رواية متمردتي الصعيديه الفصل السابع 7 بقلم نوران أحمد
رواية متمردتي الصعيديه الجزء السابع
رواية متمردتي الصعيديه البارت السابع
رواية متمردتي الصعيديه الحلقة السابعة
لسه كنت هضرب لقيت صوت بنت صرخت بخوف وبعدت بسرعه
نبيله : جري اي يا ست الابله معرفتنيش عاد ولا اي
غزل : نهار ابوكي اسود انتي اي اللي جايبك في الساعه دي يا مقصوفه الرقبه ومكلفته نفسك كدا ليه
نبيله : الحجيني يا ست الابله إلهي تنستري ابوي عرف اني عحب سمير وعخرج معاه وده اهله واعرين جوي جوي وابوي معيعرفش يعمل معاهم حاجه وحالف يجتلني ومعرفش اعمل اي
غزل : الله يخربيتك قدامي علي اوضتي علي ما اشوف هعمل اي معاكي ومع ابوكي هو يوم باين من أوله قدامي
دخلت اوضتها حس مراد بحركه غريبه فتح الباب ووقف قدام باب غزل
غزل : بت الواد ده قرب منك ولا هي صحوبيه بس كدة
نبيله : لع والله يا ست الابله اني بس كنت عتحدث معاه أكده حب واكده
غزل : امال ابوكي عايز يخلص عليكي ليه
نبيله : عندينا اهنه مش كيف البندر اهنه ميصحش نتحدثو مع اي راجل ولو حوصل تتجطع رجبينا اهنه
رن فون غزل
غزل : ايوه نعم مين وازاي ترن في وقت زي ده يا بهيم ….. نعم يا خويا ….. نهارك اسود زي وشك …. طيب طيب قولي بس انت فين اجيلك ما هي شكلها كدا مش هتعدي علي خير طيب طيب جايه حالا بطلع عياط ونواح مش ناقصه ده اي الهم ده يا ربي
قفلت وفضلت باصه قدامها شويه تفكر
نبيله : مالك بس يا ست الابله حوصل اي عاد يمكن اساعدك
غزل : اسكتي انتي اتنيلي مش لما تساعدي نفسك الاول كتك وكسه عيال هم كلكم ده يوم ما يعلم بيه الا ربنا
مسكت الفون
غزل : اكرم معلش قفلت عليك بالغلط شكلي صحيتك من النوم اسفه يا اكرم بس محتاجاك معايا في حوار كدا توصلني خدمه مش هنساها واهو بالمره تحكيلي حوار هنيه ده عارفه هتعبك معايا وصلني وامشي علي طول
أكرم : انتي عبيطه يا غزل انتي اختي اكيد مش هسيبك بس اي الحوار
غزل : مش وقته تعالا بس بسرعه ومن وري البيت هقابلك هناك سلام
نبيله : واني يا ست الابله هعمل اي عاد
غزل : اتنيلي مكانك علي ما اجيلك
اتسحبت ببطئ بره البيت ولقيت اكرم فعلا واقف مستنيني
غزل : جدع انك متاخرتش يلا اتحرك بسرعه علي الزراعيه
اكرم : دي حته مقطوعه اي اللي يدخلك مكان زي ده في الوقت ده
غزل : في الطريق هتعرف كل حاجه واهو بالمره احكيلي لحد ما نوصل اي الحوار
اكرم : يا بنتي ده حوار معروف في كل مكان مروان كان مسافر يخلص الجامعه بتاعته في القاهره وفضلت هنيه مستنياه كتير لحد ما في يوم رجع البلد فرحت هنيه جدا بس استغربت وقتها لما بص ليها بقرف وبعد عنها ومفيش ساعات لا وعرفت انه حب بنت من بنات مصر وعايز يتجوزها وانه مش بيحب هنيه طبعا اهله مديين كلمه لأهل هنيه ورفضت عرسان كتير علي حس ارتباطها بمروان ولو حد عرف كلام مروان هيجيب الحق علي اهله وراسهم هتبقا في الطين وهيتعمل قاعده وهيتغلط باللي حصل ده طبعا ابوه ضربه وقاله لا تبقا أبني ولا اعرفك لو عملت كدا حصل كدا في داخله هنيه اللي انصدمت بس بصلها مروان بقرف مره تانيه وقال ليها كل ده بسببك انتي يا وش المصايب مشاكلي كلها انتي سببها طبعا مشي وسابها وبعد ساعات عرفنا انه كان سايق بتهور وعمل حادث وراح للي خلقه واتدفن
غزل : طب ما هو كدا انسان واطي هي ليه متمسكه بيه وبتحبه بتاعه الكرامه
اكرم : تقريبا كدا هي مش مصدقه انه قال كدا معرفش بصراحه بس كلميها وعرفيني
غزل : متقلقش هكلمها والدنيا هتكون تمام انت جدع اوي ياض يا اكرم اسمحلي اقولك ياض خلاص مبقاش في القاب بقا ايوه ايوه أقف هنا إلهي تنستر علي ما اجيلك
اكرم : استني اجي معاكي المكان مش امان هنا ليطلع عليكي حد
غزل : لا بقولك اي انا معايا الحزام البنفسجي ومحدش يقدر عليا
اكرم باستغراب : اشمعنا البنفسجي
غزل : عشان بحبه عادي فتح مخك معايا شويه يا هندسه سلام
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اما عند مراد
مراد : في حاجه غريبه عتوحصول عاد معفهمهاش واصل في حركه غريبه يا جدي عطلع اطمن علي بت عمي
الجد : يا ولدي مفيش حاجه عاد معتجلجش نفسك اني هنام
سابه مراد ودخل اوضه غزل فجاه
مراد بعصبيه : انتي مين وعتعملي اهنه اي عاد لتكوني سراجه فين غزل وفجاه بدأت عيونه توسع بغضب وصوته علي .. فين غزل عاد يا بت انطجي بدل ما اطخك عيارين
اترعبت البنت وبدأت تترعش بخوف رجليها مبقاش شايلاها وقعد علي الارض بتعيط
نبيله : ارجوك يا سيدي يا بيه ارجوع اني اني معملتش حاجه عاد والله ساعدني ست الابله جالت أكده جبل ما يجيلها مكالمه ووشها يتغير وتتصل باستاذ اكرم علي اللفلفون
مراد بصدمه : وه عتجولي اندلت مع راجل غريب في الوجت ده وجعه ابوها مطينه بطين جدامي يا بت
نبيله : ارجوك يا بيه ارجوك يا بيه مترجعنيش لأهلي عيجتلوني عاد يرضيك معتبصليش أكده
وفجاه بدأت ناس كتيره تيجي علي باب البيت وصوت عالي بص مراد من الشباك ولقي وولد بيشاور وبيقول
الولد : اهو ده يا عم فرغلي بيت ست الابله اللي جاعده عنديها بتك اللي جابتلنا العار اجتلها وخلص عارك
حط ايده علي وشك بغضب : البت دي من ساعه ما دخلت والمصايب عتهل علي نفوخنا وبص للبنت بغضب عتنطجي ولا ارميكي ليهم يجتلوكي عملتي اي
نبيله بدموع : كل اللي عملته يا بيه اني حبيت واد جارنا إلهي تنستر يا بيه مترمينيش ليهم
سمع مراد صوت ضرب نار بص من الشباك
نبيله : نهار اسود ده ده عيله سمير اللي عحبه جايين اهنه ليه عاد
بصلها مراد بقرف وغضب : جايين يجتلو سببتي عراك معينفكش الا بالدم فعلا خلفه البنات تجيب العار وبت عمي معتجيبليش ناس طبيعيه لازم تسيب مصيبه جلبي عليها تدخل نفسها في مصيبه تانيه ….. اجعدي اهنه علي ما اهدي الرجاله وجعتك امطينه
نزل الجري مراد بالسلاح
الجد : في اي يا ولدي عتجوم الحرب ولا اي عاد
مراد بغضب : كله من تحت رأس بت ابنك ادخل يا جدي عخلص الموضوع لحالي
طلع مراد وضرب طلقتين في الهوا واخرس الجميع
♡♡♡♡♡♥︎♡♡♡♡♡♡♡♡♡♡♡♡♡♡♡♡♡♥︎
كان محمد واقف بيترعش وأيده دم وماسك خشبه كبيره في ايده واول ما شاف غزل فضل يعيط ويحضنها
غزل بخوف : مالك بس يا حبيبي اهدي اي اللي في ايدك ده احيه قتيل الله يخربيتك ازاي
محمد برعشه : م م معرفش معرفش اتصرف عاد اعمل اي يا ابله اتصرف كيف
غزل بصدمه وخوف : اهدي اهدي وهات اللي في ايدك ده وروح البيت اغسل وشك واهدي وانا هتصرف
بصلها محمد بدموع ومشي وسابها ومن بعيد كان واقف شخص وبيضحك بخبث
كانت غزل بتفكر تتصرف ازاي وهي بتترعش وخايفه وفجاه دخل عليها الشرطه وحوطتها من كل مكان
الشخص بخبث : ايوه يا باشا هي دي شوفتها وهي بتجتله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية متمردتي الصعيديه)
