رواية لم يكن اخي الفصل الأول 1 بقلم إيمان شلبي
رواية لم يكن اخي الجزء الأول
رواية لم يكن اخي البارت الأول
رواية لم يكن اخي الحلقة الأولى
– يعني انا دلوقتي هقابل عريس الغفلة بتاعك!
– يابني انت ليه محسسني أنه ضرتك؟!
بصلها بقرف من فوق لتحت :
– بصراحه كده مش لايق عليكي دور العروسه
حطت ايديها في وسطها بغيظ:
– ليه بقي أن شاء الله مشبهش ولا مشهبهش!
– يابنتي انتي لسه صغيره ده انا كنت بلعب بيكي امبارح لسه
– حسن الفاظك يابني آدم ايه بلعب بيكي دي ادعي عليك بأيه يا اخي دبش قنبله دبش متحركه علي الارض
رفع حاجبه بتحذير :
– الكلام ده ليا انا؟؟
بلعت ريقها بتوتر :
– ياااااه عليك ده انا كنت بهزر
ض*ربها علي قفاها بغيظ:
– طب متهزريش تاني بقي بدل ما ارزعك كف احولك
حكت رقبتها بوجع وضيق :
– حسبي الله ونعم الوكيل ربنا علي ال”ظ*الم والم*فتري
– الظ*الم والمف*تررري ده اللي هو انا!!
– وده يجوز برضو القمر الكيوت ده يبقي ظالم وم*فتري أنا الظال*مه والمفت*ر*يه في روايه أحدهم وادي امضتي اهي اهي
بصلها بق*رف وض*رب كف فوق التاني بيأس :
– ربنا يعينك علي المهلبيه اللي في دماغك
– حبيبي يابا الله يخليك
– صحيح مقولتليش!
قالها وهو بيقرب منها وبيقفل عينه نص قفله وكأنه قناص
بلعت ريقها بتوتر :
– ا اقول ايه ياسطا
مسكها من طرف التيشرت بتاعها وهي واقفه زي الكتكوت المبلول :
– قري واعترفي عرفتي البيه منين وامتي وازاي و…
– ايييييه حيلك حيلك اي كل الاسئله دي
رد بحده:
– جاوبي
– يوه طب خلاص متزوقش ا ا احم هقولك
سابها وسند أيده علي سور النيل :
– ها سامعك
سندت ايديها هي كمان علي السور وبصت علي النيل وبدأت تحكي عنه وشعرها بيطير مع نسمه الهواء الخفيفه في الصيف
كانت بتحكي وعيونها بتلمع ،الابتسامه مرسومه علي وشها
توترها وهي بتحكي عنه ،ايديها اللي بتحركها يمين وشمال ،شعرها اللي كل ثانيه تحطه ورا ودنها من التوتر والخجل
كانت كلها اشياء خلته يستغرب وقلبه يتحرك باول دقه مش فاهم ايه سببها !!
لوهله سرح في اللي فات
معقوله؟!
معقوله هي دي ” ساره” الطفله الصغيره اللي كان بيلعب معاها امبارح بالتقريب
هي أمتي كبرت ؟!
أمتي عرفت معني الحب
الحب ده للناس الكبيره العاقله مش للاطفال
بس هي مش طفله ،هي انسه كبيره عاقله جميله هي بنت فيها كل المواصفات اللي اي شاب يتمناها بس امتي حصل كل ده !!
عمره ما كان يتخيل يوم أنها تقف معاه وتحكيله عن شخص بتحبه وعايز يتقدملها
يعني هو هيزفها بايده لعريسها بس ازاي ؟!
ازاي وهو لسه شايفها طفله بضفاير طفله بريئه مكانش بيعدي يوم إلا وتشوفه مكانش بيعدي يوم إلا وتجري علي حضنه في آخر اليوم تحكيله بكل براءه عن يومها اللي كان في نظرها يوم شاق للغايه !
طب هو ليه لما قالتله أن في عريس اتضايق اوي كده ليه حس أنه عايز يضربها قلمين يفوقوها ويقولها أنتي لسه طفله ازاي تتكلمي في حاجه زي كده ؟!
– هييييي ياعم انت روحت فين
فاق من شروده علي صوتها وطرقعه صوابعها قدام وشه :
– هه م مفيش معاكي
ساره باستغراب :
– مالك يا انس ؟؟
انس وهو بيتنهد وبيبصلها بهزار:
– مش مصدق
– مش مصدق ايه؟؟
انس وهو بيحط أيده علي كتفها :
– مش مصدق انك كبرتي وهتبقي عروسه زي القمر
وبصلها بمرح:
– بقي بذمتك في أبو عروسه يبقي مز كده ؟!
ساره بضحك:
– ههههههههه لا ياعم خلينا نقول اخو العروسه متزعلش نفسك
– بس انا عمري ما حسيت اني اخوكي
ساره برفعه حاجب :
– ايه ده!
-اقصد يعني اني من كتر مانا مسؤول منك من وانتي صغيره حاسس اني ابوكي
ساره بابتسامه رقيقه:
– انت كل حاجه بالنسبالي يا انس انت ابويا اللي مشوفتهوش انت اخويا اللي متولدش انت صاحبي وجاري انت كل حاجه بالنسبالي فعلا
انا بشكر ربنا ان ماما ومامتك كانوا أصحاب من زمان عشان احنا كمان نكمل مسيرتهم ونكون أصحاب العمر كله
ابتسم بهدوء:
– ربنا يديم صداقتنا ويفرحني بيكي
-طب وانت اباشا
– انا ؟!
انا ايه
ساره وهي بتغمزله:
-هنفرح بيك أمتي
حك فروه رأسه بتوتر واحراج :
– بصي هو هو في واحده
ساره بلهفه :
– وحياه امك
انس:
– اممممم بس مش عارف يعني ه هو مجرد اعجاب لسه و….
– لااااااا اعجاب اي وبتنجان اي احنا هندخل في خطوه الخطوبه علي طول عايزين نعمل لولوالي فرح ونبل الشربات ونكتب الكتاب ونعلي الجواب ونطل بالابيض
انس بذهول :
– كل ده في يوم واحد
– ايوه يابا معندناش وقت للتفسير
– سرسوووره
لفت ساره وانس معاها علي مصدر الصوت
كان في شاب بيقرب منهم طويل شويه يمكن اطول من أنس عنده عضلات ملامحه مش بطاله راسم ابتسامه غبيه علي وشه وكأنه رايح يستلم شهاده تخرجه !!
لابس كاجول ميقدرش ينكر أنه حلو بس تفيد بأيه الحلاوه لو الشخص شخصيته تافهه؟؟
انس برفعه حاجب :
– سرسوووره
ساره بهيام:
– اه ما هو بيدلعني بسرسوره
– الاه ده انتي مش بتطيقي الاسم ده
ساره بنفس الهيام وهي بتبص عليه وهو بيعدي الطريق :
– حبيته
ميعرفش ليه حس بالغيره في الوقت ده حس أنه عايز يسحبها من ايديها ويمشي من المكان فورا قبل ما يرتكب ج*نايه
رد بح*ده :
– اتع$دلي ها
ساره بخوف :
– ا احم حاضر
قرب منهم ” طارق” اللي كان راسم نفس الابتسامه المستفزه وقرب من ساره وهو بيمدلها أيده بورده حمراء
– صباح الورد يا ورد
ساره بخجل وهي بتاخدها منه :
– ميرسي
طارق بهيام :
-ايه الحلاوه دي ياسرسور!
-هو انا شفاف ولا اي ياصاحبي
طارق ببرود:
– سوري مأخدتش بالي ازيك
انس بابتسامه صفراء وسخريه :
– ولا يهمك كمل كمل
– اكمل ايه؟!
– فقره التسبيل ولا هي كده خلصت خلاص ؟
طارق بتساؤل لساره :
– مين ده ؟
كانت لسه هترد بس انس قرب منه ومد أيده يسلم عليه بجديه:
– انس اخوها ابوها جارها صديقها
طارق ببلاهه:
– افندم؟؟
انس بابتسامه بارده وهو بيبص لساره:
– هو اطرش؟؟
– هه لا
– انا بقول كده برضو اصل ودانه ماشاء الله قد طاسات البيض فأكيد مش اطرش بس جايز اعمي!
ساره بتوتر وهي علي وشك تعيط :
– ل لا
طارق بضيق :
– هو احنا هنفضل واقفين كده كتير؟
انس بسخريه:
– ايه يابطه تعبتي من الشمس
– اه الجو حر اوي بصراحه
انس وهو بيبص لساره :
– مينفعكيش ده يالا نروح
ساره بذهول :
– انت لسه قعدت معاه اصلا ؟
– ايه ده هو انتي عايزاني اقعد معاه كمان ؟
– اومال انت هتتعرف عليه ازاي بس ابوس ايدك عدي اليوم
انس بضيق :
– طيب اتفضلوا
بعد شويه كانوا قاعدين في كافيه وانس قاعد بيساله بكل جديه
– عندك شقه
– لا
– يالا ياساره يالا نمشي ده مينفعكيش
ساره بتوتر :
– ابوس ايدك طول خلقك شويه
– استغفر الله العظيم يارب
– بتشتغل ؟!
– لا
انس وهو بيقوم يقف :
– قومي يابنتي نمشي قومي
طارق بجديه:
– عندي فيلا ومش بشتغل لأني بدير كل شركاتي من البيت
انس وهو بيقعد وبيقعدها مره تانيه :
– اقعدي تاني يابنتي بارك الله في اختياراتك
ساره بخفوت :
– دلوقتي بارك الله في اختياراتك مادي ح*قير
انس :
– ا احم ساره حكتلي عنك و…
– عارف اكيد قالتلك أن انا وهي بنحب بعض
– اه
– وان انا وهي منقدرش نستغني عن بعض
– اه
– وان انا وهي شبه بعض في حاجات كتيره جدا
– اه
انس :
– وانا انا قرطاس لب قاعد معاكم واحد يمدح فيها والتانيه تقول اه
ساره:
– اه
انس وهو بيهبد علي الطربيزه بعص*بيه
– انتي علقتي؟!
ساره بفزع :
– ا انا انا
انس بحده :
– اسكتي
– حاضر
انس وهو بيبصله بجديه:
– بص بقي يابن الناس ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لم يكن اخي)
