رواية ليلة النعماني الفصل الثالث عشر 13 بقلم ميفو السلطان
رواية ليلة النعماني الجزء الثالث عشر
رواية ليلة النعماني البارت الثالث عشر
رواية ليلة النعماني الحلقة الثالثة عشر
ما ان وصلو للسطح ابتعدت عنه وظلت تدور وتدور تريد ان تصرخ فيه من غيظها ولا تعرف وهو تحرك وركن علي السور وربع يديه يستمتع بغضبها وهو صامت.. التفتت اليه وقالت بغل… قوضه ايه يا حبيبي الللي هتلمنا مع بعض
قاطعها ساخرا…. ايه ده يا ليله انت هتردحيلي…
نظرت اليه ساخطه انت اتجننت انت فاكرني هبله والا ايه انا استحاله اقعد معاك في قوضه واحده مش اتفاق. لعب عيال هو…
هنا اقترب منها بهدوء ولكن بنبره غاضبه وتحذيريه…. كان الاول ينفع تقولي مابدالك بالطريقه اللي تعجبك انما دلوقتي انا جوزك وطريقه الكلام فيها تقليل مني يا ريت تتكلمي من الاول بهدوء وانا هسمعك كنت بتقولي ايه بقه عن القوضه..ميفوميفو. ..
نظرت اليه بعدم تصديق وارادت ان تخبطه باي حاجه ظلت تدور وتدور وهو مربع يديه وينظر اليها ببرود..
وفجاه قال… اهمدي بقه وانا هفهمك البيت فيه ناس وعيالك هتقوليلهم ايه وكل واحد في حته عايزه ولادك وخصوصا مراد يفضحونا عند الناس انت دماغك دي متركبه ازاي فكري في ولادك مش الحاجات الشمال اللي بتفكري فيها دي…
نظرت اليه مصعوقه حاجات شمال حاجات شمال 😳😳 انا بفكر في حاجات شمال ايه قله الادب دي..
كتم ضحكته بصعوبه … امال عامله هوليله ليه مانا قلتلك مش هقربلك والا هو فيه ايه بالضبط وظل يقترب منها بخبث وعلي فمه ابتسامه ساخره ..
وهنا ابتعدت مسرعه ناحيه الحجره وهيا تتمتم مفيش حاجه ولا زفت اما نشوف اخرتها ايه…
فتحت الحجره ودخلت دون ان تنطق وبدات بجمع اوراقها واشيائها الخاصه.
لم تكن واعيه لفؤاد الذي دخل الغرفه وصعق من منظرها كانت عباره عن حجره شبه مظلمه يتدلي سلك به لمبه من السقف والجدران مقشره وباليه وسرير كبير في جنب الحجره عليه مرتبه باليه وبعض الاغطيه المهترئه وبجانبها كومدينو صغير وفي الركن الاخر طربيزه كبيره نوعا عليها بوتجاز صغير وبعض ادوات المطبخ البائسه وكانت عالارض سجاده باليه وبعض لعب الاطفال المهترئه والمكسره كان موجوعا مصعوكا احس بالاختناق وخرج مسرعا من الغرفه احس ان رئته نفذت منها الهواء… ركن عالسور يسند نفسه فهناك كلبشه في صدره ودماءه تلسع عروقه بداخله غصه في حلقه حاله من اشكال التجلط الدموي والذبحه الصدريه .. ست سنوات وهيا تعيش في تلك المزبله ست سنوات واولاده ينامون في هذه القذاره.. وتذكر جميله وهيا تقول الحجره سقعه وبتنقط علينا… احس بوجع في صدره وظل يخبط علي قلبه ليه ليه… عملو ايه عشان يعيشو كده.. انا عملت ايه عشان اتحط انا وولادي في حاجه زي كده.. يا تري كانو بيبقو سقعانين وهيا تعمل ايه.. كنتي بتعملي ايه يا ليله.كنتي بتعملي ايه وولادي بين ايديكي لا حول لكي ولا قوه . اكيد كنتي بتدعي عليا بحرقه.مانا استحق واكتر .كنتو بتاكلو ايه قلبكو اتحرق من قله الاكل لاوالعيال طالعه ربنا هاديهم ومابينطقوش اللي يتحط ياكلوه من رحمه ربنا .. كنت بتواجهي العالم ازاي تقفي للي يسوا ومايسواش ازاي. كنت بتعملي ايه وانت لوحدك شايله عيلين علي كتفك.. طب لما مشيتي في الشارع مضروبه ومكسوره رحتي فين وعملتي ايه كنت حاسه بايه..رحتي فين ببطنك اللي بتكبر ومالكيش الا ربنا.. طب لما خلفتي فكرتي ابوهم هيبقي مين وهو راميهم سنين.. اتقطعتي وانت بتشتريلهم اسم اصلهم بقو ولاد حرام.. ليه ليه.. كان هيتجنن.. بتشتغلي وتربي سنين تشيلي كراتين لما ضهرك انحني وجوزك قافل علي نفسه بينح بخت كان ربنا خدك قبل عملتك السود.. اعمل ايه في تمزيعتي دي يا رب ماعملتش حاجه استحق ده لا وجيالي تترجيني اخلي بنتي تعيش.. بنتك كانت هتموت من قله الفلوس وانت جبال الفلوس اللي عندك ماتتعدش.. احساسك ايه وانت جايه لحد عندي بعد مارميتك تترجيني انقذ بنتك اللي هيا حته من قلبي احساسك كان ايه في وسط كل ده.. احساس يدبح انا مدبوح احس انه سيصاب بالجنون ظل يدور حول نفسه كالمجنون . اللي يشوف الظلم دا كله ومايتجننش يبقي جبل وانت جبل يا قلبي.. انت كنت ام بميت راجل وانا قاعد في العز بتحسر علي حالي.. عذاب ايه يا فؤاد اللي شفته اسكت يا راجل عيب دانت تستحق الحرق عاللي عملته في مراتك وولادك وزعلان قوي انك كنت عايش من غير نفس.. والله عيب اختشي يا راجل دانت تستحق يتولع فيك.
. وهنا رفع راسه وعينيه تحولت للجمر من الغضب مابقاش فؤاد النعماني ان ماكنت اخد حقك يا ليله وحق ولادي من اللي عمل كده.. مابقاش في صنف الرجاله اتسمي راجل ان ماكنت احرق قلبه عاللي عمله فيا… وانت يا قلبي عارف اللي هطلعيه عليا بس يمين بالله لو شقيتي صدري نصين هيطلع قلبي من بينهم ويقلك بيعشقك.. اعملي مابدالك فيا وانا يا رب انا اتظلمت اديني القوه استحمل اللي هتعمله فيا واستحمل بعدها عني..ميفو ميفو
خرجت ليله من الحجره لتجد وجهه احمر وعيناه غريبه فاحست بالقلق.. واقتربت منه بحرص وقالت فيه ايه انت كويس😔…
اغمض عينيه واحس كأن ماء لطيفا سقط عليه وازال كل الغضب لما احس من نبرتها نبره فيها قلق عليه..
فنظر اليها وقال وقد استجمع نفسه… لأ ولا حاجه خلصتي طلباتك.. هزت راسها وتقدمت امامه وركبو السياره وكان كل منهم صامت كان هو في حال غير الحال وكانت هيا ساهمه لا تعرف ماذا به ليست متعوده علي هدوءه هذا… رجعو الي البيت واستقبلهم الاولاد فرحين
قال مراد تعالي شوفي عندهم بسين اد ايه..
قال فؤاد هما مين يا حبيبي اللي عندهم..
خبط مراد علي جبهته وقال معلش يا بابا عندنا عندنااااااا… وشد والدته لتجد جميله ترتدي مايوه جميل ومعها امنيه تجلس بالقرب من بسين الاطفال وممتلي بلعب لهم احست بالسعاده والفرح وقال مراد يلا يا بابا اقلعو وتعالو نبلبط… بلعت ليله ريقها اقلعو 🙄🙄🙄..
قالت له انا هطلع اريح عشان تعبانه وهبقي انزل مره تانيه.. ال اقلع قال قدام ده ينهار اسود…ميفوميفو.
صعدت لحجرتها ورتبت اشيائها وذهبت لغرفه الملابس لتستعجب فالحجره كما تركتها.. لتقف مرتبكه فاشيائها كما هيا.
وهنا دخل فؤاد بهدوء لينظر اليها و يتنهد كانت جميله فاتنه اغمض عينيه متمنيا قربها.
ليهتف بهدوء.. القوضه جي مقفوله من ست سنين زي ماسيبتيها ما دخلتهاش مره ومحرم علي حد يدخلها كانت بتتنضف وبس ماقدرتش اخش فيها لحظه من وجعي وماتحملتش حاجتك تمشي منها.. حاجتك عندك يا قلبي وجيبت فوقهم حاجات وهيا مبهوره وقلبها يرحف وتحس ان به مسره غير عاديه لينبض قلبها بشده.
لتاخذ بيجاما بيتيه محتشمه مريحه واتجهت الي الحمام لتاخذ شور انهت استحمامها. جلست تمشط شعرها.
لينظر اليها بعشق
ولكنه تصنع الامبالاه حتي لا تثور عليه فهو ارهق اليوم بشده و قلبه لم يعد يتحمل اي مشاحنات..احست بان به شئ فاجبرت نفسها عالصمت.ولكن القلق ينهش قلبها . نظر اليها بوجع وتركها ودخل وذهب الي غرفه الملابس واخذ ملابسه واتجه بصمت الي الحمام…
هنا استغربت ليله ماله ده داخل صامت قامط ولا حتي بصلي.. ايه يا ليله انت هتخيبي مايخش صامت والا يتنيل والا انت دماغك حادفه شمال زي مابيقول بس هو ماله من ساعه مارجعنا متغير وفيه حاجه وجعاه اوي.. ماله طيب 😔😔وهنا نهرت نفسها ماتتعدلي فيه ايه ايه السهتنه والسهوكه بتاعتك دي مايولع…
اتجهت الي الاريكه وصعدت عليها واخذت احد المخدات وغطت في النوم فاليوم كان مرهقا اليها جدا.ميفوميفو..
خرج فؤاد ليجدها نائمه ومستغرقه في النوم ليقترب منها ويجلس بقربها وظل لفتره طويله ينظر اليها ويشعر بالوجع عليها وعينيه لا تفارق وجهها وطفرت دمعه من عينه.
وقال اسف اسف الف مره علي كل حاجه كنت السبب فيها اسف اني ماكنتش امانك ودنيتك زي ماوعدتك اسف يا قلبي اسف عالعذاب اللي عيشتيه وولادي عاشو فيه.. اسف من هنا لحد ما روحي تطلع هفضل ندمان لحد موتي عاللي عملته فيكي نفسي ارجع قلبي لانه معاكي خدتيه ومش راضيه ترجعيه.. يوم ماترجعيلي هفضل عايش من غيره مستني اليوم بس اللي تبصيلي بعين الرضا وضع يده علي شعرها ودعي ربه ان يحنن قلبها عليه يا رب انت عالم اني اتظلمت ردهالي وردلي قلبي يا رب انت عالم بحالي اديني القوه لحد ماترضي عني انا عارف انها هتسامحني عارف ان قلبها طيب بس لحد ما يحصل قويني علي بعدها ووجع قلبها لاني عارف انها موجوعة زيي ثم قام وتذكر عمته (يادي السيره الهباب ماكنا في الهيح من شويه ليه الغم☹️☹️☹️)
ثم نزل وامر امنيه ان لا تزعج ليله وان تعتني بالاولاد ثم استقل السياره وذهب الي الحربايه قصدي عمته وما ان دخل عليها حتي تصنعت البكاء(حد يقتلها بقه يا مين مصبرني عليكي😠😠)
اقترب بسرعه وقبل يديها وقال.. الدموع دي غاليه ليه كده..
قالت.. ماخلاص نسيت امك حبيبتك
قال لها.. انا اقدر مانا جاي جعان وجاي اكل اهوه والا انت ماعملتيش اكل
انفرجت اساريرها وقامت بسرعه واتجهو لغرفه الطعام وامرتهم ان يحضرو الاكل.. ثم بدات في القول.. هو انا مش هشوف الولاد اجي ابوسهم واقطعهم بوس احفادي حبايبي(لا وربك والحق انت الحب مولع في الدره😅😅😅)
قال لها حاضر هجيبهم لحد عندك حاضر
رفعت حاجبها وقالت ليه هو انا ماجيش بيت ابني براحتي والا السنيوره مش عايزاني (حربقي يا وليه حربقي)
تنهد الغلبان وقال لها… بس هيا يا عمتي معلش فتره كده وهتعدي اللي حصلها مش قليل..
لتهتف بحقد.. ماشي يبني اللي تشوفه ربنا يسعدك انا هعوز ايه وانا في اخر ايامي ست كبيره وقاعده في بيت طويل عريض مش مخليني محتاجه حاجه (كاااات هايل يا حربايه اللي بعده😎😎 )
تنهد وقال مانا هبقي عندك كل يوم وهجيب العيال وشويه كده ليله طيبه هتيجي ونتجمع كلنا من تاني..
لتهتف اه امال يا حبيبي ربنا يريحها دايما (يريحها وياخدك يا بعيده) ظلو يتسامرون ويضحكون وظلو يتكلمون حتي تذكر المركز الطبي
وهنا قال بس يا عمتي انا هروح المركز ومش هخلي فيهم حد ينفع يمشي علي رجله واللي عمل فيا كده ماعدش هيتصنف في صنف الرجال راجل..(انت مش فاهم ماكنش راجل ماكاااانش) مابقاش فؤاد النعماني ان ماخربت بيتهم.
ابتلعت العمه ريقها وقالت…. اه اه طبعا.. .. اكمل فؤاد الجلسه الحربويه بسلامه نيه ثم استاذن حتي يعود لبيته .ميفوميفو.
كان قد حل الليل ورجع ليجد الاولاد يجلسون في حجره المعيشه مع امهم ويلعبون بالالعاب وهيا مسهمه امام التلفاز دخل وقبلهم. اتجه اليها وقبل وجنتها وجلس وهو يشعر بالارهاق كانت تريد ان تعرف اين كان كل ذلك الوقت ولكنها منعت نفسها ظل ينظر لاولاده صامتا مطمئنا.
وهنا لم تستطع ان تصمت اكثر من ذلك فقالت بهمس له ممكن تقلي مالك من الصبح وهنا ادركت لهفتها فاكملت والا انت بتدبرلي حاجه (دبش احدفي يا حبيبتي احدفي وهو ناقصك اصلا😀😀 )
قال لها بغلب… تصدقي بالله مافيا حيل حتي ادبر ازاي هطلع فوق انا هقع من طولي هموت وانام وفجاه من دون سابق انذار احني جسده ووضع راسه علي قدميها فصرخت ونظر الاولاد فيه ايه يا ماما…
ضحك فؤاد وقال لهم معلش امكو ساعات كده بتحب تعمل جو هزار وساسبنس وكده..
زغدته في كتفه وقالت قوم انت اتجننت ماردش فاقتربت من اذنه وهمست قوم من علي رجلي احسنلك ..
اغمض عينيه من قربها منه وقال لها والنبي يا ليله سيبيني انام نص ساعه نفسي انام وصمت واخذ يدها في حضنه وغط في نوم عميق..
لم يكن بيدها حيله ماذا تفعل ورق قلبها لحاله فهو يبدو عليه التعب الشديد وكانت تشعر ان به شيئا مختلف اليوم.. وبدل ان ينام نصف ساعه نام ساعه كامله لم يحس بالاولاد وهم يغادرون للنوم كل ما كان يشعر به انه امتلك الدنيا بما فيها ولاول مره منذ ست سنوات تغمض عين فؤاد النعماني عن حق فما لاقاه وعاناه ينهد له اعتي الرجال. كانت تنظر اليه وهو نائم بادي علي ملامحه الارهاق ولا اراديا مدت يدها علي شعره تمسدها وظلت تداعب شعره حتي استيقظ واحس بها ولكنه بذل مجهودا جبار كي لا تلاحظ كان سعيد وحالم بالحاله التي هم عليها وهنا فجاه ادركت ليله ان مشاعرها تجاه فؤاد مازالت موجوده وبقوه.. خافت ليله من نفسها وارتعبت من هول ما ادركته. ميفوميفو..ادركت انه مازال العاشق لتلك المعشوقه سرحت في وجهه فبعد ان اخبرها تبدلت مشاعرها وزاد توترها احست بقربه بزياده واصبح يربكها لتغوص بيدها لا اراديا وتملس علي شعره ليتململ ويحاوط خصرها بيده لترتجف ليحس انه ملك الدنيا. كانت ليله ترتجف من داخلها وصرعها كم المشاعر التي بداخلها له ومازالت حاولت ليله ان تتململ لتوقظه كان قد استيقظ ومتصنع النوم وهو مطبق علي يديها وهيا تبرطم… يادي النيله هو قافش ايدي ليه كده سارقاله حاجه…
كان هو في سره قلبي سرقاه رجعهولي تنستري يا شيخه… وبدات بهدوء توقظ زوجها.. كانت تضع يدها علي كتفه وتهزه بهدوء الي ان فتح عينيه و…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ليلة النعماني)
