رواية متمردتي الصعيديه الفصل الثامن 8 بقلم نوران أحمد
رواية متمردتي الصعيديه الجزء الثامن
رواية متمردتي الصعيديه البارت الثامن
رواية متمردتي الصعيديه الحلقة الثامنة
لا لا ما ذالك اللون الأحمر علي يدي من ذلك الملقي علي الارض ما الذي يحدث حولي اه راسي يؤلمني لا استطيع الرؤيه جيدا لما دموعي تتساقط بتلك السرعه من مقلتي لما قلبي يؤلمني ما الذي يحدث
صبحي : اهي يا باشا اني شوفتها بعيوني دول اللي هياكلهم الدود هي اللي جتلت الراجل الغلبان ده اجبضو علي المجرمه دي
غزل بدموع ورعشه : لا لا ال ال الكلام ده مش حقيقي و والله ما عملت حاجه ص صدقوني انا انا
الظباط : اتحرك يا ابني و خدوها علي البوكس
اكرم بصدمه : في اي اي اللي بيحصل فهمني بس يا باشا واخدينها علي فين
رن الفون فتح اكرم
هنيه : انت معتبطلش كل شويه تجيبلي حدي يتحدث وياي معيزاكش مهوش بالعافيه سيبني وارجع للبندر ………. اكرم مالك اكده صوت انفاسك سريعه ومعتردش عليا ليه يا ولد جولي بس صايبك شي انت كويس
اكرم بخوف : مش عارف غزل طلبت مني اوصلها مكان وفجاه الشرطه جت ولقيتها ماسكه حاجه وجثه جنبها وخدوها علي القسم مش عارف اتصرف اعمل اي
هنيه بخوف : يا لهو اسود عتجول اي عاد جسم اي اني جيالك طوالي اني هكون معاها روح انت للحج جدها ولا مراد خليهم يتصرفو جلبي عليكي يا خايتي
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♥︎
مراد بنبره افزعت الجميع : اخرس منك له اني عملت الجعده دي عشان نتفاهمو الجتل والتار معدلوش لازمه يا رجاله اللي يكسر يتصلح واني هحكم بيناتكم وعايزه اسمع ايتوها اعتراض اتفهمتو زين يا رجاله
ابو نبيله : اني واثج فيك يا ابن بلدي بيني وبينك ربنا لو ظلمتني ومعتنساش انها ابنته وسمعتها عتكون علي كل لسان جتلها اهونلي من العار اللي عتجيبهولي حسو بيا يا ناس
ابو سمير : واني عجول البت عرفت تمثل علي الواد كيف ما ابوها اهو عيستعطف الناس وعيلعب دور الضحيه عاد
مراد بعصبيه : اسكت منك له معايزش اسمع صوتكم واصل واد يا سمير اجف وجاوب علي اسئلتي
سمير بخوف : امرك يا مراد بيه
مراد : البت دي سمحتلك تمسك يدها ؟
سمير : لع محصولش واصل
مراد : عتتحدث معاك بكلام الحب والغرام في التلفون ؟
سمير بقلق : لع بردك محصولش الكلام ده واصل يا مراد بيه اني عرفتها ..
مراد بضيق : جاوب علي جد سوالي معايزش اسمع غير اكده البنت دي كانت عتجابلك في الخلا ؟
سمير : لع محصولش اي حاجه من اكده واصل
مراد : كنت عتشوفها بتضحك لحد ولا عتتحدث مع حد ؟
سمير بغضب : كنت جطعت رجبتها اي اللي عتجوله ده
مراد : بتحبها
سمير : جوي جوي جوي
مراد : عرفتها كيف وعتحبها ليه ؟
سمير بتوتر : اني اني شوفتها مهتمه بالدراسه ومعتخرجش مع البنات أصحابها يلي عيحبو ويجابلو الشباب وراجبتها لجيتها عتصلي فروضها ومعتسيبش ولا فرض بجيت ابتسم ليها واجيبلها ورد وشكليته عشان بس تبص عليا وتتحدث وياي كانت تضحك ومعترضاش تاخد حاجه وعتروح طوالي عشان اكده بعت ليها جواب اجولها اني عحبها معرفش أن ابوها هيشوف الجواب وهيعمل اكده في بته واني معتهونش عليا واصل ومعسمحش لحد يتحدث عليها ولا يظلمها اني كنت رايد اتجوزها
مراد : كيف الحال يا حج عرفت انك كنت عترتكب جريمه في حج بتك المظلومه تربيتك زينه والكل بعد الجعده دي عيشهد علي اخلاج بتك ودلوجيتي عتجبل بتك تتجوز الواد ده
دمعت عيون ابو نبيله وبص حواليه
ابو سمير بابتسامه : حجك عليا يا خوي العيال كانو عيخسرونا بعض وابني اني اللي غلطان محجوجلك واديني اهه بتجدم لبتك زينه بنات البلد لابني سمير عتجول اي عاد
ابتسم ابو نبيله : عاد في جول بعد جولك بردك يا ابو سمير ده شرف كبير جوي لينا علي خيره الله
ابتسم مراد لكن معالم وشه اتغيرت لما شاف اكرم ووشه اصفر.
مراد بخوف ولأول مره : حوصل اي عملت مصيبه اي المره دي
بدا اكرم يحكي كل حاجه جري مراد اول ما عرف والجد اترعب
الجد : ايوه يا غانم اني اسف يا ولدي معرفتش احافظ علي الامانه اللي سبتهالي جولنا نجرب نشوف البت نسيت اللي فات وعتجدر تعيش وسطينا زي زمان ولا لع بس بعد اللي حوصل دي اني خايف يا ولدي يجرالها حاجه
غانم بخوف : انا جاي حالا ساعات وهكون عندك بنتي اكيد كويسه انا ربيتها علي القوه مستحيل يحصلها حاجه
♡♡♡♡♡♡♡♡♡♡♡♡♡♡♡♡♡♡♡♡♡♥︎♡
في القسم
الظابط : يا حج متحاولش مجيتك علي عيني وعلي راسي بس عجولك اي اكيد الاستاذ مراد خابر زين الجانون والتحجيجات ماشيه ازاي وموجف البت صعب سلاح الجريمه معاها وفي شاهد كومان عنجول اي مفيش حاجه بيدي
مراد بغضب : معتحركش من اهنه واصل من غيرها عتفهم ولا لع
الجد : اهدي يا ولدي الرجل عيجول االي عيجدر عليه معيجصرش معانا واصل مش اكده
هنيه بدموع : طب بس خلينا نشوفها جلبي واكلني عليها بس نطمن عليها وخلاص
الظابط : معينفعش واصل دلوجيت بكره عتشوفوها
مراد : طب علي الاجل متسببوهاش وسط المجرمين خليها تبات في ايتوها مكتب ده لو عايز تخدمنا
وفجاه سمعو صوت خناق ورجاله كتير بتتخانق
مجاهد : مين الي جتل اخويا وحرج جلبي عليه لازم اجتله هو وعيلته واللي يتشددله عتفهمو عاد ولا لع
الجد : ممنوش لازمه الحديث ده يا ولدي وعناكلش حج حد وأنت يا اللي اسمك اكرم روح هنيه ابوكي عيجلج عليكي عادي واني هبجا اطمنك روحي يا بنيتي
هنيه : معاسيبش مطرحي واصل غير لما اطمن عليها
اكرم : قدامي يا هنيه الدنيا صعبه لوحدها مش مستاهله تصعبي الأمور علينا يلا
خرجت هنيه بتعيط وفضلو طول الطريق صامتين
هنيه بدموع : وانت يا أبن الناس معايزش تبعد عني ليه عاد اني تعبت معايزاش حد في حياتي كفايه اكده
اكرم : عمري ما هسيبك يا هنيه انا حبيتك بجد ولازم اعرف اي حكايتك ليه بتعملي كدا معايا ولو اقتنعت هبعد عنك يا بنت الناس
هنيه بدموع : اني عكره الحب الحب ده عيوجع جوي واني معايزاش وجع اني معستاهلش انحب اصلا
اكرم : اكيد مروان اللي قالك كدا هو اللي وجعك
هنيه بدموع : شوفته جبل ما يروح للي خلجه وجولتله جبل ما يمشي ويسيبني اني اهنه معاك ازاي اكده بجيت اعمي اني بتعب وبتوجع كل يوم عشان تشوفني بعمل كل حاجه وكل اللي بجدر عليه عشان تشوفني بس في كل مره حتي معتلاحظنيش معجول اكده نسيتني ونسيت حبنا اني عحبك تعرف جالي اي بعد سنين انتظار
اكرم : قالك اي
هنيه بوجع ودموعها زادت : جالي معايزش اتجوز واحده جاهله زيك وهو اللي خرجني من تعليمي زمان جالي اني مليش جيمه ولا لازمه في الحياه جالي اني معنديش شخصيه عشان بسمع كلام اهلي وهو اللي جالي معاسيبش اهلي واسمع كلامهم وانه عيحب البت اللي عتسمع الكلام ضيعت حلمي وضيعت نفسي عشان حبه وضيعت سنين حياتي واني بستناه وخسرت حياتي ونفسي بجيت ضايعه وكل ده بسبب جلبي اللي حب عشان اكده اني بكره الحب ومبجتش جادره احب بفتكر اني مليش جيمه وضعيفه جولي بعد كل الحاجات العفشه اللي عرفتها عني دي استاهل انك تحبني
♡♡♡♡♡♡♡♡♡♡♡♡♡♡♡♡♡♡♡♡♥︎♡♡
وفي السجن
انا انا دايخه مش قادره اشوف كويس ليه بشوف حاجات غريبه ليه دماغي بتوجعني وصوت طفله بتصرخ ليه بشوف نفس اللون الأحمر ده في كل مكان
غزل بفزع : لا لا ابعدوا عني متقربوش لا لا مش بسببي لا ده مش هو مش هو معقول انت انت انت اللي تعمل فيا كدا اه دماغي
سعديه : جري اي يا حيليتها داخله علينا اكده من غير تحيه عتعملي علينا مجنونه عاد شكلنا عنتسلي عليكي كتير نسوان جومو يا نسوان نربي البت الطريه دي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية متمردتي الصعيديه)
