رواية ليلى الفصل السادس عشر 16 بقلم بسنت محمد عامر
رواية ليلى الجزء السادس عشر
رواية ليلى البارت السادس عشر
رواية ليلى الحلقة السادسة عشر
عمرو كان قاعد مع مصطفى وسميحه وبيتكلموا فى وضعهم بعد ما تخرج من المستشفي وأصر عمرو انها ترجع معاه على بيته وأنها هتفضل معاه فى شقه والده لغايه ما يخلص شقته لأنها قربت تخلص
اثناء الحوار اتفاجأ الكل بصريخ سامح وهو داخل عليهم
سامح: انا هقتلها هى فين انا هقتلها
وقفت سميحه على باب غرفة ليلي تمنع أى حد من الدخول
أما عمرو ومصطفى وقفوا قصاده يمنعوه من التقدم
مسك عمرو من ياقة القميص وفضل يصرخ
سامح: انا هقتلها وهقتلك وهدمركوا كلكم سامعنى
عمرو بصريخ مماثل وهو بيدفعه ليقع على الأرض: والله وجيت برجليك يا بن ال***
نزل عمرو على ركبته قصاد سامح وانهال عليه بالضرب يفرغ فيه جزء من الغضب اللى جواه
دفعه سامح وفضل يضربه لكن مصطفى شده للخلف فاتحرك عمرو ورجع لوضعيته الاولى وكمل باقى ضربه فيه
وصل حسام وسارة ومعاهم امن المستشفى وبعدوهم عن بعض
سحب سامح مسدس من جيب فرد الامن ووجها ناحية عمرو
صوت قوى لرصاصه خرجت من مسدس ضابط وصل للمستشفى فى الوقت المناسب منعت سامح من إطلاق النار على عمرو فالتفت سامح للضابط وحاول إطلاق النار عليه لكن الضابط كان سبقه وأطلق واحده استقرت فى صدر سامح وقع على الأرض بعدها ليلفظ أنفاسه الأخيرة
رعب وصريخ وخوف من سميحه فى غرفه ليلي وهى حاضنه بناتها وبيبكوا
عمرو وحسام ومصطفى مش مستوعبين اللى حصل ومش مصدقين أن سامح على الأرض قدامهم فارق الحياة
وصلت الشرطه مكان اختباء ناصر بعد ماتتبعت مكالمه سامح وسهير وقاموا بتفتيش المكان لكن لم يجدوا له أى أثر
عند ليلي
ليلي بتبكى وجسمها بيترعش من كتر الخوف اللى حساه وعمرو جنبها بيحاول يهديها
عمرو: أهدى يا ليلي أن شاء الله كله هيبقي تمام
ليلي ببكاء: انا خايفه يا عمرو… بابا مش هيسيبنى ..ولسه لما يعرف أن سامح مات ..انا مش عارفه سهير هتعمل فيا أيه
عمرو: مش هتقدر تعملك حاجه ..مش فوضي هى ..ثم انا هخرجك من هنا يا روحى وهترجعى معايا وساعتها محدش هيقدر يقربلك
سميحة: مصطفى اجر لنا شقه هنا وهنقعد فيها لغاية ما الموضوع ده يتحل يبقي ليلي تفضل معانا فيها
عمرو: ازاى يا طنط . ليلي تبقي مراتى
سميحه: أيوه هى مراتك بس لسه البلد محدش يعرف اول ما نجهز شقتك وتعملها فرح زى كل البنات تاخدها بأحلى زفه
عمرو: مش انا خلصت معاكى ومع عم مصطفى الحوار ده واتفقنا أنها هتيجي معايا
سميحه: بص يا عمرو دى عوايدنا انا مش هسيب بنتى غير بزفة وفرحه والناس كلها تعرف انها مراتك وتدخل بيتك مرفوع راسها
عمرو: عجبك يا ليلي الكلام ده
ليلي: …..
سميحه: بص يا حبيبى متقلقش عليها المكان بتاع الشقه مش بعيد عنكم ثم خلصوا السنة الطويلة دى وبعدها تعملوا اللى انتوا عايزينه
عمرو حس أن كلام سميحه منطقى بس خوفه على ليلي أنها تبقي بعيد عنه هو اللى مسيطر عليه
خبط عنيف على باب شقه سهير خلاها تتردد فى فتحه فقربت من الباب بهدوء وقالت بصوت منخفض
سهير: ميين
ناصر: افتحى يا سهير بسرعه
فتحت سهير الباب بسرعه بعد ما تأكدت من هوية اللى برة
سهير: ناصر انت بتعمل ايه هنا وفين سامح
ناصر وهو بيدخل بسرعه وبيقفل باب الشقه: سامح مش عارف من بعد ما كلمتيه اخد بعضه وجرى فضلت وراه لكن ملحقتوش
سهير: يعنى راح فين دلوقت
ناصر: الله اعلم
سهير: ياقلبي يا ابنى يا ترى انت فين دلوقت
ناصر: بقولك ايه شوفيلي معاكى قرشين علشان اكت من هنا
سهير: قرشين ؟! منين يا حسرة
ناصر: بقولك اييه انتى مش هترسميهم عليا دا احنا دافنينه سوا
سهير: لا دافنينه ولا غيره مافيش فلوس يا ناصر
ناصر: مفيش ازاى و ورث البت من أمها اللى انتى لهفتيه اول ما اخدته
سهير: لا ارث ولا ورث انت عارف كل الفلوس أخدها سامح معاه ف سفرياته
ناصر : بقولك ايه انتى اخدتى الفلوس دى وقولتى وقت ما احتاجهم هاخدهم
سهير: ايوه دا كان زمان قبل ما الواد يسافر لكن دلوقت خلاص بح
ناصر: انتى هتجننينى ماهو بيبعتلك الوفات كل شهر والدهب والصيغة اللى فى اديكي دى ايه
سهير : لا بقولك ايه دى فلوس ابنى شايلهم لوقت عوزه ملكش دعوة بيه
ناصر: يعنى ايه يعنى ضحكتى عليا ولهفتى انتى وحيلتها فلوس البت اليتيمه
سهير: ههههههههههى يتيمه ..جرا ايه يا ابو ليلي ما احنا دافنينه سوا وهى اليتيمه دى اتيتمت ازاى
ناصر: يعنى دمرتيلى حياتى ولهفتى كل فلوسي وخليتينى اقتل البت وجايه دلوقت تخلعى
سهير: لا حوش حوش يكشي انا اللى ضربتك على ايدك ..انت يا ابن والدى اللى عملت كل حاجه
ناصر: وانتى خليتى فيها ابن والدى
كاد يجن جنونه رنين هاتفها وقف حوارهم
سهير: وده مين ده…بقولك ايه اسكت خالص لغاية ما ارد
.. الو مين معايا
المتحدث: …..
سهير: ايوه انا والدته مين انت وابنى ماله
المتحدث: …..
سهير: ابنى انا … لا انت مجنون صح…ابنى لسه مكلمنى من كام ساعة
المتحدث:…..
سهير بصريخ :ابنى لااا ابنى لااا ليه كده قتلتوه ليه ابنى لا
يتبع..
لقراءة الفصل التالي : اضغط هنا
لقراءة الرواية كاملة اضغط علي : (رواية ليلى)
