رواية ما لا يحبه القراء الفصل الأول 1 بقلم إسراء درويش
رواية ما لا يحبه القراء الجزء الأول
رواية ما لا يحبه القراء البارت الأول
رواية ما لا يحبه القراء الحلقة الأولى
آسر: حور
حور: حاضر يا آسر جاية اهو
اسر: سيبي اللى في ايدك بسرعة وتعالي شوفي ابنك
حور: طيب النار على الأكل ههديها واجي
ايه ده يا اسر سايب ابنك يبهدل الدنيا وقاعد على الموبايل طب كنت سكته لحد اما اخلص
ليان: ااااه ماما
حور: في اي يا ليان
يا نهار اسود ابعدي عن الازاز ده ابعدي
ااااااه
ليان بعياط: بابا ماما اتعورت وهي بتلم الازاز
اسر:…….
حور انا جعان!
حور: ثواني والأكل هيجهز
اسر: فين هدومي؟
حور: على السرير يا آسر
اسر: فيييين يعني مش لاقي حاجة
حورهاجي اجبهم انا
اتفضل اهم والأكل جهز
سيب الموبايل يا اسر ويلا عشان ناكل
اسر: طيب
الأكل ده ناقص ملح ومالوش طعم
حور: انا اسفة ماخذتش بالي
اسر: وانا اعمل ايه بأسفك اكله يعني
حور: يا اسر انا طول النهار تعبانة بعمل مليون حاجة
معلش انا فعلاً ماخذتش بالي
اسر: بتعملي اي يا هانم انتي طول اليوم قاعدة وانا مطحون في الشغل وحتى اللقمة مش عارفة تعمليها
حور: قاعدة؟!
اسر: خلاص بلاش قرف وصداع انا قايم انام
_انا تعبت انا تور في ساقية مبيهداش انا مبقتش حِمل كل ده حياتي كُلها بقت روتين مُمل بايخ وحتى مفيش كلمة واحدة تتطيب خاطري بعد التعب
فوقت من شرودي بعد اللى اسر عمله ومسحت دموعي واتكلمت مع اولادي
حور: كلوا يا حبايبي انتوا يلا عشان تكبروا
نظرة الارتياب اللى على وشهم ب 100 كلمة
خلصوا أكل ولميت السُفرة وغسلت المواعين وبدأت أذاكر مع الاولاد
ليان: ماما مش فاهمة دي
زين: ماما دي بتتحل ازاي
ماما
ماما
ماما
_مليون ماما بتتقال طول اليوم تعبت
انك تكوني أم لطفلين ده صعب مع بيت وزوج حياة صعبة
حور: خلصنا المذاكرة اهو وانا هقوم احضر أكل لبابا لانه مأكلش اقعدوا هنا في هدوء ومتبهدلوش الدُنيا
حور: آسر انت صحيت
كويس انا حضرتلك أكل تاني تعالى كُل
اسر: لاء مش عاوز انا نازل لأصحابي
حور: نازل! مش كنت وعدتني نقعد سوا النهاردا
اسر: اقعدي لوحدك يا حور انا نازل افك عن نفسي شوية
قفل الباب ومشي
طب وانا ماليش نفس افك عن نفسي انا فين من ده كُله يا اسر؟!
عشيت الاولاد ونيمتهم وبدأت خلوتي مع الله
والوقت عدى واسر اتأخر اوي الساعة بقت 2 الصبح
رنيت عليه…..
حور: ألو يا اسر
اسر: ايوة يا حور خير انتي والاولاد كويسين
حور: ايوة الحمدلله
اسر: طيب بتتكلمي ليه؟
حور: قلقت عليك يا اسر انت اتأخرت ليه؟
اسر: هو انا طفل يا حور يعني ايه اما اتأخرت شوية مع أصحابي الدنيا طارت
حور: انا انا مقصدش والله انا بطمن عليك
اسر: طيب اطمني انا كويس
حور: ماشي يا اسر سلام
ع_لاقتي بآسر وصلت لمكان مكنتش اتمنى يوم توصله
كنت بسمع عن الرتابة في العلاقات والروتين بعد الجواز بس مكنتش اتخيل اني اوصله
فلاش باك
اسر: أكلتي يا حور
حور: اه الحمد لله
اسر: عملتي اي في يومك
حور: عادي يوم روتيني مُمل روحت الجريدة ورجعت اتغديت ونمت
اسر: مبتحبيش الروتين
حور: بخاف منه
اسر: ازاي
حور: بخاف ابقى شخص عادي في حياة حد كنت كُلها في وقت ما
بخاف اكون زي اي كُرسي في مكان مبيتحركش من مكانه والناس اتعودت عليه لدرجة انها مبتبصش ناحيته لانهم متاكدين انه باقي ومش بيتحرك
اسر: كلام كبير وفلسفي
حور: لاء والله خالص يا أسر انا بقول اللى انا حاسة بيه
اسر: وانا اوعدك انك عمرك ما هتحسي معايا الاحساس ده
باك
اهه غريب الانسان كل مخاوفه بتتحقق فجأة اكتر حاجة غلط في الدنيا انك تعمل نفس الغلطة اللى عملها غيرك وتستنى نتيجة مُختلفة
_____________________
حور: آسر انت جيت امتى
اسر: انا انا جيت من شوية
حور: وبتكلم مين في الوقت ده
اسر: ها لا ولا حد انتي اي صحاكي دلوقتي
حور: قلقت كنت حابة اطمن عليك
اسر: كويس انا كويس ادخلي نامي
حور: دخلت انام انا شاكة انه بيخوني اصل دي هي اللى ناقصة الرواية
رواية كل بيت مصري بعد الجواز وده اخر فصل في الرواية
شئ مُمل لما تبقى عارف سيناريو حياتك ومستنيه يحصل في وقته
______________
حور: صباح الخير يا آسر
اسر: صباح النور
حور: انت مش ناسي حاجة
اسر: حاجة اي
حور: لاء مفيش حاجة
اتفضل فطارك اهو
اسر: ماشي سلام
____________
فلاش باك
اسر: كل سنة وانتي طيبة ياحبيبتي
حور: وانت طيب يا حبيبي
اسر: ده اول عيد جواز لينا وعقبال ال100
حور: يا لهوي كدا كتير عاوزني اعيش كل ده
اسر: ربنا يديلك طول العمر يارب
حور: ربنا يباركلي في وجودك يارب
اسر: دي هدية عيد جوازنا الاول
حور: حلوة اوي يا اسر ربنا يباركلي فيك
اسر: لما يجي عيد زواجنا العاشر ان شاء الله هتبقى هديتك كبيرة بحجم حبي ليكي بعد 10 سنين
حور: تفتكر يا اسر هتفضل تحبني بعد 10 سنين
اسر: هفضل احبك العمر كله طبعاً
باك
ياريتك فضلت تحبني زي الاول حتى يا اسر مكنتش بتنسى اي ذكرى بينا كل حاجة كانت رومانسية جميلة
ليان: ماما
حور: جاية يا حبايبي اهو
يلا يا حلوين عشان ننزل
الساندوتشات اهي
والسبلايز في الباجز يلا يا حلوين عشان اوصلكم
__________________
بعد المدرسة
زين: مامي احنا جعانين
حور: حبايب مامي اغسلوا اديكم وبابا جه الحمد لله عشان ناكل سوا
اسر: كلو انتوا انا اكلت برة
حور: اكلت؟! ليه يا اسر احنا بنستناك
اسر: بتستنوا ليه
حور: ده الوقت الوحيد اللي بنقعد فيه سوا
اسر: متستنونيش تاني
حور: تعالوا ناكل احنا يا حبايبي عشان تروحوا لتيتة تقعدوا هناك شوية
_____
حور: اسر اصحى
اسر: عاوزة اي يا حور
حور: زعاوزة اعمل مُكالمة من موبايلك الباسورد ايه
اسر: تاريخ ميلاد زين
حور: ماشي نام
_______$
عمري ما فكرت اني ممكن اعمل كدا واضطر افتش في حاجة تخصك يا اسر بس انا مضطرة اعرف
__________
حور: اسر
اسر: عاوزة اي بقا سبيني اتخمد
حور: اصحى يا اسر عاوزة اتكلم معاك
اسر: حور انا عاوز انام
حور: وانا عاوزة احكي ده حقي انا مش عارفة اتكلم معاك من شهرين تحب اخد ميعاد مسبق عشان اتكلم مع جناب الرئيس نا عاوزة اتكلم قوم
اسر: في ايه انتي بتتكلمي كدا ليه
حور: مين هبة دي يا اسر؟!
اسر: هبة مين؟!
حور: هبة اللى اتغديت معاها النهاردة وخرجت معاها امبارح
هبة اللى بتفطر معاها كل يوم
هبة اللى بتحكيلها تفاصيل حياتنا
هبة اللى واخدة حقي
ميييين دي؟!
اسر: انتي بتفتشي ورايا
حور: وانت بتخوني يا اسر؟!
بتخوني ليه
اسر: انا مخنتكيش وبعدين انتي بتسالي انتي ليه ممكن تتخاني؟! ليه انتي مش شايفة نفسك!
حور: ااااااه تعالى كدا واجه انا مش شايفة نفسي
لاء شايفة نفسي يا سيادة الباشا عندي مرايا على فكرة
شايفة واحدة صدقت وعود واهية وراجل زي كل الرجالة شايفة كرسي محطوط مبتبصلوش لانك ضامنه شايفة ست طافحة الدم
غسيل وطبيخ وكنس وتربية اولاد، شايفة واحدة اتخلت عن شُغلها وكريرها عشان تبني أسرة شايفة ست بتستخسر في نفسها اللبس والميكب عشان الميزانية لا تسمح، شايفة ست بهتانة مفيش وقت تبص لنفسها فيه شايفة ست مريضة مبقتش تقدر تتحرك من مكانها و مبتاخدش ابسط حقوقها ان حد يسمعها ويطبطب عليها ويطيب بخاطرها ويشيل عنها حِمل الايام
بس برده شايفة راجل اناني مبيبصش غير لنفسه
اسر: انتي بتحاسبيني على اختيراتك ليه انا مجبرتكيش انا مطلبتش منك كل ده
حور بانهيار وصريخ: صح عندك حق انا الغبية اللى ضحيت انا اللى كنت شايفة انك وبيتي واولادي اولى بكل وقتي وبكل جنيه
انا الغبية يا اسر
من 10 سنين يا اسر وعدتني انك هتهديني كل الفرحة اللى في الدنيا والنهاردا بقولك انت ادتني كل الوحش اللى في الدنيا
النهاردا ذكرى زواجنا العاشر كنت اتمنى اني في اللحظة دي اكون بنيت اسرة كويسة
بس اللى انا بنيته يا اسر انت هديته بخيانتك ليا
10 سنين من عمري ضاعوا في وهم الله يسامحك يا اسر الله يسامحك
اسر: اهدي حور انا اسف والله ما خونتك دي مجرد صديقة شغل والله ما خونتك ده مجرد كلام
حور: التفكير نفسه خيانة دخول ست حياتك خيانة اي كان المسمى
الحرام نفسه يا اسر مبيتغيرش ولا بيتلون
ومفيش مبرر للخيانة حتى لو بالكلمة
لو انا كان في حياتي شخص تاني صديق كنت هتتحمل
اسر:…….
حور: رد
اسر: انا اسف انا مقصدتش والله مفهمتهاش كدة
حور: لاء يا اسر انت عندك حق انا فعلاً اللي استاهل انا اللى غبية بس خلاص انا فوقت
فوقت وهتغير ومش هسمح لحد انه يتحكم في حياتي وهتغير ووعد هبص في المرايا
_________
سبته وبعدت مقدرتش اسيطر على دموعي كل اللى فات كان حاجة والخيانة حاجة تانية
احساس ان طاقتك اللى خلصت وروحك اللى تم استهلاكها مكنتش كافية قادر يهدك
بس اللى لازم اتعلمه
ان التضحية في غير مكانها غباء والثقة في غير ناسها خذلان
__________________
بعد يومين
حور ببرود: انا لاقيت شغل وهرجع اشتغل تاني
اسر: ليه؟!
حور: هرجع لكاريري اللى نسيته واتخليت عنه يا اسر واللى انت مطلبتش مني اني اسيبها
اسر: يا حور انا…
حور: اسر لو سمحت انا مش حابة اتكلم
اسر: ماشي يا حور اشتغلي
اسفة يا اسر بس خطتي لازم هنفذها لازم اجيب حقي منك…….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ما لا يحبه القراء)
