رواية مؤمن الفصل الثاني 2 بقلم ورقة وقلم
رواية مؤمن الجزء الثاني
رواية مؤمن البارت الثاني
رواية مؤمن الحلقة الثانية
النهارده خطوبتي 💍طبعاً مستنيني اقلكم الفرحه مش سيعاني وان حسه نفسي بطير وكده
بس الحقيقه انا مش عارفه انا ليه بعمل في نفسي كده
زي زي بنات كتير. اوي حبت واحد واتخطبت لواحد تاني
لان اللي حبته مش مناسب لاننا دايما قلوبنا بتختار اللي مش مناسب لينا 🥺
ارسلت الرساله اللي كنت كتباها علي جروب علي الواتس كنت انضمت ليه برقم محدش يعرفه «مشاكل يوميه»
وبعدين رجعت بصيت لنفسي في المرايا . بوجع اوي
كنت لابسه فستان منفوش شويه لونه جنزاري ولابسه طرحه ستان بنفس اللون وحطه ميكب ولابسه جزمه كعب بيضا
فجأه اتفتح باب اوضتي وفضلت تزغرط جامد
ساره أختي
…….. مبارك يملوك واخيرا عروسه قمر
ابتسمت بصعوبه& دخلت وراها ماما وبنات عمي
=يلا ياملوك خطيبك علي نار
دي رشه بنت عمي واخت العريس 🙂
طلعت معاهم وقعدت جنمبه علي الكنبه وبدأ الكل يزغرط
وفرحانين.. بس انا مش فرحانه ولازعلانه عادي
ولبسنا الدبل… وهيصوا شويه تحت زغاريط مستمره ورقص واغاني
وطه عمال يبصلي وشكله مبسوط اوي وانا عماله ابتسم ليه بصعوبه
واخيرا الليله دي خلصت……….
كنت قاعده علي سريري وسرحانه……..
دخلت ساره وبعدين كانت عماله تضحك.. قعدت جنمبي
بس انا كنت سرحانه…. ساره وهي بتضرب علي كتافي
=الجميل مين اخد عقله معقوله طه لحق يااخد عقلك بالشكل ده
بصيت ليها واتنهدت….. كنت ماسكه علبه هديه طه كان قدمهالي في حفله الخطوبه . سبتها بإهمال وبعدين وقفت ابص من الشباك
ساره اتنهدت وبعدين فضلت تبص في تليفونها
انا سرحانه في السما
ساره قطعتني…….. مش هتقوليلي مالك
رديت عليها وانا ببص في السما
…… محتاجه معجزه
ساره عادت الكلمه بتعجب….. معجزه!!!!!
اتنهدت وقعدت قصادها
…… محتاجه معجزه تطلعني من الفقر اللي احنا فيه ده ومحتاجه معجزه تخليني افركش خطوبتي من طه ومعجزه تحققلي حلمي واللف العالم ومعجزه تدخلني الكليه اللي نفسي فيها وابقي مهندسه
فجأه لقيت ساره بتضحك اوي .
….. يابنتي انت كده مش عاوزه معجزه انت عاوزه فانوس علاء الدين نامي نامي واتغطي كويس
بصتلها بغضب وحطيت راسي علي المخده وانا بحضن احلامي
فجأه لقيت ساره بتتكلم بتعجب
…… ايه الناس المجنونه دي احنا مش هنخلص من هبل السوشيل ده كل ماحد يحب يبقي ترند يألف قصه هبله زيه علشان يبقي ترند علي قفاها
كنت مديه ليها دهري رجعت بصيت عليها
…… في ايه؟!
ولسه هتتكلم الكهربه قطعت
ضحكت اوي
……. اهو حتي النور مش راضي عن الكلام ده
تتصوري ياستي كاتبين ايه إختفاء مؤمن فرج خليفه منذ اسبوع اثناء كتابته لروايته الشهيره ويقال انه من سرقه ذلك الكائن الذي كان يكتب عنه قبل كشف سره للعلن
وبعدين اتكلمت بضحك
….. بصراحه الولد جامد تلاقيه واحده سر. قته بصي قمر ازاي
بصيت علي تليفونها
وفجأه قمت بفزع =ده بتاع القهوه!!!!!!!!!!!
ساره برفع حاجب….. قهوه ايه؟!
قولتها بضحك = فعلا ده هبل ده يابنتي كان عندنا في الكافيه النهارده وبصراحه تخيلته مجنون و
ساره قاطعتها
=كريم قلي انك كنت بتتكلمي مع نفسك النهارده في الكافتريا وكمان كنت بتزعقي في واحده علي طرابيزه وتقوليها كل شويه تطلبي قهوه وماتشربيهاش
بصتلها وانا فتحه بقي
=واحده!!!!!!!!!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مؤمن)
