رواية ماذا ان احببتك مرة اخرى الفصل الثامن 8 بقلم نجمة
رواية ماذا ان احببتك مرة اخرى الجزء الثامن
رواية ماذا ان احببتك مرة اخرى البارت الثامن
رواية ماذا ان احببتك مرة اخرى الحلقة الثامنة
” خالد طلب ايدك وانا و مامتك وافقنا وهو جاي هو و أهله بكره يطلبوكي رسمي
‘ اييي بس انا مش موافقه
“وانا مش باخد رايك أنا بقولك علشان تجهزي نفسك الناس جايه بكره
‘ ادهم انت بتعمل كدا لي أنا مبحبش خالد
” مش مهم تحبيه ده الشخص المناسب ليكي ولا انتي مبتحبيش غير اللي شبه عاصم كدااا
بتدمع سارة و بتسكت
“سارة أنا قولت اللي عندي وده مش عقاب خالد هيعرف يحافظ عليكي كويس
بيخلص ادهم كلامه وبيسيبها ويخرج بيلاقي فاطمة واقفه في البلاكونه بيروحلها
” سارة اتقدملها عريس
• بجد مين
” خالد صاحبي انتي عرفاه
• ايوا بس سارة موافقة ؟
“مش مهم توافق
• ازاي يعني يا ادهم دي حياتها مش حياتك أنت علشان تقرر قرار زي ده
” فاطمة افهمي أنا فكرت كتير قبل ما أخد قرار زي ده خالد شخص كويس وانا هطمن على سارة كدا
• بس هي مش هتفهم كدا يا أدهم
” هي هتفهم ده بعدين
• اعمل اللي أنت شايفه صح يا ادهم تصبح على خير
” استنى عايزه اتكلم معاكي
• وقت تاني لازم انام علشان هصحى للكلية بدري
“خلاص ماشي
بتدخل فاطمة الاوضة بتلاقي سارة بتعيط
• سارة
” سيبيني لوحدي دلوقتي يا فاطمة
• لا مش هسيبك وانا عارفه كويس انتي حاسه بايه بس لي مفكرتش أن ادهم عمره ما هيعمل كدا غير لما يفكر كويس
” لا هو بيعمل كدا علشان عايز يخلص مني بعد اللي حصل
• لا يا سارة ادهم مش كدا فكري كويس و متعيطيش ويلا بقا علشان في كلية الصبح يا هانم ولا انتي خدتي على قعدت البيت
بتمسح سارة دموعها و بتحضن فاطمة
” شكرا انك موجودة معايا
• هزعل منك والله انتي اختي وانا مبحبش اشوفك زعلانه
تاني يوم الصبح كان ادهم نزل من بدري الشركة و بيصحوا البنات يفطروا وينزلوا الكليه
” فاطمة انا هروح اقعد مع صحابي و نتقابل بعد المحاضرة
• ماشي خلي بالك من نفسك
بتفضل فاطمة واقفه شويه سرحانه و بيجي زياد
” الجميل واقف لوحده لي
• خضتني يا زياد
” ما انتي اللي سرحانه
• حصل خير
” اخبارك اي بقالي كتير مشوفتكيش
• انا كويسه الفترة الأخيرة كان في شويه مشاكل
” متاكده انك كويسة
• ايوا كله تمام انت اخبارك اي
” انا كويس كنت عايز اقولك حاجه
• اتفضل
” هو ينفع انهارده بعد الجامعة نقعد في اي كافية
• لا قصدي في ضيوف هيجوا عندنا خليها وقت تاني
” خلاص تمام
• عند اذنك محاضرتي هتبدا
بتمشي فاطمة و بتحضر المحاضرة و بتقابل سارة وبيروحوا البيت، كانت أم سارة حضرت كل حاجة علشان خالد و أهله
• اي الريحه الحلوه دي يا خالتو انتي عامله ورق عنب
” ايوا يا حبيبت خالتو، يلا يا سارة البسي علشان الضيوف زمانهم على وصول
بتنفخ سارة بزهق و بتدخل الاوضة
” مالها دي
• لا ابدا يا خالتو دي بس تلاقيها مرهقه انهارده كان عندنا محاضرات كتير بس
” ماشي يا حبيبتي البسي انتي كمان
• حاضر
بعد وقت كان ادهم ايجا البيت و بعد شويه وصل خالد وأهله
أدهم: نورتونا يا جماعة اتفضلو
خالد: بنورك يا حبيبي
بيسلموا الأهل على بعض و بيقعدوا
ام خالد: امال العروسه فين
ام ادهم (سهر): ثانيه هشوفها
بتدخل سهر للبنات
سهر: بسم الله ما شاء الله اي القمر ده عندي بنتين زي القمر
كانت سارة لابسة دريس ابيض و سايبة شعرها وحاطه ميكب خفيف
و فاطمة كانت لابسة دريس اسمر عليه ورود حمرا و طرحه نفس لون الورود
فاطمة: ده انتي اللي قمر يا خالتو والله
سهر: طب يلا بقا علشان الناس مستنيه برا
فاطمة: حاضر جايين اهو
بتخرج سهر و بعدها بشويه بيخرج البنات
اول بيخرجوا بينسحر خالد في جمال سارة وعلى الناحيه التانيه كان ادهم مركز مع فاطمة اوي
بيفوقهم صوت ام خالد : بسم الله ما شاء الله تعالي يا سارة اقعدي جنبي
بتبتسم سارة و مبتديش اي اهتمام لخالد و بتقعد جنب مامته و بتروح فاطمة تقعد جنب خالتها بتبص لادهم لقيته بيبصلها بس باين انه مضايق بس مهتمتش
قعدوا يتكلموا و اتفقوا خلاص إن الخطوبه الشهر اللي جاي وطبعاً الكل كان مبسوط الا سارة اللي كانت عايزه تعيط بس ماسكه دموعها بالعافية
ابو خالد: طب على خير
بيقروا الفاتحه وكل ده وادهم مشلش عينه من على فاطمة
بعد شوية بيمشي خالد وأهله بس استأذن أنه يروح بكره الكليه ياخد سارة و يخرجوا
اول ما بيمشوا بتدخل سارة اوضتها و فاطمة وراها
فاطمة: شوفتي خالد كان بيبصلك ازاي ده شكله واقع خالص
سارة: مشوفتش ومش عايزه اشوف
فاطمة: يا مفتريه والله الولا شكله بيحبك بجد اديله فرصة يا سارة
سارة : ماشي يا فاطمة سيبيني بقا اغير هدومي علشان انام
فاطمة: طيب
كل وحده فيهم بتغير هدومها و بتنام سارة و بتخرج فاطمة بتلاقي ادهم واقف في البلكونه بتدخل المطبخ تعمل فنجانين قهوة و بتروح تقف جنبه
فاطمة: اتفضل
ادهم : شكرا
فاطمة: ومالك بتقولها من غير نفسك كدا انا غلطانه اصلا اني عبرتك
ادهم: شششش بس بس في اي انتي ما صدقتي
فاطمة: انا ماشيه
ادهم: تعالي هنا
فاطمة: عايز اي
ادهم : بعد كدا ابقي اتاكدي أن شعرك مش ظاهر من الطرحه
فاطمة: مش فاهمه بتقولي كدا لي
ادهم : شعرك كان ظاهر انهارده
فاطمة: اه علشان كدا كنت بتبصلي
ادهم: مش بصتلك اصلا
فاطمة: بطل كدب بقا بس ماشي ياعم
ادهم : ماشي يا توته بما ان خالد هيعدي ياخد سارة ف انا هاجي بكره اخدك
فاطمة: متتعبش نفسك
ادهم : اسكتي اسكتي
بتضحك فاطمة و بيفضلو يتكلموا
عند مريم كانت قاعده في الاوضة بتاعتها و خبطت امها
“اتفضلي ادخلي يا ماما
‘ عامله اي دلوقتي يا حبيبتي
” بخير الحمدلله
‘ عارفه انهارده شوفت مين
” مين
‘ شوفت مراد ابن عمك محمد
بتتصدم مريم و مبتتكلمش
‘ روحتي فين يابنتي
” ايوا يا ماما معاكي و بتتكلم بتوتر شوفتيه فين
‘ ده مراد سكن في الشقه اللي قصادنا
” ازاي يعني وامتا
‘ انهارده قابلته وحكالي تصدقي يا مريم عمك محمد توفى من سنتين يعني مراد دلوقتي وحيد من غير اب او ام بس بقا حته قمر ما شاء الله
مريم مكنتش مركزه في حاجة غير أنها هتعمل اي مع مراد
” ماشي يا ماما انا هنام دلوقتي
‘ ماشي يا حبيبتي تصبحي على خير
بتخرج امها و بتفضل قاعده خايفه ومش هتعمل اي لعند ما بيغلبها النوم
وبيخلص اليوم على كدا….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ماذا ان احببتك مرة اخرى)
