رواية مازن وورد الفصل الثالث 3 بقلم آلاء محمد
رواية مازن وورد الجزء الثالث
رواية مازن وورد البارت الثالث
رواية مازن وورد الحلقة الثالثة
تاني يوم صحيت اتفاجئت ب مازن قاعد جنبها علي السرير …
ورد بخضه / ايه ده انت بتعمل ايه هنا ازاي دخلت اوضتي ..
مازن / عادي يعني انا جوزك .. قومي يلا جهزيلي فطار ..
ورد قامت بسرعه من جنبه / ازاي ماما و بابا سمحوا ليك تدخل هنا يا ماما يا بابا ..
مازن / عمي و مرت عمي مش موجودين راحوا مشوار وعشان خايفين عليكي جالولي اجي اجعد معاكي .. بس ايه الحلاوة دي .. ما تلبسي اكده حاجة جامدة و تفرجيني .
مازن كان بيبصلها زي اي راجل قدامه بنت حلوه كان كل اللي همه انه يحسسها انها مجرد جسم بالنسباله .
ورد بخوف / انت قليل الادب .. اطلع برا الاوضه عشان اغير ..
مازن قام و خرج برا الاوضه و بعد شوية ورد خرجت و هي لابسه و معاها الكتب بتاعتها
مازن / النهارده مفيش جامعه .. غيري اللبس ده و تعالي اجعدي جنبي ابسطيني اكده ..
ورد / ازاي يعني .. النهارده عندي محاضرة مهمه و لازم اروح .
مازن بشك / انتي مالك مصممه علي الكلية اكده ليه .. هو حبيب الجلب هناك .. قسما بالله يا ورد لو عرفت كده لكون جايب خبرك فاهمه .
ورد/ لا طبعا .. احمد مخلص كلية اصلا هو بس بيعمل دراسات عليا .. و انا مستحيل اقابله لاني بحترم نفسي ..
مازن / شاطرة .. روحي بقي اعملي اكل نفيش نزول النهارده ..
ورد عملت الاكل و حطته ل مازن و دخلت اوضتها قفلت عليها و هي مرعوبه .
اما عند مازن فضل قاعد و هو مستمتع بخوف ورد .. تليفونه رن و كان حسين .
مازن / ايوا يا حسين .. اه جاعد معاها و خليتها هتموت من الخوف .. و لسه هي لسه شافت مني حاجة ..
حسين / يا ابني انت ازاي بتحبها وازاي بتعمل فيها كده حرام عليك ..
مازن / بحبها بس في نفس الوقت مجروح منها جوي .. تعرف انا عامل ف نفسي ايه عشان بس اتحمل افضل جاعد كده و متدخلش اخدها في حضني .. يلا ما علينا ..
مازن فضل يتكلم مع صاحبه لحد ما اهل ورد جم وبعدين مشي .
فات ثلاث شهور على الحال ده مازن كان طول الوقت بيتخانق مع ورد وبيهزقها وبيضايقها وفي يوم ورد كانت عايزه تروح فرح واحده صاحبتها ومازن صمم ان هو يروح معاها …
كانت ورد واقفه وسط البنات قرايبها بتهزر وبتضحك كان باين عليها انها فرحانه جدا .. مازن كان مراقبها و مشالش عينه من عليها .. بس فجاة اتفاجئ باحمد ابن خالتها بيقرب منها و وقف اتكلم معاها شوية و كانوا بيضحكوا ..
مازن قرب بسرعه عليها ووقف جنبها ..
مازن / ايه يا حبيبتي انتي بخير صح .
احمد / انت بقى ابن عمها اللي اتجوزها كده في يوم وليله .. الف مبروك يا عم ..
مازن / وانت بقى ابن خالتها اللي لسه طالب وبتدرس ده انت طلعت صغير جوي .
احمد / صغير ازاي يعني .. على فكره الموضوع مش بالسن ولا بالشكل .. لو انت بتقيس الموضوع بالسن يعني
مازن / لا ما بقيسهوش بالسن بعد اذنك بجي ..
مازن شد ورد وراح بيها ناحيه ساحه الرقص .. فضل يرقص معاها وهو باصص ليها بحده .
ورد / هو انت بتبصلي كده ليه .
مازن / انتي ازاي تتجرئي وتوجفي مع راجل تاني وانتي على ذمه مازن سلمان .. انتي ايه مفيش احترام ليا خالص اكده ..
ورد / عادي يعني هو اللي جه وسلم عليا ايه المشكله في الاول وفي الاخر ده ابن خالتي بعد اذنك يا مازن ابعد عني بلاش تبصلي بالطريقه دي ..
مازن قربها اكتر لحضنه وفضل يرقص معاها وهو مبتسم بس رغم كده كان بيغلي من جواه .. كانه كان بيثبت لكل الموجودين انها ملكه هو بس بعد شويه الفرح خلص واخدها وطلعوا على بيته .
ورد بعصبيه / انا مش عارفه ايه لازمته كل شويه توديني على بيتك انا عايزه اروح على فكره عشان ورايا مذاكره كتير جدا
مازن / اكتمي احسنلك بدل ما أفرج الشارع كله عليكي يا ورد ..
ورد خافت و مازن كمل سواقه لحد ما وصلوا لبيته اول ما طلع مسك ورد جامد من دراعها ..
مازن / اني ساكت على كل تصرفاتك بس اللي بتوصل لدرجه انك تهنيني جدام الناس مش هسمح بده ابدا فاهمه
ورد / انت فهمت ايه يا مازن اسمعني الاول واعرف انا كنت بتكلم مع احمد في ايه
مازن / مش عايز اعرف انا كل اللي اعرفه انك مش محترمة ..
ورد بعصبية / انت اللي همجي ومش عايز تسمعني ولا تفهم اي حاجه دراعك سابق مخك كده على طول .. انا بكرهك و بكره البيت ده و بكره نفسي لمجرد اني مراتك حتي لو علي الورق ..
مازن اتعصب جدا واداها بالقلم ساعتها ورد اتصدمت وفضلت بصاله ومش بتتكلم دموعها نزلت وهي ساكته ..
مازن حط ايده على وشه بعصبيه وفضل يتحرك في الاوضه ..
مازن / شفتي جله ادبك وطوله لسانك وصلتنا لحد فين انتي السبب في اللي حصل ده كله انتي السبب ..
ورد فضلت ساكته ومش بتتكلم اخدت شنطتها ونزلت من البيت .. اخدت تاكسي و قالتله العنوان سندت راسها على الشباك .. كانت اخر حاجه تتوقعها ان مازن يمد ايده عليها بعد شويه وصلت لبيتها ..
عصام واسماء كانوا قاعدين في الريسبشن بيتفرجوا على التلفزيون اول ما شافوا بنتهم بالحاله دي استغربوا .
اسماء / مالك يا ورد وشك عامل كده ليه ..
ورد بصيتلهم وفجاه وقعت واغمى عليها ..
عصام جري عليها بسرعه / ورد فوقي يا بنتي مالك بس ..
اسماء / يلهوي البنت ايديها متلجه خالص يا عصام اتصرف بسرعه واطلب ليها الدكتور ..
بعد شويه كانت ورده نايمه على سريرها في اوضتها والدكتور بيكشف عليها ..
عصام / ها يا دكتور طمني .
الدكتور / مفيهاش حاجه خالص واضح ان نفسيتها تعبانه شويه .. عموما خلوها تاخد الادويه دي و محدش يزعلها وباذن الله هتبقى كويسه ..
الدكتور مشي و ورد فضلت نايمه وكانها بتهرب عشان متتكلمش مع اهلها ..
عصام كان قاعد في الريسبشن حاطط ايده على راسه .
اسماء قربت منه / مش ملاحظ ان من يوم ما حصل اللي حصل وبنتك مبقتش في حالتها الطبيعيه طول الوقت زعلانه وبتعيط وفي الاخر اهي وقعت مننا ..
عصام / مش عارف يا اسماء انا خايف يكون فعلا القرار اللي اخدناه يكون هو السبب في اللي حصلها ده انا كنت فاكر انها كام يوم وهتبتدي تتعرف على مازن وهيفهموا بعض بعد فتره مكنتش اعرف انهم هيطولوا كده ..
اسماء / انا واثقه ان حاجه حصلت النهارده هي اللي وصلتها لكده كلم مازن وخليه يجي هنا عشان نفهم منه ايه اللي حصل للبنت ..
عصام كلم مازن اللي راحلهم وقعد معاهم حكالهم على كل حاجه ..
اسماء بعصبيه / يعني انت بدل ما تسمعها وتفهمها وتحاول تحتوي الموقف تديها بالقلم هي دي الامانه اللي استأمناك عليها مكنتش اتخيل انك ضعيف بالشكل ده ..
مازن / انا بعترف اني غلطان انا اسف ..
عصام / اسمع يا ابني انا بنتي عندها 20 سنه عمري ما مديت ايدي عليها ولا مره وعمري ما نيمتها ودموعها على خدها النهارده اول مره تنام وهي زعلانه بالطريقه دي وتمد ايدك عليها يبقى واضح ان انتم الاتنين مش متفاهمين وزي ما دخلنا بالمعروف هنخرج بالمعروف ورق الطلاق يبقي عندي بكره الصبح ..
مازن / بس يا عمي انا بحبها ارجوك اديني فرصه تانيه وانا هقدر اصلح كل حاجه ..
عصام / الموضوع انتهى يا مازن ورقه الطلاق تكون عندي بكره وربنا يوفقك مع الاحسن منها ..
مازن مشي وهو حاسس بحزن الدنيا كله في قلبه راح على شقته وفضل باصص على كل ركن فيها وشايف ذكرياته مع ورد .. دموعه نزلت ونام وهو قاعد مكانه .
…………….
اما ورد صحيت تاني يوم على صوت باب اوضتها بيتفتح وبتدخل منه امها ..
اسماء / يلا يا حبيبتي عشان تاكلي .
ورد / شكرا يا ماما انا مش عايزه اكل .
اسماء حطت الصينية علي السرير جنب ورد
اسماء / مفيش الكلام ده لازم تاكلي عشان تعرفي تقفي على رجلك .. دينا صاحبتك قالتلي ان تقديم المشروع بتاعكم قرب ..
ورد / يا ماما والله مش عايزه اكل عشان خاطري بلاش تضغطي عليا ..
اسماء ابتسمت / طب ولو قلتلك ان ابوكي اتكلم مع مازن وخلصك منه .
ورد / خلصني منه ازاي يعني
عصام دخل عليهم الاوضه وهو مبتسم / يعني هيطلقك يا حبيبتي وهترجعي حره زي ما انتي عايزه مبسوطه بقى ؟
ورد دموعها نزلت وفضلت ساكته .. امها حضنتها وفضلت تطبطب عليها …
………………………………
فات شهر على الحال ده ورد حياتها رجعت زي الاول بالظبط وبقيت تنزل وتروح محاضراتها عادي جدا بس كانت دايما ساكته و الحزن باين عليها ..
كانت قاعده مع دينا صاحبتها بيذاكروا في كافيه بس ورد مكنتش مركزه خالص .
دينا / انا ممكن اعرف انتي زعلانه اوي كده ليه يا ستي تجربه سخيفه وعدت مش فاهمه بقى انتي معكننه على نفسك ليه ..
ورد / لا عادي يا دينا انا بس حاسه اني محتاجه وقت عشان اعرف ارجع لطبيعتي ..
دينا بصيتلها باستغراب / بت انا مش مطمنه ليكي انتي مالك بالظبط .. ورد اوعي تكوني حبيتيه
ورد حطت وشها في الارض ومسحت دمعه نزلت من عيونها ..
دينا / تبقي حبيتيه يا موكوسه ازاي طيب وامتى ده انتي كنت كل يوم تكلميني وتقعدي تصيحي انك مش طايقاه عايزه تخلصي منه ..
ورد / معرفش يا دينا ما اعرفش فجاه لقيت نفسي مش عارفه اعيش من غيره .. دينا انا مش فاكره حياتي قبل مازن كانت عامله ازاي انا نسيت كل حاجه عن ورد مش فاكره بس غير ورد اللي كانت موجوده ومازن موجود بس للاسف هو محاولش حتى يسمعني او يفهمني
دينا / ما تزعليش نفسك يا ورد كل حاجه نصيب وانتي نصيبك انتهى معاه لحد كده وصدقيني لو مكتوب انكم ترجعوا هترجعوا
ورد سكتت وبتشجيع من دينا بدات تذاكر تاني .. جه الليل و ورد روحت البيت كان ابوها وامها قاعدين ساكتين .
ورد بابتسامه / ازيكم يا جماعه مالكم عاملين كده ليه ..
اسماء / ايه يا حبيبتي خلصتي مذاكره
ورد / ايوه يا ماما بس طبعا لسه فاضل شويه وهحتاج وقت عشان اعوض كل اللي فاتني .. مالك يا بابا حضرتك قاعد ساكت كده ..
عصام / ابدا يا حبيبتي انا هدخل المكتب بتاعي اشتغل ..
عصام قام دخل على مكتبه .. ورد حاطت الكتب بتاعتها على الترابيزه وقعدت جنب امها ..
ورد / هو في ايه يا ماما بابا ماله .
اسماء / اصل جدك كلمنا من شويه وقال ان احنا لازم نسافر البلد ونحضر خطوبه هند بنت عمك بس ابوكي حاول يرفض عشان ما تشوفيش مازن وتضايقي وكده وجدك مجرد ما سمع الكلمتين دول اتعصب وقاله لو مجيتش هتبرى منك .
ورد اتنهدت وقامت غيرت هدومها ودخلت المطبخ عملت كوبايتين نسكافيه وراحت لمكتب ابوها .
ورد / عملتلنا بقى يا بابا كوبايتين نسكافيه انما ايه حكايه ..
عصام ابتسم / تسلم ايديك يا حبيبتي ..
ورد قعدت / ايه يا بابا هنسافر امتى بقى .
عصام / مش هنسافر يا ورد انا ما اقدرش اعرضك لحاجه تضايقك اكتر من كده كفايه اني كنت هدمرك بسبب القرار اللي اخدته ..
ورد / متقلقش يا بابا انا بقيت كويسه واقدر اواجه اي حاجه عشان خاطري يا بابا انا كمان محتاجه اسافر اغير جو واشوف هند لانها وحشتني اوي .
عصام / يعني يا حبيبتي انتي مش هتضايقي .
ورد / لا طبعا يا بابا مش هتضايق كلم جده وعرفه ان احنا هنيجي نحضر الخطوبه
تاني يوم ورد واهلها فعلا سافروا الصعيد والكل فرح بوجودهم كانوا قاعدين في الصاله الكبيره وسلمان وهند و سعاد قاعدين معاهم
هند / انا فرحانه اوي يا ورد انك جيتي تحضري خطوبتي ربنا يخليكي ليا ..
ورد / انتي عارفه يا هند انا ما اقدرش اتاخر عنك وعارفه معزتك عندي ازاي .
سلمان / يلا طيب قوموا استريحوا شويه عشان تجدروا تسهروا معانا في الخطوبه بالليل .
ورد ابتسمت ولسه هتتكلم اتفاجئوا كلهم بمازن داخل من باب البيت اول ما شافهم و دى وشه الناحيه التانيه وراح ناحيه السلم .
سلمان بصوت عالي / ايه يا مازن مش هتيجي تسلم على عمك .
مازن قرب منهم بحرج .. كان عارف كويس ان عمه ما سامحوش على اللي عمله في بنته ..
مازن مد ايده / كيفك يا عمي
عصام / اهلا يا مازن عقبالك .
مازن هز راسه وطلع بسرعه لاوضته على قد ما الايام اللي فاتت كانت صعبه عليه بس حاسس ان روحه رجعتله لما شافها ..
مازن / ياااه كنتي وحشاني جوي يا ورد يارب تكوني بخير و مبسوطه
اما في اوضه ورد كانت هند واقفه معاها وهي بتحط حاجاتها في الدولاب .
هند / الله يا ورد الفستان ده حلو انتي هتلبسيه النهارده .
ايوه / طبعا والله نزلت جبته مخصوص عشانك يا نوده .. قوليلي خطيبك ده بتحبيه ..
هند / بصراحه بحبه من زمان بس كنت دايما برفضه عشان انا خايفه اكمنه صاحب اخويا وكده وكنت خايفه لمازن يفهم ان انا وهو كنا يعني بنتكلم مع بعض من وراه بس اتفاجئت برد فعل مازن لما عرف كان هادي جدا ووافق على خطوبتنا
ورد / ربنا يوفقكم ويسعدكم .
هند / قوليلي بقى هتتجوزي قريبك ده امتى .. ايوا يا عم هتتجوز بعد قصه حب جامدة و كده ..
ورد باستغراب / قريبي مين انا مش فاهمه حاجه .
هند / هو مش انتي كنت بتحبي واحد قريبك قبل ما تتجوزي مازن اخويا .. يعني اكيد هتتجويه بعد ما اتطلقتي .
ورده / ايوه بس اكتشفت بعد كده اني مكنتش بحبه وعرفته ده وهو تقبله وسافر يكمل ماجستير بره كمان .
هند باستغراب / غريبه وده امتى ده حصل .
ورد / من شهر .
هند / ده يعني من ساعه ما انت ومازن اطلقتوا صح .
ورد / ايوه وقبل ما نتطلق كمان اخر مره شفته فيها كان في فرح قريبتي وقلتله الكلام ده و تاني يوم على طول انا و اخوكي اتطلقنا .
هند بدات تجمع كل الخيوط وفهمت الحاجه اللي ورد ومازن مكانوش فاهمينها .
هند / اه طيب طيب ربنا معاكي يا حبيبتي انا هروح بقى اوضتي عشان ابتدي اجهز نفسي يلا باي .
هند خرجت بسرعه و ورد استغربت بس ضحكت على حماسها
اما في اوضه مازن الباب اتفتح فجاه ودخلت منه هند ..
مازن باستغرب / جرى ايه يا بت مش تخبطي هي الخطوبه دي هتاكلك عقلك ولا ايه ..
هند / اسمع بس يا مازن اللي انا عرفته .. انت طلعت كنت ظالم ورد
مازن / ظالمها ازاي يعني .. مش فاهم حاجة ..
هند حكيتله كل اللي ورد قالتهولها ..
مازن بصدمه / يعني ايه .. يعني ورد كانت بتجوله انها مش بتحبه ..
هند / اسم الله عليك وعلى نباهتك وانت طبعا بسبب عصبيتك محاولتش تسمعها وتفهم حصل ايه ..
مازن قعد على الكرسي وحط ايده على راسه
هند قربت منه وطبطبت عليه .
هند / اسمع يا مازن ورد بنت كويسه جدا وبتحبك على فكره وانت كمان بتحبها ما تخليش العند والكبر يقف بينكم ويمنعك عنها ما تخليش اي حاجه مهما كانت تمنعك عنها الحب الطف حاجه في الدنيا ولو الانسان لاقاه المفروض يمسك فيه عشان يبقى مبسوط ..
هند سابته وخرجت بره الاوضه ومازن فضل قاعد بيفكر ..
جه الليل وبدات الخطوبه والكل كان فرحان ورد كانت واقفه وسط البنات ولابسه فستان بينك هادي جدا وحاطه ميك اب رقيق وفرده شعرها ..
مازن اول ما شافها عينه لمعت بحب بس اتضايق جدا لما لقى كل العيون عليها والناس بتركز معاها اكتر من كتر ما كانت بتضحك وبتهزر مع الكل …
مازن قرب من هند بهدوء ..
مازن / بجولك ايه .. روحي خليها توجف المسخره اللي بتعملها دي وتبطل ضحك شويه وتثبت في مكانها بدل ما هي عماله تتنطط ..
هند ضحكت / الله الله الحلو غيران ولا ايه .
مازن / اسمعي الكلام اللي بجولك عليه وروحيلها انا مش ناقص اعمل مصيبه هنا بسببها وده في مصلحتك على فكره بدل ما خطوبتك تبوظ ..
هند / لا وعلى ايه حاضر هروحلها
هند راحت وشوشت ورد في ودانها وفجاه ورد مسكت الطرحه وحطيتها على وسطها ..
مازن برق بصدمه و اتسحب وسط الناس بهدوء وشد ورد بعيد وهو حاطط ايده على بقها
فضل كده لحد ما وصلوا لمكان هادي ..
ورد / انت بتعمل ايه انت اتجننت سيبني .
مازن / انت ايه اللي كنتي هتعمليه ده انتي اتجننتي عايزه ترجصي وفي رجاله وشباب واجفين .
ورد / وانت مالك بيا انا اعمل اللي انا عايزاه ومحدش يحاسبني
مازن / لا انا حقي احاسبك ومش هسمحلك تعملي المسخره دي انتي فاهمه .
ورد / ده بصفتك ايه ان شاء الله
مازن / بصفتي جوزك يا هانم ..
ورد / نعم جوزي ده كان قبل كده احنا دلوقتي مطلقين يا مازن و مفيش اي حاجه تخليك تقف معايا كده اصلا ..
ورد جت تمشي مازن مسكها وقربها ليه و باسها .. و بعد شوية بعد عنها ..
مازن / يمكن دي تثبتلك اني جوزك .
ورد بتوتر / مازن ابعد عني مينفعش كده ..
مازن/ انتي بتجاومي ليا يا ورد .. ليه مش عايزه تعترفي انك بتحبيني هو انا متحبش و وحش للدرجه دي ..
ورد / عشان خايفه منك يا مازن ايوه دي الحقيقه اه انا بحبك واه بعشقك بس بخاف منك طريقتك وكلامك وتصرفاتك اللي مش متوقعه بيخوفوني بيخلوني ابعد عنك .
مازن اتنهد وحضنها / اني اسف يا حبيبتي اسف على كل اللي عملته اسف اني خوفتك مني اسف اني مديت ايدي عليكي صدقيني انا مش عارف عملت كده ازاي سامحيني يا ورد واديني فرصه تعالي نبدا سوا من جديد نبدا نتعرف على بعض اكتر ونتكلم اكتر وصدجيني مش هتندمي .
ورد / لا يا مازن احنا ما ننفعش لبعض انت من دنيا وانا من دنيا تانيه …
مازن / وايه المشكله هو ايه فايده الجنه من غير النار ايه فايده السماء من غير الارض ايه فايده الابيض من غير الاسود الحاجات دي كلها بتكمل بعضها لدرجه ان لو حاجه منهم مش موجوده التانيه هي كمان مش هتبجى موجوده انا كده من غيرك لو انتي مش موجوده يا ورد انا مش هبقى موجود .. اديني فرصه يا حبيبتي وانا اوعدك والله انك مش هتندمي مهما حصل …
ورد / يعني هتحبني وهتثق فيا وهتسمعني الاول ..
مازن / اوعدك والله اوعدك مش هعمل اي حاجه غير لما افهم الاول .. ها موافجه؟
ور هزت راسها بكسوف ومازن حضنها بفرحه ..
تاني يوم مازن كلم جده وعمه واقنعهم ان هو و ورد يرجعوا لبعض تاني .. وبعد فتره اتجوزوا وعاشوا مع بعض ورغم ان مازن كان طول الوقت بيغير على ورد بجنون بس الحياه بينهم كانت هاديه وسعيده .. وبعد سنتين كانت ورد خلصت كليتها ومازن قاعد بيتفرج عليها في حفله تخرجها وهي بتستلم الشهاده .. كان فخور بيها جدا واول ما نزلت من على المنصه اخدها وخرجوا بره القاعه .
ورد / مازن انت بتعمل ايه مش تستني اما الحفلة تخلص .
مازن ابتسم و طلع من جيبه خاتم شيك جدا .
مازن / الف مبروك يا حبيبتي انا حجيجي فخور بيكي ..
ورد بانبهار / انا مبسوطه اوي مش مصدقه اني قدرت احقق كل احلامي اتخرجت من الكلية ومتجوزه الراجل اللي بحبه
كملت بدلع / ومش بس كده كلها كام شهر وهيجي للدنيا حته مني ومنه …
مازن بصدمه / هو انا فهمت حاجه بس اللي انا فهمته صح مش كده .
ورد هزت راسها وضحكت ومازن شالها وفضل يلف بيها وهو فرحان
تمت ..
لقراءة الرواية كاملة اضغط على : (رواية مازن وورد)
