رواية لن اعشق سواك الفصل الثاني 2 بقلم منى مرزوق
رواية لن اعشق سواك الجزء الثاني
رواية لن اعشق سواك البارت الثاني
رواية لن اعشق سواك الحلقة الثانية
نور : نعم.. خير
عمر : نور انا عايزك تعرفي ان حتى لو موقفك فضل زي ماهو و اللي في دماغك متغيرش ف انا عمري ما هفرض نفسي عليكي و لا هخليكي تحسي انك متكتفه هنا ولازم كمان تعرفي اني لايمكن هجبرك على حاجه يعني انا مش هلمس شعره منك غير برضاكي و لما تكوني عايزه ده زي ما انا عايزه
نور : تمام وبعدين؟
عمر : ولا قبلين يا نور انا بس عايزك متحسيش بأي ضغط و انتي معايا هنا و انا اوعدك اني مش هضايقك
نور : ماشي ميرسي لذوقك
( بتمشي النور و بتطلع لغرفة النوم في الدور الثاني)
نور : يا ترى اللي انا بعمله ده صح ولا غلط؟ يا ترى هو فعلا مظلوم و انا قاسيه عليه؟ مظلوم؟! ازاي؟ طب و اللي شوفته؟ و الكلام اللي البت القذرة اللي اسمها ساره دي قالته؟ -لا انا مش غلطانه، هو يستاهل اكتر من كده بعد اللي عمله وبعد الوجع اللي اتسببلي فيه بس يعني ايه مش هلمس شعره منك يعني بيهددني ولا بيطمني؟ .. لا ده تلاقيه شبع خلاص مع الحيوانه بتاعته ..بس لا انا بقى هعرف ازاي اعذبه زي ما عذبني و يبقى يوريني هيفضل مستحمل و متمسك بكلمته لحد امتى
( في الدور الاول يجلس عمر ببدلة الزفاف
وهو ينظر للأرض )
عمر : طب وبعدين! انا لا يمكن اسيب نور و لا اطلقها انا الموت عندي اهون الف مره بس بردو هي ازاي تصدق اني ممكن اخونها؟! بس هي معاها حق بردو بعد اللي شافته و سمعته من الزفته اللي اسمها ساره دي، ياريتني ما شوفتها ولا درست معاها في جامعه واحده، انا لازم اشوف حل ، انا لازم اخلى نور تصدقني و تعرف اني عمري ما حبيت ولا هحب حد غيرها، انا مش هسيبها حتى لو اضطريت احبسها هنا و مخرجهاش ابدا، بس لا انا مش هعمل كده لكن اوعدك يا نور اني هخليكي تحبيني من اول وجديد و اكتر كتير كمان من الاول
( صعد عمر للدور العلوي)
عمر : يعني في اليوم اللي عيشت احلم بيه سنين هتحرم حتى من اني انام جنبها في اوضه واحدة؟! طب حتى كنتي استنيتي نتعشى سوا يا شيخه ده انتي بقالك شهر معيشاني في خناق و عذاب،يلا بلاها عشا انا هنام خفيف احسن ف اوضه الاطفال اللي مش عارف مصيرهم ايه و هما لسه مجوش ولا هيعرفوا ييجو اصلا بسبب امهم🤦♀️بس لا بإذن الله بكره ييجو و مش غصب عنها لا برضاها و برغبتها هي كمان
نور : ياااه الواحد اتقلب نام كأنه مشافش مراتب في حياته قبل كده، بس احسن عشان لو كنت سهرت كنت هقعد افكر في الهم اللي انا فيه، بس دلوقتى ميعاد اول خطوة في خطتي الجميلة اللي هدمر بيها كبريائك و ثقتك في نفسك دي يا عمر و ابقى وريني هتعمل ايه
عمر : يا الله طب اقوم احضر فطار ليا انا و هي ولا هجيب لنفسي وجع القلب عالصبح، بس لا هخليني جنتل بردو و احضر لها معايا اكل المجنونه دي … بيخرج عمر من غرفته و بيروح المطبخ و فجأة.. بتظهر نور ادامه ببجامه رقيقة بتظهر جسمها بشكل ملفت و شعرها اللي كان لونه مش مفهوم اذا كان بني ولا اصفر ولا احمر اللي هو لون يخطف العين و اللي كانت دايما بتحب تقصه مفرود على كتافها
عمر فضل متنح و باصص لنور وهو فاتح بقه و بعد لحظات قال : .. احم انا قومت احضر فطار ليا و ليكي عشان احنا ما اكلناش من امبارح
نور : مكنش ليه لازمه تعمل حسابي انا كنت قايمه اعمل فطاري بنفسي
عمر و هو بيبص لنور بنظرات كلها اعجاب : معلش يا نور خليها عليا انا المره دي
نور : ماشي مفيش مشكله و بتخرج نور من المطبخ
عمر : يا سنه سوده بقى انا كده بمنظرها ده مش هلمس منها شعره؟ ده انا انتحر ارحم ليا .. الله يخربيتك يا نور ناويه تعملي ايه فيا.. بس لا انا فهمت خطتها هي عيزاني اضعف لكن لا يمكن انا اللي هخليها تجري ورايا و تعرف قيمتى و تموت فيا زي ما كانت دايما و اكتر كمان
بيخرج عمر شايل صينية الفطار و بيحطها عالسفره قدام نور
نور : شكرا
عمر : العفو انا معملتش حاجه
نور : ايه ده هو ايه الاسود اللي في طبق البيض ده؟
عمر : احم اااا ده دي بسطرمه بس مستويه زيادة عشان الامراض
نور : ااه قصدك محروقه زيادة
عمر : شوف مين اللي بيتكلم ده على اساس انك بتعرفي تسلقي بيضه؟
نور : اه طبعا وبعرف اعمل اكل تحفه انت متعرفش تعمل ربعه
عمر : هههههههه لا دي وسعت منك شويه
نور : والله؟ طب ايه رأيك اني هعمل الغدا النهارده و هتشوف بقى اللي مبتعرفش تسلق بيضه و هي فشر الشيف شربيني
عمر : يا منجي من المهالك يا رب
نور : بتقول ايه؟
عمر : لا مفيش ده انا بقول اقوم اصلي الظهر عشان أذن
نور بعد ما عمر قام : يادي المصيبة انا كان لازم يعني اتسحب من لساني و اعمل فيها سبع رجاله في بعض و اقول هعمل غدا، طب دلوقتى هنيل ايه بقى وانا فعلا مبعرفش اسلق بيضه
بس لا مش هستسلم و لا يمكن اطلع فاشله قدامه هو الطبيخ ايه يعني غير لحمه و خضار و شوية حاجات فوق بعض .. انا هوريك يا عمر الشيف اللي جوايا عشان تعرف اني كامله من مجاميعه واني برقبة ست زفته اللي خونتني معاها.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لن اعشق سواك)
