رواية لن اعشق سواك الفصل العشرون 20 بقلم منى مرزوق
رواية لن اعشق سواك الجزء العشرون
رواية لن اعشق سواك البارت العشرون
رواية لن اعشق سواك الحلقة العشرون
صحيت نور ولاقت عمر مش جنبها فنزلت للدور اللي تحت لاقيته قاعد ماسك موبايله و مركز فيه
نور : احم صباح الخير
عمر و هو لسه باصص للتليفون : صباح النور
نور : انت نمت هنا ولا ايه؟
عمر ساب الموبايل و بصلها : ده تحقيق يعني ولا ايه؟
نور : تحقيق؟ هو في ايه يا عمر؟ انت لسه عايز تكمل في اللي بدأته امبارح؟
عمر : ده بعد اذن سيادتك
نور : ماشي يا عمر انا هدخل احضر الفطار
عمر : لا جهزيلي الحمام الاول عشان عايز ادخل ٱخد حمام
نور : حاضر يا عمر
بعد ما بتمشي نور بيرجع عمر يبص للتليفون و هو بيقول بصوت واطي : انجزي انتي كمان و ردي هتيجي امتى في يومك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عمر : يلا فطرنا و ريحنا شويه نقوم نشوف اللي ورانا بقى
نور : خير! في وراك شغل؟
عمر بإبتسامه مستفزة : لا يا حبيبتي في وراكي انتي شغل، عايزك تعملي احلى اكله عندك عشان جايلنا ضيوف النهارده
نور : ضيوف هنا؟ مين دول
بيظهر فجأة صوت من ورا نور : بقى انا ضيوف بردو يا عمر اخص عليك
بتبص نور وراها بسرعه و بتلاقيها سمر
نور بصدمه : سمر!؟
سمر : اه يا روحي ايه هو انت مقولتلهاش اني جايه يا عمر ولا ايه؟
عمر و هو بيحرك ايده على شعره : لا ماهو انا كنت عايز اعملهالها مفاجأة
سمر بضحكة مايعه : بس ياريت متكونش مفاجأة وحشه بالنسبة لها
عمر و هو بيبص ناحية نور : لا طبعا دي احلى مفاجأة.. ولا ايه يا نور ؟
نور و هي تكاد تنفجر من الغضب بس تمالكت نفسها و ردت بهدوء : لا طبعا ازاي تقولي كده ده انتي منورانا حمدالله على سلامتك يا سمر
سمر بدلع : ده نوركم يا حبيبتي الله يسلمك
نور : اومال فين طنط لسه في العربيه؟
سمر : لا ماما مجتش انا جايه لوحدي اصل عمر قالي انكم هنا و قالي ٱجي اقضي معاه يووه قصدي معاكم كام يوم
نور و هي بتبص لعمر بغضب : بجد؟ لا خير ما عملت يا عمر
عمر بإبتسامه كيد : طبعا يا حبيبتي(، و بعدين بيبص لسمر) و بيكمل : شوفتي بقى يا سمر المفاجأة عجبتها ازاي
سمر : اه طبعا ماهو واضح ، يلا انا هطلع اغير يا عمر و سكتت شويه و قالت و يا نور ( بضحة مستفزة) معلش يا نور اصلي مش واخده لسه على وجودك هنا
نور ابتدا يظهر على وشها الغضب بشكل واضح و عمر لاحظ ده و بسرعه رد على سمر : طب يلا بقى يا حبيبتي اطلعي غيري وانزلي ده انا عايز اتكلم معاكي كتير ( وبعدين بص لنور) على ما نور تخلص الغدا
ابتسمت سمر و هي بتبص لنور بشماته و ردت على عمر : حاضر يا عموري ” و طلعت فوق عشان تغير ”
كل ده و نور واقفه باصه لعمر بصدمه و مش بتنطق
عمر : ايه هتقفي تصوريني كتير؟
نور و الدموع ابتدت تتجمع في عينيها : انت وصلت للدرجه دي يا عمر؟
عمر : درجة ايه؟ ايه صعب عليكي تعملي لنا الغدا ولا صعب تتحملي بنت خالتي في البيت اللي هو اصلا بيت خالتها و اهلها؟
نور و هى رافعه حاجبها : بجد؟ اممم لا يا عمر مفيش حاجه من دول صعبين، بنت خالتك ده بيتها و بيت اهلها زي ما انت قولت و انا هنا ضيفه
عمر : تؤ (بغمزه ) مش ضيفه انتي بتنسي ليه يا حياتي؟ انا قولتلك انتي زوجه و ده واجبك يا حبيبتي، يلا بقى عشان متتأخريش خلصي واجبك بسرعه ( وهو بيحرك خصلات شعرها) عشان المستر ميزعلش منك
نور وهي بتبص له من فوق لتحت : حاضر هروح اخلص واجبي يا عمر… بس ياريت متنساش واجبك انت كمان
عمر بإبتسامه : لا يا حبيبتي متقلقيش ( بغمزه) هكون معاكي فوق بليل عشان اعمل واجبي و نكون خالصين
نور بتبعد عنه و بتبص له بغضب : والله؟ هو ده واجبك كزوج؟ هي دي الرجولة في نظرك؟ انت فاكر انك بالشكل ده هترضي ربنا و هتملى عين مراتك؟
بيقرب منها عمر و هو بيبص لها بغضب و بيمسك دراعها:
انا اقدر املى عين مراتي و املى عين 100 واحده زيها بس خلي بالك في ناس عينها فارغه و ميملهاش غير التراب
بتشد نور دراعها من عمر و بترد : اه دي الناس اللي معندهاش اهل يربوها و لا يعرفوا يعني ايه اصول
عمر بإبتسامه : بالظبط كده، واضح انك عرفاهم كويس
نور بإبتسامه سخريه : اكتر مما تتخيل
* بتمشي نور من قدام عمر *
عمر لنفسه : ادينا بدأنا يا نور، خلي النار تاكل في قلبك شويه عشان اللي لسه هعمله فيكي مش قليل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عمر : ايه يا سمور مش بتاكلي ليه مش عاجبك الاكل؟
سمر : ايه.. لا متقولش كده انا باكل والله
نور بإمتعاض : قولي يا سمر يا حبيبتي لو الاكل مش عاجبك اجيبلك حاجه تانيه
سمر بإبتسامة صفرا : ليه يا حبيبتي هو انتي بتقضي كل يومك في المطبخ ولا ايه؟
نور بإبتسامه : تقدري تقولي كده ايوه فعلا انا معظم يومي مقضياه في المطبخ
سمر : اه يا حرام
نور بضحكه : يا حرام ليه يا حبيبتي ده انا بقضي اسعد اوقاتي في المطبخ وانا بعمل لعمر حبيبي الاكل اللي بيحبه
سمر بغيظ بعد ما ملامح وشها اتغيرت : ااه اكيد، بس.. ابقي خلي بالك الراجل محتاج ست تدلعه و تهتم بيه مش طباخة ولا شغاله تخدمه
نور بإبتسامة حزن : معاكي حق بس المطبخ ده شئ اساسي عشان زي ما بيقولوا ( بغمزه) اقرب طريق لقلب الراجل معدته، و كمان هو في احسن ولا اجمل من اني اخدم جوزي و اراعيه
سمر : لا طبعا بس يا رب هو يكون مبسوط من ده
نور بثبات : اكيد طبعا مبسوط… ولا ايه يا عمر؟
عمر بهدوء : ايوه هي بصراحه يا سمر يعني نور ست بيت شاطره بس انتي كلامك بردو صح الجواز مش مطبخ و تنضيف بيت و خلاص
بتبص نور ناحيته بغضب و بتقول : طيب بعد اذنكو انا هطلع ارتاح فوق شويه
عمر : الله اومال مين اللي هيشيل مكان الاكل و السفره و يعملنا الشاي يا حبيبتي؟
نور بنبرة تحذير : اسأل سمر يا حبيبي، اصل انا خلاص ٱمنت ان الجواز مش مطبخ و خدمه بس ( بغمزه) بعد اذنكم
* طلعت نور لاوضتها و كان عمر واقف بيغلي من رد فعلها و ردها عليه *
سمر : احم هو انا شكلي زعلت نور ولا ايه؟ انا خايفه اكون عملت مشكله بينكم
عمر بإبتسامة ساخرة : لا متقلقيش انتي معملتيش حاجه
سمر : طب بقولك ايه يا عمر ما تيجي نخرج نتمشى شويه بره او حتى نركب خيل و.. و قول لنور يعني لو تحب تيجي معانا
عمر بص لفوق ناحية اوضة نور و رد : لا هي مش هتنزل تعالي نخرج نشم شوية هوا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سمر : مالك يا عمر من ساعة ما خرجنا وانت ساكت و سرحان انت كويس؟
عمر : ها.. اه ايوه انا تمام
سمر : لا واضح فعلا انك تمام ( بقلق مصطنع) انا بس حاسه ان في حاجة بينك و بين نور، هو انتو متخانقين؟
عمر : لا مش متخانقين.. ليه بتقولي كده؟
سمر : لا اصلي حاسه الحوار بينكم فيه توتر شويه
عمر : لا ده بيتهيألك بس، انا و نور زي الفل
سمر بإبتسامة صفرا : اه طب الحمدلله طمنتني ، يبقى اكيد هي كانت بتهزر في الكلام اللي قالته بعد ما اتغدينا
عمر بلع ريقه و رد : احم بقولك ايه يا سمر معلش ينفع نرجع اصلي حاسس اني مصدع شويه
سمر : اه طبعا لا الف سلامه عليك
عمر : الله يسلمك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*وصل عمر مع سمر للبيت و في الوقت ده كانت نور شايفاهم و هي واقفه في الشباك*
عمر : ها عايزه حاجه قبل ما انام يا سمر؟
سمر : عايزه سلامتك يا رب يا حبيبي احم اا اقصد يا عمر
عمر بإبتسامة وهو بيبص في الارض : ولا يهمك، تصبحي على خير
سمر : وانت من اهل الخير
اول ما دخل عمر الاوضه لقى نور واقفه قدامه بصه له و مربعة ايديها
عمر : ايه ده انتي لسه صاحيه؟
نور : احم اه معلش مكنش جايلي نوم بس مكنتش اقصد والله ازعجك انت او الهانم
عمر : لا يا حياتي مفيش ازعاج ولا حاجه بس يلا بقى روحي نامي عشان في صحيان بدري بكره اومال مين هيحضرلنا الفطار
نور صرخت فيه : انت بتعمل فيا كده لييييه؟ انت عايز مني ايه؟ انا اذيتك في ايه؟ انت بقيت مجنون
عمر ببرود : اولا صوتك يوطى ثانيا تمسكي لسانك عشان انا لحد دلوقتي مقلبتش عالوش التاني
نور رفعت حواجبها و الدموع في عينيها : انت بتهددني؟ وبعدين وش تاني ايه بعد كل اللي عملته ده؟ ايه عايز تموتني؟
عمر : لا يا حبيبتي بعد الشر عليكي، انا بس عايزك تعرفي معنى انك ست متجوزه و مسئولة عن بيتك و جوزك
نور : والله؟ عمر انت عايز تشلني؟ يعني دي خطتك معاها انكم تشلوني و تموتوني عشان تكونوا سوا؟
عمر ببرود : يووه بقى على الكلام الفاضي ده، يابنتي مفيش الكلام ده خالص
نور و هي بتمسح دموعها : اه طب تمام كده خلاص خلصت يا عمر….طلقني
عمر : اطلقك؟ تؤ تؤ ايه الكلمه الوحشه دي يا نور اوعي تقوليها تاني عشان مزعلش
نور بإبتسامة مكسورة : لا صدقني لو مطلقتنيش هتزعل فعلا بجد
عمر بنظرة غضب : لا وفري لغة التهديد دي لحد تاني يكون قلبه ضعيف يا نور عشان انتي عارفه كويس اوي مين عمر وانه لسه متخلقش ولا طلعت عليه شمس اللي يفكر يهددني
نور بإبتسامة و هي بتحرك ايدها على بطنها : هو لسه متولدش بس صدقني يقدر يعمل اللي ناس كبيره و عاقله متقدرش تعمله معاك
عمر : يعني ايه مش فاهمك؟
نور : يعني ابننا في بطني يا عمر.. ابنك اللي طالبه من الدنيا معايا
عمر بضحكه مصطنعة : ايه هتموتيه عشان تنتقمي مني يعني؟ تؤ كدابه عشان انتي هتتوجعي عليه اكتر مني
نور بغضب : انا بكرهك و بكرهه عشان حته منك
عمر حاول يتماسك و رد عليها بثبات : كويس
• خرجت نور من الاوضه و هي منهاره و قعد عمر يفكر في الكلام اللي قالته *
فجأة سمع صوت صرخه
خرج بسرعه يجري و اول ما فتح الباب
بصدمه :- نوور
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لن اعشق سواك)
