رواية ما يخبئه لنا القدر الفصل الأول 1 بقلم زينب رشدي
رواية ما يخبئه لنا القدر البارت الأول
رواية ما يخبئه لنا القدر الجزء الأول
رواية ما يخبئه لنا القدر الحلقة الأولى
مي: يا بنتى مالك
ملك: مش عارفه ياسر بقاله يومين مش بيرد عليا وقلقانة عليه اوي
مى بضيق: نسمع خبره ان شاء الله
ملك بغضب: تانى يا مى انا مش عارفه بتكرهيه ليه
مي: مش مهم المهم هتعملى اي باباكي ومامتك هيتجنوا بسبب عمايلك
ملك: لا يا مي مش موافقه انا مش هتعالج انا مش عايزة اعشم نفسي بأمل كداب
مى: مين بس…
ملك بمقاطعه: اقفلى الموضوع ده
مي: طيب هتيجي معايا خطوبة النهارده
ملك: انا مش بحبها البنت دي
مي: ي ستي المصالح بتصالك بنت صاحبه الشركه و يا ستي انا هروح معاكي
ملك: طيب انا هروح اجهز واكلمك
وفي مكان تاني في مستشفى الاورام
عمر بصدمه: يعني اي
الدكتور: مش عايزك تقلق
عمر بصدمه: ازاي مقلقش، حضرتك بتقولى عندى ورم وعايزني مقلقش
الدكتور: الورم لسه في الاول النسبه بسيطه وكمان الورم مش خبيث هنقدر نلحقه بالعلاج ولو لقدر الله مستجبش نعمل عملية قبل ما يتحور
عمر: عن اذنك
خرج عمر من المستشفى دموعه بتنزل ومش مستوعب ان عنده مرض زي ده طيب امه اللى ملهاش غيره لو حصله حاجه هتعيش ازاي فضل يبكي وراح قعد على البحر اما عند ملك جهزت ونزلت مع مي اول لما دخلت الفرح اتفاجأت بياسر ان هو العريس وقفت مش مستوعبه ومكنتش اقل صدمه منها مي،، طلعت برا القاعه وياسر راح وراها
ياسر: ملك ملك
ملك بدموع: ليه عملتلك ايه
ياسر: غصب عني انتى عارفه اني بحبك
ملك: ايوه عارفه بتحبنى وبتخطب غيرى عشان كده مختفي بقالك يومين
ياسر: اسمعينى
ملك ضربته كذا مره على صدره: اسمع اي اسمع انك كد*اب خ*اين جب*ان لعبت بيا وبمشاعرى
ياسر بعصبيه: اعملك ايه انتى اللى حياتك منتهيه
ملك بصدمه: ا..
ياسر: ايوه انتى تعبانه ورافضه حتى تتعالجى في يوم من الايام سواء دلوقتي او بعدين هتروحى مني يبقي ليه اكمل معاكي واتعب قلبى قولت اشوف اللى هكمل معاها واستنفع منها بنت صاحب الشركه اللي بشتغل فيها
ملك بصدمه: انا ازاى اتخدعت فيك انت ازاي واط*ي كده يعني اي بتحبني وبتقول مقدرش اكمل معاكي لحد ما تم*وتى بس كويس روحت لواحده ترفعك انت بجد اح*قر انسان شوفته في حياتي انا مش عايزة اشوف وشك تاااني
فضلت ملك تجري وقفت على البحر وفضلت تبكي
ملك: مش ذنبي اني مري*ضة،،ازاي يسبني عشان هموت،حبيت واحد زب*اله و كسرني عشان مر*ض ومنصب اكملت بصراخ: لييييييه قرب منى ليه حبنى وخلانى احبه ليه قالي هفضل معاكي لاخر العمر وعشمني طالما هيسبني ومش هيستحمل ليه
عمر: انتى كويسه ي انسه
ملك لفت ليه: لا مش كويسه مش كويسه
عمر اول لما لفت وشاف دموعها اللى زادها جمال واحمرار وشها من كثرت البكاء وقبل ما يتكلم كان اغمى عليها حاول يفوقها معرفش طلب الاسعاف وخدوها المستشفى
استتوووووب
ملك: بنت هاديه وجميله جدا ومسالمه بتحب ابوها وامها جدا ليها اخ اكبر منها مسافر برا اتخرجت من كليه اداره اعمال بتعرف لغات كتير جدا عندها السرطان رافضه العلاج لانها شايفه ان مفيش امل كانت رافضه فكره الحب لحد ما اتعرفت على ياسر وارتبطوا سنتين
ياسر: شاب مغرور وطماع ولكن وسيم هو وملك بيشتغلوا في نفس الشركه فضلوا مرتبطين حتى بعد ما عرف مرضها
عمر: صاحب اكبر شركات الاستيراد والتصدير ابوه متوفى ومامته عايشه، بيحبها جدا، شخصيته مختلفه مبيحبش الاختلاط والتجمعات
مى: صاحبه ملك الانتيم بتكره ياسر من اول لما شافته لانها كانت شايفه أنه مغر*ور وطم*اع وميستحقش ملك متخرجه من كليه ألسن امها متوفيه
Back
فاقت ملك كانت في المستشفى وجنبها اهلها ومي
اسماء(ام ملك): حمدالله على سلامتك يا حبيبتي
ملك: الله يسلمك ي ماما انا ايه اللى جابني هنا
ايمن(ابو ملك): كلمتك على الموبايل رد واحد وقال انك هنا
مى: شوفتي مش قولتلك ميستهلكيش وان م
ملك بحزن ومقاطعه: كفايه ي مي مش عايزة اتكلم
ايمن: طيب مش هتسمعي الكلام وتبدأي علاج
ملك: بابا
اسماء: اخوكى جاى بكره من السفر هو يبقى يتكلم معاكى بقا
مي بابتسامة: ادم جاي
ايمن: ايوه ي ستى بيقول هيستقر هنا
ملك: عايزة اروح اتخنقت من المستشفى
تسريع الاحداث تانى يوم بعد ما وصل ادم دخل بليل يتكلم مع اخته
ادم: وحشتيني
ملك: وانت كمان
ادم: اي حصل بينك وبين ياسر
ملك بتنهيده: محبش يربط نفسه بواحده ميته
آدم: ي حبيبتي ده اختبار من ربنا ولازم تحمدى ربنا واذا كان هو ند*ل وزبا*له وسابك عشان كده يبقي يغور…
ملك بمقاطعه: عارف لما اضايقت الاول بس لما فكرت لقيت عنده حق اي اللى يخليه يستمر في علاقه مع واحده عارف مصيرها ايه
ادم: غلط ي ملك الاعمار بأيد ربنا يمكن اجلى قبل اجلك يمكن تخفي وهو يتعب محدش عارف نصيبه احنا بس ناخد بالاسباب ونقول يارب
ملك: عايزني ادخل المستشفى واتعالج واخد كمويات وشعرى وصحتى تتبهدل انا عايزة اموت زي ما انا
ادم حضنها: وليه متقوليش ان دخولك المستشفى هيرجع صحتك وتخفي
ملك بابتسامة الم: مش هخف
آدم: حبيبتي عشان خاطري عايزين نلحق الموضوع خلى املك فى ربنا كبير
ملك: هفكر واشوف ي ادم
ادم: انا هكلم الدكتور تكوني قررتي تصبحي علي خير
وعند عمر قاعد مع مامته بعد مده في التفكير
عمر: والله ما في حاجه ي ست الكل مش انتي كان نفسك فى عمرة انا هبعتك عمرة
عائشة(ام عمر): طيب وليه بتقول لما ارجع هلاقى خدامة مستنيانى وانك مش هتبقى موجود
عمر: عشان معايا شغل برا وهتأخر
عائشه: ماشي يا ابني ربنا معاك
عمر: سفرك بعد اسبوع ي ست الكل
عائشه: ماشي
وبعد اسبوع آدم اقنع ملك تروح المستشفى عشان حالتها بدات تسوء وعمر سفر امه وكلم ادم يروحله نسيت اقولكم انهم بقوا صحاب لما عمر سافر امريكا لحفله شغل وسعتها آدم انقذ حياته من ناس عايزين يقتلوه ومن يومها بقوا اصحاب
عمر بحضن: عاش من شافك
آدم: اول لما كلمتنى نزلت جرى خير ي صاحبي
عمر: انا عايزك تمسك شركاتى وانا غايب وتخلى بالك من امى
آدم باستغراب: ليه خير في حاجه
عمر: لا ابدا مسافر فتره وملقتش حد احسن منك
آدم: بس انت قولت انزل اشتغل معاك مش امسك الشركات دي مسئوليه
عمر: آدم عشان خاطري وافق انا واثق فيك انا مليش غيرك انت عارف ان مش معايا صحاب
آدم: حاضر أبدأ من امتى
عمر: من بكره
آدم: حاضر
وتانى يوم ملك في اوضتها في المستشفى ورافضه اي ممرض يدخلها ويعطيها علاج دخلت مي تشوفها
مي: هو ده برضو اللى اتفقنا عليه
ملك : مش قادره ي مي مخنوقه ومش متقبله
مي: مينفعش ي حبيبتى اهم حاجه النفسية لو متقبلتيش العلاج اي لزمتها قاعدتك اقوي كده وارجعى ملك بتاعت زمان اللى بتضحك وبتهزر مع كل الناس اي نعم بضايق من اجتماعيتك الزياده بس مش مشكله
ملك بحزن: ووحشتنى انا كمان
مي: خلاص يبقي ناخد العلاج
ملك: حاضر
عدا عشر ايام ملك بتتعالج هي وعمر في نفس المستشفى من غير ما يشوفوا بعض ملك بدات تتأقلم على العلاج وعلى المستشفى ويعتبر صاحبت معظم المرضي والممرضين وكانت بتساعدهم لو احتاجوا حاجه وآدم بيشتغل الصبح واخر النهار يروح ل ملك
نعمه الممرضه: اي اخبارك النهارده
ملك: الحمدلله الله قوليلى وشك منور النهارده اتصلحتى انتى وخطيبك
نعمه بضحك: لا سبنا بعض
ملك بملل: وخطوبتك الجاية امتى
نعمه: بعد يومين وعشان كده…
ملك بابتسامة ومقاطعه:عارفه تعالى نختار هتلبسي ايه
وفجأة سمعوا صوت زعيق برا
ملك باستغراب: في ايه
نعمه بضيق: مريض اعوذ بالله من يوم ما جاه مكشر كده ولا بيتكلم ولا بيخرج من اوضته متكبر ومتعجرف معرفش ليه
ملك بحزن: كتر خيره اكيد مضايق
نعمه: على رايك ربنا اعطاله مال لا و ايه الواد قمر ولا بتوع السيما بس ربنا يشفيه بقا
ملك بفضول: انا هروح اشوف في ايه
خرجت ملك واول لما شافته ابتسمت لان على رأي نعمه زي بتوع السيما اول لما الدكتور شافها نداها
دكتور هيثم: تعالى ي ملك
ملك: نعم يا دكتور
دكتور: لسه بقول ل عمر باشا ان العلاج بياخد وقت ومش من اول اسبوع هيلاقى النتيجه والمفروض..
عمر: عن اذنك
دخل الاوضه وقفلها جامد
دكتور هيثم: متستغربيش انتى كنتى زيه
ملك بابتسامة: بس اتأقلمت اهو
دكتور هيثم: تعالى ورايا عايزك
دخلوا المكتب
ملك قعدت: اتفضل ي دكتره
هيثم: انتى متخرجه من اداره اعمال متاكده
ملك: ده شهاده وخلاص قول بس مالك مين ضايقك
هيثم: انتى عارفه ان بحثي انتى ضمنه
ملك بملل: اه عارفه انك ماشي بطريقه علاج مختلفه وانا ضمن البحث وحضرتك شايف اننا اقوى من المرض وانك هتنجح وهخف سمعته كتير اللى بعضه
هيثم: يالهوى قفلتينى اقسم بالله
ملك: في دكتور يقول يالهوى
هيثم: معلش بقا استحمليني المهم عمر ده ضمن البحث وهو يائس من الحياة اعتقد قبل المرض اصلا يعني لولا امه مكنش هيتعالج تخيلي شخص زيه عنده اكبر شركات استيراد وتصدير وملهوش صحاب
ملك: في شخصيات ناجحة كتير بتفضل تكون لوحدها
هيثم: ايوه بس ده مش بيساعدنا خالص دي نسبه شفاءه كبيرة جدا
ملك: سبهولي ي برنس انا لو مكنتش خليته يصاحب المستشفى كلها ويتعالج والضحكه توصلك مبقاش انا ملك
هيثم بضحك: هههه هو ده اللي كنت هطلبه بس متخلهوش اجتماعي اوعي كفايه انتى عليا كل يوم بشوفك فى اوضه شكل
ملك: بتقول حاجه ي دكتره
هيثم بملل: مبقولش ي ملك روحي شوفي هتعملى ايه
ملك: بالاذن ي دكتره اروح اشوف الزبون بقا
هيثم بصدمه: انا يتقالي بالاذن وزبون ودكتره
راحت ملك وكانت مرتبكه وخبطت واول لما سمعت صوته بيأذنلها بالدخول دخلت
ملك بابتسامة: مساء الخير
عمر:
ملك: امممم سمعت انك عامل مشاكل ومش بس كده ده انت بيقولوا عليك متكبر ومتعجرف
عمر:…..
ملك: انا هكلم نفسي كتير الله قولي باصصلي كده انت تعرفني
عمر:
ملك باحراج: اي الكسفه دي يعم ما ترد مش عشان امور شويه شويتين تعمل كده
عمر بضحك: ههههه ده انتى مصيبه
ملك:ما انت ضحكتك حلوه اي وصوتك كمان
عمر:ده غزل
ملك: استغفر الله انا بعاكس بس كلمه غزل دى قديمه اوى
عمر: نعم
ملك:سيبك سيبك قولي بقا مضايق ليه
عمر: انتى شايفه الوضع ده ميضايقش
ملك: اكيد يضايق وعلى فكره انا كنت زيك واكتر منك كمان
عمر: تعبانه زي
ملك بحزن: ايوه بس الفرق انك اول لما تعبت جيت تتعالج انا استنيت سنه لحد ما اقتنعت وجيت واللى يشوفنى اول يوم هنا ميشوفنيش دلوقتي وانا مصاحبة المستشفى كلها ايوه مليش غير عشر ايام بس فكرت بالعقل انا ليه اضيع باقى عمرى في الحزن والبكى واقفل على نفسي ما انا اعيش واضحك واهزر ومخليش حاجه في بالي وخصوصا ان مش متاكده ان هعيش كتير ثم كملت بابتسامة:اااه بس متفتكرش ان مستسلمة انا هفضل اعافر على الاقل عشان اهلى اعتقد ان اكيد ليك سبب تعافر عشانه
عمر:…..
ملك بملل: رجع يسكت تانى طيب انا همشي وهجيلك تانى باااى
خرجت ملك وهي حاسه انها شافته قبل كده وزعلت على حاله اما هو استغرب ان شافها تانى وحزن انها عندها نفس المرض بس بعدين ضحك على طريقتها وهزارها وانها بتحاول تدعمه وهي نفسها محتاجه دعم
وتانى يوم صحيت ملك وراحت ل عمر
عمر: انتي تاني
ملك بتمثل الصدمه: احيه انت مكنتش عايز تشوفني بعينك ده انا هطلع في احلامك
عمر: وعايزه ايه تاني
ملك: ننزل نتمشى في الجنينه شويه
عمر: لا
ملك: كنت عارفه انك هتوافق ومش هتزعلنى هو ده العشم يلا بقا
اخدت من ايده ونزلت وقعدوا يتمشوا والاتنين ساكتين
ملك بزهق: انا بزهق بسرعه ما تتكلم ي عم بدل الصمت ده
عمر: اقول ايه
ملك: اللي انت عايزه
عمر: مش عايز حاجه
ملك بابتسامة: يااااه زي بالضبط عارف انا عرفت ان تعبانه من سنه ونص تقريبا رفضت اتعالج لان شوفت ملهوش لازمة العلاج امري محسوب وعملت نفسي ناسيه اخرج واتفسح واصاحب وكملت بحزن واحب بس بعدين بعد إلحاح من اهلى واخويا وصاحبتي قررت اتعالج وقولت لو انا مكتوبلي اموت اموت بس اكون حاولت ومكسرش اهلى
عمر: انا عكسك انا عايش حياتى كلها للشغل ولامى بس مكنتش حابب اكون اصدقاء لان اصلا مليش في الجو ده اصلا مبحبش اتكلم كتير واول لما سمعت ان تعبان مفكرتش غير في امي وعشان كده بتعالج
ملك بفرحه ان اتكلم: يبقي كمل مشوارك للاخر عافر انا كل مضايق اقول انا اقوى من المرض وارادة ربنا اقوى واهلى يستاهلوا اعافر عشانهم
عمر: عندك حق بس انتى شايفه تحسن
ملك بابتسامة: اشوف اي بقولك بقالى كام يوم ايوه مفيش تحسن على الاوراق بس انا ك ملك كويسه اااه صحيح انا ملك متخرجه من كليه اداره اعمال وبعرف كام لغه كده وآه بحب الكلام والضحك والهزار واكون اصدقاء عكسك يعني
عمر بابتسامة: وانا عمر متخرج من اداره أعمال صاحب
ملك بابتسامة وقاطعته:زمايل يعني
عمر:صاحب أكبر شركات استيراد وتصدير بس مبحبش الصحاب ولا الكلام الكتير
ملك بحرج: احسن برضو لازم يبقي في اختلاف انا مبحبش الملل في العلاقات
عمر باستغراب: علاقات
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ما يخبئه لنا القدر)
