رواية ليل احتلت عرش القاسي الفصل الثالث عشر 13 بقلم تيسير محمد
رواية ليل احتلت عرش القاسي الجزء الثالث عشر
رواية ليل احتلت عرش القاسي البارت الثالث عشر
رواية ليل احتلت عرش القاسي الحلقة الثالثة عشر
يضحك زين على ابوه اللى فاهمه و يكمل طريقة ناحية اوضة ليل و ميخبطش يدخل على طول بس يتفاجى و يتصدم من اللى شافة يلاقى ياسمين قاعدة على الارض و بتعيط فيجرى عليها بلهفة و يشيلها من الارض و يحطها على السرير تحت اعتراضها انه يشيلها .
زين بلهفة : مالك يا ليل فيكى ايه و بتعيطى كده ليه .
ليل بشهقة و غضب تودى وشها الناحية التانية : مفيش و لو سمحت عايزة اقعد لوحدى ممكن .
زين باستغراب : مالك طيب يا ليل ما احنا كنا لسه كويسين من شوية ايه اللى حصل خلاكى كده اتكلمى يا بنتى .
ليل بصراخ : قولتلك مفيش هو بالعافية الكلام كمان و لا ايه انا زهقت و مش عايزة اشوفك حواليا ، عايزة اقعد لوحدى سبونى فحالى بقى .
زين بغضب : انتى ازاى تعلى صوتك عليا انتى هتنسى نفسك ولا ايه انا اللى غلطان انى عملتلك قيمة و قولت اعرف مالك .
ليل بصراخ : انا ليل قيمة غصب عنك و بعدين انت عمال تسالنى مالك مالك ، انت اصلا مالك و مالى انت مش بتحب واحدة تانية و هتتجوزها عايز منى انا ايه بقى .
زين بدون ادراك منه : اوعى تكونى مفكرة انى علشان بتعامل معاكى كويس انى خلاص بموت فى دباديبك و يا حرام مش قادر اعيش من غيرك لا فوقى انا لو بعملك حلو فده علشان خاطر بابا و ماما ميزعلوش منى مش اكتر انما انا هتجوز اللى بحبها و اللى تشرفنى مش مجرد طباخة .
ليل تبص لزين بكسرة و تحط وشها فى الارض و تسكت فيندم زين انه اتكلم كده و ندم انه جرحها و كسرها بالشكل ده خصوصا انه ميقصدش كده بس هو لما بيتعصب مبيعرفش هو بيقول ايه .
ليل بضعف و كسرة : معاك حق انا فعلا طباخة و كنت كمان بغسل الصحون علشان اخد فلوس زيادة تساعدنى انا و ماما و ده شئ ميعبنيش ابدا بالعكس انا فخورة انى كنت سند لامى حتى لو انت شايف ان دى حاجة متشرفش ، و عموما كويس انك قولت اللى جواك و الصورة اللى انت شايفنى بيها علشان ابقى فاهمة قيمتى عندك كويس و كمان انا بعفيك من اى اتفاق كنا اتفقناه قبل كده .
زين بصدمة : تعفينى ازاى يعنى تقصدى ايه .
ليل بقوة مصطنعة : يعنى تطلقنى يا زين ، انا مش هقدرافضل على زمتك بعد كده .
زين بغضب : لا طلاق مفيش .
ليل : لو سمحت طلقنى انا عارفة انك مش بتحبنى و بتحب واحدة تانية و هتتجوزها فملوش لازمة انى افضل على زمتك و لو علشان بابا يوسف فانا هكلمه .
زين يمسك ايديها بغضب و يشدها يوقفها ادامه : ليه ، ليه كل ده ايه اللى حصل فهمينى ما كنا كويسين .
ليل تشيل ايده من على ايديها بهدوء : محصلش حاجة و لو سمحت مش عيزاك تلمسنى تانى كفاية اوى لحد كده .
زين : تمام اوى و انا طلاق مش هطلق و هسيبك كده متشعلقة و يسيبها و يخرج و يقفل الباب جامد وراه ، اما ليل فبعد ماخرج اترمت على السرير و فضلت تعيط و افتكرت اللى حصل من نص ساعة
( دخلت ليل اوضتها علشان ترتاح بعد خوفها على ياسمين لقت تليفونها بيرن برقم غريب فعملته صامت و دخلت خدت شاور و خرجت سرحت شعرها و ادت فرضها و لقت التليفون عمال ينور بنفس الرقم الغريب و بعد كده جت رسالة منه ففتحتها لقت حد باعت بيقولها : ردى عليا ضرورى لان بسببك الانسان اللى انا و هو بنحب بعض من تلات سنين سبنى و اتجوزك علشان يرضى ابوه بالرغم من انه بيحبنى انا و حياته اتدمرت بسببك ، اتصدمت ليل من الرسالة و قررت انها ترد على اللى بيتصل ، و اول ما رن ردت ليل .)
ياترى مين اللى بتكلم ليل دى ها
امممممممم هقولكوا كمان شوية استنوا
——————————————————————————–
عند ياسمين فبتكون نايمة من تعبها ، الباب يخبط و يدخل عمر بالغدا بتاعها يلاقيها نايمة يحط الاكل على الترابيزة و يروح لها و يطبطب عليها .
عمر : ياسو اصحى يلا علشان تاكلى و تخدى دواكى .
ياسمين بنوم : حاضر يا عمر خمس دقايق بس .
عمر بضحك : قومى يا بت انتى بدل ما اقلب عليكى ماية و تصحى غصب عنك .
ياسمين بتافف : اوف ادينى قومت اهوه هات الاكل بقى .
عمر : ايه العفانة دى طيب قومى اغسلى وشك حتى .
ياسمين : ملكش دعوة انا معفنة يا سيدى و هاكل من غير ما اغسل وشى .
عمر يقرب منها : معفنة قطع لسان اللى يقول عليكى معفنة ده انتى قمر فى كل حلاتك .
ياسمين بتهرب : طيب هتدينى الاكل و لا اكمل نوم احسن .
عمر : لا يا ستى الاكل اهوه اتفضلى خلصى الطبق كله علشان تخدى دواكى ، تاكل ياسمين الطبق كله تحت اصرار عمر عليها و يديها دواها و يشيل الصينية و ييجى يقوم ياسمين تمسك ايده .
ياسمين : عمر ممكن اعرف الدوا اللى انا اخته ده بتاع ايه و الدكتور قال ان عندى ايه بالظبط .
عمر بتنهيده : معندكيش حاجة يا ياسمين كل الحكاية انك ضعيفة و اعصابك مضغوطة و محتاجة لراحة و تغذية بس مش اكتر .
ياسمين بدموع : علشان كده انت غيرت معاملتك معايا .
عمر بلهفة : لا يا ياسمين و الله ابدا انا معملتى معاكى زى ما هيا انا بس كنت زعلان شوية مش اكتر انما انتى عندى زى ما انتى .
ياسمين : تمام يا عمر سبنى انام شوية .
عمر : تمام يا ياسمين و يسيبها و يخرج .
———————————————————————————————-
ليل : الو مين معايا .
المتصلة : الو انا واحدة انتى متعرفيهاش بس انتى بوظتى حياتها و سرقتى مستقبلها منها .
ليل : انا مش فاهمة حاجة ممكن تفهمينى اكتر .
المتصلة : انا اسمى هايدى و انا و زين بنحب بعض من تلات سنين و كنا مرتبين حياتنا مع بعض قبل انتى ما تدخليها و تبوظيها .
ليل بضيق : اه انا كده فهمت بس مش عيزاكى تقلقى انا و زين جوازنا مؤقت يعنى فترة و هيخلص و هيرجعلك تانى
هايدى : ياريت تكون دى الحقيقة لان زين مستحيل يطلقك لان ضميره هيوجعه فلازم انتى اللى تاخدى الخطوة دى بداله علشان كمان متحصلش مشكلة بينه و بين عمو يوسف بسببك .
ليل بدموع لانها كانت ابتدت تحبه : تمام متقلقيش انا مش هطول فى حياتكم و ان شاء الله مش هتحصل اى مشاكل بسببى .
هايدى : تمام و طبعا مش محتاجة اقولك انك متقوليش لزين على المكالمة دى .
ليل : متقلقيش ، و تقفل السكة معاها و تقعد على الارض و تعيط على حظها لانها ابتدت تحب زين و كانت فاكرة ان هو كمان ابتدا يحبها بس المكالمة دى فوقتها من احلامها على كابوس .
( يا ترى مين هايدى دى )
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ليل احتلت عرش القاسي)
