رواية لم يكن مجرد حلم (جواهر) الفصل الحادي عشر 11 بقلم حنين ابراهيم
رواية لم يكن مجرد حلم (جواهر) الجزء الحادي عشر
رواية لم يكن مجرد حلم (جواهر) البارت الحادي عشر
رواية لم يكن مجرد حلم (جواهر) الحلقة الحادية عشر
في اليوم التالي أخذ أدهم جواهر إلى المدرسة ولكن هذه المرة دخل معها ليتوجه للإدارة ويشتكي لهم أن جواهر تتعرض للمضايقات
المدير باستهزاء:و إنت عايزني أعمل إيه يعني أمسك فيهم و أقولهم بطلو تتكلمو عن لبسها وكلامها ؟
أدهم بغضب : والله إلي أعرفه إن ده شغلك مش أنا الي أقولك تعمل إيه المفروض إنكم تقفو ضد تصرفات الي زي دي أنا جايب قريبتي هنا عشان تتعلم مش عشان تكبر بعقد نفسية لمجرد أنها مختلفة عن بيئتهم
كان المدير يستمع بملل إلى أن دخلت أحد الأساتذة يبدو على ملامحها الحنق إنتبه أدهم أن جواهر تقف خلفها عند الباب ليستغرب حضورها بينما هي شعرت بالذعر عندما رأته
الأستاذة دخلت بغضب وهي تشير لجواهر بقرف أنا مش هسمح للبنت المتخـ..لفة دي إنها تدخل لفصلي تاني ياريت تعملها استدعاء ولي أمر عشان تتعلم تحترم أساتذتها بعد كده
أدهم نظر إلى جواهر المذعورة وحاول طمئنتها بعينيه ثم نقل نظره لتلك الأستاذة التي تتشرف بهمجية قائلا بسخرية: الواحد لما يدخل مكان بيقول السلام عليكم الأول مش يدخل على الموجودين زي القضا المستعجل
الأستاذة بغضب:و إنت مالك ؟تبقى مين أصلا
أدهم بحنق: أبقى ولي أمر البنت المتخـ..لفة دي
بلعت ريقها بتوتر :إيه يعني إنت أخوها ؟
أدهم لم يهتم لسؤالها: إنت بأي حق تهيني طالبة عندك بالطريقة دي؟ ممكن اعرف هي عملت إيه لكل ده ؟
الأستاذة حاولت إستجماع نفسها: هي أصل إنت مشفتش هي هانتني إزاي قدام بقية التلاميذ
نظر لها أدهم لتدافع عن نفسها:الكلام ده حصل يا جواهر ؟
جواهر بإرتباك ودموع:أنا مكانش قصدي أهينها هي الي بدأت تعلق على لبسي لما قولتلها إن زوزو و جيجي بدأو يضايقوني فأنا قولت لها تعليقي على لبسها
أدهم بهدوء:ممكن تحكيلي كل الي حصل من غير ما تحرفي الي حصل و أنا أوعدك إني هجيبلك حقك من كل الي ضايقك
جواهر هزت رأسها بنعم:أنا كنت بسمع للدرس عادي ولما الأستاذة طلبت مننا نحل سؤال على السبورة بدأو البنتين الي وريا يضحكو و يقولولي إني المفروض أتكسف إني أطلع بجلبيتي دي فأنا لما قولت لها إنها تطلب منهم يبطلو يضايقوني بصتلي من فوق لتحت وقالت إنهم عندهم حق لأني مضهري غير لائق للحضور المدرسي وأني أشتري لبس مضهره مقبول وإني أحيانا لازم أتقبل النقد عشان أحسن من نفسي قدام الناس
فأنا رديت إن لبسها الضيق كمان غير لائق لكونها إمرأة مسلمة و إنها لازم تتقبل نقدي و تجي المرة الجاية بلبس يليق بكونها مسلمة إرضاء لربنا أولا و تخلي رأي الناس فيه في المرتبة الثانية ،أبقى كده غلطانة ؟قالتها بتساؤل وهي تنظر له ببراءة
أدهم كتم ضحكته على ردها ثم التفت لهم بملامح جدية: جواهر عندها حق إنتي قولتي إنهم من حقهم يبدو رأيهم و ينتقدو لبسها وهي تتقبل ده وتاخد برأيهم كمان رغم أن الدريس الي لبساه عادي و محترم،ليه غيرتي رأيك لما صارحتك برأيها إن لبسك مخالف و أنا كمان شايف أنه لا يليق بأستاذة المفروض إنها تبقى قدوة في أخلاقها وتصرفاتها قبل ما تكون ملقنة جيدة في المواد الي بتدرسها
ثم نظر للمدير :أنا بالأسلوب ده ميشرفنيش إن جواهر تكمل في مدرسة زي دي مديرها مستهتر و أساتذتها لا يرقو لمستوى مربي أجيال
ياريت تسحبلي ملفها عشان أنقلها لمدرسة أحسن و أنا هرفع شكوى للوزارة عشان تراقب المهازل الي بتحصل في المدرسة دي
المدير بإرتباك وخوف: استاذ أدهم من فضلك إهدى و أقعد عشان نحل الموضوع ده من غير شوشرة ، وإنتي أستاذة ناهد إعتذري عن تصرفك مع التلميذة دي فورا و تجيبي البنتين الي ضايقوها عشان يتعاقبو على تصرفهم
ناهد بضيق:إنت بتقول ايه يا بابي ده المفروض هي الي تعتذر مني
أدهم بسخرية:بابي ؟ أنا دلوقتي فهمت
أخذ أدهم ملفها رغم إلحاح المدير أن يبقى ووعده أنه سيحل المشكلة و يعا..قب كل من ضايقها
عاد بها إلى البيت و أخبر والدته بما حدث و جواهر رغم سعادتها أن أدهم وقف معها إلى أنها حزنت بعد أن تذكرت أنه سحب ملفها و سيكون من الصعب عليهم ايجاد مقعد في مدرسة أخرى هذه السنة و بذلك ستضيع عليها
في اليوم التالي أدهم عاد وهو يدندن
جوجو يا جوجو
جواهر خرجت من المطبخ :أيوة يا أبيه
أدهم:حضري نفسك إنتي و ماما عشان هنروح مشوار
جواهر بإستغراب: على فين ؟
أدهم : النهارده قبضت مرتبي و كنت مقرر إننا نجيب بيه لبس جديد وكمان عندي ليك خبر حلو
جواهر:إيه هو
أدهم :أنا إمبارح قولت لمديري الي حصل وهو ساعدني ألاقيلك مقعد في مدرسة كويسة جدا و إنتي بداية من من الأسبوع الجاي هتداومي فيها بشكل طبيعي
صرخت جواهر وهي تقفز من السعادة :بجد ؟ ربنا يخليك ليا يا أبيه
حسنات خرجت من غرفتها بنوم:في إيه يا ولاد عاملين كل الضجة دي على إيه
جواهر ركضت نحوها بسعادة:ماما حسنة أبيه لقى لي مكان في مدرسة تانية أحسن و أنا هكمل دراستي عادي
حسنات بفرحة: الحمد لله يا حبيبتي ،شوفتي مش قولتلك إن أكيد الي حصل هيكون في وراه خير ؟
جواهر عانقتها براحة: الحمد لله يا ماما أنا كنت خايفة أوي إن السنة تضيع عليا
أدهم إبتسم لفرحتهم و قطع وعدا على نفسه أن يعمل جاهدا ليحقق لها أحلامها ويسعدها
___
على جانب آخر
جلال بضيق :بس إنت دفعت مبلغ كبير أوي أقساط المدرسة و هتفضل كل سنة تدفع لأنه البيه فاكر إنه الملاليم الي دفعهم هما الرسوم الحقيقة التسجيل وكمان مرتبه ضعف مرتب السائق ليه
عمر بشرود: لأنه الفلوس دي بتاعتي و أنا الي أقرر المفروض تروح فين ياريت تلزم حدودك معايا
جلال جلس بجانبه:أنا عارف إنها فلوسك بس أنا صاحبك و خايف عليك و ..
عمر قطع كلامه بملل:أنا عارف إنك هتشغل موال كل يوم يا ريت توفر على نفسك المجهود ده لأني أنا مش هغير رأيي و هنفذ الي في دماغي برضو
جلال تنهد بضيق: على العموم إنت حر أنا عملت الي عليا و حذرتك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لم يكن مجرد حلم (جواهر))
