رواية ليله الفصل الثامن 8 بقلم شروق طه
رواية ليله البارت الثامن
رواية ليله الجزء الثامن
رواية ليله الحلقة الثامنة
راحت أحلام وبنتها ليله بيت والدتها وهناك لاقيت البيت وقع وكل الناس اللى فيه للاسف ما”توا من ضمنهم مامت أحلام واعدت أحلام على الأرض تعيط وتصرخ وتقول: جوزى راح وبيتى راح وامى راحت وبيت اهلى راح يارب يارب اعمل ايه يارب اروح لمين واكلم مين يارب.
وليله جمبها منهاره من العياط طبطبت عليها وحضنتها وقالت : متعيطيش يا ماما الله يرحمهم متخافيش يا ماما احنا مع بعض.
اتصلت أحلام بعادل وحكت له ما حدث معها بالتفصيل وجاء إليها عادل وساعدها على دفن والدتها فى هذا اليوم ثم اخذها إلى منزل أهل عادل وأحمد وقال:ادخلى يا أحلام طبعاً انت عارفه البيت ده هو صحيح بقالنا سنين مدخلناهوش ومتبهدل شويه بس انت وليله هتقوموا بالواجب وتخلوه زى الفل أن شاء الله.
ليله فى حزن: بيت مين ده يا عمو؟
عادل : ده بيت جدك وجدتك يا ليله انت عمرك ما جتيه عشان احنا بطلنا نيجى هنا من قبل ما تتولدى ده البيت اللى اتربى وكبر فيه باباكى الله يرحمه.
ليله وأحلام فى حزن ودموع : الله يرحمه.
عادل: انا همشى دلوقتى ولو احتاجتوا اى حاجه كلمونى فى ثانيه هكون عندكم.
أحلام: شكراً يا عادل تعبناك معانا.
عادل: لا متقوليش كده يالا السلام عليكم.
أحلام وليله: وعليكم السلام ورحمه الله وبركاته.
أعدت احلام على الأرض وكانت منهاره وعماله تعيط حضنتها ليله وحاولت تطمنها وتطمن بيها….وشالت أحلام ايد ليله بعيد عنها فجأه وقالت : متقربيش منى كده متعمليش معايا كده انت كده بتضايقينى.
ليله: ليه كده يا ماما هو انا عملت لحضرتك حاجه غلط ؟
أحلام: لا بس عمايلك ديه بتزعلنى من نفسى اوى انا مستاهلش منك كل الحب ده يا ليله انت خساره فيا.
ليله فى حزن: لا يا ماما متقوليش كده يا حبيبتى مهما حصل هتفضلى ماما حبيبتى ومعزتك فى قلبى عمرها ما هتقل وأنا خلاص مش زعلانه منك ومسمحاكى ومسامحه بابا كمان الله يرحمه .
حضنت أحلام ليله وقالت: انت بنت مفيش منك يا ليله رغم كل اللى عملناه فيكى ومسمحانا بالشكل ده بس صدقينى يا ليله إحنا كنا بنعمل كده عشان خايفين عليكى وكنا فاكرين نفسنا كده بنربيكى بس إحنا كنا غلطانين كنا المفروض نحتويكى إحنا السبب فى كل اللى حصلك ومعرفتك بخالد ودخولك القسم وكل ده أنا أسفه يا بنتى اسفه متزعليش مننا.
ليله : متتأسفيش يا ماما خلاص اللى حصل حصل خلينا نفكر فى اللى جاى وهنعمل ايه فى حياتنا الجايه وهنقابل كل الصعوبات ديه ازاى ده البيت مبهدل خالص ومحتاج تنضيف كتير ممكن يدخل فى أسبوع واكتر كمان البيت كبير اوى وكمان يا ماما البيت فاضى مفيهوش اى حاجه ولا اكل ولا منظفات ولا اى حاجه ممكن نستخدمها .
تنهدت أحلام وقالت: اه يا ليله اه مش عارفه هعمل ايه الفلوس اللى معايا دول هيجيبوا المنظفات والحاجات اللى هنضف بيها ويخلصوا هنعمل ايه والشهر الجديد قرب ودروسك محتاجه مصاريف وعايزين كمان قسط مدرستك اااااه هعمل ايه فى ده كله اروح فين واجى منين يارب هعمل ايه ؟
يا ترى ليله وأحلام هيعملوا ايه ويصرفوا منين ويعيشوا ازاى ويا ترى بقا تغيير أحلام ده مؤقت ولا هتفضل كويسه كده مع ليله طول العمر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ليله)
