رواية ما في قلبي الفصل الحادي والعشرون 21 بقلم يارا عبدالسلام
رواية ما في قلبي الجزء الحادي والعشرون
رواية ما في قلبي البارت الحادي والعشرون
رواية ما في قلبي الحلقة الحادية والعشرون
الليل جه وفارس حاله مسدج على الفون بتاعه كانت من المعمل..
واتفاجئ من اللي شافه…..
_اي حامل!!!!!
فارس اتصدم ازاي حامل ازاي دا لا اكيد التحاليل فيها حاجه انا استحاله اشك فيها لا مش هاخدها بذنب امها لا نور بريئه انا متاكد انا لازم اروح المعمل واتاكد بنفسي بكرا الصبح بس انا مش هقدر استنى انا حاسس اني عاوز أولع في كل حاجه حواليا
قعد وحط راسه بين ايديه حاسس ان جواه نار مش هتبرد الا لما يعرف الحقيقه مش عاوز يظلمها علشان ميخسرهاش للابد …
نور دخلت:مالك يا فارس في حاجه الدكتور بعتلك التحاليل
فارس وهوا يبعد عينيه عنها:لا يا نور لسه مبعتهاش بكرا هروح بنفسي اجيبها انتى حاسه انك احسن دلوقتي
نور:اه شويه بعد ما شربت كوبايه قهوه
فارس:مش ملاحظه انك بقيتي تشربي قهوة كتير
نور:اعمل اي الصداع اللي في دماغى هيموتني بس حاسه ان القهوة المرادي مفعولها قوى ومصحصحاني
فارس بقلق:ازاي يعني
نور:يعني حاسه ان مزاجى عالى وجوايا طاقه مش عاديه مستغربه نفسي اووي انا في العادي مكنتش كدا
فارس بشك:طيب يارب دايما يا حبيبتي قام من مكانه
نور وقفته:رايح فين
فارس باستغراب:هنزل اجيب كتاب وجاي
نور وقفته بعياط:متسبنيش لوحدي علشان بخاف
فارس باستغراب:انا هنزل تحت وجاي على طول متقلقيش
نور:لا خدني معاك
فارس:خلاص مش هنزل خالص
قعد وهى قعدت جنبه ومسكت ايده
فارس حس انها مش على طبيعتها وان فيها حاجه مش طبيعيه
فارس:انتي فيكي حاجه يا نور حاسه بايه
نور بهلوسه:حاسه انى بحبك اوووي متبعدش عني يا فارس
وحطت راسها على كتفه ودا اكدله انها شاربه حاجه او بيتحطلها حاجه في القهوة أو القهوة دي اللي بتعمل كدا !!
فارس:وانا كمان يا حبيبتي بحبك وعمري ما ابعد عنك يلا بقى علشان تنامى
نور:بس متبعدش عني ماشي
فارس:ماشي
فارس خدها في حضنه ونيمها وهوا بيفكر اي اللي بيحصلها دا وان دي مش طبيعتها
فارس لنفسه:انا كنت هظلمها لو كنت واجهتها بالحقيقه الحمد لله انى قدرت امسك نفسي والا كنت خسرتها بقيت عمري وانا متاكد ان نور عمرها متعمل كدا لو كنت شاكك فيها لحظه مكنتش اتجوزت..
فارس حس أن في خيال واقف في البراندا بيتسنط عليهم
ساب نور وقام من مكانه واتسحب علشان مياخدش باله فتح البراندا وفجأه مشافش حد
فارس:اكيد دي مش تهيئات اكيد في حد هوا اللي بيعمل دا كله وفي البيت هنا ومسيري هعرفه
نور صحيت الصبح
وكان فارس نايم
نور:هوا انت كل يوم تنيمني في حضنك كدا والله عيب
وسع كدا بعضلاتك دي هتسد علينا البيت بعد كدا قال عاملى سكس باك قال اتاري البنات بتقعد تعاكسه في الجامعه
اااه يا دماغى عالصداع دا انا شكلى بقى مدمنين والله
بصت لنفسها في المرايا:لا انا فعلا شكلي بقى بشع اي دا مين دي
فارس صحي وقعد يضحك عليها
مش عارفه دي مين
دي نوري يا ستي
نور بدموع:انا بقيت شكلى بشع شكل الصداع خرط على عيني
فارس بضحك:الصداع اي يا حبيبتي
نور :انت بتضحك اه مهو انت هتطلقني وهتتجوز واحده تانيه احلى مني ولا اقولك اتجوز بنت خالتك العقربه دي من ساعت مجت عندنا هنا انا جالي صداع وسع كدا
فارس بتفكير وكأن نور جاوبت على كل اسألته من غير متاخد بالها
بنت خالتك
فارس:انا ازاي مشكتش في خالتي نفسها وطول اللي بقنع نفسي أن نور معملتش حاجه
انا لازم اروح للدكتور حالا
لبس وخرج
وراح المعمل
دخل وقال:انا عاوز اقابل الدكتور المسئول هنا
الموظف:الدكتور لسه مجاش وميعاده مش دلوقتي
فارس بعصبية:طيب هات عنوانه وانا هروح اجيبه انا عاوز اعرف التحاليل اللي بتتعمل هنا بناء على اي
الموظف:لو سمحت وطي صوتك في ناس هنا انا مش فاهم حضرتك بتتكلم عن اي
فارس:انا كلامي مش معاك انا كلامى مع الدكتور
الموظف:طيب استنى حضرتك والدكتور زمانه جاي
فارس:لا انا مش هستني اتصل بيه يجي حالا
الدكتور دخل :اي في اي يا محمد اي الزعيق دا
مين حضرتك
فارس:انا اسمي فارس محمد المغربي وامبارح زوجتي جت تعمل تحاليل عند حضرتك هنا التحاليل بتقول انها حامل
الدكتور ببلاهه:طيب وفيها اي
فارس بزعيق:هتبقى حامل ازاي وهى لسه عذراء
الدكتور بصدمه:اي ازاي دا حصل انا مش فاهم
فارس طلع صورة التحاليل اللي اتبعتتله والدكتور اتاكد انها هى
الدكتور:استنى هنا وانا جايلك حالا
الدكتور دخل
وفي واحد تاني جه سال على الدكتور برضو وقعد يزعق
:ازاي انا مراتي جايه تعمل اختبار حمل والاقي النتايج دي
انتو الاجهزة بتاعتكوا بايظه ولا اي
الدكتور خرج برضو عالصوت دا وفارس قام من مكانه بعد ما سمع كلامه واتاكد أن التحاليل اتبدلت
الدكتور:انا اسف جدا ليكو امبارح كان في ضغط شغل وحصل لغبطه في العينات انا اسف جدا ليكوا مش عارف اقولكوا اي
فارس بعصبية:انت تعرف انك بغباءك دا كنت هتخسرني حبيبتي سبحان من خلاني ماسك اعصابي
الدكتور بأسف:انا اسف جدا ليك
الراجل التاني:انت كدا كنت هتخرب بيتين وخلتني اشك في مراتي انها بتتعاطى حاجه
فارس باستفهام ازاي
الرجل:انا دكتور ولما التحاليل جاتلي لقيت أن في نسبه كبيره من المخدرات في التحاليل دي يعني اللي بياخدها بياخد جرعات كبيره ومكثفه وممكن تكون من فتره قريبه
فارس:يعني دي التحاليل بتاعت مراتي بس انا مش فاهم ازاي
الرجل:ممكن يكون بتاخدها في اي مشروب علشان النوع دا بيزيد ويبقى اقوي مع المشروبات وخصوصا القهوة بيكون مضاعف
فارس:يعني هوا اللي بياخده بيكون تعبانه ومصدع دايما
الرجل:اول يوم او يومين وبعد كدا بيتعود وبيقلب عكس بيزود الحاله المزاجيه وكل حاجه
فارس مشي وهوا متعصب
وراح البيت وكانت نور قدامها كوبايه قهوة ولسه هتشربها
فارس خدها من ايديها ورماها عالارض..
و…..
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية ما في قلبي)
