكونه …اممم.. على العموم انتي ادرى
و طلع هدومه من غير ما يهتم لكلامها وكان كل جسمها بيوجعها من الوقعه وقالت باصرار…فريده انا بتكلم معاك احنا هنفضل كده لامتى يعني حضرتك بتتجوز اهو هتعيش حياتك عادي انا كمان من حقي اعيش حياتي هفضل كده لامتى
فريد بصلها بغضب شديد وقال لحد ما تعقلي وتبقي مسؤله عن تصرفاتك …يعني بلاش اطلع اشتغل علشان احرس سيادتك …كل يوم مصيبه ودلوقتي اجي الاقيكي ناطه من البلكونه
رقيه قالت بدموع…عايز اخلص منك
فريد قال بسرعه…لا انتي عايزه تستفذيني مش اكتر.. انتي عارفه كويس ان المسافه قريبه ومش هتحصل لك حاجه بس انا عارف انك بتضغطي عليا بالحركات دي
رقيه اتنهدت بخنقه شديده وقالت ..لما بابا ماما توفوا في الحادث.. وطبعا لانك ابن عمي الوحيد اضطريت اجي اقعد هنا عندكم بحضور كل البلد كتبت كتابي عليك
علشان اعرف اقعد معاكوا في البيت على اساس ان انت هتحميني وبس واول ما احب اطلق واعيش حياتي هتطلقني وتجوزني واتفقنا على كده وسبتك تخطب وتحدد جوازك عادي ..ايه رجعت في كلامك بقى ورافض تطلقني بقالي ثلاث شهور بقول لك عايزه اتطلق بحب واحد وعايزه اتجوزه اعمل ايه اولع في نفسي علشان ترتاح
فريد قرب منها بغضب شديد وقال وانا برده بقالي ثلاث شهور بقولك نفس الكلام طلاق مش هطلق ولو فضلتي على عندك ده وزي ما انتي كده انت اللي هتخسري يا رقيه مش انا ..وقال باستفزاز لازم تخفي بسرعه على الاقل الخدوش اللي في وشك دي عشان تبقي حلوه في فرح جوزك انتي عارفه ان رنا بنت خالك حلوه مش عايز حد يقول بيتجوز عليها واحده احلى منها
قال كده وبقى يلبس هدومه وهي بصت لطيفه بغضب شديد وقالت.. انا هروح للحاج شعبان اللي كان حاضر الموضوع من اوله لاخره هو ورجاله البلد كلهم ويشوفولهم صرفه معاك ويخلوك تطلق لان احنا مش بنلعب
فريد بقى يقرب عليها جامد
رقيه ارتبكت وبقت ترجع لورا بس شدها عليه وقال…انتي ليه عايزه تطلقي
رقيه قالت بارتباك..عايزه اعيش زي الناس واتجوز
فريد شدها عليه اكتر وقال …طب ما انتي متجوزه ..وانا عرضت عليكي اكثر من مره نتمم جوازنا ومهيبقاش ناقصك حاجه
رقيه بصتلو بارتباك شديد من قربه وقالت.. وانا قلتلك انا بكرهك
فريد ابتسم وهو بيبص لعينيها وقال.. انا كمان بكرهك قوي يا بنت عمي
وقبل ما ترد قرب منها وباسها بقوه رغم مقاومتها لاكن كانت اجمل لحظات حياتو
بعد عنها وبلع ريقه وقال .. لو تسمعي الكلام هتبقي الوحيده في القلب ومفيش غيرك ابدا
رقيه غمضت عينيها وقالت بهمس.. طب ورنا
فريد اتنهد وقال..قولتلك قبل كده عمرها ما هتكون زيك هيه هتبقى مراتي بس انتي في حته تانيه خالص
رقيه دفعتو بقوه بعدته عنها وقالت… مفيش فايده سيبني في حالي بقى
ولسه هتمشي شدها من ايدها وقال انا عايز افهم ايه مشكلتك معاها يعني هو انا اول راجل في الدنيا يتجوز اثنين ده مش هياثر عليكي في حاجه انتي ليكي حقوقك وهي ليها حقوقها
رقيه قالت بالغضب شديد.. انا كمان من حقوقي اني اختار الراجل اللي انا عايزاه من حقوقي اختار الطريقه اللي هعيش بيها حياتي من حقوقي كمان اوافق ولا موافقش على عيشه زي دي وانا بقول لك اهو انا عايزه حقي في ان جوزي يبقى ليا لوحدي مش عايزه كده لو هعيش معاه في عشه المهم يبقى ليا انا مش ناقصه ايد ولا رجل عشان استنى سي السيد يجي يديني ليله جاتك القرف
قالت كده وراحت قعدت على السرير بغضب شديد فريد ضحك على عصبيتها وقال سي السيد اكيد هيحب ليلتك انتي اكتر ..يعني هو اللي هيستناها مش انتي وراح نام لانه كان تعبان وعايز ينام
رقيه اتنهدت بغضب وحست بنوم هي كمان
في صباح يوم جديد قام من النوم لقاها نايمه ابتسم وهو بيتأمل ملامحها اللي بيعشقها وجات عيون على ذراعها المكسوره اتنهد بحزن شديد ..قرب منها بخفه وباسها برقه لسه هيبعد ضربته بالقلم بايدها السليمه وهي لسه مغمضه عينها وعامله نايمه
فريد حط ايده على خد بزهول وقال بغيظ ..نايمه يعني انتي كده
رقيه مردتش عليه وفضلت مكمله على اساس نايمه وفريد ابتسم بخبث وقرب منها تاني وباسها بطريقه اقوي وبقت تحاول تزقه بس مقدرتش وهديت بين ايديه باستسلام
بعد شويه وقال ..صباح الشهد
رقيه بصتلو بغيظ ودفعته وقالت …ابعد عني بقى ما بقتش اقدر ازقك بدراع واحد
فريد ضحك جامد ووقف وقال..على اساس كنتي بتقدري قبل كده… ليه مش عايزه تعترفي اني بأثر فيكي وبتدوبي دوب بين ايديا
رقيه بصتلو بغضب وقالت.. اول مره اشوف حد يصحى ولسه بيحلم
واخذت هدوم ولسه هتروح على الحمام افتكر الكسر وقالت ..انا هستحمى ازاي كده
فريد قال ..بسيطه بصي هتفتحي الميه وخلي بقى ذراعك بعيد منها خالص بس كده
رقيه قالت بخنقه انا قصدي اللبس ضيق ..ياربي مش كنت لبست حاجه واسعه حتى نطيت ايه الغباء ده
بقلم …زهرة الربيع
فريد ضحك ورقيه قالت بغيظ..متضحكش ..انا مش هعرف اعمل اي حاجه نادي لماما تساعدني
فريد قال بردح نعم يا اختي ..اروح انادي لامي اقولها تعالي شوفي مراتي عايزه تستحمى
رقيه قالت باستغراب ..وفيها ايه دي
فريد قال بسرعه …طبعا فيها .. المفروض انا اللي اساعدك ما انا جوزك
رقيه قالت بسرعه ..لا لا لا لا لا تساعد مين لا طبعا نادي لماما يافريد واياك تفكر تقرب
فريد ابتسم بخبث وراح ناحيه الدولاب وجاب فوطه وحطها على كتفه وهي بتبصله باستغراب شديد وارتباك وقالت… ماشي خليك انا هروح اناديلها.. ولسه هتتحرك ناحيه الباب شدها بقوه من ذراعها السليم بقت بين اديه
رقيه بقت تحاول تزقه وهو يبص لعيونها جامد وقال بهمس اهدي ..اهدي خالص… انا جوزك
وبدأ يساعدها وهيه بتبص لعيونه جامد
فريد تاه في نظراتها ووقع الفستان وهو بيبص لعيونها وبدأ يلف الفوطه عليها
رقيه خدودها احمرت من الكسوف وفريد ابتسم وقال …خلصنا يلا ادخلي
رقيه فضلت واقفه مكانها بتبصله جامد
فريد ابتسم وهو بيبص لعيونها جامد وقال ..ادخلي يلا
رقيه فاقت لنفسها ودخلت على الحمام بسرعه وهي مكسوفه قوي
فريد ابتسم وقال بصوت عالي..لو محتاجه مساعده جوه انا هنا..استاذ في مساعدة المكسور وكشف المستور
رقيه سمعتو وضحكت وبدات تاخد حمامها
وفريد شال الهدوم من الارض وراح جابلها هدوم من الدولاب جهزها لها على السرير
بعد شويه خرجت بارتباك شديد وقالت بتوتر انا خلصت
ابتسم وهو بيبص لملامحها الجميله جدا وبقت تبتدي تلبس اللي تقدر عليه وهو كان بيساعدها قال باعجاب ..انتي حلوه قوي يا رقيه حلوه قوي قوي يا بت
نزلت عيونها في الارض بكسوف منه..وهو شدها عليه جامد وقال.. انا عايزك يا رقيه عايزك بجد
بصت بعيد بضيق وقالت ..الفستان لو سمحت
فريد اتنهد وقال…على راحتك يا رقيه..ولبسها الفستان بهدوء ونزلوا سوا على تحت
رقيه كانت تعبانه وحاسه بوجع من الوقعه وفريد كان بيساعدها تنزل بالراحه على السلم
اتقدمت عليه بنت في سن ال 20 بملامح جميله وقالت بضيق عنك انت يا فريد.. الف سلامه عليكي يا حبيبتي ..وشديتها من ايدها وبقت تنزلها
فريد اتنهد بخنقه وقال.. انتي هنا من امتى يا رنا
رنا قالت … ايه مش حابب تشوفني ولا ايه
فريد قال.. لا ابدا بس اصل كنت فاكر اننا صحينا بدري
رنا قالت بضيق..لا ما صحيتوش بدري ناموسيتكم كحلي..انا جيت مع الفرقه اللي هيعملوا تنظيمات الفرح كنا بنختار كل حاجه وكنت مستنياك تختار معايا الالوان والحاجات عشان نعمل كوشه حلوه..وبصت لرقيه بخبث وقالت… وانتي كمان يا رقيه يا حبيبتي ادينا رايك انت ذوقك حلو وووو