رواية متمردتي الصعيديه الفصل الثالث 3 بقلم نوران أحمد
رواية متمردتي الصعيديه الجزء الثالث
رواية متمردتي الصعيديه البارت الثالث
رواية متمردتي الصعيديه الحلقة الثالثة
بصتلهم بغضب وبعدتهم عنها
راحت غزل بعصبيه علي بتاع الكشك اللي واقف عنده
غزل : ممكن متبعش سجاير في المكان ده تاني لو سمحت احنا بنحاول نحمي شبابنا مش نبوظهم
صاحب الكشك : متجيبيش طلابك اهنه ده اللي تجدري عليه أما اني معتجدريش تمنعيني
اتعصبت غزل وبدأت تكسر في المكان كله
طلع صاحب الكشك ومعاه شومه يضربها كسرت ازازه ووجهتها ناحيته بان عليه الخوف
غزل : ده انا مجنونه يابا انت فاكرني هخاف لا يا حبيبي ده بعينك شكلي هربيك زيك زي العيال دي ارجع مكانك
خافو الولاد ودخلو الفصل وطلبت غزل حد يجيب ابو الواد سمير بكرا يكون عندي
وصل خبر لمراد باللي غزل عملته
في البيت
مراد بغضب : كيف يا جدي تسمح للمجروده دي تروح المدرسه معتعرفش اللي عيوحصول في المدرسه عاد ده خبرها مالي البلد يا جدي عتدخل نفسيها في عداوه ومشاكل مالها اخر مخايفش عليها يا جدي
الجد : معرفش يا ولدي ابوها اللي كدم ليها هنيك خلي بالك من بت عمك يا مراد
مراد : عسيب اشغالي وجري وراها ده اللي ناجص عروح اشوف المخبوله دي عتعمل اي واجيبها واجي
خلص وقت المدرسه وهي خارجه رن الفون
غانم : اي اخبار اول يوم مدرسه انا عايزك تاخدي بالك كويس القريه اللي فيها المدرسه دي بيحصل فيها جرايم كتير عشان مفيش تعليم وكدا خلي بالك حد يثبتك بقا
فجاه شافت مجموعه شباب لفين حواليها بالشوم
غزل : الله يباركلك يا حج مش عارفه من غيرك كان ممكن اروح عند اللي خلقني بسرعه ازاي انت متأكد اني بنتك يا حج انا لازم اقفل أما شوف المصيبه اللي قدامي دي اي قفلت وبصت اي يا شباب مالكم اكيد مش جايين تضربوني صح
صاحب الكشك عباس : هي دي اللي كسرتلي المكان لازمن نكسر رجليها عشان تتعلم الستات مكانها المطبخ معرفش اي اللي جابها اهنه تجطعي عيشي اني هعلمك كيف تدخلي البلد اهنه هجطع رجليك من اهنه معتعتبيش المكانه ده واصل
غزل : حبيبي يا عم عباس لا كدا ازعل منك انت تعرف عني كدا بردو يا راجل يا طيب ده أنا خايفه علي صحتك تعمل كدا انا بص هو طيش شباب بقا سامح وانسي خلاص يا رجاله الموضوع خلص سلام
سيد : دي طلعت حلوه جوي جوي شكل الجاعده هتحلو حرام نكسر رجلين الحلوين دول ما تسيبها ليا انا اتعامل معاها
غزل : ان شاء الله تنستر يا خويا ويكفيك شر عم عباس وعمايله
سيد : احنه نستمتع بالجمال الرباني دي ده اني متجوزتش يا ولاد بت عمي شبه واحد صاحبي ده اني احلي منها
غزل : اللهي يجحمك يا شيخ يخربيتك وانا اللي قولت حد بيفهم ولا اوعي تقرب مني ياض وربنا اعضك أنت واللي معاك
شافت رجاله كتير بيتفرجوا عليهم
غزل : يا رجاله يا ناس فين شهامه رجاله البلد كدا تسيبو واحده نسوان زيي الرجاله دي تبقلشها كدا ساعدوني هي الناس دي جرافيك ولا اي دول بيسمعوا وبيمشو كدا عادي
عباس : لع وانتي عتفكري عاد ان في حد عينجدك من يدي وقرب عليها هوو والرجاله خافت غزل وقبل ما يلمسها حد من الرجاله دخل مراد وكسر دراعه
استخبت غزل وراه بسرعه غزل : شوفت يسطا كانو هيبقلشوني كل ده عشان عايزه مصلحه الناس ربيهم اول مره اكون مبسوطه اني شوفتك
مراد بعصبيه : بعدي من اهنه وحسابنا لما نروح اني اللي هربيكي اركبي العربيه واجفلي عليكي زين
خافت غزل وقالت وهي بتشاور : الواد الزباله اللي هناك ده كان عايز يتحرش بيا عشان بنت عمه شبه واحد صاحبه
بصلها بغضب اترعبت وجريت علي العربيه
كانت بتبص عليهم وهي بتقول غزل : اهو نستفاد من العضلات دي شويه مجابش فطار معاه ولا فشار ولا اي حاجه يلا مش مشكله اهو نتفرج
بدأت الخناقه وقدر مراد بسهوله انه يخلص عليهم بسرعه وجه واحد من وراه يطعنه اتخضت غزل وجريت بسرعه ناحيته ومسكت السلاح بايديها اتجرحت
ضربه مراد وسحبها من ايدها بعصبيه
غزل : علي فكره انا انقذتك المفروض تجيبلي حاجه حلوه بقا ها اص
مراد بعصبيه : عتخرسي عاد ولا عضربك معايزش اسمع صوتك واصل انتي فاهمه
اول ما وصلو جريت بسرعه علي جوه وقبل ما تدخل سحبها من دراعها
غزل : ايدي ايدي يا مراد والله بتوجعني اصلا ملكش حق تمسكني كدا ابعد
مراد : عتعرفي كان ممكن يوحصلك اي ولو مكنتش جيتك في الوجت المناسب
غزل بتوتر : انت ملكش دعوة بيا انت ملكش حكم عليا اصلا خليك في حالك انا كويسه وكان ممكن ضربهم عادي محدش قلك تدخل
مسكها من دراعها : انتي يا بت كيف بتتحدثي معي أكده معتعرفيش بتتحدثي مع مين عاد الرجاله اللي خلصتك من تحت يدهم دول معيعرفوش ابوهم عتجولي تجدري عليهم وايوه اني ليا حكم عليكي اني بن عمك وزوجك المستجبلي وصوتك ده معيعلاش عليا مره تانيه واصل انتي فاهمه
غزل بدموع : سيب دراعي يا مراد وجعتني ده مش اسلوب تتكلم بيه معايا وانا اروح واجي براحتي وملكش دعوه بيا خليك في حالك ولو لقيتني في اي مشكله متدخلش يا عم
مراد : جميل جوي حديثك ده يا بت عمي مين سمحلك اصلا انك تشتغلي وجوليلي مخدتيش رايي واني معوافجش واصل انك تشتغلي وعنشوف كيف بتخرجي من البيت من غير استاذان
وسحبها لاوضتها حبسها وقفل الباب
غزل : انا مش عيله صغيره عشان تحبسني انا معملتش حاجه افتح الباب يا جدو طلعني يا عم انت مش هتجوزك انت حر بقا جدو يا جدو طلعني هعيط والله
فضلت غزل تزن طول الليل لحد ما نامت وتاني يوم غزل : اديني جمعت ملايات البيت كلها وهخرج يا مراد باشا وابقا وريني اخرك وهتعمل اي بقا نطت من الشباك وراحت المدرسه واول ما وصلت بصت علي كشك عباس وطلعت لسانها بغيظ ودخلت
وقفت في الطابور وقالت
غزل : من النهار ده في تمارين صباح وفي جرس للصلاه هنصلي كلنا مع بعض واللي عايز يتعلم يفضل واللي مش عايز يتعلم يطلع بره محدش طلع ف قالت صباح اطلبي من كل أولياء الأمور ييجو
وبعد شويه كان الكل موجود
غزل : عايزين عيالكم يتعلمو ولالا اهمالكم ليهم وسايبينهم يشربو سجاير الفلوس دي لو كنتم بتتبرعو بيها للمدرسه كانت فرقت كتير وخصوصا علي عيالكم ولو بتشتغلو عند ناس مرتاحه انا ممكن اروح اطلب تبرعات للمدرسه واهو انا اول واحده تدفع
وهي خارجه قرب ولد وفضل يعاكسها واول ما لمسها كسرتله دراعه في دقيقه
ودخلت الفصل تحضر حصه الانجليزي
غزل : حضرتك كل كلامك غلط النطق غلط وكل حاجه غلط
حسين : انا اسف بس انا عندي مشكله في النطق مبعرفش انطق الانجليزي بس
غزل : تمام هسالك كذا سؤال ونشوف سألت وبعد شوي انت مش عارف تجاوب حتي علي الاسئله ادام مش متعلم هتقدر تعلم الطلاب إزاي يا تتعلم الانجليزي خلال شهر يا أما هتترفد اصل احنا مش فاتحينها تكيه
وبعد ساعه رن الفون
غانم : عرفت انك كنتي محبوسه وعارف انك قرده ومحدش يقدر يحبسك ها اي الاخبار
غزل : يا جدع دول متخلفين ده اها دخلت فصل فصل ولا مدرس عدل المدرسين نفسهم محتاجين تعليم ازاي كدا
غانم : وعملتي اي يا آخره صبري احكيلي
غزل : ولا حاجه بعتهم يذاكرو وانا هتابعهم لو لقيتهم اتحسنو تمام متحسنوش هطردهم ده حتي مدرس التربيه الرياضيه متخلف اول مره اشوف واحد مسؤول عن الرياضه بكرش يا حج هزقته وقولتله العيال دي عايزاهم يدخلو مسابقات ويكسبو كمان بقولك اي صحيح قول لابن اخوك الشحط ده يخف عليا شويه ده اي العيله الهم دي اللي دخلتها
شتمها وقفل في وشها السكه
وفي بيت الجد
مراد : دخلتي الوكل لغزل ولا لع معجول لسه نايمه كل ده
سنيه : بصراحه يا بيه الست غزل مش في البيت شوفتها بتركب توك توك وماشيه الصبح بدري
مراد بغضب : حسابك معايا تجل جوي يا بت البندر جايلك وعخليكي عبره وسط البلد ووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية متمردتي الصعيديه)
