رواية لي انا الفصل الثالث 3 بقلم مي الحسيني

رواية لي انا الجزء الثالث

رواية لي انا البارت الثالث

رواية لي انا الحلقة الثالثة

فى صباح اليوم التالي استيقظت حور فى صلاة الفجر ووجدت يونس يتجهز لينزل يصلى الفجر فى المسجد
حور/صباح الخير
يونس/صباح النور
حور/انت جيت امتا امبارح اتخرت ليه
يونس/رحت لعبت ماتش كوره مع الشباب بعدين رحنا قعدنا شويه مع الشيخ ومحسناش بالوقت
حور/ماشي يا قلبي أنت هنزل تصلى صح
يونس/اه محتاجه حاجه
حور/لا أنا هصلى ونام مش هروح الكليه
يونس/ليه
حور/النهارده عندي اختبار مع المعلمه فى سورة البقرة وعاوزه اراجع
يونس/ماشى أنتي هتروحلها النهارده
حور/لا هو اختبار على الجروب
يونس/ماشي ربنا معاكي أنا هرجع على بليل وأنتي عارفه طبعا هتعملى ايه
حور/مش هنزل ومش هفتح الباب لحد غير لما اعرف مين ومردش على ارقام غريبه حاجه تاني
يونس/اه مترميش حاجه من البلكونه
حور/هههههههه حاضر بس مش أنا اللى رميتها عليا هو اللى وقف تحت الكشكول فجاه عليه
يونس/يعني هو اللى غلطان
حور/يعني هكون أنا مثلاً
يونس/مثلاً أنا نازل قبل ما اموت السلام عليكم
حور/وعليكم السلام ورحمه الله وبركاته
وفي المساء أنهت حور الاختبار وجهزت الطعام لها ولشقيقها ولكن بعد ما انهت كل أعمالها كانت تسقط الأمطار الغزيرة فى الخارج وقطع الكهرباء
-يا نهاري أنا كده لازم اخاف ايه فلم الرعب ده حبكت النور يقطع دلوقتي يعني طيب مطر وقلت عادي أنا كده كده بحب المطر بس الكهرباء كتير والله
قلتها حور وهي تحدث نفسها وتتوجه الى البلكونه لتجلس فيها لحين قدوم يونس
-أسيرُ ولست أعلم أين أمضي
غريب الدار قد ضيعتُ بعضي
وحيدًا تُلاقيني الليالي بثقلها
غريبٌ فلا اُنسٌ يواسي كسرتي
وحيداً تُلاقيني اللّيالي بثقلها
غريبٌ فلا اُنس يواسِي غربتي
عليل أحاطتني الجُرُوح بِعُنفِها
سقيمٌ فلا طِبٌ يُداوِي علّتِي
=اتأخرت عليكي ساعتين تغني وحيداً تلاقيني الليالي ده ايه ده قالها يونس وهو يمازح حور
حور/حرام عليك يا يونس أنت مش هترتاح غير لما تموتني في يوم والله
يونس وهي يأخذها بين أحضانه/بعد الشر عليكي يا قلب يونس يا رب أنا وانتي لا
حور/بعد الشر عنك يا حبيبي ليه كده
يونس/انتي بتبكي ليه يا حور في حاجه حصلت حد عمالك حاجه
حور/لا يا حبيبي مافيش حاجه
يونس/طيب بتبكي ليه علشان خضيتك حقك على قلبي أنا اسف
حور وهي تزيد في البكاء/لا والله بس أنا جبت جيد جداً في الاختبار النهارده والمعمله زعلت مني وزعقتلي
يونس/معلش تعوضيها المره اللى جايه وهي زعقتلك
علشان عارفه انك تقدري تجيبي احسن من كده وعارفه مستواكي كويس
حور/أنا اتوتر علشان الاختبار والله لكن أنا حافظه وهي عارفه ده كويس لان احنا مخلصنها من زمان ودى مراجعه عليها
يونس/ لازم يبقا اسلوب حياتك مبني ع الجمله دي
_ “عسى في الأمر خيرا”_
مهما كان حظك قليل ف اي امور من امور الدنيا
خليك راضي
_سيدنا عمر قال:
“ستمضي أقداركَ على كل حال، فاجعلها تمضي
وأنتَ عنها راضٍ؛ فَلَرُبما ثوابُ رضاكَ يُرضيك.” وانتي مش بتحفظي علشان المعلمه أنتي بتحفظي علشان نفسك والمهمة نيتك وبس وانك تكوني فعلاً حافظ
واتوترتي لما جيتي تسمعلي
حور/ايوه طبعا أنا بحفظ علشان يبقى معايا حاجه اقف بيها قدام ربنا احنا أعمالنا لن تبلغنا الجنه إلا برحمت الله
يونس/الله يفتح عليكي علشان نفسك بس انتي عارفه الموقف بتاعك ده فكرني بموقف حصل معايا وأنا في الثانوية العامة مع مدرس أنا بحبه جدا
حور/احكيلى
يونس/حاضر يا ستي هو كان عامل امتحان وكان الامتحان ده من 30درجه أنا جبت 25 وهو اتعصب عليا جدا وقالى اذاى أنت تجيب الدرجه دي وأنا فعلاً كنت مستغرب أنا واثق من اني حالل صح المهم زعقلي جامد ودى كانت اول مره تحصل ومرضيش يقولى فين الغلط عندي قالى روح وتعالى بكره حالل الورقة كلها صح وأنا بقي زعلت جدا هو اذاى يكلمني كده ويزعق فيا كده بطريقة دي وكمان أنا اعرف الصح من الغلط إذاي وأنا من نسبالى الورقة كلها صح بس روحت ومسكت الورقه لقيت عندي سؤال واحد بس غلط رجعت عنده تاني يوم وقالته ردي عليا وقالى أنا عارف أن سوال واحد بس عندك اللى غلط بس حبيت اخليك تعرفه بنفسك وقلتك ان هما خمسة علشان اخليك واثق في نفسك ومش اي حد يأثر عليك وقالى كمان أن هو زعق فيا قصد كل الطلاب علشان هو عارف ان أنا أقدر مغلتش بس لو ركزت شويه بس ولو كان اي حد تاني عمل كده مكنش صدر منه ردت الفعل دي بس هو عمل كده علشان عارف مين اللى قدامه كويس وعارف يقدر يعمل ايه فاهمتي أنا عاوز اقول ايه يا حور
حور وهى ساكنه بين احضانه تستمع له باهتمام/فاهمه
يونس/طيب يا ستي أنا عملك مفاجأة لا هما انتين تاخدي واحد دلوقتي والتانيه قريب جدا أن شاء لله
حور/بجد يا يونس طيب ليه مش دلوقتي الاتنين
يونس/علشان المفاجأة التانيه احنا هنروح عندها مش هعرف اجبها لحد هنا بس دلوقتي غمضي عيونك يلا
أغمضت أعينها وهى تنتظر المفاجأة ولكن سرعان ما فتحتها مجددا حين أدرك ما هي المفاجأة
حور/الله يا يونس أنت جبتي سلسلة
يونس/اه شوفي شكلها بقي
نظرت حور اليها وقد غمرت السعده قلبها فاهي دائما تتمنى أن يحضر له أحد هذه الهدية كانت سلسلة على شكل فراشة ولكن كان منقوش خلف أجنحتها اسمها نعم هو صنعها لها خصيصا
يونس/حلوه هى اللى اخرتني لحد دلوقتي
حور/حلوه بس دي تخبل كفايه انك عملها علشاني مخصوص
حضنته حضن طويل كان أبلغ من اى حديث
يونس/يلا ندخل جوه الجوى برد جدا والمطره شديدة كمان لو ختى برد ماما هتعلقني تقول سبتلك البت يومين تخليها تاخد برد
حور/خلينا شويه يا يونس أنا بحب المطر اوي
يونس/لا كفايه كده علشان الكليه بكره
حور/ماشي بس ناكل الاول أنا مكملتش مستنياك ناكل مع بعض
يونس/ليه بس كده يا حور مش أنا قولتلك هتاخر متكليش ليه لحد دلوقتي بس
حور/أنا مش
قطع حديثها القطه الصغيره الذى قفزة عليهم من الشرفه المجاور والذي جعلت حور تصرخ من شدة الفزع
يونس/مافيش حاجه يا حور دى قطه صغيره متخافيش
حور/طيب ابعدها أنا مش بحب القطط دي ابعدها بالله
جاء زين على صوت صراخ حور
زين/فيه ايه يا جماعه
يونس/مافيش حاجه يا زين دى قطه صغيره حور اتفزعت منه بس
زين/اه معلش دى قطط نوح ابن اختي سابها عندي الصبح أنا اسف
يونس/عادي ولا يهمك بس هى بتخاف من القطط بس