رواية ماسة في يد القاسي الفصل الثالث 3 بقلم ملك رامز

رواية ماسة في يد القاسي الفصل الثالث 3 بقلم ملك رامز

رواية ماسة في يد القاسي الجزء الثالث

رواية ماسة في يد القاسي البارت الثالث

رواية ماسة في يد القاسي الحلقة الثالثة

في الساعة السابعة صباحاً استيقظ كعادته ليمارس تمرين الجري وضع السماعات في اذنه وامسك في يده زجاجة ماء كان يرتدي تيشرت باللون الابيض وبرمودة باللون الاسود اخد يجري بقوة لمدة ساعة وبعدها عاد الى القصر ودخل الى غرفة الرياضة ليكمل تمارينه الشاقة حتى اصبحت الساعة 00 : 9 انتهى من التمارين ودلف لحمام غرفته ليأخذ شاور خرج وارتدى بدلته الرسمية ليذهب للعمل خرج لجناحه الخارجي لتدلف الفتاتان حور وعشق فأبتسم لهم ابتسامة اخوية حنونة
كنان : نور الجناح بوجودكو
حور وهي تسلم عليه وتحتضنه فهو بمثابة اخٍ لها وقالت بدرامة : اي جناح يخويا الي منور بينا على اساس انك بتسمحلنا اننا ندخل جناحك احنا دلوقتي بالجناح الخارجي
انفجر ضاحكاً عليها : المهم انك بحاجة تخصني برضو
حور بتفكير : اه بدي معاك حق
عشق بمشاكسة : ايوة هيا اختك وانا بنت الجيران
سحبها من يدها وضم الاثنين معاً . خرجوا من احضانه فتكلمت عشق : بالله عليك يا ابيه متكسر فرحتنا
كنان باستغراب : في ايه

حور : احنا قررنا نخرج النهادرة ونروح على البحر وابيه رعد وليل موافقين فاضل انت توافق وتكمل فرحتنا
كنان بجدية : بس انا ورايا شغل روحوا انتو وانبسطوا وخلاص
قطع حديثهم دخول رعد وليل
رعد بجدية : الشغل بتاع اليوم انا نهيتو من امبارح لأني كنت مخطط انو نخرج البنات النهادرة فمتكسرش فرحتهم واخرج معانا
كنان بإستسلام كي لا يكسر فرحتهم : خلاص موافق
قفزت الفتاتان من الفرحة واحتضنوه مرة اخرى
كنان بإبتسامة : يلا اتكلو عشان اغير الي لابسه
وتركهم ودلف لجناحه الخاص ابدل ملابسه بقميص ابيض تارك الزرار الاولى مفتوحة وارتدى بنطال باللون الزيتي وحذاء رياضي باللون الابيض نزل الى غرفة الطعام فوجدهم ينتظروه تقدم وجلس على كرسيه وهمو بتناول الطعام انتهى الجميع من الفطار وذهبت الفتاتان لتبديل ملابسهم من اجل الخروج بينما جلس الاضلاع الثلاثة يتناقشون في امور العمل .
…….***…….
استيقظت ماسة بسبب اشعة الشمس المتوجهة لوجهها فهي قد نسيت اغلاق الستائر نظرت الى الساعة ووجدتها التاسعة فقامت مسرعة لتحضير الفطار لأبيها خشية غضبه ولكن استغربت عدم وجود صوت فتلفتت في البيت ولم تجد احد اتجهت لغرفته فوجدتها فارغة والفراش كما هو فعرفت انه لم يأتي للبيت عادت الى غرفتها واقتربت من لجين وبدأت بهزها : لجين يا لجين قومي يلا
همهمت لجين دون فتح عيناها والتفتت للجهة الاخرى
ماسة بمكر : يعني مش عاوزة تصحي شوفي هصحيكي ازاي
ودلفت للمطبخ واحضرت كأس مليء بالماء البارد وسكبته عليها
لجين بفزع وصريخ : اااااااااااه مااااااااااسة الحقيني بغرق
انفجرت ماسة ضاحكة عليها : ههههههههه اخخخخخ بطني مش قادرة هههههههههه بتغرقي وانتي ع السرير ههههه
لجين بغضب وهي تجري خلفها : تعالي هنا يا كلب البحر
وبقيت الفتاتان تركضان خلف بعضهم الى ان توقفت لجين عن الركض مستفهمة بخوف : هو بابا فين
توقفت ماسة مجيبة اياها : اصحيت ملقتهوش شكلو مرجعش امبارح
لجين : اهاا احسن برضو
ماسة : لجيين
لجين : خلاص خلاص
ماسة : طب يلا بينا نفطر عشان نتجهز للخروج
لجين : خروج ايه
ضربتها ماسة على رأسها من الخلف : هو احنا مش اتفقنا امبارح انو هنخرج النهاردة
اجابت لجين بخوف متذكرة حديث اليوم السابق : ماشي يلا نفطر
ماسة : متخافيش يا لجين انا معاكي ولا انا مش مالية عينك
لجين بإبتسامة : لا ودا ينفع

احضرت الفتاتان الفطار وجلسوا لكي يفطرو في جو مليء بالفرح والسعادة وبعد الانتهاء ذهبو لتبديل ملابسهم وببعد الانتهاء خرجت ماسة من الغرفة لترى لجين قد انتهت : ايه الحلاوة دي
لجين بإبتسامة : دي حلاوة عينيكي بعدين انتي مش شايفة نفسك ايه القمر ده
ابتسمت ماسة لها ثم اشارت بيدها بمعنى يلا وخرجوا لإيقاف سيارة اجرة .
…….***…….
دخل الجميع الى الشاليه الذي يعتبر قصر مصغر عن قصر كنان جميل بمعنى الكلمة دلف الجميع للصالة الكبرى وجلسوا جميعاً يتسامرون الحديث
حور بمشاكسة : هو احنا جينا هنا عشان نقعد نسمع انو انتو هتدخلو صفقة اد كده
وفتحت ذراعيها على وسعهما بحيث يد تأتي بمنتصف وجه ليل الذي يجلس على جانبها الايمن واليد الاخرى تأتي على جبين عشق التي تجلس على جانبها الايسر . تعالت ضحكات رعد على منظرهم بينما اكتفى كنان بإبتسامة جميلة
ليل وعشق بصوت واحد وهم يرفعون يدها عنهم : يخرب بيتك كل دي ايد
نظرت لهم بإبتسامة بلهاء واشارت برأسها بمعنى نعم وقالت : مش عاجبكو الشاليه فيه حيطان كتير
ليل بسخرية : لا عجبنا يختي مش هيعجبنا ازاي بس انا سألت عشان حضرتك شمطيني ( بمعني خبطتني جامد ) بإيدك كف على وشي تقولي ايد راجل مش ايد ست ناعمة زي دي . وامسك بيدها ورفعها للأعلى ثم تركها
عشق بسخرية : امال انا اقول ايه كنت قاعدة بأمآن الله وفجأة الآقي ايد داخلة عليا من غير سابق انذار
انفجر الجميع بالضحك عليهم حتى كنان خرجت ضحكته الرجولية الجميلة
عشق وهي تضع يدها على فمها بطفولية : اي لاءاا
رعد بإستغراب وهو ينظر اليها : في ايه
عشق ببلاهة وهي تنظر اليه وتشير على كنان : النيزك بيضحك زينا
نظر كنان لها رافعاً حاجبه وهز برأسه بوعيد
ليل وهو يدفعها للأمام : يبنتي اتلمي مش ناقصنا النيزك ينفجر بينا
كنان بصوت جامد مخيف : لاء انا بطمنك شكلو هينفجر عليك انت
ليل بخوف : وانا مالي انا شف اختك هيا الي اتكلمت
رعد بوعيد : قلتلك مية ألف مرة ملكش فيها
كنان برفعة حاجب : لا يا راجل
رعد متحدياً كنان بنفسه : ايوة دي ملكي انا محدش ليه دعوة بيها
كنان : متوثقش بنفسك جامد اوي لانو لو انا موفقتش ع خطوبتكو عمرك ما تلمحها
ليل وهو ينظر لرعد بخوف من ان يتحدى كنان اكثر من كده : بس يا رعد متتحدهوش كلنا عارفين انها ليك متتحداش كنان وتخليه يرفض
حور بصراخ : باااااس هو انتو مش واخدين بالكو من البت دي وشها عامل زي الطماطم انا خايفة نخسرها
نظر ليل اليها وانفجر ضاحكاً عليها اما رعد وكنان اكتفوا بالابتسامة
حور : طب يلا يا جماعة خلينا نخرج برة نشم شوية هوى انا نفسي نخرج كده كناس عاديين مش كولاد الحديدي والرفاعي
عشق وقد عادت لمشاكستها مرة اخرى : اه والله انا نفسي بكده
رعد رافعاً حاجبيه بإستفهام : ومالهم اولاد الحديدي والرفاعي
حور : مش قصدنا حاجة على فكرة الي قصدناه انو نخرج نقعد ع الشط من غير حراسة ونشوي المشاوي بإيدينا من غير خدم
خرج صوته الجامد قائلاً : موافق

صرخت الفتاتان فرحاً وذهبت لتحضير المستلزمات
ليل بإستغراب : معقول وافقت تخرجهم من غير حرس
كنان مجيباً اياهم بحزن : انا شفت نظرة انكسار بعين عشق مقدرش ارفضلها طلب دي وصية بابا وبعدين حبيت مكسرش فرحتهم انا كنت شايف الحماس بعيونهم وبالنسبة للحرس فهما هيكونوا موجودين بس من بعيد
رعد بإبتسامة : طول عمرك قلبك طيب يا صاحبي بس انت الي مصر تقسيه
نظر كنان له وبقي صامتاً
قطع صمتهم رنة هاتف كنان فرفعه مستغرباً فهو قد ابلغ السكرتيرة ان تلغي جميع اعمال اليوم ولكن وجد المتصل مجدي الذي وضعه لمراقبة ماسة فأجابه : ايوة في حاجة
مجدي : اه يا فندم الاستاذة ماسة خرجت دلوقتي هيا وحدة اظن انها اختها ووقفوا تاكسي وانا وراهم وهما تقريباً رايحين على البحر الي فيه الشاليه بتاع حضرتك
كنان بإبتسامة رضا : تمام ابقى مر على الشركة خلي يوسف بتاع الحسابات يعطيك الشيك بتاعك
مجدي بفرحة : متشكر جداً يا فندم انا تحت اوامر حضرتك
اغلق كنان الهاتف وقام متوجهاً الى غرفته
ليل بتساءل : في ايه
كنان ببرود : هما جايين البحر دلوقتي
ليل بإستغراب : تقصد بهما ماسة واختها لجين
كنان : ايوة
رعد : يعني خلاص هتعمل الي براسك ومش هتشوف طريقة تانية
كنان وقد بدأت عيناه بالاحمرار : قلتلك ملكش دعوة ايوة هكمل
رعد بإستسلام رافعاً يديه للأعلى : براحتك يا عم متتعصبش انا رايح اغير هدومي
ليل وقد بدأت ملامح العصبية تظهر على وجهه من برودة كنان : خدني معاك
وتوجه كلٌ منهم الى غرفته
دلف كنان الى غرفة الملابس واخرج تيشرت باللون الرمادي وبرمودة باللون الاسود وارتداهم وضع القليل من عطره المميز وقام بتعديل شعره بالفرشاة ووضع نظارته ونزل للأسفل .
تصنمت عشق في مكانها من جمال منظر كنان اخيها وقالت بمشاكسة : اي لاءا مهو يعني ينفع مينفعش هتجوزك وهخطبك بنفسي تتجوزني يا ابيه ارجوك متردنيش ده انا وقعت من النظرة الاولى متكسرش قلبي يا حبيبي
ضحك كنان على مزاح اخته : وانا هتجوزك انتي ليه انشاءالله واموت ناقص عمر
عشق وقد اخذت كلامه على محمل الجد وامتلأت عيناها بالدموع : هو انا يا ابيه ممكن اكون عبئ عليك
كنان وهو يسحبها من يدها ويضمها لصدره وهو يربط على رأسها بحنية : انتي مجنونة يا بنتي متقوليش الكلام ده تاني
عشق وقد احمر وجهها من البكاء وقال وهي تشهق : بتعرف يا ابيه انا نفسي اشوف ماما وبابا وأحس بحنانهم انت مش مقصر معايا ولو طولت انك تعطيني عيونك مش هتقصر بس هما بجد وحشوني مهما كان انت اخويا بس ه..م.ا امي وابويا
كنان وقد لمعت عيناه بالدموع على اخته : ربنا يرحمهم برحمته اعتبريني انا امك وابوكي بس متزعليش نفسك انتي كده بتحسسيني اني مقصر معاكي واني مش قد الوصية الي وصهالي بابا
عشق وقد ابتعدت عنه وهي تمسح دموعها : لاء انت قدها وقدود ربنا يخليك ليا يا ابيه
كنان بإبتسامة : ويخليكي ليا يا حبيبتي
قطع حديثهم صوت صراخ من اعلى السلم : لاءاااااااا
قطع حديثهم صوت صراخ يأتي من أعلى السلم : لاااااءاا يا عشق متوقعتش الخيانة تبقى منك انتي بتخوني ابن عمي يا عشق
رفعت عشق عيناها بخضة لتجده ليل وكان يرتدي تيشرت زيتي وشورت قصير للركبة باللون الابيض وحذاء رياضي باللون الزيتي

عشق بخضة : خضتني يا زفت
خرج صوت رعد الذي نزل للتو وكان خلف ليل : وانت مال امك واحد واخته وبيتغزلو ببعض ايه الي حاشرك بينهم هاه ايه الي حشرك
ليل وقد جعد ملامح وجهه وكأنه يبكي : قولي يا ابني انت بتكرهني ليه كل مقول حاجة تقوم تقفلي
رعد بضحك : ما انت الي حاشر انفك بكل حاجة
ليل وهو يمسك انفه بحركة مسرحية وكأنه يرجعه للخلف : خلاص هرجعه ومش هدخله بحاجة تاني
انفجر الجميع ضاحكين عليه
رفع رعد عيناه لتلتقي بجميلته كانت عشق ترتدي بنطال باللون السكري وتيشرت طويلة تصل للركبة باللون النيلي وترتدي حجاب اسود اللون وحذاء رياضي باللون الاسود ( واللهي مبعرف ازبط الوان مع بعضيها ده الي طلع معايا 😂 ) كانت جميلة للغاية غمز لها رعد بعينيه واشار لها بيده بمعنى هموت عليكي ( وانا كمان هموت عليك يخويا 😂 )
ابتسمت عشق بخجل انتبه رعد لنظرات كنان المحرقة : اححمم مش يلا بينا نخرج
خرج صوتها المرتفع : مكانش العشم يا ابن عمي عايز تخرج وتسبني انا بنت عمك هنا لوحدي اهئ اهئ
رعد بضحك : واللهي لو استنيتي شوية بس كنت هسأل عليكي بس انتي مشاءلله عليكي مبتعطيش حد فرصة انو يتكلم
ليل بمزاح : لاء معاك حق في دي
حور : وانت مالك يا اخويا
ليل بسخرية : انا لاء وهيكون مالي
عشق بتدخل : لاء طالعة جميلة يا بت
حور وقد وضعت عيناها ارضاً تمثل الخجل : اخجلتي تواضعي يا بنتي
ضحك الجميع عليها
كانت حور ترتدي فستان باللون التوتي وحجاب كحلي اللون وكوتش كحلي . اما رعد كان يرتدي بنطال اسود وقميص اسود واضعاً نظارة سوداء على رأسه
خرج الجميع وذهبوا ليمرحوا عدا كنان وقف يراقبهم من بعيد اتى اليه رعد : بتفكر في ايه
كنان : ولا حاجة كنت بتفرج عليكو
رعد : اها
رفع كنان عيناه لتلتقي بها فكانت حقاً تسحر الانظار كانت ترتدي تيشرت باللون الاحمر تعكس حمرة خدودها وجيب باللون الاسود وحجاب ابيض وحذاء رياضي ابيض كانت بجوارها لجين تمسك يدها بقوة وكانت ترتدي تقريباً طقم يشابه طقم ماسة ولكن بلون آخر تيشرت باللون الليلكي وجيب باللون الاسود وحجاب اسود وحذاء رياضي اسود كانت جميلة بحق ( اللون الاسود واللون الابيض دول يبقوا حبايبي محدش يقولي بتقولي اسود وابيض كتير 😂😂 )

رعد وهو يشير امام وجه كنان : هوهو يا ابني رجعت سرحت فينا برضو
كنان وقد التفت اليه : هاه لا ولا حاجة
واستدار بوجهه مرة اخرى اليها رعد وهو ينظر الى ما ينظر اليه كنان فوجدها تقف على مقربة منهم
رعد : بتفكر فيها
كنان : اكيد لاء بس عاوز ابدأ من دلوقتي هروحلها
اومئ له رعد وهو يتمنى ان يتراجع عما سيفعله
…….***…….
على بعد مسافة صغيرة عنهم
ماسة بإبتسامة : لجين يا حبيبتي انا هروح السوبر ماركت الي قدامنا ده واشتري حاجة نتسلى بيها ماشي متخافيش خليكي هنا وحاولي انك تنسي الي حواليكي ومتفكريش بحد
لجين بخوف : طب مآجي معاكي
اغمضت ماسة عيناها بحزن على حالة اختها فهي تريد ان تجعلها تعتاد على العالم الخارجي : لاء انا هروح بسرعة وهرجع على طول مش هاخد وقت
اومأت لها لجين وجلست على الرمال واضعة رأسها بين قدميها بينما ماسة توجهت للسوبر ماركت وهي تنظر الى لجين بحنان وخوف في نفس الوقت تتمنى لو تستطيع ان تخرجها مما هي فيه وتجعلها تكمل حياتها دون خوفٍ من أحد قطع سيل افكارها ارتطامها بصدر عريض
ماسة وهي تضع يدها على رأسها من قوة الخبطة : ااااه انا اسفة بجد
كنان بإبتسامة : انا الي آسف
ماسة وهي تدقق بالصوت ايعقل ان يكون هو رفعت عيناها والتقت عيناها بعيناه
ماسة : انت
كنان وما زالت الابتسامة لم تفارق محياه : ايوة انا مكتوب علينا نلتقي تاني
انزلت ماسة رأسها بخجل ولم تجيبه
كنان : مقولتليش رايحة فين وجاية مع مين
ماسة وهي تشير على لجين التي لم تبتعد عنها كثيراً جاية مع اختي لجين وكنت رايحة على السوبر ماركت الي هناك ده
كنان بهدوء : اها طب يلا بينا خليني آجي معاكي احسن متمشي لوحدك
ماسة برفض : لاء مينفعش
كنان بعصبية : يعني ينفع تمشي لوحدك اتفضلي امشي معايا
ماسة بعصبية : وانت مالك وبتصرخ عليا ليه انت مين اصلاً
كنان بهدوء كي ينجح مخططه : معلش انا مش عارف ايه الي حصلي لما تخيلت انو ييجي حد ويأذيكي وانتي ماشية لوحدك
ماسة وهي تنظر لعيناه : ليه
كنان : مش عارف حاجة كده جوايا مش عارف افسرها خلينا نمشي ومتدقيش عليا كتير
ماسة وقلبها يدق بسرعة من كلماته القليلة ولكن بمعنى كبير وبدأت بالسير بجواره بسرحان ولم تلاحظ انه يجعلها تقترب من البحر ومن منطقة خالية من الناس ثم بلحظة توهان منها دفعها لتسقط في البحر
ماسة وهي تخرج رأسها من الماء وتمسح على وجهها : عااااا عملت كده ليه
كنان بضحك : منا ماشي جمبك وانتي بعالم تاني فقولت اصحيكي بس بطريقة خاينة 😂
ماسة برفعة حاجب : يراجل
كنان وهو يوميئ لها بإستفزاز : يا ست
ماسة وهي تملئ يدها بالماء وتقوم برشها عليه وتبدأ بالركض
كنان وهو يركض خلفها : ليه عملتي كده يا مجنونة
ماسة بإستفزاز : انا مجنونة واللهي محد مجنون هنا غيرك وبعدين انت الي بدأت وانا الي هنهي

وبدأو بالركض خلف بعضهم وسط جو مليئ بالفرحة والبهجة والسعادة حتى كنان كان يعيش هذه اللحظة دون التفكير بشيء آخر يشعر بسعادة لم يشعر بها من قبل حتى هي تشعر وكأن السعادة تغمرها حينما ترى ضحكته الرجولية تعلم انها لم تلتقي به سوى مرتين ولكن تشعر وكأنها تعرفه منذ أعوام فالقلب وما يهوى
…….***…….
عند ليل كان يتابع سيره على الرمال وهو يلعب بالهاتف الذي بيده ولأول مرة لم يعير النساء من حوله اي اهتمام رفع عيناه فوجد فتاة تجلس على الرمال واضعة رأسها على قدميها وترتجف استغرب واقترب منها ليسأله ما بها وضع يده على كتفها فرفعت رأسها وازاحت يده بسرعة وهي تنتفض وتتراجع للخلف
ليل برفعة حاجب وهو يرفع يديه للأعلى وقد عرفها فهو من اتى بالمعلومات عنها لكنان : مش هعمل حاجة انا بس كنت شايفك بتترعشي فجيت اسألك ان كان في حاجة او في حد دايقك
لجين بعصبية : ملكش دعوة بيا ويلا من هنا
ليل وقد بدأت العصبية تحتل ملامحه : ومالك بتعلي صوتك عليا كده انتي عارفة انا مين
لجين بخوف ولكن ترتدي قناع القوة : لا معرفش ومش عايزة اعرف وقولنا يلا من هنا يا عم مش ناقصني ناس فاضية
ليل بعصبية وهو يمسك يدها ويقربها منه : هيه يا بت انتي احترمي نفسك واتكلمي معايا بطريقة احسن من كده لحسا واقسم بالله متشوفي نهار طالع عليكي بعد كده
لجين ومن خوفها ورعشتها عندما امسك بيدها رفعت يدها الاخرى وضربته بالقلم
ليل بصدمة فمن هي لترفع يدها عليه اصبحت عيناه حمراء مظلمة ومخيفة جداً : انا تضربيني بالقلم
امسك بيدها وجعلها تستقيم وبدأ بالمشي بسرعة لجين وهي تحاول ان تجعله يترك يدها كرهت اليوم الذي وافقت فيه ان تخرج من البيت لاحظت انه قام بأخدها الى مكان لا يتواجد به أحد
ليل وهو يدفعها للحائط ويحاوطها بيديه وعيناه ما زالت حمراء : انتي عارفة اعملتي ايه انتي رفعتي ايدك على ليل السيوفي
لجين وهي تجلس ارضاً وجسدها كله يرتعش وضعت يدها على وجهها تحمي نفسها : بالله عليك متضربني انا آسفة بجد انت الي جيت لحد عندي بالله عليك سيبني والله آسفة متضربنيش
ليل وقد أحس بنغزة في قلبه لما فعله بها ولكن هي من أخطأت قامت برفع يدها عليه
ليل بهدوء : متعيطيش
لجين ببكاء : والله آسفة والله آسفة سيبني ارجع
ليل بحنية : مكنتش هعملك حاجة بس انتي عصبتيني ازاي ترفعي ايدك عليا
لجين وهي تشهق : و..وا.ربنا آس..فة رجع.ني تا..ني
ليل بإستغراب من نفسه لانه لم يفعل بها شيء على ما فعلته مد يده لها : قومي هرجعك
لجين بشهقة : بج..د

ليل وهو يغمض عيناه ليستطيع نسيان فعلتها : ايوة بجد يلا
لجين وهي تقف عن الارض دون ان تمسك يده الممدودة لمساعدتها
ليل برفعة حاجب من فعلتها ولكن تركها وبدأ بالسير الى المكان الذي وجدها فيه وهي تسير خلفه وعند وصولهم للمكان التفت اليها : المرة دي عديتلك ياها بمزاجي لكن وربنا لو اتعادت متبقي يوم في الدنيا دي
لجين وقد بدأ خوفها يعود لها فهي رأت الجانب المظلم من ليل وليس المضيء : ماشي انا اصلاً مش هشوفك تاني خلاص روح وسيبني
ليل بضحكة استهزاء : بيتهيألك هتبقي اتشوفيني في كل مكان هبقى زي خيالك بالظبط
قطع حديثهم صوت يأتي من خلفهم : مين ده

يتبع..

لقراءة الفصل التالي : اضغط هنا

لقراءة الرواية كاملة اضغط على : (رواية ماسة في يد القاسي)