رواية متمردة احتلت قلب صعيدي الفصل السادس 6 بقلم إسراء ابراهيم
رواية متمردة احتلت قلب صعيدي الجزء السادس
رواية متمردة احتلت قلب صعيدي البارت السادس
رواية متمردة احتلت قلب صعيدي الحلقة السادسة
طلع مالك جري علي غزل وخدها من أيدها وشدها وراه علي اوضتها ودخلها الاوضه ودخل وراها وقفل الباب ووقف بيبصلها بتفحص واعجاب باين في عنيه وانتبه علي صوت غزل وهي بتقول بغضب:
انت كيف تچرني اكده كيف البجر*ة انت فاكر نفسك مين
مالك بحد*ة: چوزك يا هانم ثم انتي كيف يعني تنزلي اكده
غزل ببرود: مش انت اللي جولتلي انزلي جابلي الناس صوح ولا لع
مالك بغيرة: تنزلي وانتي حشمه مش بالمسخره دي
غزل بصدمه وهيا بتبص لروحها: اني مش لابسه مسخره وبعدين مفيش حد غريب تحت
مالك بعصبيه: كيف يعني مفيش حد غريب تحت وچوز بت عمي اللي تحت ده ايه وابوي ده ايه بردك
غزل بصدمة: ابوك كيف يعني ولا نسيت صوح انكو عيلة فؤاد كلكم نفس النسخه
مالك وهو بيحاول يسيطر علي نفسه:
لمي نفسك يا غزل وفكري في اللي بتجوليه الاول وزي ما البنته بتچيب العا*ر لاهلها الواد كمان سعات بيبجي اكتر من أكده كيف فؤاد اخويا اكده
غزل حست بكسر*ته وقالت :
انا مكنتش اعرف ان چوز بت عمك تحت وانت مجولتش ان في راچل غريب تحت
مالك ببرود متصنع: بعد اكده تيچي نازله تلبسي حاچه واسعه وتحطي حاجه علي شعرك ده ومتحطيش حاچه في خلجتك
غزل بعصبيه:
انت بتتحدت وبتتحكم فيا بتاع ايه اوعاك تكون فاكر انك چوزي بحج وحجيجي
مالك وهو بيقرب عليها:
طول ماانتي علي زمتي تبجي مرتي وانا اجول تلبسي ايه ومتلبسيش ايه
غزل بخوف وهي بترجع لورا : اجف مكانك وبعدين ده ميديكش الحج انك تتحكم فيا
مالك بأعجاب وهو لسة بيقرب: لا اتحكم فيكي وجوي كمان
غزل بتوتر: بعد عني شوية يا مالك انت مجرب جوي
مالك بتوهان وهو بيدقق في ملامح غزل:
ولو مبعدتش ؟
غزل وقلبها بيدق : هصوت والم عليك الدار كله
مالك ونفسه في وشها اعتبريني فؤاد ولو لليلة واحدة
غزل بتبص الناحيه التانيه وبتحاول تبعد عن مالك ودموعها علي خدها بكسر*ة :
كلكو زي بعض انت واخوك والعيلة كلها بدور معاها حج في كل كلمة جالتها عنكم
مالك انتبه علي كلمة بدور وانتبه لنفسه وقالها:
جالتلك ايه بدور كنت متوكد ان جاعدتها معاكي مش بالساهل
غزل وهي بتبص لماالك بدموع:
جالتلي علي جر*فك وانك اكتر من اخوك بس دايما بتتظاهر بالطهر والشرف
مالك اتصدم وقالها وهو بيبعد :
انتي اخر واحده تتكلم علي الطهر والشرف انتي واحده ….
غزل بصدمه وصوتها العالي : اخرس ،،اني اطهر منك ومن اي واحده في البلد كلياتها
مالك بعصبيه جامدة: انا اكتر واحد عارفك،، فؤاد حكالي علي كل حاچه كانت بينكم
غزل بصدمه اكبر ودموع: جالك ايه السا*فل الواطي ده
مالك بسخرية: تصدجي اني انا صدجت انك مصدومه و
قط*ع كلامهم خبط وفاء الباب وبعدين فتحت الباب ودخلت
وفاء بقلق: في ايه ياولاد صوتكم چايب اخر الدار
غزل بحرقة : اسمعي ابنك بيجول عني ايه ،، انتي مش جولتيلي هتفضلي في ضهري واني اعتبرك امي هاتيلي حجي منه ،، ابنك بيجولي اني كنت بمعرفه سابجه مع اخوه وبيجولي اخويا حكالي علي كل حاچة
ووجهت كلامها لمالك:
جولي بجي جدام امك جالك ايه السا*فل ده عني
مالك بعصبيه واندفاع:
جالي انك واحده ر*خيصه وأنكم كنتم عاشجين بعض ومكنتش اول مره تتجابلو وتحصل بيناتكم حاچه ،،ردي بجي ياست الطاهره
غزل بصدمة و دموع : حسبي الله ونعم الوكيل حسبي الله ونعم الوكيل
وفاء بعصبيه من كلام ابنها: كدب ابني فؤاد كداااب واكبر كداااب مع انه ابن بطني بس حرام اني اخبي واظلم البنية دي ،، انا شوفته يوم الحادثه دي كان چاي واخري وبيتلفت وكانه عامل چر*يمه ومكنتش دريانه بالمصيبه اللي عاملها ولجيت د*م البنته علي هدوومه والهدوم تحت زي ماهي في اوضته ويشهد ربنا علي اللي بجوله ياولدي
مالك كان واقف مصدووم من كلام امه وسابهم وجري علي تحت
ووفاء خدت غزل في حضنها وطبطبت علي كتفها وقالت:
حجك عليا يابتي حجك عليا
غزل كانت بتعيط بس دموع حزن علي فرحة ان في حد شهد انها ضحية فؤاد
: اني متشكرة جوي جوي
وفاء بكسر*ه: متشكرنيش يابتي انا اللي محجوجالك علي كل حاچه وكل كلمه اتجالتلك انا بحاول اداوي ولو چزء صغير من اللي عمله ابن بطني ،، يا خسارة تربيتي فيه
…………………………………………….
عند بيت عيلة الرضوان
حاچ سعد ياحاچ سعد
خرجت اميرة واتفجأت باللي بينادي بصوت عالي ومخدش باله انها واقفة لانه كان باصص في الارض وبعدين رفع راسه فجأة وقال باحراج:
حقك عليا متاسف
اميرة بهدوء:
ولا يهمك
ذياد بتردد : الحاج سعد موجود
اميرة : اه چوه اتفضل
وبعدين ندهت اميرة علي اخوها:
عبدالرحمن تعالي في حد رايد عمك سعد
ووجهت كلامها لذياد :
خارچلك حالا عن اذنك اني
و خرجت علي بره
وذياد عينه معاها لحد ما غابت
وابتسم ودخل وهو بينادي :
حاج سعد
عبد الرحمن خرجله:
اتفضل اتفضل اهلا وسهلا نورت الدار مش الباش مهندس ذياد برضك
ذياد بابتسامة : ايوة واسمي ذياد
عبد الرحمن بود: عاشت الاسامي ياباش مهندس اتفضل اتفضل
…………………
مالك وهو قاعد مصدوم علي منظر هدوم اخوه وبيفكر في كلام امه وظلمه لغزل اللي صعبت عليه وطريقته معاها من اول ما شافها
وافتكر بدور وكلامها لغزل وقام من مكانه علي فوق ودخل اوضته لقي بدور نايمه
مالك بزعيق: بدووور جووومي
بدور بخضه: اي في اي
مالك بعصبيه: فوجي اكده رايدك
بدور بتدعك في عينها :
في ايه يامالك
مالك مسكها من دراعها:
ايه الحديت العفش اللي جولتيه عني لغزل ده
بدور بخبث: جولت ايه انا ل ست غزل
مالك بعصبية: متجعديش تلفي وتدوري اتحدتي دوغري معاايا
بدور بخنقه: بجولك ايه انا مجولتش حاچه لحد وبعدين هي اللي جالتلك اهو وجومتك عليا و چاي تزعجلي،، كنت خابرة انها هتعرف تبلفك وتحطك في چيبها
مالك بعصبية اكبر: انا محدش يجدر يحطني في چيبه يابت المر*كوب ورفع أيده ونزلها علي و*شها
بدور بانهيار: بتضر*وبني علشانها طب لو علي الجواله اه جولت وهجول اكتر من اكده واحده ،، چايه تاخد مني چوزي رايدني أعمل ايه ،،
يعني اخوك يعمل المصيبه ويچبهالنا لحد عندينا ورايدني اسكت حتي سبني افرفر يااخي ولا انت زعلان علي السنيورة بتاعتكم
مالك ببرود: اوعي تكوني فكراني مش خابرك زين دانا حافظك صم وعچنك وخابزك ،، وموضوع انك خايفه علي چوزك انه يروح منك دي مش في دماغك واصل
تحبي اجولك انا انتي خايفه علي ايه
بدور بعصبيه: ياااه انا بجيت وحشه اكده وياتره انا وحشه اكده من زمان ولا من ساعت ما اتچوزت ست غزل
مالك بسخرية: من زمااان جوي
بدور بسخريه: ياسبحان الله واشمعنا جولتلي دلوك
مالك ببرود: لان مكنش فارج معايا والمسكينه اللي جارك دي هتجعد فترة مؤقته معانا وماشيه ملكيش صالح بيها لحد متعاود بيت اهلها ولو حصل منك حاچه تاني هوديكي بيت ابوكي لحد ما هي تمشي وابجي ارچعك تاني
ومستناش منها رد وسابها وخرج
………………………
عبدالرحمن بصوت عالي: جمر يا جمر
قمر نازله من فوق :
نعم ياعبد الرحمن
عبدالرحمن بصلها بصه طويله
فاتكسفت وقالتله وهيا بتبص في الارض:
حضرتك كنت بتنادي عليا
عبدالرحمن انتبه لنفسه: هه اه اعملي اي حاچه للباش منهدس يشربها ياجمري
قمر بكسوف:
حاضر من عنيا
عبدالرحمن: تسلملي عينك يا جمري ولما تخلصي نادي عليا ومتخرجيش بشعرك اكده فاهمه ولا لع
قمر : حاضر بس بابا مجليش حاچه علي شعري
عبدالرحمن بضيقه: انا اللي بجول عچبك ولا لع
قمر بتوتر: لا مجولتش حاچه حاضر
ودخلت علي المطبخ وعبدالرحمن الرحمن فضل متابعها وهو مبتسم
وق*طع تفكيره صوت فريدة:
واجف ليه اكده ياعبد الرحمن
عبدالرحمن بخضه: هه لا سلامتك يامرت عمي انا كنت بجول لجمر تعمل حاچه للباش مهندس يشربها
فريدة بتفهم: طيب ياولدي هدخل اساعدها لحسن دي مش بتعرف تعمل حاچة
عبدالرحمن بضحكه : كتر خيرها انها بتحاول
فريدة بضحك : ااه كتر خيرها جوي
…………………………………….
سعد: تمام يابني ربنا يجدم اللي فيه الخير باذن الله
ذياد : ان شاءالله ياحاچ
كنت رايد حضرتك في موضوع كده
سعد بفضول: ااؤمرني يا ولدي
ذياد باحراج: انا تعب عليا اوي اني اروح واجي كل يوم فلو حضرتك تشوفلي اوضه او مكان اقعد فيه اروح خميس وجمعه مثلا
سعد بضحكه: اتصدج يا ولدي اني كنت رايد اجولك اكده برضك ،، بص في اوضه منفصله بين الدار دي ودار اخويا الله يرحمه ممكن تجعد فيها لو معندكش مانع او اشوفلك مطرح بجي
قا*طعه ذياد :
لا هي الاوضه دي كويسه اوي واهو ابقي قريب من الارض وحضرتك ولا ايه
سعد بفرحه: عفارم عليك يا ولدي
قط*ع كلامهم دخول عبدالرحمن بالشاي
عبدالرحمن: اتفضل الشاي يا باش مهندس
ذياد: بلاش باش مهندس دي احنا سننا مقارب من بعض قولي يا استاذ ذياد علطول
ضحك عبد الرحمن وسعد وقال سعد:
الله يحظك ياولدي
عبدالرحمن بضحك : والله اني افتكرتك بتتحدت صدج
اسامه: لا بجد ياعبده انا زي اخوك شيل التكليف ياراجل
عبد الرحمن: ليا الشرف والله ويعلم ربنا اني ارتحتلك من اول ما شوفتك
ذياد بابتسامه: والله ياعبد الرحمن القلوب عند بعضها
سعد بفرحه: ربنا يديم المحبه ما بنا
………………
مالك خب*ط علي الباب
غزل باستغراب: ادخل
مالك دخل بتردد وقرب من غزل وقال :
حجك عليا ياغزل
وفاء بفرحه : مش جولتلك يابتي جبل سابج ان مالك ده غير فؤاد واصل وعلي فكره ياغزل يابتي مالك عمره ماجال لحد حجك عليا واصل ولو علي رجبته
،، ربنا يحميك يا ولدي يااارب
غزل بسخرية : مش فارجه يااام مالك
وفاء غمزتها في رجلها وقامت:
هسيبكم اني بجبي وهنزل اعمل الوكل و خرجت وقفلت الباب وراها
مالك قرب علي غزل واتفاجأت بيه ب…………..
يتبع…
لقراءة الفص التالي : اضغط هنا
لقراءة الرواية كاملة اضغط على : (رواية متمردة احتلت قلب صعيدي)
