رواية ما وراء الماضي الفصل العاشر 10 بقلم دودو محمد
رواية ما وراء الماضي الجزء العاشر
رواية ما وراء الماضي البارت العاشر
رواية ما وراء الماضي الحلقة العاشرة
“ماوراء الماضى”10
“البارت العاشر”
جلست نغم على الأريكة بتوتر تنتظر رجوع عدى مره اخرى لها وبعد وقت سمعت صوت خطوات تقترب إليها نهضت من على الأريكة سريعا ونظرت خلفها حملقت عينيها بصدمه وانهمرت الدموع منها بغزاره وظلت تحرك رأسها بالرفض
اقترب إليها بغضب وقال
-بقى انتى هنا يا بنت الك/لب ويا ترى بقى لمسك ولا لسه وعامله عليا شريفه ومش عايزه الزباين تقرب منك وانتى هنا مقضياها
ثم امسكها من ذراعها وقال بغضب
-امشى معايا يلا اتحركى من النهارده اسمك هيتمحى من الوجود وزى ما حصل مع ابوكى هيحصلك انتى كمان
دفعته بعيد عنها وجلست على الأرض وضعت يدها على أذنها وظلت تصرخ والدموع تنهمر منها وظل جسمها يرتعش بشده
امسكها من شعرها ارغمها على الوقوف وقال
-مش هتعمليهم عليا يا بنت مروان امشى انجرى
ارغمها على التحرك معه لكن يد عدى لكمته بوجه واسقطته على الأرض اقترب منه ونظر له بصدمه وقال
عدى :انت!! خالى محروس
حملقت عينيها بصدمه ونظرت إلى عدى بصدمه
تعالت ضحكاته الشرانيه وقال بتهكم
محروس :ابن اختى المحروسه انتوا اجتمعتوا ببعض طيب كويس علشان احرق قلبهم هما الاتنين عليكم
نظر بصدمه وقال بعدم فهم
عدى :تقصد ايه بأجتمعتوا ببعض دى وانت تعرفها منين ومين دى اصلا
دفعه بقوه أسقطه على الأرض وتجمعت رجال محروس امسكه بقوه ووضع السك/ين حول عنقه وقال بغضب
محروس :انت وبنت خالتك هتشرفوا مع بعض فى حفره واحده وزى ما شافت بعينيها ابوها وهو بي/دبح بأيدى زمان هتشوف ابن خالتها كمان النهارده بس يا عينى المرادى معندهاش اللى تخسره لأنها هتحصلك فى سعتها
تكلم بعدم تصديق وقال بسعاده
عدى :نغم !!!
حركت رأسها بالرفض والدموع تسابقة على وجينتها رافضه ما تراه بعينيها اليوم الذى تقابلة به بحبيبها تفقده مثلما ما فقدت ابيها حاولة دفع محروس بعيد عن عدى لكنها ليس لديها القوه الكافيه
دفعها بقوه أسقطها على الأرض
حاول عدى يتخلص من محروس ورجاله لكنهم كانوا ممسكين به بقوة وعندما دفع محروس نغم على الأرض هدر به بغضب وقال
عدى :متمدش ايدك عليها يا حيوان
تعالت ضحكاته الشيطانيه وقال
محروس :لا طالع راجل اوى ونحنحو زى ابوك بالظبط
وبدأ يحرك الس/كين ببطئ على عنقه وبدأت قطرات الد,ماء تسيل على الس,كين
عندما رأت نغم الدماء تذكرت ما حدث لوالدها بدأت ترى جميع الأحداث امام عينيها حاولة تتكلم مرارا وتكرارا لكنها لم تستطيع حتى شعرت بدوار شديد وبدأت الصوره تتلاشى من أمام عينيها صرخت بقوه وقالت
نغم :عدى
وسقطت على الارض فاقده الوعى
تألم بشدة وعندما فقدت نغم الوعى استجمع قوته ودفع رجال محروس بعيد عنه وبدأ يهجم عليهم واحد تلو الآخر وعندما تخلص منهم وأصبحت المعركه فى صالحه أمسك سلاحه ووجه إلى محروس وقال بغضب
عدى :والله ووقعت يا محروس والقضيه اللى فضلت مفتوحه طول السنين دى كلها انت قفلتها دلوقتى بس ليه ليه تعمل كده فى بنت اختك ليه بتكره اخواتك اوى كده
ابتسم له بشر وقال
محروس :الحكايه منتهتش يا ابن اختى لسه بدرى اوى لسه موجعتش قلب امك عليك زى ما وجعت وكسرت قلب قمر على بنتها
اقترب منه وأمسك ذراعه بقوه ووضعه خلف ظهره وابتسم بأنتصار وقال
عدى :خلصت اللعبه يا محروس جيم اوفر وخالتى ربنا جابرها برجوع بنتها تانى لحضنها أما امى ربنا بيحبها علشان جابت راجل زى عرف يوقع أشباه الرجال اللى زيك واه عايز اقولك أن امى طول عمرها مكانتش بتحبك علشان هى الوحيده اللى كانت شايفه حقيقتك
اقترب من أذنه وقال بهمس
محروس :هقتلك وهحرق قلب امك عليك حتى لو فى السجن
ضربه بالرأس فى أنفه أسقطه بالأرض فاقدا الوعى واتصل بالشرطه حتى تأتى تأخذهم ثم ركض إلى نغم وضع رأسها على قدمه وربت علي وجينتها بسعاده وقال
عدى :نغم يا نغم ردى عليا فتحى عيونك اخيرا رجعتى لحضنى اخيرا شوفتك بعيونى أنا دلوقتى بس عرفت كنت مشدود ليكى ليه قلبى كان حاسس بحاجه غريبه اتجاهك اتاريه كان عارف انك انتى نغم يا نغم فتحى عيونك بقى انتى واحشتينى اوى
بدأت تحرك رأسها ببطئ شديد فتحت عينيها رويدا رويدا حتى رأت عدى ينظر لها بحب ويبتسم بسعاده تذكرت ما حدث منذ قليل نظرت إلى الجرح المتواجد بعنق عدى واعتدلت سريعا حركت يدها عليه بدموع وتكلمت بصعوبه وقالت
نغم :ا ا انت ك ك كويس
اومئ رأسه بأبتسامه وقال بحب
عدى :أنا دلوقتى بس بقيت كويس علشان رجعتيلى يا نغم
اعتدلت وارتمت داخل أحضانه وتمسكت به بقوه وتكلمت بصعوبه وقالت
نغم :و و واحشتنى ا ا اوى يا عدى أنا مش مصدقه نفسي معقول كنت عايشه معاك تحت سقف واحد طول الوقت ده ومعرفش انك انت يااااااه يا عدى
تمسك بها بقوه وقال بحب
عدى :بس قلوبنا كانت حاسه ببعض كان فيه حاجه بتشدنا لبعض ومكناش فاهمين ايه هى اتارى اشتياق السنين هو اللى كان عامل فينا كده نورتى حياتنا يا نغم
ابتعدت عن حضنه وقالت بدموع
نغم :انا عايزه اشوف ماما خدنى عندها ارجوك يا عدى واحشتنى اوى تلاقيها اتعذبت اوى وانا بعيده عنها
اومئ رأسه بالتأكيد وقال
عدى :للاسف قمرى عاشت السنين دى كلها فى عذاب تصحى وتنام والدموع فى عينيها كلنا بنحاول نهون عليها بس مكانش فيه حاجه معوضها غيابك حتى عم أيوب اوقات كتير بيسيب اللى وراه علشان يفضل جنبها علشان متحسش بوحده إنما برضه ده مش معوضها عنك
نظرت له بأستغراب وقالت بتساؤل
نغم :هى ماما اتجوزت
أجابها بتوضيح وقال
عدى :اممم اتجوزت حب عمرها
نظرت أمامها بدموع وقالت
نغم :اتجوزت وجابت اولاد غيرى وانا اللى مفكره أنها عايشه لحد دلوقتى مستنيه رجوعى
تكلم سريعا وقال بتوضيح
عدى :ما هى فعلا مستنيه رجوعك يا نغم وحالتها ما يعلم بيها الا ربنا قومى معايا نروح ليها وهناك هقولك كل حاجه
نظرت إلى محروس بكره شديد وقالت
نغم :طيب وده هتعملوا فيه ايه
نظر إلى محروس بأشمئزاز وقال
عدى :الشرطه زمانها جايه محروس انتهى خلاص
هبت واقفه وبصقت عليه بدموع وقالت
نغم :ندل وخسيس بسببه عيشت عمرى كله محرومه من الكلام واتبهدلت على أيديه ضرب وذل واهانه ا ا انا شوفت بعيونى وهو بيق/تل بابا شوفت المنظر ده ولحد دلوقتى مش قادره أنساه يا عدى أنا فقد النطق بسبب الصدمه
احتضنها بحب وقال بصوت مختنق
عدى :من هنا ورايح مش عايزك تفكرى فى الماضى كل واحد هياخد جزائه عيشى الحاضر والمستقبل وافرحى وانبسطى يا نغم
وفى ذلك الوقت وصلت الشرطه وأخذت محروس ورجاله وصعدت نغم مع عدى السياره واتجهوا إلى الفيلا الخاصه بأيوب.
…………………………………………………….
انتفضت قمر بأستغراب ووضعت يدها على قلبها بعدم فهم نظرت حولها وتعالت أنفاسها الجميع كان يتابع ردت فعل قمر بقلق تكلم ايوب وقال بتساؤل
-مالك يا قمر فيه ايه
تكلمت بدموع وقالت
قمر :قلبى حاسس احساس غريب حاسه ان نغم قريبه منى شامه ريحتها فى مناخيرى
تنهد بحزن على ما وصلت له قمر امسك يدها وربت عليها بحنو وقال
ايوب :يا قمر حرام عليكى نفسك كفايه تعذبى نفسك وتعذبينا معاكى احنا كلنا قلقانين عليكى ارجوكى متعمليش كده
تكلمت بدموع وحركت رأسها بالتأكيد وقالت
قمر :يا ايوب انا بتكلم بجد عندى احساس غريب اوى أنها جنبى حاسه بيها وشامه ريحتها صدقنى والله
نهضت بحزن وقالت
حور :الحمدلله شبعت تصبحوا على خير
نظر لها بضيق وقال بأمر
ايوب :اقعدى كملى اكلك
حركت رأسها بالرفض وقالت
حور :مش عايزه خلاص شبعت أنا هطلع اوضى انام
وتحركت بأتجاه الدرج وانهمرت الدموع منها صعدت غرفتها وارتمت على فراشها وظلت تبكى
وفى ذلك الوقت أعلن هاتفها عن وجود اتصال نظرت به وجدته زين ابتسمت بحزن وإجابة عليه قائله
-منمتش ليه لحد دلوقتى
تكلم بصوت مختنق وقال
زين :كنتى بتعيطى صح!؟
تنهدت بحزن شديد وقالت
حور :مش قادره انسي اللى بابا عمله فيا قصاد اللى فى الشركه كلهم قلبى واجعنى اوى وهو مصمم يتعامل معايا بجفاء ده حتى مهنش عليه يجبر بخاطرى بكلمه واحده دلوقتى
تكلم سريعا وقال بتوضيح
زين :بلاش يا حور، بلاش دماغك تخدك للحته دى انتى عارفه ومتأكده أن عم أيوب بيحبك قد ايه وعارفه هو ليه بيتعامل معاكى بالطريقه دى هو عايز يخليكى شخص مسؤول علشان بعد عمر طويل ليه انتى اللى هتستلمى مكانه وهو تعب اوى على ما كبر الشركه ووصلها فى المكانه دى دلوقتى علشان كده عايزك تفكرى كويس اوى وتفهمى دماغ ابوكى واثبتى ليه انك انتى شخص قد المسؤوليه
اخذت نفس واخرجته بهدوء وقالت
حور :حاضر يا زين يلا تصبح على خير
رد عليها بأبتسامه وقال بحب
زين :استنى هنا انا مش قادر انسي اللى حصل الصبح
تكلمت بعدم فهم وقالت بتساؤل
حور:قصدك على ايه مش فاهمه
تكلم بصوت هامس وقال
زين :الحضن اللى حضنتيه ليا الصبح حاسس بريحتك فى مناخيرى حضنك حلو اوى و الصراحه بقى بعد ما دوقته مش قادر اصبر اكتر من كده انا هكلم عم أيوب فى أقرب وقت علشان نتجوز ومنحرمش من الحضن ده ابدا
ابتلعت ريقها بتوتر وتكلمت بصعوبه وقالت
حور :ز ز زين ايه اللى انت بتقوله ده ا ا انا مش فاكره إذا كنت حضنتك و و ولا لاء بس انا الصبح ك ك كنت حزينه ومش عارفه ب ب بعمل ايه
تنهد بحب وقال بأشتياق
زين :ده انتى كنتى مكلبشه فيا، ولو مكنتيش بعدى عنى فى الوقت المناسب كنت هفقد السيطره
تكلمت سريعا بخجل وقالت
حور :و الله العظيم ا ا انت قليل الادب وانا غلطانه أن رديت عليك أصلا سلام
وأغلقت الخط قبل أن تستمع منه كلمه اخرى احتضنت الهاتف وابتسمت على كلماته شعرت دقات قلبها تتراقص بسعاده أغلقت عينيها وذهبت إلى سبات عميق.
بالاسفل
دلفة قمر مع ايوب الغرفه و ذات الشعور يزداد داخلها وضعت يدها على قلبها وأخذت نفس عميق كان يتابعها بأستغراب شديد ربت على ظهرها بحنو وقال بنبره هادئه
-لسه برضه يا قمر عندك نفس الاحساس
نظرت له بدموع وقالت من بين شهقاتها
قمر :قلبى بيدق جامد شامه ريحتها حاسه انها قريبه منى اوى اول مره احس الاحساس ده يا ايوب شعور حلو اوى نفسي يكون حقيقه نفسى احضنها نفس املى عيونى بيها نغم واحشتنى اوى يا ايوب
احتضنها بحب وقال
ايوب :ياريت فى ايدى حاجه اعملها يا قمر بس كأنها فص ملح وداب دورت عليها كتير ومش لاقيها
وفى ذلك الوقت سمعوا صوت جرس الباب نظروا بالساعه بأستغراب ونهض ايوب وخرج من الغرفه واتجه إلى الباب فتحه وجده عدى نظر له بقلق وقال سريعا
-عدى فيه حاجه وايه الدم اللى على هدومك ده وايه الجرح اللى فى رقبتك ده انطق يا ابنى
ابتسم له بألم وقال
عدى :متقلقش يا عم أيوب انا كويس فين قمرى
من خلف ظهر ايوب تكلمت بقلق
قمر :عدى مالك اتكلم مين اللى عمل فيك كده
وفى ذلك الوقت لمحت فتاة تقف خلف عدى وتنظر لها بدموع
تعالت أنفاسها واقتربت منها وظلت تنظر لها بدموع حركت يدها المرتعشه على وجه نغم بعدم تصديق ظلت تحرك رأسها بعدم تصديق احتضنتها بقوه وخرجت منها صرخه دوت بالمكان كله تكلمت بعدم تصديق وقالت
-ن ن نغم بنتى ا ا انا قلبى كان حاسس انك قريبه منى واحشتينى اوى يا بنتى واحشتينى اوى يا ضنايا بقيتى عروسه زى القمر
وظلت تقبل وجهها وذراعها ويدها
تمسكت بها بقوه وقالت بدموع .
نغم :و و واحشتينى اوى يا ماما لسه زى ما انتى قمر
تمسكت بها بقوه وقالت بدموع
قمر :ياااااه يا بنتى اتكلمى سمعينى صوتك اروى قلبى بكلامك اتكلمى يا نغم اتكلمى يا حته من قلبى وقوليلى ماما عوضينى حرمانى منك طول السنين دى
تكلم بعدم تصديق وقال
ايوب :نغم !! طيب ازاى وصلتها امته وفين وازاى يا عدى
تكلم بصعوبه وقال بألم
عدى:كانت معايا وجنبى طول الوقت ده ومكنتش اعرف انها نغم
أدخلتها إلى الداخل واجلستها على الأريكة وظلت تحرك يدها على وجهها بدموع وامسكت يدها قبلتها بحب واشتياق وقالت بدموع
قمر :قوليلى كنتى فين طول السنين اللى فاتوا دى مين اخدك منى وحرمنى منك العمر كله كنتى عايشه ازاى اتوجعتى اتظلمتى عيطى جوعتى نمتى فى يوم سقعانه طيب نمتى كام مره دموعك على خدك ياااااه يا نغم انا حاسه نفسى بحلم جميل مش عايزه أصحى منه
ارتمت داخل أحضانها وتمسكت بها بقوه وقالت من بين شهقاتها
نغم :أنا اتبهدلت اوى يا ماما وانا بعيده عنك عيشت حياة صعبه على اى حد يستحملها شوفت اهانه وظلم من واحد المفروض أنه يكون والد ليا منه لله حسبى الله ونعم الوكيل فيه
ربت على ظهرها بحنو وقالت
قمر :ششش من النهارده مش عايزه اشوف دموعك دى تانى على خدك كفايه دموع ليا وليكى يا نغم احنا صبرنا وفى الاخر ربنا ادانا على قد صبرنا ده
نظرت لها بدموع وقالت بتساؤل
نغم :مش عايزه تعرفى مين اللى اخدنى منك وحرمنا من بعض طول السنين دى مين اللى عذبنى وكسرنى ووجعنى
نظرت لها بترقب واومأت رأسها حتى تحسها على التكلم
تدخل عدى بألم سريعا وقال بصوت مختنق
-مش وقته يا نغم مش وقته يا قمرى خلى اللحظه دى لفرحتكم وبس بلاش تعكننوا على بعض دلوقتى
نظروا له بقلق ونهضت نغم واقتربت منه وضعت يدها على رأسه وقالت
-عدى حرارتك عاليه انت كويس !؟
ابتسم لها بألم وقال
عدى :متقلقيش يا نغم انا كويس
نظرت إلى الجرح بقلق وقالت
قمر :يا ابنى انت كويس ازاى بس ده الجرح بينزف جامد قوم معايا
ونظرت إلى ايوب وقالت
-جهز العربيه يا ايوب
اومئ رأسه بالموافقه وخرج سريعا حتى يحضر السياره
نظرت له بأستغراب ونظرت إلى والدتها وقالت بتساؤل
نغم :هو ده جوزك
نظرت إلى أثره وابتسمت بحزن وقالت
قمر : ده منقذى يا نغم ده اللى كان بيقوينى ويصبرنى على بعدك عنى تعالى بس نطمن على عدى وهبقى احكيلك كل حاجه وهعرفك على اخواتك واعرفهم عليكى
نظروا إلى عدى وجدوه فقد الوعى تكلمت بخوف وقلق وقالت
نغم:الحقى يا ماما خليه يجى يخده بسرعه ده اغمى عليه بسرعه
ركضت قمر إلى الخارج وهتفت على ايوب حتى يأتى سريعا جاء مهرولا إليها ورأى عدى فاقد الوعى حمله هو رجاله ووضعوا داخل السياره وذهبوا إلى المشفى
وضعت نغم رأسها على صدر قمر وظلت تبكى بخوف وقلق على عدى
ربت على ظهرها بحنو وقالت بنبره هادئه
قمر :أهدى يا حبيبتى أن شاءالله هيكون كويس عدى راجل وقوى وعنده دافع قوى علشان يتمسك بالحياه كويس اوى
نظرت له وازدادت دموعها وقالت من بين شهقاتها
نغم :يااااارب نفسى فى فرحه تريح قلبى ما صدقت رجعت لحضن ماما ملحقتش تكمل فرحتى وحصل ليه كده ليييييه
وتمسكت بوالدتها وظلت تبكى
وبعد وقت وصلوا أمام المشفى ودلفوا إلى الداخل وبدأ الطبيب يفحص جرح عدى وجده سطحى وليس عميق لكنه فقد دماء كثيره بدأ بتنظيف الجرح وبحثوا له عن نفس فصيلة دمائه لكنه لم يجدوا خرج الطبيب وأبلغ ايوب وقمر عن احتياجهم لدماء سريعا ولكنهم لم يجدوا زمرد دمائه تسألت نغم عن نوع فصيلته ووجدتها نفس نوع فصيلتها وطلبت من الطبيب أن تعطيه دمائها دخلت مع الطبيب وجلست على المقعد وبدأت الممرضه تضع لها المعدات الطبيه تحت نظرات نغم الخائفه على عدى ظلت تتابعه بدموع وامسكت يده ووضعت رأسها على صدره وقالت بحب
-فوق يا عدى أنا ما صدقت لاقيتك ورجعت لحضنكم قوم وابتسم ليا ابتسامتك اللى بتخطف قلبى من اول لحظه اتقابلنا فيها ،طيب عارف انا من اول مره شوفتك فيها قلبى اتشد ليك كنت حاسه بحاجه جوايا بتأكدلى ان اعرفك من زمان أن فيك حاجه منى كنت بكدب احساسي ده علشان مخونش وعدى لعدى ابن خالتى اللى حلمت بى كتير وكنت هتجنن واعرف شكله ايه ط ط طيب اقولك سر يوم ما بوستنى انا مزعلتش بالعكس كنت فرحانه وقلبى كان بيرقص من جوايا كان نفسي متبعدش كان نفسي افضل فى حضنك
وفى ذلك الوقت شعرت بيد عدى تتحرك على ظهرها نظرت له وجدته ينظر لها بأبتسامه حنونه احمرت وجينتها من شدة الخجل أبعدت يدها عنه سريعا وقالت بتلعثم
-ع ع عدى انت فؤقت امته
تنهد بحب وقال
عدى :من ساعة ما كنتى فرحانه بالبوسه
ابتلعت ريقها بصعوبه وقالت
نغم:ها ا ا انت سمعت
حرك يده على وجينتها بحب وقال
عدى :وانا كمان كنت فرحان بيها اوى قلبى كان طاير من الفرحه بس حبى لنغم اللى هو انتى خلانى ابعد انب نفسي واحس بالخيانه اتجاهك حبى ليكى اللى كان بيزيد كل يوم كان مجننى أنا عيشت عمره كله مخلص لنغم ازاى فى يوم وليله اتشد ليكى بالطريقه دى ازاى قدرتى تستحوذى على قلبى بالسرعه دى اتارى انتى و نغم واحد انتى طفلتى اللى بعدت عن حضنى بعد ما رسمنا حياتنا سوا بنت قلبى اللى كنت بخبيها من العالم كله جوه حضنى أنا دلوقتى بس عرفت سبب حبى ليكى ايه يا نغم
نظرت إلى الأرض بتوتر وابتسمت بصعوبه وقالت
نغم :و و وافرض أن انا مكنتش طلعت نغم بنت خالتك ك ك كنت هتعمل ايه هتنسي حبك ليا ولا كنت هتبعد علشانها
امسك يدها وقبلها بحب وقال
عدى :مكنتش هحبك من اساسه لأن فى قلبى واحده وبس ومستحيل حد تانى ياخد مكانها
ابتسمت له بحب وقالت
نغم :بس تلاقى البنات كلها هتموت عليك ظابط طول بعرض حلو وعنده غمزات مش معقول مافيش واحده اتشديت ليها
تعالت ضحكاته على كلماتها وأحاط خصرها بذراعيه وقال
عدى :أنا قلبى مشغول بواحده بس هو انتى يا نغم عيشت سنين عمرى اللى فاتوا ليكى وهيعيش الباقى من عمرى اللى جاى برضه ليكى
ابتلعت ريقها بصعوبه وقالت بتلعثم
نغم :ع ع عدى سيبنى مينفعش كده حد يدخل علينا واحنا بالمنظر ده
ابتسم لها بحب وابعد يده عنها وقال بصوت هامس
عدى :ابقى فكرينى ليكى بوسه تانيه عندى مدام عجبتك الاولانيه
وغمز لها بعينه
احمرت وجينتها بشدة ونظرت الاتجاه الآخر وابتسمت على كلماته له
وفى ذلك الوقت دلفة بتول بخوف ولهفه تكلمت من بين شهقاتها وقالت
-ابنى حبيبى مالك ايه حصلك يا قلب امك طمنى عليك يا عدى
ابتسم لها ابتسامه هادئه وقال
عدى :أهدى يا ماما متقلقيش عليا أنا كويس واكتر وقت فيه أنا قوى علشان دم نغم اختلط بدمى
حملقت عينيها بصدمه ونظرت إلى نغم بعدم تصديق وقالت بسعاده
بتول :ن ن نغم انتى نغم طيب ازاى
احتضنتها بحب وقالت بسعاده
نغم :خالتو بتول لسه قمر زى ما انتى
ربت على ظهرها بحنو وامسكت بها بشده وقالت
بتول :ياااااه يا نغم واحشتينى اوى يا حبيبتى بس كبرتى اوى واحلوتى كده ليه يا بت بقيتى نسخه من امك انا حاسه ان شايفه قمر اختى قصادى يا سبحان الله
ابتعدت عنها وقالت بسعاده
نغم :واحشتونى اوى يا خالتو اه لو تعرفوا أنا ايه حصلى طول السنين اللى فاتت دى وانا بعيده عن حضنكم أنا اتعذبت اوى اوى يا خالتو
امسكت يدها بحزن وقالت
بتول :كنتى فين طول السنين دى كلها يا نغم احنا مخلناش حته الا لما دورنا عليكى فيها مين اخدك مننا طول السنين دى يا حبيبتى
تكلمت بدموع وقالت
نغم :اللى أخدنى منكم خالو محروس يا خالتو قتل بابا وخطفنى عذبنى وضربنى شوفت على ايده الذل والاهانه لدرجة أنه كان عايزنى اعمل حاجات وحشه مع الرجاله أنا بكرهوا اوى، طيب انتى عارفه أنا عيشت كام سنه خارسه مش بتكلم بسبب صدمه عصبيه لما شوفته وهو بيقتل بابا من وقتها وانا فاقده النطق وكلامى كله بالاشارات
كانت تتابع كلماتها بذهول لم يخطر على بالها أن أخيها يكون بهذه القذاره هى تعلم جيدا حبه للأموال لكنها لم تتوقع يصل به الحال إلى ذلك
بتول بصدمه: محروس اخويا هو اللى وراه تعذيبنا طول السنين اللى فاتت دى طيب ليه عمل كده وايه وصله ليكى انتى وابوكى
تكلمت بتوضيح وقالت بدموع
نغم :أنا كل حاجه حصلت فكراها كأنها دلوقتى فاكره لما بابا خطفنى من ماما وكان ناوى يخدنى ونسافر من مصر وأثناء ما كان بيحضر الورق بتاع السفر جات نجلاء وحاولة تقرب من بابا بس هو بعدها عنه وقالها إن انا معاه ومينفعش يحصل حاجه دلوقتى دخلت عملت ليه قهوه واديتها ليه وفى الوقت ده جه واحد اسمه عامر اتخانق معاه وبابا طرده من البيت وقاله لو شافه هنا تانى هيقتله ومافيش دقايق كان بابا حس بتعب وجه خالى محروس طلب منه فلوس علشان اللى أخدهم منه خلصوا بس هو رفض بس ظهر اوى التعب على بابا ومره واحده قعد على الكرسي وطرد خالى محروس بس هو اتهجم عليه وقاله أنه عايز فلوس ضرورى بابا رفض
أغلقت عينيها بدموع وظل جسدها ينتفض بشدة وقالت بصوت مرتعش
-ر ر راح مسكه بس/كينه و و ود,بحه لما شوفت المنظر قعد اصرخ خرجت نجلاء واتخنقت معاه وقعدت تضرب فيه وتقوله
احنا متفقناش على قتل يا محروس احنا اتفقنا أننا نخدره وناخد الفلوس ونهرب ليه عملت كده ليه بس هو ضربها وقالها إن هو إللى استفزه وجه عليا وكان عايز يق/تلنى أنا كمان بس نجلاء منعته وقالت مش هتسمح ليه أنه يقرب منى وأنها هتخدنى معاها بعد مشدات كتير وافق ودخل اخد الفلوس كلها اللى فى الخزنه واخدنى أنا ونجلاء وهرب بينا فى منطقه شعبيه حته كانت قذره فيها ناس شكلها غريب وقعدنا فى المكان ده كذا سنه كنت فقد النطق وكان كل يوم يضرب فيا ويسيبنى بالايام من غير اكل كانت نجلاء حنينه عليا كانت اوقات بتوقف ليه وتخدنى منه وأوقات كانت تستنى لما ينزل وتدخلى الاكل من وراه فضل معايا على النظام ده لحد ما كبرت هو هو نفس الذل والاهانه بس كان فتح شقه مشبوهه وكنت بشوف كل يوم قرف وحاجات صعبه تتخيليها لحد ما فى يوم طلب منى ا ا أن ادخل مع راجل الاوضه ولما مرضتش مسكنى من شعرى ودخلنى عنده بالغصب بس من الخوف اغمى عليا والراجل مقربش منى وبعد كده بقى كل ما يحاول يخلينى أعمل كده كانت نجلاء توقف ليه وتمنعه أنه يقرب ليا وفضلت عايشه معاه لحد ما الشرطه هجمت على البيت ده واخدتنى معاهم وهناك اتقابلة مع عدى واخدنى عنده الفيلا ومحروس عرف المكان وجه هجم علينا وهو اللى عمل فى عدى كده وانا لما شوفت منظره وهو بيمشى السكينه على رقبته افتكرت اللى حصل لبابا قصاد عيني وحاولة اصرخ لحد ما صوتى رجع تانى ليا
كان عدى يستمع لنغم وهو يشتعل غضب من داخله ود لو طال محروس وأخرج روحه بيده
كانت بتول تستمع لنغم والذهول يجتاح ملامح وجهها تكلمت بصدمه وقالت
بتول :محروس اللى قتل ابوكى وخطفك وفاتح شقه مشبوهه انا مصدومه بجد هو اه طول عمره ندل وخسيس وواطى بس عمرى ما توقعت أنه يوصل لكده ابدا بس ودينى لو شوفته قصادى دلوقتى لكنت طلعت روحه بسنانى على اللى عمله فيكى ده واللى عمله فى ابنى
نظر لها بترجى وقال
عدى :بس بلاش تقولى حاجه لقمرى دلوقتى يا ماما خليها مبسوطه وسعيده برجوع نغم لحضنها لو عرفت أن محروس ده وراه كل اللى هى عاشته هتنكد على نفسها وقلبها هينكسر تانى
ثم نظر إلى نغم وقال
-وانتى يا نغم بلاش تقولى ليها حاجه دلوقتى كل ما تسألك اتهربى من الاجابه بأى موضوع تانى امك اللى شافته طول السنين اللى فاتت دى مكانش سهل امك اتعذبت فى غيابك اوى يا نغم
اومأت رأسها بتفهم وقالت
نغم :حاضر يا عدى انا حاسه بعذبها ده لان أنا كمان عيشت نفس العذاب ده فى بعدى عنها
وفى ذلك الوقت دخلت قمر ونظرت لهم بأستغراب وقالت
-انت فؤقت يا عدى طيب ليه محدش قالى
ابتسم لها بحب وقال
عدى : تلت قمرات معايا فى الاوضه وربنا أنا محظوظ
ابتسمت على كلماته وتحركت بأتجاه قمر ووضعت رأسها على صدرها وقالت بحب
نغم :من النهارده انتى قمرى أنا بس مش قمر اى حد تانى
تكلم بأبتسامه وقال
عدى :تقدرى يا قمرى ده أنا اللى فى القلب
قبلت رأس نغم وقالت بسعاده
قمر :انتوا نن عينى من جوه أنا حاسه أن انا فى حلم جميل اوى مش عايزه أصحى منه ربنا يخليكم ليا يا ولاد وميحرمنيش منكم يارب
دخل ايوب ونظر إلى قمر بسعاده وقال
-لا أنا هغير كده هى نغم هتخدك منى ولا ايه
نظرت له بأحراج وقالت بأسف
نغم :ا ا انا اسفه يا عمو مكنتش اقصد بس ماما كانت واحشانى اوى
اقترب منها وأمسك يدها وقال بأستغراب
ايوب :ايه عمو دى انا أسمى بابا ومن هنا ورايح عايزه اى حاجه هتطلبيها منى أنا مش عايزك تتكسفى منى زيك زى حور بالظبط
نظرت له بأستغراب وقالت بتساؤل
نغم :حور!! مين دى
اجابتها بحب وقالت
قمر :حور تبقى اختك يا نغم وكمان زياد يبقى اخوكى بكره أن شاءالله تشوفيهم لأنهم دلوقتى نايمين
اومأت رأسها بالموافقه وقالت
نغم:أن شاءالله أنا متشوقه اوى اشوف اخواتى واتعرف عليهم
وفى ذلك الوقت وجدت وليد يركض إليها ويأخذها داخل أحضانه وقال بأشتياق
-نغم حبيبتى واحشتنى اوى اوى يا بنت الغالى ياااااه قد ايه كنت مشتاق ليكى يا بنت اخويا كنتى فين كل ده ومين اللى كان خطفك طول السنين دى وحرمنا منك قوليلى وانا هشرب من دمه
تمسكت به بقوه والدموع انهمرت من عينيها وقالت بصوت مختنق
نغم :ياااااه يا عمو وليد واحشتنى اوى واحشنى حضنك الحنين ده عليا واحشنى طيبتك وخوفك عليا واحشنى كلامك وخفت دمك انت اكتر أنسان حبيته وافتقده اوى السنين اللى فاتت
قبل رأسها بحنو وقال بسعاده
وليد :بقيتى عروسه زى القمر طالعه نسخه من امك يا حبيبتى يلا بقى عريسك مستنيكى
ونظر إلى عدى
تكلم بتهكم وقال
عدى :ده على اساس سألت انت فى العريس المصاب ده عمال تحب بس فى بنت اخوك وسايب ابنك اللى مرمى على السرير ده
تعالت ضحكاته وقال بفخر
وليد :علشان عارف ان ابنى بطل وقوى ومافيش حاجه تهزمه ولا تقدر عليه
حرك رأسه يمينا و يسارا وقال
عدى :مشكلتى أن ضعيف اوى قصاد كلامك بتبلفنى فى ثانيه والله ماشى يا ابو عدى هعديها ليك المرادى علشان خاطر نغم حياتى
احمرت وجينتها بخجل وقالت بتلعثم
نغم :احم اقعدى يا ماما واقفه ليه
الجميع ضحك على خجل نغم ومداعبة عدى لها وفى ذلك الوقت دخل ريان بقلق شديد واقترب من عدى وقال
-عدى يا حبيبى مالك طمنى عليك
ربت على يده وقال بنبره هادئه
عدى :أهدا يا بابا متقلقش أنا كويس والله
حرك يده على عنقه وقال بغضب
ريان :كويس ازاى بس اومال ده ايه قولى مين عمل فيك كده وانا هشرب من دمه
حرك رأسه بالرفض وقال
عدى :يا حبيبى انا والله كويس وزى الفل متقلقش بس واهدا شويه بدل جسمك اللى بيرتعش من القلق ده
عندما رأته توترت بشده ونظرت إلى وليد بقلق رأته ينظر إلى ريان نظرات ناريه اقتربت منه سريعا وامسكت يده ونظرت له بترجى
ربت على يدها حتى يطمئنها
نظر إلى والده وقال بسعاده
عدى:مش تسلم على نغم يا بابا اخيرا رجعت لينا
نظر لها بصدمه وقال
ريان :نغم رجعتى مش معقول حمدلله على السلامه يا بنتى
صافحته وقالت بأبتسامه
نغم :الله يسلمك يا عمو حضرتك بتزيد حلاوة كل ما بتكبر وعدى فيه شبه كبير اوى منك
تكلم سريعا بضيق وقال
وليد :عدى ابنى طالع شبهى أنا
نظر له بضيق وقال بغضب
ريان :هو انت عايز تخليه ابنك بالعافيه ده ابنى أنا ومن صلبى وطالع شبهى أنا
تكلم بصوت هامس وقال
عدى :ليه يا نغم تقولى كده اهو ما صدقوا علشان يتخانقوا مع بعض
ثم تكلم بصوت مرتفع وقال
-ااااه مش قادر الجرح بيشد عليا اوى
الجميع انتبه له وركض وليد وريان عليه وكل واحد منهما بدأوا يطمنوا عليه
نظر أيوب عليهم وابتسم على ما فعله عدى حتى يهدأ الجو قليلا بين وليد وريان .
……………………………………………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ما وراء الماضي)
