رواية ما بين العشق والخذلان الفصل السابع 7 بقلم هدى زايد
رواية ما بين العشق والخذلان الجزء السابع
رواية ما بين العشق والخذلان البارت السابع
رواية ما بين العشق والخذلان الحلقة السابعة
على الجانب الآخر و تحديدًا داخل مكتب
” خاطر” ولج صديقه المقرب و هو يقول بغضبٍ مكتوم :
خاطر أنت كنت تعرف إن اللي معانا طول الفترة اللي فاتت دي قاسم مش رحيم و إن رحيم اساسًا مش في المهمة ؟!
هيفرق في إيه ؟!
هيفرق كتير طبعًا يعني ايه اصلا اللي حصل وليه و امتى وازااااي انا دماغي لفت هو ايه اللي بيحصل بالظبط مين ضد مين ومين بيلعب لمصلحة مين
اهدأ يا نادر عشان ميحصلكش حاجة
اهدأ أيه و زفت إيه أنا عاوز اعرف حاجة واحدة فين سچى بعد ما قاسم اتكشف ؟!
سچى اتخطفت
مين اللي خطفها ؟!
صالح الوزان و ابنه قاسم الوزان
– يا ابني أنت هتجنني ما قاسم هو اللي كان معاك طول الفترة اللي فاتت دي يبقى ازاي خطـ ـفها ؟!
– لا أنا اقصد اللي قام بدور قاسم و اللي هو في الأساس رحيم العرابي .
لوح ” نادر” بيده و قال بنبرة غير مستوعبة لما يحدث حوله:
– لالالا أنا مبقتش فاهم حاجة ولا عارف منين بيودي على فين أنا دماغي لفت خـــالص .
نظر ” خاطر” له و رأف بحاله خاصةً بعد حالة التيه التي وصل إليها الآن، ابتسم له ثم قال بهدوء شديد:
– قاسم له حد تقيل في الداخلية بيعرفه كل تحركات سچى و اللي كانت من ضمنهم محاولاتها لدخول قصر الصقر .
رد” نادر” بفضول و قال:
– و مين الحد دا ؟!
انقلبت شفاه ” خاطر” و قال بنبرة صادقة :
– ثدقني معرفش و دا كل اللي عرفته و اللي حصل بالصدفة البحتة .
– طب و أنت عرفت ازاي بردو ؟!
جلس ” خاطر” خلف مكتبه و قال بجدية:
– من يوم ما جت لي المهمة دي و أنا مش
مر تاح و احساسي بيقولي إن حاجة غلط و خصوصًا لما بدوأ يتكلموا معايا عن الصقر هنا اتأكدت إن في حاحة فعلًا غلط !
– ليه بقى؟!
– لأن لما شفت صوره مكنش هو دا خالص اللي حت لي معلومات سرية عنه و اللي أكدت لي أكتر و أكتر لما سچى بدأت مهمتها التانية و اللي المفروض أنها كدا هتقابل قاسم
رد ” نادر” بعدم فهم و قال:
– لا أنا كدا اتلغبط أكتر واحدة واحدة الله يرضى عليك .
سحب” خاطر” نفسًا عميقًا و قال بهدوء:
– للأسف مش هقدر احكب لك دلوقتي حاجة احنا ظاهريًا لسه مهمتنا مخلصتش .
رد ” نادر” برجاء وقال:
– لا يا صاحبي بالله عليك أنا محتاج افهم و اوعدك هحتفظ بالسر لنفسي .
طالعه لعدة ثوانٍ قبل أن يتوسله صديقه بنظراته ابتسم له و قال:
– هات ودنك و تعال احكيلك .
******
على الجانب الآخر و تحديدًا داخل مملكة
” قاسم الوزان” كانت جالسة داخل غرفتها وعيناها تتفقد المكان جيدًا، أما هو كان يتابع آخر التطورات عبر حاسوبه النقال، سند بأنامله أسفل ذقنه و هو يقول بنبرة حائرة:
– الشريحة اللي فاتت كانت ملهاش معنى و الشريحة دي فيها كلام مش مفهوم في إن في الموضوع ؟!
طال بحثه و لم يجد أي إجابة على سؤاله اوصد حاسوبه ثم وضعه جنبا وقف عن حافة الأريكة ولج المرحاض ليسغتل، طرقات خفيفة ثم ولجت بعدها لم تجده سألت حالها بنبرة متعجبة قائلة:
– هو راح فين دا ؟!
لحظات و خرج من المرحاض عارِ الصدر استدارت بجسدها كله و هي تقول:
– أنت ازاي تخرج كدا ؟!
نظر لنفسه ثم عاد ببصره لها و قال بنبرة مغتاظة:
– كدا اللي هو ازاي يعني و بعدين دي اوضتي ولا أنتِ مش واخدة بالك ؟!
ردت دون أن تستدار:
– طب ياريت تلبس حاجة عشان اعرف اتلكم معاك .
حرك رأسه حركة بلا معنى ثم اتجه نحو خزانته و قال :
– قولي اللي عندك خلصي !
استدارت بجسدها له ما أن أمرها بذلك، سألته بجدية مصطعنة:
– هو أنا اللي جابني هنا و ازاي أنت أصلًا تمنعني من الخروج حتي من باب أوضتي ؟!
لم يرد عليها و يجيب على تساؤلاتها، كررت حديثها هذه المرة بحدة مصطنعة، جلس على النقعد ليرتدي نعليه و لم يرد عليها اغتاظت منه فقلت بصوتها المرتفع:
– هاااا بكلمك أنا على فكرة !
نثر عطره الجذاب على جسده القى تقييمة على مظهره قبل أن يغادر الحجرة نظر لها و قال بنبرة مقتبضة:
– بطلي رغي و اركني شوية ماشي .
حجظت عيناها من هول صدمتها كاد أن يخرج من باب الغرفة لكنها استوقفته وهي تقبض على ياقة قميصه بقوة قائلة:
– أنت رايح فين ؟!
نزل ببصره على يدها القابضة على ياقة قميصه ثم نظر لها و قال بنبرته الساخرة:
– تصرفاتك مش تصرفات واحدة مرعوبة عشان هي مخطو فة دي تصرفات واحدة عجبها الخـ ـطف .
تركها و غادر أخيرًا، امتطئ جواده أسفل ناظريها كزت على أسنانها من فرط غيظها الشديد منه .
******
ليلي يا بنت الشيخ فهد سريرك فضي ليلة واحدة في نفس الليلة جت اللي تملاه لا و مين بنت الداخلية هدية مقبولة منهم
اردف “قاسم”عبارته وهو يحاول السيطرة على
جواده كانت ” ليلي” تستمع إليه و نظراتها تملؤها الإشمئزاز و الغيظ الشديد، ردت بنبرة مغتاظة و قالت:
– لعنة الله عليك يا نچس ربنا ينچدها منك و يحفظها من أذاك .
نظر ” قاسم” لأبيها و قال:
– لسه بنتك لسانها طويل يا شيخ فهد، بس معلش يحق لها ما هي في حماك دلوقتي .
كانت عيناه تتفحص المكان جيدًا يود لو يرى أحدهم هنا، لكنه لم يجده عاد ببصره لـ ليلي و قال:
– حضر حالك يا بنت الشيخ فهد فرحي على سچى بنت الداخلية يوم الخميس و بعدها هفضى لك .
ردت ” ليلي” بنبرة مغتاظة
– يچي الخميس ما يلاجيك يا قادر يا كريم و إن شاء الله ربنا هينصرها عليك و ينچدها منك
كاد أن يخرج من خيمته لكن قبض عليه و قال:
– متهدش كل اللي بنعمله يا رحيم قاسم بيحاول يستفزك لأنه كشفك خلاص ارجوك اثبت مكانك و خليك حكيم زي ما متعودين منك .
وصل لمسامعه صوته و هو يقول بوقاحة
– صحيح هتسمعي صراخ يومها بس صراخها و هي في حضني و بتنادي باسمي عشان امتـ..
ردت ” ليلي ” بنبرة حادة مقاطعة و هي تُلقي في وجهه الحصى.
– بعد من اهنى يا ملعون دنيا و آخرة بعد يا وقح يا للي ماشوفتش رباية و لا تعرف معناها
استدار بجسدها كله و قال قبل أن يغادر و الإبتسامة لا تفارق شفتاه .
– سلام يا بنت الشيخ فهد معادنا الخميس
ما فعله الآن لم يكن في حسبانه لكنه قرر أن يخطو خطوة كهذه ليعرف ردة فعل الآخرين .
عاد ليجدها جالسة أمام الخيمة في انتظاره
ترجل من فوق جواده و هو يقول بنبرة متعجبة:
– قعدة عندك كدا و لا كأنك فعدة قدام بيتك ؟!
وقفت عن الأريكة الخشبية و قالت:
– مستنياك تيجي و تعرفني آخرة اللي أنا في دا إيه ؟!
جلس ولم يرد على سؤالها فكررت سؤالها تنهد وقال:
– أنتِ بترغي كتير ليه عاوزة إيه ؟!
ابتسمت بشكلٍ تلقائي على ردة فعله، كل تعابير وجهه حفظت عن ظهر قلب أخيها سرد لها كل هذه الأشياء، اندفعت بحديثها لتخبره بخفوت :
– أنا عارفة إنك رحيم العرابي و إنك ظابـ…
قاطعها و هو يقبض على ذراعها بقوة شديدة كادت تجزم أنه سيكسره في يده، دفعها تجاه غرفته حتى وصل للفراش القاها بغضبِ جم و هو يقول بصوتٍ خفيض:
– لما قالوا لي إنك خفيفة و ملكيش سر كنت فاكرهم في مبالغة في الكلام بس مكنتش أعرف إنك مش بس خفيفة لا دي طايرة منك على الآخر .
لم ترد على إهانته الموجهة لها بل زادت من إغاظتها له بإبتسامة خفيفة على ثغرها أما هو
قبض على فكها بقوة شديدة و قال من بين أسنانه:
– بصي بقى يا حلوة زمانك أنتِ كتر كلام مبحبش و طالما اللعب بقى على المكشوف يبقى تعملي حسابك إنك
قاطعه صوت إحدى الخادمات و هي تخبره بأدبٍ قائلة:
– الريس بدران المُر برا يا كابير و رايد يشوفك ضروري .
نظر لها ثم قال:
– حضري نفسك يا حلوة عشان يومنا مطول النهاردا .
في الخارج
كان ” بدران” جالسًا يتبادل معه أطراف الحديث حول هذا و ذاك، بينما رد هو و قال:
– تعبت يا بدران تعبت بقالي تسع شهور في وجع قلب و البت الباردة اللي جوادي بتتعامل مع الموضوع كأنه فسحة و جاية تغير جوا !
فرغ فاه” بدران” ليرد عليه لكن قاطعته هي باقتحامها المجلس و هي تقول بنبرة حادة :
– أنا مش هبلة و لا باردة و اللي أنت عملته دا أنت هتتحاسب عليه على فكرة .
وثب من مكانه لينقض عليها و يصفعها حتى يهدأ لكنها قرأت تغابير وجهه و التي لا تبشر بالخير أبدًا تراجعت للخلف حتى ولجت حجرتها لم يتركها ظل يحدثها بنبرة حادة و هي ترد عليه بذات النبرة لا تاهبه و لا تهتز لغضبه الشديد، تدخل ” بدران” ليفض النزاع بينهما لكن نزع ” رحيم” يده و قال:
مش رحيم العرابي اللي يتلعب بيه الكورة فوقي لنفسك يابت دا أنتِ سهلة ورخيصة دا أنا جبتك على حجري بحتة فيديو و شوية صور !
اردف”رحيم” عبارته وهو يقترب منها ضاغطًا على فكها بقوةٍ كاد أن تجزم أنه سيهشمه من شدة ضغطه عليه، تحاملت على نفسها و هي تكتم الامها منه، طالعته بنظراتٍ قوية تملؤها العناد و التحدي، باعده عنه بأعجوبة “بدران” و هو يقول بهدوء و عقلانية:
– اهدأ يارحيم اهدأ مينفعش كدا البت هتموت في ايدك !
رد بغضبٍ جم و هو ينزع يده من يد صديقه و قال:
– تموت و لاتغور في داهبة أنا خلاص جبت آخري منها تسع شهور لففتني حولين نفسي و دلوقتي جاية تستعبط عليا !
ردت”سچى” بعناد و قالت:
– أنا قلت اللي عندي و اعـ…
لم يتحمل منها أي كلمة أخرى، هرع نحوها و قبض على فكها من جديد ثم قال:
– تسع شهور مبعملش حاجة في حياتي غير إني اجري وراكي من البلد دي للبلد دي تسع شهور وقفت فيهم حياتي كلها و رميت أحلامي ورا ضهري عشان افضى لك اهملت في كل حلم حلمته عشان بس اتفرغ لجنابك و دلوقتي جاية تقولي معرفش حاجة عن الموضوع دا !
لا تعرف لماذا شعرت بالغيرة حين تكلم عنها بشكل غير مبلشر لكنها تعلم جيدًا عن من يتحدث لذلك قررت أن تلقي ما في جعبتها دفعة واحدة و هي تقول بنبرة مغتاظة:
– اللي وقفت حياتك عشانها رميتك بطول ايدها وراحت اتخطبت لغيرك و جوازها منه بعد أسبوعين باعتك لتاني مرة و أنتـ …
حاوط رقبتها بين راحتيه محاولًا خنقها ظلت تسعُل و هي تبعده عنها، تدخل على الفور “بدران” لكنه لم يستطع السيطرة عليه فقد جن جنونه عاد إليها و قال بعدم تصديق لحديثها
– كدابة علياء متقدرش تبعني غيرتك منها عمتك و خلتك بتتكلمي عن ستك و تاج راسك بكلام محصلش يا سهلة يا رخيصة يا بنت الكـ…
دفعته بعيدًا عنها بكل ما اوتيت من قوة حدثته بجمود و تعمدت جرحه كما فعل معها:
– أنا ولا سهلة و لا رخيصة أنا اشرف من أي حد عرفته و اللي قلته صاحبك يقدر يكدبني في بكل سهولة أنت اللي معمي بحبها و مش قادر تشوف حقيقتها .
رد ” بدران” بهدوء شديد:
– من فضلك يا سچى كفاية كدا و اتفضلي على اوضتك دلوقتي
ما أن غادرت المكان نظر لصديقه و قال بنبرة مغتاطة:
– أنت ازاي معرفتنيش حاجة زي دي ؟!
– صدقني يا رحيم مكنتش اعرف أنا لسه عارف منها دلوقت
رد بصوته الجهوزي و هو يلقي بمنضدة مستديرة رصت عليه بعض الاكواب الزينة
– يعني هي عرفت منين بتشم على ضهر ايدها ؟!!
رد ” بدران” بهدوء و عقلانية:
– اهدأ يا رحيم مش كدا و بعدين أنت زعلان ليه ما أنت سبتها عشان شغلك و مفكرتيش حتى تعرفها إنك موجود فكرت في نفسك و بس
– نفسي ؟! فين نفسي دي يا بدران دا أنا شفت الويل و سواد الليل و في الاخر تقولي اصلك فكرت في نفسك و بس ؟!
رد ” بدران” بهدوء و قال:
– كل شئ في الدنيا قسمة و نصيب و علياء مش نصيبك لو كان خيرًا لبقى يا رحيم اجمد و متخليش مشاكلك الشخصية تدخل في شغلك اللي جاي تقيل و صعب و من الواضح كدا إن سچى مدلعة شويتين و هتتعبك فـ طول بالك عليها يا رحيم رحيم رحيم !
حرك ” رحيم” رأسه دون أن يرد عليه، تركه ينفرد بنفسه بعد أن رَ بأم عينه انيهاره الداخلي يجلي على ملامح وجهه.
بعد مرور ساعتين
أنا جاهزة نروح المغارة يا سيادة المقدم
قالتها “سچى” بهدوء شديد ظنت أنه لم ينتبه لها فكررت حديثها مرتان و في الثالثة استدارت بجسدها كله لتغادر الغرفة، استوقفها قائلًا:
– عرفتي منين إنها اتخطبت ؟! .
التزمت الصمت و لم ترد فسألها مرة أخرى بصوتٍ مرتفع انتفضت على إثره ردت بهدوء شديد
– فضولي ناحيتك خلاني اعرف كل حاجة عنك و عرفت إن في علاقة بينكم م مجرد قرايب و بعدها لاقيت نفسي بعرف عنها كل حاجة معرفش ليه و عرفت أنها اتخطبت لدكتور زميلها .
نظر لها و قال بنبرة مختنقة
– و هي موافقة عليه ؟! رضيت بيه ! و لا إبوخا غصبها زي كل مرة ؟!
ردت” سچى” بنبرة صادقة:
– معرفش حاجة صدقني أنا الخبر جه قصادي صدفة مش أكتر .
تابعت بجدية
– أنا بس كنت حابة اضايقك زي ما ضايقتني مش أكتر كلامك وجعني فـ حبيت اوجعك زي ما وجعتني .
نظر لها و عيناه تتلألأ بالدموع التي أبت أن تهبط و قال بشبح إبتسامة:
– برافو عليكي لعبتيها صح المرة دي يا سچى .
نظرت له و قالت بندم شديد:
– أنا آسفة مكنش قصدي و الله يا رحيم .
ابتسم بمرارة و قال:
– متعتذريش أنتِ معملتيش حاجة أنتِ وجعتي لي قلبي و بس سهلة يعني !
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية ما بين العشق والخذلان)
