رواية لي انا الفصل الثامن 8 بقلم مي الحسيني
رواية لي انا الجزء الثامن
رواية لي انا البارت الثامن
رواية لي انا الحلقة الثامنة
#لي_انا(😎
يونس/طيب سبنى أفكر شويه يا زين
زين/يونس أنت المره اللى فاتت قولت اسيبك وليك اكتر من شهر اهو على نفس الوضع
يونس/لا المره دى بجد هفكر سبني اسبوع كده عشر ايام وهبلغك قرارى الاخير
زين/ماشى يا يونس هسيبك
___
وبعد مرور أسبوع كان يونس يفكر فى الامر لانه كان دائما يتمنى لشقيقته شخص ملتزم مثل زين وفى مثل اخلقه فهو ادره شخص باخلق زين ليعلو رنين الهاتف قاطعاً تفكيره معلن عن المتصل زين
زين/السلام عليكم
يونس/وعليكم السلام ورحمه الله وبركاته
زين/عامل ايه اخبارك
يونس/تمام الحمد لله وانتى
زين/أنا هكون تمام لما أسمعها
يونس/هى ايه
زين/الموافقه يا غالي
تنهد يونس تنهيده طويل قبل أن يجيبه: ماشي يا زين موافق
زين/٠٠
يونس/الوو زين رحت فين الوو
زين/أنت بتتكلم جد صح يعني هي بقت ليه أنا صح هتبقى حلالى
يونس/زين أنا اللى وافق مش حور و وافقت على أن أعرض الموضوع عليها هي وامي لكن لسه ولو وافقت هى يبقى نشوف بقى
زين/خير أن شاء ولنا في الله ظنن لا يخيب وظننا بالله إنه لن يضيعنا خير
يونس/خير يا حبيبي أن شاء الله
___
وبعد انتهاء المكالمة وتحدث يونس مع والدته في ذالك الأمر وقبلت الأم على الفور فهى تحب زين مثل ابنها وتعرف اخلقه جيداً وذهب إلى غرفة حور ليتحدث معاها
يونس/حور أنا عاوزك في موضوع
حور/ماشي بس فين الشكولاته أنا سمعتلك امبارح ولحد دلوقتي مجبتش حاجه
يونس بهس/ياربي يعني أنا جاي اكلهما في عريس تقولى شوكولاته دى مش المفروض تتجوز دى المفروض تروح حضانه
حور/يونس يا حبيبي أنت بتكلم نفسك
يونس/بسببك يااختي هتجنني المهم أنتي جايلك عريس
حور /أيه يعني الشكولا ايه ده أنت قولت ايه دلوقتي
يونس/بقول جايلك عريس زين عاوز يتجوزك
حور/زين مين
يونس/يا بنتي فتحي دماغك معايا كده زين صحبي
حور/طيب زين صحبك أنت يتقدمي أنا ليه
يونس/يعني علشان صحبى بتقدمي أنا مثلاً
حور/ها لا مينفعش طيب المفروض اقول ايه انا دلوقتي
يونس/ياربي أنا قولت طفله متقوليش حاجه يا حور صلى استخاره وشوفي نفسك ارتحتي تمام مرتحتيش مش مشكله الدنيا مش هتخرب
حور/يونس أنا مش عاوزه اسيبك أنت وماما وأنا مقدرش اعيش من غيركم أنت كل حاجه ليا يا يونس اخويا وابويا وكل دنيتي
يونس/يا حبيبتي مش هتسبينا دى الشقه اها قصدنا على طول يعني لو عطستى هناك هقولك أنا من هنا يرحمكم الله
حور/محدش هيستحملني غيرك ولا يحبني ذيك طيب مين هيرضا يخليني البس التيشرتات بتاعته غيرك
يونس/التيشرتات قولي كده أنا هخليه يلبسك التيشرتات بتاعته حاضر وبعدين مش صعبه يعني تعالى خدى من عندي اللى عاوزة
حور/مش هتزعلقى لما اخدها تانى يعني
يونس/ده أنا هنفخك
حور/الاخ الحنين رزق
يونس/صلى استخاره يا حبيبتي واللى فى الخير يقدمه ربنا زين حد كويس وملتزم متخافيش
حور/حاضر يا حبيبي
يونس/طيب هروح أنا احضر الحلقه مع الشيخ علشان اتاخرت
حور/ماشي يا قلبي ربنا معاك
__
وبعد مرور عدة أيام
يونس/يا بنتي كل ده بتفكري
حور/مش عارفه والله أنا صليت استخاره ومش حاسه بخوف ولا حاجه احساس عادي
يونس/يبقى مبارك يا غاليتي
حور/مبارك يا بس يا يونس استنا شويه تاني
يونس/حرام عليكي يا حور الواد بيم-وت والله مش كده
حور/طيب ماشي شوف بقى هتعمل ايه
يونس/هاعمل ايه يعني هكلمه
حور/ماشى أنا هدخل احفظ
يونس/ماشي يا قلبي
اتصل يونس على زين واجاب زين على الفور
زين/السلام عليكم
يونس/وعليكم السلام ايه يا ابني السرعه دي ده أنت لو ماسك الفون فى ايدك مش هترد بسرعه دي
زين/اعمل ايه مسكه على طول مستني الرد وأنت بتستمتع بعزابي ده وبتتقل عليا
يونس/امال لازم تتعب شويه
زين/طيب ايه بقى
يونس/ايه عاوز ايه أنت
زين/اخلص بالله يا يونس ورد عليا بقى
يونس بحزن مصتنع/معلش يا زين بقى أنا مقدرش اضغط عليها كل حاجه بخناق إلا الجواز باتفاق
زين/لا يا يونس متقولش كده اتكلم معاها تانى وأنا عندي استعداد استنها العمر كله
يونس/للاسف يازين احنا موفقين
زين/معلش كلم ايه أنت قولت ايه موافقين صح
يونس/ايوه ياابني شوف يوم فاضي علشان نتفق على الخطوبه
زين/خضتني يا يونس الله يصلح حالك يا اخي وبعدين يوم فاضي ايه أنا بكره هكون عندكم
يونس/لا يا رجل ما تيجي دلوقتي احسن
زين/تصدق فكره بس لا ما ينفعش بكره الجمعه أنا هصلى الضهر وأجلى احسن
يونس/ماشي يا غالي تنور في اي وقت
زين/ماشي أنا هروح اكوي الجلابيه سلام
يونس/اكوى يا أخويا اكوى أنا عندي اللى يكويلى
زين/هاخدها يا يونس قريب اوى
يونس/حتى لو ختها هتكولى برضو سلام
زين/سلام
__
في اليوم التالي داخل الصالون
يونس/ايه يا ابني
زين/ايه ما أنت عارف أنا جاى ليه
يونس/ايوه عارف بس ها هنعمل ايه أنا أول مرة أقعد القعده دي
زين/وأنا كمان
يونس/طيب نتفق على الخطوبه
زين/بص من الاخر أنا مش هاعمل خطوبه نعمل فرح على طول
يونس/اللى هو اذاي يعني
زين/ايوه أنا مصدقت احسن ترجع فى الكلام أنا عارفك
يونس/ههههه ماشى يا ابو الصحاب
زين/احنا الشهر اللى جاى نعمل فرح وكتب كتاب وشبكه وكل حاجه أنا جاهز والشقه جاهزة
يونس/تمام واحنا كمان جاهزين
دخلت الأم وتحدث مع زين فى بعض الأمور الهامة لأن يونس لا يدري شى من هذا الأمور
الأم/متجيب حور يا يونس
يونس/حاضر يا ماما
ذهب يونس ليحضر حور من الداخل
يونس/يلا يا حور اطلعى
حور/بلاش هو عارفني وأنا عارفه خلاص
يونس/معلش اقعدى شويه بس
حور/مكسوفه اطلع يا يونس والله خلنى هنا احسن
يونس/متكسفيش هو هيكلك يعني وبعدين ما أنا هقعد معاكي
حور/ماشى
خرجت حور من الغرفة متوجه الى الصالون وهي ترتدي فستان واسع بالون البنفسجي مع خمار ابيض طويل وجونتي وكانت تتخبى خلف ظهر يونس كأنها تختبئ من وحش وعندما جلس يونس جلست فى جواره وهى تنظر الى الارض
الأم/يونس تعالى بره عايزك
يونس/احم حاضر يا ماما
كان على وشك الوقوف ولكن حور امسكت بيده نظر لها نظرة اطمتنان وخرج
زين/احم حور ممكن تبصلى
حور/٠٠
زين/طيب انتى عارفه أنا تعبت ازاي علشان اوصل للحظه دى
حور/٠٠٠
زين/يا بنتي اتكلمي مش معقول كده طيب
حور/طيب اتكلم اقول ايه يعني
زين/اللهم صل وسلم وبارك على سيدنا محمد ايوه كده خلى الدنيا تنور
حور/عليه افضل الصلاة والسلام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لي انا)
