رواية ليالينا الفصل الثالث 3 بقلم زينب نبيل
رواية ليالينا البارت الثالث
رواية ليالينا الجزء الثالث
رواية ليالينا الحلقة الثالثة
– لو ماسمعتيش كلامي وماتشطرتيش الصوره الحلوه دي هتنزل ، وهخلي سيرتك علي كل لسان
ليال بصت علي الصورة بصدمه كان مصورها وهما بيضحكوا لبعض جوا العربيه مكانتش عارفة تتكلم
شهد بعصبية خدت منه الفون : انت متخلف انت فاكرنا هنصدق الكلام داا؟؟!
احمد ضحك: خديه عندي نسخه علي تلفون صاحبي “كمل بسخريه” وانتي بقا مش مصدقه بس خلي ليال تقولك ، بعدين انتي مش هتصدقي يبقا خلق الله هيصدق
ليال بدموع : انت ايه اللي انت عملته دا
احمد : هه زعلانه ليه؟؟انا كنت عايز العب ف الصورة بس حبيت اعرفك بس قبل ما العب فيها
شهد : تلعب ف ايه يا مقر`ف انت” رجعت بصت لليال” اكيد انتي معملتيش كدا ياحبيبتي صح؟
ليال بصت عليها وماردتش وكانت الدموع ف عنيها
شهد كملت وهي بتبصلة بعصبية: غووور من هنا لحسن اصوت والم الناس عليك
احمد بخبث : انا همشي المرادي بس وبمزاجي ” بص لليال ” معاكي فرصه ياقطة فكري وماتتسرعيش ” لف ومشي ”
شهد طبطبت علي ليال: اقعدي هنا ياليال علي ما اجيبلك كوباية ماية
ليال بعياط : ازااي يعمل كدااا ، ليه انا عملتله ايه
شهد وهي بتهديها : اهدي ياليال بطلي عياط واحكيلي بعد ما نخلص الدرس وانا معاكي
………………….
” في شركة الغنيمي ”
كان يونس وصل المكتب وكان تحت مراقبة شيرين اللي بتفكر هتعمل ايه
-مش فاهمه انتي عايزه تطرقيني ليه يابنتي
شيرين : ها ، عشان شغلك بس مش عايزه اعطلك
نورين سندت ايديها علي خدها : بتفكريي فايه يا شيرين
” قرب عليهم عمر ”
شيرين بتسرع : بعدين بعدين
عمر : شيرين يونس جه ولا لا؟؟
شيرين بلهفه : ايوه موجود جوه هدخل اقوله انك جي…
عمر : بااس تروحي فين …اقعدي انا هدخله
نورين : احم عن اذنكم
” راحت علي مكتبها بتسرع”
شيرين : مش هينفع يا استاذ عمر لازم اعرفه يمكن حد معاه
عمر : انا قلتله اني هدخلله ، وسعي واياكي اشوفك جوا
شيرين بخفوت : يانهار ازرق
” عمر دخل ليونس لاقاه حاطط ايده بين راسه ”
عمر بقلق وهو بيقرب منه : يونس مالك؟
يونس : ______
قربت منه لاقيته مش ف وعيه ، لاحظت ان في كوبايه جنبه فيها مشروب فا شكيت رحت ناديت علي شيرين
عمر : شيرييين
شيرين دخلت واحده : يالهوي يالهوي استر يارب ، ااحمم
عمر بغضب : اقفلي الباب وراكي وتعاليلي
شيرين بتلجلج :ط طب المكتب لواحده بره م…
عمر عروقه برزرت وبصلها بحِدة: اخلصي
“شيرين قفلت الباب وهي بتبلع ريقها”
…………………..
“ليال حكيتلها كل حاجه من اول ما شافته لحد ماركبت معاه العربية”
شهد بتفكير : ليال انتي لازم تقولي ليونس قبل ما الز`فت دا يعمل حاجه
ليال : اقوله ؟؟انتي بتقولي ايه دا شكله متجوز انا كمان ادبسه ، وهو بقا هيعمل ايه يعني؟؟
شهد : ماهو ياليال انتي مش متأكدة اذا كان هو متجوز او لأ
ليال : امال هو كان عند جارتنا بيعمل ايه يعني؟
شهد بهزار : ممكن يكون بيصلحلها السخان ولا حاجه
ليال ضحكت : يبنتي بقا ، دا منظرواحد بيصلح السخان
شهد بتغمزلها : بس يا بختك لو هو مش متجووز
ليال برقتلها : بت، خلينا نركز ف المصيبه دي
شهد : احنا عايزين نعرف معلومات عنه
ليال : ازاي؟
شهد بصت بخبث: هقولك
…………….
عمر قرب منها وشدها من شعرها
شيرين بصريخ : اااااه فييي ايييييهه
عمر بيشدها اكتر عليه: ايه بقااا اللي انتي هببتيه دا
شيرين بتهتهه: ا ا انا معملتش ح حاااجه اصلااا اوعيي
عمر : عارفه اللي في دماغي لو طلع صح “قرب من وشها”نهايتك هتبقا علي ايدي انا قبل يونس انتييي فااهمه
شيرين اومأت برأسها بتفهم ثم دفعها بعيداً
شيرين وهي بتحاول تتمالك نفسها : انت معكش اي دلايل تثبت اني حطيتله منوم اصلا
عمر بيقربلها : انتي ناويه تعصبيني مش كدا؟كاميرات مراقبه تطلعك زي العبيطه وسط الحفلة ، عمتا انتي طول عمرك واحده زبا`له وزي ماقولت هتفضلي كدا
شيرين اخدت بالها ان يونس بدأ يفوق لأن عمر كان قصادها وكان مدي ضهره ليونس وهي اللي قدامه
بسرعه نعكشت شعرها وسيحت الروج حواليك بؤقها ودلكت عينيها
عمر استغرب : انتي بتعملي ايه
شيرين بصتله بخبث وبدأت تتكلم بنبرة عياط مصطنعه وبتبعد: ابعددد عنييي انت واحد قليل الادب
عمر بعصبية: انتيي عبيطة ياينتي انا جيت جنب….
يونس فاق ووقفت : عمر !! انت بتعمل ايه عندك ؟؟
شيرين راحت علي يونس ووقفت ورا: الحقني من السافل دا
عمر : انتي يابنتي بتقولي ايييه..؟؟”بص ليونس” يونس ماتصدقهاش انا عمري ماعمل كداا
يونس بصله بسخرية :رجعت لعادتك المقرفه تاني ياعمر
عمر اتصدم من صديق عمره ازاي مايصدقهوش؟؟
يونس كمل: وجاي ترجع لماضيك الاسود ف مكتبي كمان وف شركتي ؟؟؟
عمر كان متفاجأ : يونس انت بتقول ايه انا عمري ما اعمل كدا حتي لو عندك
شيرين بتصطنع العياط : انت واحد كداب انت شايف شكلي وعملت فيا ايه
عمر بغضب : اخرسي ياحيو`انة انتي ” كمل وبص ليونس ” والله يايونس هي اللي كدابة دا كانت حطتلك منوم عشان كدا نمت وفوقت دلوقتي
شيرين بصتله بصدمه وخافت من ردة فعل يونس
يونس: لا ياعمر مش مبرر ، انا كنت تعبان فا نمت بعد اذنك اطلع برا
شيرين بصت ل عمر بخبث : هو مش قالك اطلع برا ولا لا؟؟
عمر بص لصاحبه بعتاب مهما كان هو صاحبه لازم يصدق صاحبه ، لف واتجه علي الباب وخرج
يونس قعد وهو مصدم وشيرين تصنعت البكاء وجريت قعدت جنبه : انا مش عاارفة عملت ايه فحياتي عشان يحصل معايا كدا انا…
يونس قاطعها وهو بيبص علي ايديها بإستغراب: ايه الاحمر اللي ف ايدك دا جه منين؟؟
……………………
ليال : انتي واثقه ف الموضوع دا يابنتي
شهد : جداا
ليال : طب ولو هو حد عادي مش مشهور او حاجه مافيش معلومات هتبان
شهد : بظبط ، ماهو لو شخص عادي هندور بطريقة تانيه عشان نجيب معلومات عنه ، بس استني بس هحط
الصورة دي علي الماسحة بتاعة جوجل
ليال : جدعه بجد انك شديتي منه الفون
شهد بثقه: عيب عليكي يالولا دا انا صحبتك
” شهد مسكت فونها وعملت موضوع التشابه ف صورة يونس وطلعلها نتايج”
ليال بتحمس: ايه ايه طلع ايه
شهد بتبص علي الفون : امممم ” قرأت النتايج بصوت مسموع”يونس عامر غنيم صاحب اكبر شركات الغنيمي ف مصر السن 29 سنه اعزب رقم الهاتف مكتوب اهو لعرض باقي النتائج قم بالاشتراك في هذه الايقونه
ليال بضحك: يبت بتقولي ايه ، يعني هو طلع مش متجوز
شهد : شفتي، ما علينا دلوقتي ان شركته مكتوب عنوانها وكمان رقم تلفونه
ليال : ايوه هنعمل ايه يعني
شهد بخبث : هتروحيله ياليال
ليال بصدمه: نعم بتقولي ايه انتي
شهد بجديه: بتكلم بجد ياليال انتي لازم تروحيله ف اسرع وقت قبل ما الزفت دا يعمل حاجه
ليال بخوف : طب الناس هتقول عليا ايه وافرضي اتاخد صورة كمان انا مش ناقصه
شهد : لا ياليال انتي تروحي البيت كدا تلبسي لبس حلو كدا وتفردي شعرك كدا زي الناس بتوع البيزنس كدا وتروحي اكنك رايحاله لشغل
ليال بتفكير : ودا هينجح ؟؟
شهد : اسمعي مني هينجح بس اعملي كدا وهخدي العنوان وابقي طمنيني ، يلا قومي روحي
………………….
شيرين بخوف : دا دا كنت
” فون يونس رن وكانت ريم بص علي فونه وقلق”
يونس وهو بيمسك تلفونه : طب اتفضلي انتي ياشيرين نتكلم بعدين
” شيرين اسرعت للخارج وهي تلتقط انفاسها كإنها اول مره تاخد نفسها ”
ريم : كلمت يوسف يا يونس؟؟
يونس : ايوه كلمته ، قاللي خليك معاها انهارده عشان هو عنده شغل كتير، اخلص الحاجات بس وهجيلك دلوقتي
ريم بقلق : انت متأكد انه كويس يايونس؟؟
يونس : صدقيني انا مش هكدب عليكي هبقا اجيلك ونتكلم ، سلام
” فكر شوية وقال انه هيروحلها وخلاص ”
……………………
” ليال وصلت البيت وطلعت ”
ليال : ماما ماتعرفيش فين الصندل الاسود العالي دا
نجوي بإستغراب: ايوه عايزاه ليه
ليال : هاتيه بس ياماما
” ليال لبست فستان اسود وفردت شعرها وحطت ميكب خفيف ولبست الصندل العالي ولبست شنطه “.
نجوي : هالله هالله
ليال : احم عندي بس مشوار فرح كدا وهاجي تاني
نجوي : فرح مين
ليال : صاحبتي ياماما
نجوي : والعروسه ماتت ولا ايه انتي لابسه اسود ليه
ليال وهي بتخرج : بعدين بعدين يالا باي
………………..
مروان واقف جنب السراحه : زي العسل يابابا
ابراهيم بإبتسامه : انت متأكد ان البيت دا هي موجوده فيه
مروان : ايوه كانت مكلماني علي المكان دا قبل كدا وهي اكيد راحتله
ابراهيم: حلو الورد دا طيب؟
مروان : حلو اوي زوقك حلو يلا ؟
ابراهيم بإبتسامه : مش عارف اقولك ايه يابني ربنا يخليك ليا ، انا عايز اتأسفلها وابدأ معاها حياة جديدة واتأسف لليال مهما كان هي محترمه وماشفتش منها حاجه وحشه
مروان :انت فعلا قلبك طيب وحنين بس انت مش مدي لنفسك فرصة بس
” نزلوا وركبوا العربيه وهما بيحكوا هيعملوا ايه ”
ليال نزلت ف الاسانسير وهي بتخرج من العمارة لقت يونس وهو بيطلع من عربيته
ليال بتوتر : احم اعمل ايه اعمل ايه ياربي
يونس دخل العمارة وشافها واقفه بصلها وبص للبسها بإستغراب
ليال : احم ممكن اقول حاجه لحضرتك بس
يونس وقف قدامها : قولي وبلاش حضرتك دي
ليال : ح حاضر ، لما انت وصلتني الدرس وكدا لما “سكتت شويه”
يونس بإستغراب : لما ايه؟
ليال اخدت نفس ولسه هتتكلم لقت ابوها واخوها داخلين العمارة وهما بيتكلموا
ليال بخوف وبتبص عليهم : لأ.. بابا!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ليالينا)
