رواية لن اعشق سواك الفصل السابع عشر 17 بقلم منى مرزوق
رواية لن اعشق سواك الجزء السابع عشر
رواية لن اعشق سواك البارت السابع عشر
رواية لن اعشق سواك الحلقة السابعة عشر
عمر متنح لنور و مش بينطق و كأنه اتجمد مكانه
نور : عمر! انت روحت فين؟ طب انت معايا هنا؟ يالهوي في ايه ( بتمسك نور ايد عمر و بتحركها جامد) عمرر
عمر و هو لسه في حالة صدمه : انتي.. انتي بتتكلمي بجد يا نور ولا ده هزار؟ يعني هو اللي انا سمعته ده حقيقي؟
نور بإبتسامه : اه يا حبيبي حقيقي
عمر : نور ابوس ايدك قوليلي هو انا بحلم ولا صاحي؟
نور وهي بتلمس خد عمر برقه : لا مش بتحلم يا عمر، انا حامل، انا جوايا ابننا اللي عيشنا نتمناه ، خلاص بقى حقيقه يا عمر
عمر دموعه بتنزل و بياخد نور في حضنه و هو بيقول :
الحمدلله الحمدلله، خلاص كده يا رب انا خدت كل حاجه اتمنيتها من الدنيا و دعيتلك بيها يا رب
نور : الحمدلله يا حبيبي
عمر : اسمعي اوعي تكوني قولتي لاي حد انا مش عايز حد يعرف دلوقتي لحد ما نتصل بيهم و نفاجئهم مع بعض
نور بإبتسامه : حاضر يا حبيبي
عمر بيمسك ايد نور و بيبوسها و بيرد : قلب حبيبك، بقولك ايه يا هانم من هنا و رايح انتي هتعيشي في سريرك ده 9 شهور لحد ما الباشا الصغير او الهانم الصغيره يوصلوا
نور : هههههههه لا انسى مفيش من ده، بس المهم قولي انت نفسك في ولد ولا بنت
عمر : انا نفسي في اي حاجه منك والله انشالله دبدوب
نور : هههههههه بتثبتني انت خلي بالك
عمر : اموت انا في التثبيت الحلال ده
( بيعدي اسبوعين و عمر و نور عايشين في قمة السعادة اللي في الدنيا ، و في يوم بتوصل رساله لنور من رقم غريب على الواتس اب)
– هاي،مدام نور؟!
نور : ايوه مين حضرتك؟
-انا رامي اللي نيره كلمت حضرتك عني
نور : اه اهلا و سهلا
– هو حضرتك فاضيه حاليا؟ ينفع اتصل بيكي؟
نور وهي بتكلم نفسها : يادي النيله تتصل ايه هي ناقصه لا طبعا.. ولا خليه يتصل يمكن اعرف اتصرف معاه عشان يروح يخطب البت الغلبانه
بتبعتله نور : اه تمام اتفضل اتصل
بيتصل رامي و بترد نور : الو
رامي : الو مساء الخير
نور : مساء النور
رامي : انا ٱسف جدا لو كنت بزعج حضرتك
نور : لا مفيش ازعاج ولا حاجه
رامي : انا مش هطول على حضرتك، انا بس كنت حابب اتكلم مع حضرتك عن موضوع ارتباطي انا و نيره
نور : هو اولا بس بلاش حضرتك دي لاني تقريبا من سنك و ثانيا المفروض انك متصل تكلمني عن خطوبتك لنيره مش ارتباطك بيها
رامي : انا والله اكيد نفسي يبقى كلامي عن خطوبه على طول بس هي المشكله ان انا حاليا في فترة صعبه هي اللي منعاني ٱخد خطوة الخطوبة دي
نور : ممكن اعرف ايه هي الفترة الصعبه دي؟
رامي : انا والله لسه متخرج و مشتغلتش في مكان ثابت، انا من وانا بدرس وانا بشتغل ف وظايف مؤقته و لحد دلوقتي لسه فيها و عشان كده مش عايز اتقدم غير و انا شغال ف وظيفه ثابته
نور : كلام جميل بس صدقني انك توفي بوعدك للبنت اللي انت معلقها بيك من سنين ده في حد ذاته ممكن يخلي ربنا يرضى عليك و يرزقك بالوظيفة المناسبة لان كله كوم والا انك تلعب بقلب انسان ده كوم تاني
رامي : اكيد انا فاهم كلامك و صدقيني والله انا مش بلعب ب نيره، انا بحبها بجد و عشان كده عايز اكون في المكانه اللي هي تستاهلها و تناسبها
نور : حاجه زي دي بإذن الله تقدروا تعملوها حتى لو بعد جوازكم، لان احساس انكم توصلوا لاحلامكم مع بعض احلى و امتع بكتير من انك توصل ليها لوحدك
رامي : ايوه بس انا يعنـ…
نور : رامي بعد اذنك الموضوع كله هيكون انك تتقدملها و تقرا فاتحه بس مش اكتر يعني مش هتروح تتجوزها
رامي : طب انا محتاج اتكلم معاكي و اشرحلك اكتر بس هو مش هينفع في التليفون،انا ممكن اقابلك بره؟
نور : ايه! تقابلني؟
رامي : اه لو يعني مش هيضايقك انا بس محتاج اشرحلك ظروفي اكتر و الكلام ده هيكون صعب عالتليفون
نور : طب كده يا رامي انا هضطر اقول ل عمر عالموضوع لاني اكيد مش هينفع اروح اقابلك لوحدي و كمان من غير علمه يعني
رامي : لا لا ارجوكي انا مش عايز اكون قدام عمر او اي حد من اهل نيره دلوقتي او اليومين دول عالاقل، و انا والله هتكلم معاكي بس عن ظروفي و نحاول نوصل لحل في الموضوع لاني حسب ما سمعت من نيره انتي ماشاء الله عقلك كبير و كمان بتحبيها و هي بتثق فيكي جدا
نور بتنهيده : طب وايه المطلوب؟
رامي : حددي اي كافيه مثلا نتقابل فيه وانا هجيلك هناك في الوقت اللي يناسبك
نور : ماشي يا رامي انا هشوف و هبعتلك عالواتس
بعد ما المكالمه بينهم بتخلص نور بتقعد في حالة قلق و بتكلم نفسها : طب يا ربي اعمل ايه بس انا مش هقدر اكذب على عمر بس هعمل ايه دي نيره هتموت على رامي و لو انا محاولتش اساعدهم هشيل ذنبهم عمري كله (بتنهيده) امري لله هقابله وربنا يستر و يعديها على خير
( بتبعت نور اسم المكان ل رامي و الميعاد)
وبعد شويه بيرجع عمر من الشغل
نور بتجري عليه تبوسه و بتقوله حمدالله على السلامه
عمر : الله يسلمك يا قمري بس متجريش كده تاني يا حبيبتي و انا ياستي هاجي لحد عندك
نور : هههههه خايف عليا ولا على البيبي
عمر : بصي انا اكيد بحب ابني او بنتي اللي ف بطنك لكن متنسيش ان الطفل ده جزء منك يعني لو بحب جزء منك ف اكيد انا بعشقك كلك
نور : انا مش عارفه انت ازاي مطلعتش شاعر
عمر : هههههههه لا بس ايه رأيك عجبتك؟
نور : اوي بقى
عمر : طب انا هطلع ٱخد شاور و اغير هدومي و انزل احضرلك غدا مفيش منه
نور : مين ده و بأمارة ايه؟
عمر : ايه يابنتي انا مش قولتلك امبارح متعمليش اكل وانا هعملك اكل هيعجبك
نور : اه و المفروض ان انا اسمع كلامك ده بقى؟
عمر : مش المفروض؟
نور : لا طبعا يا حبيبي، عشان حضرتك دورك في شغلك برا و انا هنا دوري و شغلي اني اعمل كل حاجه في البيت عشان ترجع ترتاح و تتغدا و تؤمرني يا سيدي انا
عمر : اوباا لا بقول ايه احنا نأجل الغدا النهارده تعالي نطلع ناخد شاور سوا احسن و اهه النضافه حلوه يا شيخه
نور : هههههههه طب بس دلع و اطلع يلا خد شاور على ما اجهز السفره
عمر : تحت امرك يا عسل
( بتجهز نور السفره و بينزل عمر و بيبدأوا يتغدوا)
عمر : لا ده احنا بقينا شيفات بجد بقى
نور : و دي اعتبرها مبالغة ولا تريقه؟
عمر : لا والله ده بجد، انتي اثبتيلي انك طباخة درجه اولى
نور : ربنا يخليك، الحمدلله ان الاكل عجبك يا حبيبي
عمر بيبوس ايدها و بيرد : قولتلك قبل كده اي حاجه من ايدك بتعجبني يا قمري
نور : ميرسي يا حبيبي.. اممم عمر انا كنت عايزه استأذنك في حاجه
عمر : حاجة ايه؟
نور : انا اصلي يعني كنت عايزه اقابل واحده صاحبتي بكره ، هي كلمتني و قالتلي نتقابل بره عشان نتكلم شويه
عمر : طب وليه معزمتيهاش هنا؟ هي مش عارفه انك حامل؟
نور : ماهو اصل هي اللي طلبت نتقابل بره و كمان عشان متعرفكش ف يعني هتتكسف تيجي و كده
عمر : خلاص تمام يا نور زي ما تحبي مع اني مكنتش عايزك تعملي اي مجهود خصوصا انك في شهور الحمل الاولى و ده خطر عليكي
نور : لا يا حبيبي ولا خطر ولا حاجه متقلقش وبعدين انا هقابلها في اي كافيه نقعد نتكلم شويه و خلاص
عمر : ماشي يا حبيبتي بس خلي بالك من نفسك و بلاش تتأخري و خلي تليفونك مفتوح عشان اطمن عليكي
نور : هههههههه ايه كل ده؟ حاضر يا سيدي متقلقش
( بتخرج نور تاني يوم و بتروح عند الكافيه)
و قبل ما يتدخل الكافيه بتسأل نفسها : طب يا ربي انا هعرفه منين رامي ده؟ .. ايه ده صح دي صورته عالواتس
( بتفتح تشوف صورته عالواتس و بتدخل الكافيه)
نور : طب هو انا كده هدور عليه عالترابيزات يعني؟ لا و على ايه انا اتصل بيه و خلاص
( بتتصل نور على رامي)
رامي : الو
نور : ايوه يا رامي انت فين؟
رامي : انا اُدام الكافيه اهه
نور : طيب انا قاعده في تاني ترابيزه
رامي : تمام
( بيدخل رامي الكافيه و بتتفاجئ نور بإنه شاب زي القمر و احلى من صورته بكتير و كمان جسمه شبه ابطال كمال الاجسام)
نور في سرها : ماشاء الله والله البت نيره عندها حق بردو
رامي : هاي ازيك
نور : هاي يا رامي ازيك انت
رامي : ٱسف لو كنت اتأخرت عليكي
نور : لا مفيش تأخير ولا حاجه انا لسه واصله
رامي : تمام تشربي ايه؟
نور : لا والله مش هقدر اشرب حاجه
رامي : ازاي لا طبعا مينفعش
نور : والله يا رامي مش هينفع عشان…انا حامل و مش بقدر اشرب حاجه عشان معدتي تعباني
رامي : ايه ده والله العظيم ؟ الف مبروك انا والله ما كنت اعرف و نيره مقالتش
نور : ايوه ماهي نيره متعرفش احنا عاملين ليهم مفاجأة بس اوعى تقولها يا رامي ده سر حاليا
رامي : لا تمام متقلقيش، بس هو انا ٱسف والله انا لو كنت اعرف مكنتش خليتك تنزلي عشان نتقابل
نور : لا مفيش مشكله انا تمام، خلينا بقى نتكلم ف موضوعنا
رامي : تمام اتفضلي
نور : لا اتفضل انت احكيلي ايه هي ظروفك الصعبة اللي تمنعك تروح تتقدم ل نيره
رامي : دلوقتى انا لسه متخرج و زي ما قولتلك اني لسه مشتغلتش شغل ثابت ده غير اني بعد وفاة والدي انا المسئول عن والدتي و اخويا و اختي الصغيرين، يعني انا متحاصر من كل ناحية، تقدري تقوليلي ازاي ممكن اروح اتقدم لواحده بظروفي دي؟
نور : خلاص كده قولت كل اللي عندك؟ طيب انا احب اقولك ان مبدئيا كده و اول حاجه انت الشخص اللي تتشرف اي عيله بإنها تناسبه
رامي : ربنا يخليكي ده من ذوقك
نور : انا مش بجاملك يا رامي انا بقول الحقيقه، انت راجل بجد و اي واحده هتكون متطمنه معاك لانك شخص مسئول و بار بأهلك و ده بقى شئ نادر
رامي : والله كلامك فرحني جدا بس بردو احنا عند نفس النقطه ازاي هروح اتقدم كده؟
نور : انت هتروح و هتتقدم وانا اضمنلك انهم هيوافقوا لانك انسان محترم و بالنسبة لتكاليف الجواز ف انت و نيره بإذن الله لسه قدامكم كام سنه على ماهي تخلص دراستها ده غير ان انا و عمر جنبكوا و بإذن الله مش هنسيبكم لوحدكم في الموضوع ده
رامي : انا حقيقي مش عارف اقول ايه انا فعلا حاسس اني ربنا راضي عني بموقفك معايا ده
نور : انت و نيره اخواتي يا رامي و ده واجبي
( اثناء كلام نور و رامي كان في شخص قاعد على ٱخر ترابيزه في الصف، الشخص ده كان سمر)
سمر : ايه ده؟ نور؟ و مين اللي معاها ده؟ بتقرب سمر شويه من ترابيزتهم و بتسمع رامي و هو بيقول : اهم حاجه بس متخليش عمر يحس او يعرف اني قابلتك
نور : لا طبعا يا رامي لا يمكن عمر يعرف حاجه زي دي
( بتمسك سمر موبايلها و بتصور نور و رامي)
و بإبتسامة كلها خبث بتقول : وقعتي برجلك يا جميله.. اخيرا هخلص منك يا نور و هكون مع عمر…. حبيبي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لن اعشق سواك)
