رواية ماسة الفصل الخامس 5 بقلم نور الهدى
رواية ماسة الجزء الخامس
رواية ماسة البارت الخامس
رواية ماسة الحلقة الخامسة
مرت الأيام وفعلا بقينا اصدقاء قربنا من بعض جدااا دايما كان بيساعدني في شغل البيت …كان معايا في كل خطوة .. كان دايما بيذ اكرلي … اصله كان مصمم علي تقدير عالي … علاقتي بحماتي كانت علاقة ام وبنتها ويمكن أكتر شوية … اتصدمت الاول جداا من معاملتها الطيبة معايا .. وحنيتها عليا .. وادركت ان مش كل الناس زي بعضها ومش كلنا هنعيش نفس التجربة .. كان كل همها اني أذاكر واشوف مستقبلي طول فترة الدراسة هيا اللي مهتمة بالبيت والاكل .. فعلا عوضتني عن أمي والجفاء والقسوة اللي عشتها معاها .
ماسة بخجل : معلش يا ماما تعباكي معايا جامد الايام دي هانت اهو اخلص امتحانات وهعمل انا شغل البيت كله .
كوثر بضحك : كله … كله يا ماسة .
ماسة بضحك : هحتاج مساعدتك طبعا يا ست الكل مقدرش استغني عنك انااا.
كوثر بحنية : طيب يا ست ماسة ايه اللي طلعك من اوضتك دلوقتي مش كنتي بتذ اكري … اتفضلي علي اوضتك دلوقتي .
ماسة بحب : متقلقيش عليا يا حبيبتي انا خلصت وبراجع وكمان مراد خلاص جاي دلوقتي .
الام بخبث : اها مراد جاي دلوقتي .
ماسة بخجل : ايواا .
كوثر بحب : ربنا يسعدكم يا بنتي يارب .
ماسة وهي تحتضنها : ويديمكم لينا يا ست الكل يارب .
في بيت محمد ابو ماسة .
احمد : ماما .. ماما .
رباب : نعم يا حبيبي .
احمد : انا عاوزة 2000 جنيه .
رباب بخضة : ليه يا حبيبي المبلغ ده كله .
احمد بكذب : داخل مشروع مع اصحابي ومكسبه مضمون .
رباب بحزن : ايواا يا حبيبي بس انا هجيب المبلغ ده منين انت عارف الظروف .
احمد بغضب :وانا اعمل ايه يعني انا عاوز الفلوس ومحتاجهم .
رباب بتفكير : طيب استني ابوك يجي ونشوف حل .
احمد بتوتر : اييه لا…. لا ايه رأيك ياماما آخد الخاتم الدهب بتاعك ابيعه ولم المشروع يكسب هجبلك احسن منه .
رباب بقلق : ازاي بس يا بني انا مش معايا غيره ومحدش ضامن الظروف.
احمد بغضب : يا ماما مش لازم تقفي جنبي اومال اعمل ايه يعني .
رباب : طيب يا حبيبي مفيش حاجة تغلي عليك .
احمد بطمع : يلا يا ماما هاتيه .
رباب : حاضر … حاضر لحظة .
عند ماااااااسة …
مراد : ماسة … يا ماسة .
ماسة بحب : نعم يا مراد .. حمد لله علي السلامة .
مراد بحب : الله يسلمك .. اتفضلي يا ستي كل الشيكولاته اللي عاوزاها .
ماسة بفرحة : بجد …. هييييييييييه .
مراد بضحك : هههههههه اهدي طيب .
كوثر بغضب مصتنع : ماهو دلوقتي مفيش غير ماسة بس يا سي مراد نسيت امك خلاص .
مراد بضحك وهو يحتضنها : وانا اقدر انساكي برضو يا ست الكل اتفضلي ده نصيبك .
كوثر بحنية : ربنا يكرمك يا حبيبي ويديمك لينا يارب .
ماسة بحب : اميييين يارب .
مراد بغضب مصتنع : الحقوني بقا بالغدا انا واقع من الجوع .
الام وماسة بسرعة : دقيقة واحدة وكله هيبقي جاهز .
عند بيت محمد ابو ماسة .
خبط عالي علي الباب ….
رباب بخضة : استر يارب في ايه وتفتح الباب .
وتندهش من شكل سيد ” صبي في الورشة ” وهو يحمل محمد ويظهر عليه التعب والاجهااد .
رباب بذعر : في ايه يا سيد الحاج ماله .
سيد بقلق : مش عارف والله يا حجة فجأة وهو بيشتغل اغمي عليه .
رباب : استر يارب دخله يا بني اوضته وانا هتصل بالدكتور .
سيد وهو يحمله : حاضر .
بعد قليل من الوقت .
الدكتور : حمد لله علي السلامة يا حاج .
محمد بتعب : الله يسلمك يا بني .
الدكتور : ازاي بس يا حاج ترهق نفسك في الشغل كده وانت السكر عندك في اخر مراحله .
رباب بخضة : سكر….. سكرررر ايه .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ماسة)
