رواية متهم في القتل الفصل الأول 1 بقلم روكا حسن
رواية متهم في القتل الجزء الأول
رواية متهم في القتل البارت الأول
رواية متهم في القتل الحلقة الأولى
جريت بخوف خارج الشقة وبتنفض من اول ما رجعت من بره ازاي مراتي قاعدة وانا دفنتها بأيدي في القبر، دخلت بصدمة شوفتها خارجة من الاوضة وبتقرب مني وبتقول بصوت غريب :
مالك يا خالد مش علي بعضك كدا احضرلك الاكل!!
_حسيت بضربات قلبي سريعة لمستها كانت واقفة مستغربة من الي انا بعمله لكن انا مصدوم مراتي عايشة، مش عارف افرح او اخاف منها انا قلقان منها..
يلهوي يا خالد انت ضغطك بينزل في اي بس احكيلي وهنا تبدأ الحكاية..
_انا خالد عندي29 سنة انا وسمر متجوزين من خمس سنين متجوزها عن حب ومفيش بنا اي مشاكل او خناق في يوم رجعت من الشغل لقيتها واقعه علي الارض ومفيش اي نفس خارج منها اخدتها علي المستشفي وعرفت بخبر موتها اتصدمت تم العزاء و رجعت بيتي بس لما رجعت لقتها خارجة من الاوضة وبتسال انا كنت فين؟؟
كانت بتنادي عليا بصوت عالي و بتزعق،
قربت منها وقولت وانا متوتر :سمر انتي عايشه صح!
اي يا خالد الي بتقوله ده انا كويسة اهو عايشة ولا ميته ازاي انت اتاخرت ليه في الشغل النهاردة.
سكتت ولمستها حسيت ان مش طبيعي غطيني يا سمر وحضري الاكل و متتكلميش معايا لحد ما ارتاح في حاجة غلط؟ حضرت سمر الاكل و قعدت تاكل معايا،
مالك يا خالد بتبصلي كده ليه
لا يا سمر مفيش حاجة، هو كان في حد هنا النهاردة ولا انتي كنتِ فين، جيت البيت ملقتش حد؟
انا كنت في البيت، انت مدخلتش البيت ولا لحظه ولا شوفتك وكنت هنا لوحدي!!
انا كدا هتجنن اكتر انا دخلت شقة مش شقتي، دخلت الاوضة ونمت لكن حسيت بأيد ماشيه علي جسمي و بتقرب مني وبتهمس جمبي بصوت غريب
انت هنا مش لوحدك انا معاك، انا الي دفنتها ؟
اتنفضت من مكاني و فتحت النور سمر نايمة وانا كنت عرقان وجسمي متلج شربت مياه ونمت تاني لكن سمعت صوتها تاني والمره دي ظهرت ليا وقعدت جمبي.. انت بس الي هتقدر تكلمني يا خالد و تسمعني!!
مراتك عايشة، بس انا الي دفنتها؟
أعوذ بالله من الشيطان الرجيم، انتي مين وازاي جيتي هنا سمر يا سمر قومي بسرعة نمشي من الشقة قومي
خالد احنا ساعة 2 بليل هنروح فين دلوقت.
كل الي عارفه ان لازم نمشي البيت مسكون
نام يا خالد و بكره نشوف حل؟
قمت دخلت البلكونة و رنيت علي طارق صحبي وقولتله بخوف
الحقني يا طارق سمر مراتي طلعت عايشة!
قال بهدوء.. هي اصلا كانت ماتت؟
اي يا طارق لحقت نسيت انت كنت معايا في العزء
عزاء اي النهاردة كانت الست الي عندك في العماره و ولادها الي ماتوا مالك حاسس ان في حاجة؟
يا طارق اسمعني انا لما دخلت شقتنا لقيت مراتي اخدتها علي المستشفي انا متاكد!
لازم تكشف يا خالد انت اكيد فيك حاجة ازاي مراتك وطنط سوزي و بناتها انت اخدت بنت منهم امبارح علي المستشفي وكانت حالة تسمم و دفناها..
غير كدا يا طارق في واحده ظهرت ليا وقالت انت بس الي هتشوفني مراتك عايشة، بس انا الي دفنتها وكانت بتقرب مني يا طارق افهم، انا لازم امشي من العمارة..
حسيت بيها واقفه جمبي وبتبتسم بشر حطت ايديها علي رقبتي وبدأت تصوت وتخنق فيا اغمي عليا من الرعب وصحيت تاني يوم لقتني في بيت غريب غير الي كنت فيه امبارح!!
_طارق الحقني دي كانت بتخ”نقني انا لازم امشي من العمارة، العمارة مسكونة غير طبيعية صدقني؟
اهدي يا خالد انت في بيتي مراتك اتصلت عليا وجيت اخدتك مراتك بره قلقانه عليك انا مش عارف اي الي انت فيه ده واي حصلك بس؟ مش عارف يا طارق واحده بتظهرلي لما حكتلك قالتلي بصوت مرعب :_
اي حاجة تحصل متحكهاش لحد والا هخلص عليك شوف رقبتي كدا عليها خربشة ايد..
بصيت علي رقبته كانت عادية مش عليها حاجة حسيت ان خالد بقا مريض نفسي بهوس كان لازم اعرض الحاله علي دكتور نفسي سبته وخرجت واتصلت بدكتور وعرضت الحالة عليه.. قال انها ممكن تكون صدمة نفسية بسبب مراته وازاي مراته عايشة وهو بيقول دفنها ومين الي بتهدده اكيد في حاجة غلط لازم اتواصل معاه؟ طلبت من خالد يروح وقال بزعيق انت مجنون ازاي انا مش مجنون ولا مريض كل الي بيحصل واقع وحصل يا طارق.
وهنا كانت الصدمة لما طارق شاف كلام علي الجدار كله دم ومكتوب النهاية يا خالد قاله بخوف،
بص علي الحيطة يا خالد في د’م!!
بيصرخ خالد وبيخرج هو و طارق وبتبدأ العمارة تتهزز ويظهر صوت صراخ اطفال وسيدات انا خايف اوي يا خالد لازم نمشي من هنا…
بينزلوا علي السلم بيظهر طفل و بيبتسم ليهم بلطف ،
عمو انا عايز ماما كانت فوق و سبتني.؟
بيبص طارق وخالد لبعض و بياخدوا الطفل و بينزلوا بيحطوا الطفل في العربية وبيقفلوا العمارة بيرجع طارق للعربية، بيكون الطفل اختفي…
بيصرخ طارق من الرعب خالد الطفل اختفي من هنا
بيسوق خالد العربية و بيرجع بيته وهو مش عارف اي الي بيحصل ليه ومين الناس الي بتظهر..
بيرجع العمارة بيلاقي سوزي وعيالها واقفين في البلكونة بيصرخ طارق بصدمة..
خالد عايشين فعلا ازاي انا هتجنن الحقني يا طارق!
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية متهم في القتل)
