رواية ليلى وكريم الفصل الثاني 2 بقلم أمنية حاتم
رواية ليلى وكريم الجزء الثاني
رواية ليلى وكريم البارت الثاني
رواية ليلى وكريم الحلقة الثانية
كريم: الله اكبر
انتي فاكره كل الناس وناسيه جوزك يا هانم
ساره: انا هفكرك بكل حاجه
ليلي: ياريت علشان بدءت اصدع
ساره: انتي بقالك يومين هنا فاقده الوعي وعرفنا من الدكتور دلوقتي انك فقدتي الذاكره
يوسف: منك الله يا شيخه
ليلي بصدمه: ايه اللي بتقوليه ده!!
ساره: متخافيش الدكتور قال ان ده فقدان مؤقت يعني قصير المدي
ليلي: ما حد يافهمني يا جماعه بدل طويله المدي دي… قصدي طويله القامه
كريم: بصي يا حبيبتي
ليلي: بابني ارحمني بقا… بقولك مش فكراااااك
كريم: طب بصي ياانسه… حلو كده
ليلي: اه…. كمل
كريم بحزن: هو انتي مش فكراني خاالص
ليلي: لأ فاكره اني شوفتك واتكلمت معاك
كريم بفرح: الله يطمنك
ليلي: بس انا معرفش عنك غير اسمك وانك دكتور وكنت بتيجي للشيخ احمد
كريم بخيبه امل: بس كده!!!
ليلي: اه
كريم: مش مهم…. واحده واحده هتفتكري كل حاجه
ليلي: يعني انت جوزي بجد!!!
كريم: لا خاطفك وبهزر معاكي
ليلي: هو انا استحملتك قد ايه جواز بخفه دمك دي
كريم: سنه
ليلي: كتير والله
كريم: هااارسوح ده انتي يوم الخطوبه كنتي طايره من الفرح
ليلي: احلفلك علي ايه اني مش فاكره حااااجه
كريم بهزار: خلاص انتي صادقه
ابستم بطريقه هاديه وبانت غمزه حلوه في خده وعينه لمعت… لسه واخده بالي ان لون عبنه بني غامق
كريم: لسه لمضه وكلامك نصه مشاكل
ومبتحبيش تبيني تعبك وبتدري وجعك ورا الضحك والهزار
محستش اني عاوزه اهرب او ارمي دبش زي ما بيقول
بالعكس انا كنت حابه اسمعه كتر
ليلي: مكنتش بتتضايق من عصبيتي ولا مودي اللي بيتغير 100 مره في اليوم
كريم بإبتسامة: بالعكس كنت شايف انك مش روتينيه
اما بقا بالنسبه ل عصبيتك ف هقولك سر
ليلي: قولي
قرب واتكلم بصوت واطي رغم انهم خرجو من الاوضه من اول ما بدءنا كلام
كريم: انتي دايما بتحاولي تستفزيني
لو فشلتي بتتعصبي
وانا بصراحه كنت بضحك علي طريقتك علشان انتي كمان تتضحكي والموضوع يتلم في دقيقه
ليلي: انا فعلا لما بشوف حد بيضحك بضحك علي ضحكه
كريم: بس السؤال المهم
ليه كنتي بتحاولي تعصبيني!!!
سرحت في اجابه السؤال او بمعني اصح مغرفتش ارد…
اصل مينفعش اقوله اني كنت بعمل كده مع اخويا لاني واثقه انه فاهمني
لما يتأخر وقلبي يموت من الخوف عليه ف لما يرجع ببدء اعصبه علشان اقلل خوفي بوجود صوته حواليا
مينفعش اقوله انه لما بينسي حاجه طلبتها منه او فيه سوء تفاهم بينا ف بفضل ارخم عليه علشان مش بعرف ازعل واسكت من حد بحبه
عارفه ان مش كل الناس بتتقبل الاسلوب ده
بس انا كده ودايما بشوف اني بعبر عن حبي بطريقه مختلفه….
معني كده اني كنت واثقه فيه وبحبه!!!!
كريم:كل ده علشان تردي علي سؤال!!!
كمل كلامه بهزار يدل انه عارف الاجابه اصلا:
لا شغلي دماغك معايا كده علشان الذاكره ترجع بسرعه
ليلي: قولي بقا ايه اللي حصل خلاني افقد الذاكره
وقعت علي دماغي ولا انت زقتني!!!
كريم: اا…
ليلي: ولا اخدت علاج غلط ولا اكتئاب
كريم: بصي…..
ليلي: لا انا اخري في الاكتئاب ساعه
اااااه يبقا اكيد شوفتك بتخوني وانا اصدمت صح صح!!!
كريم بتوتر : ايه اللي انتي بتقوليه ده
ليلي: بدور علي اجابه لسؤالي
كريم: ياشيخه اديني فرصه اتكلم
اقول اي حاجة
ليلي: ما انا مستغربه…. ده انا قريت روايات كتير وقرائتش حاجه زي كده
كريم: اه ده اخره قراءت الروايات
ليلي: انا بشوف البطله بتخبط في البطل وتبدء قصه حب معرفش ازاي
او مثلا البطل خبط البطله بالعربيه وهي وقعت في غرامه
كريم: لاااا هنا بقا واستني
ده انا اول يوم شوفتك فيه سألتك علي العنوان البيت فتحتيلي محضر
اومال لو حد خبطك بقا هتعملي
ليلي: هفتحله دما*غه
احم احم هو يوسف فين
كريم: بيخلص شويه اجرءات علشان هتخرجي
ليلي: نون الجماعه دي مش مريحاني
رد عليا وهو مشغول بلم حاجتي في الشنطه: يمكن لما ترجعي بيتك وتقعدي في الركنه بتاعتك ترتاحي…
انا دايما كنت ضد جواز الصلونات علشان نقطه معينه مش قادره افهمها
إزاي اتنين مفيش بينهم حب ومعرفه قويه هيقعدو مع بعض وقت طويل؟؟
هيستحملو عيوب بعض إزاي منغير الحب؟!
هيعدو المشاكل ازاي منغير دقه قلب تقول معلش عديها المره دي؟؟
هتقدر تحتوي غضبه وزعله إزاي في وقت غضبها برضو؟؟!
واسئله كتير كانت مخاوفني من فكره الجواز عموما… لان دي مسؤولية كبيره اوي بس ناس كتير مش واخده بالها وبتعجل الجواز
ويمكن دي فرصتي اني اعرف اجابه الاسئله دي وانا عايشه معاه منغير حب
منغير ما قلب يغلب عقلي
بس اهم حاجه ان القبول موجود…. يتري القبول ده هيوصلنا لفين بعد كده؟؟؟
كريم: انتي يا استاذه ياللي بتسافري بأفكارك وتسبيني هنا
ليلي: هااا… كنت بتقول حاجه؟؟
كريم: يلا مامتك هتدخل تساعدك في اللبس
كمل كلامه بهزار:
رغم اني شايف انك بصحه اكتر مني
ليلي: قر عليا بقا
رغم اني كنت حاسه بهمدان وصداع بس فجاء حسيت اني كويسه وهقدر البس واخلص كل حاجه لوحدي
وصلنا البيت اللي مكنتش فاكره حاجه عنه بس المنطقه هاديه شويه
طلعنا الدور التاني وماما طلعت معايا بعد اصراري
كريم: نورتي بيتك يا حبيبتي
عيني كانت بتدور في البيت ومحستش فيه اني مضايقه ولا عاوزه امشي
فيه راحه كده و….
ليلي: شنطه مين وجزمه مين دي!!!
كريم: دي…..
ساره: ايه ده هو انت لسه مقولتلهاش يا كريم؟؟
ليلي بنرفزه: انتي دخلتي هنا ازاي؟؟
كريم: اهدي يا ليلي كده غلط عليكي
ساره: يبقا هي متعرفش اللي حصل بقا
كريم بغيظ: مشوفتش في ذكائك يا ساره بصراحه
ليلي: ما تقولي مين دي وتخلصني
كريم:……………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ليلى وكريم)
