رواية لم يكن أخي الفصل الأول 1 بقلم داليا النجار
رواية لم يكن أخي الجزء الأول
رواية لم يكن أخي البارت الأول
رواية لم يكن أخي الحلقة الأولى
امنيه بغضب : انت بتقول اي يا بابا انا مستحيل اتجوزه
سالم : هتتجوزيه يا امنيه
امنيه : يا بابا ده راجل كبير فى السن يمكن اكبر منك ابوس ايدك بلاش الجوازه دى
سالم : أنا قلت اللى عندى هتتجوزيه يعنى هتتجوزيه برضاكى أو غصب عنك
امنيه بدموع : انت بتعمل فيا كده لي انا امى لو كانت عايشه كانت حامتنى منك ومن شرك انت عايز تبيعنى للراجل ده علشان الفلوس
سالم : اسمعى يا بت انتى بلا امك بلا قرف الراجل شاريكى ومعاه فلوس كتير وهيريحك سبينا بقى نرتاح معاكى
امنيه : على جثتى ان ده يحصل
سالم : الراجل جاى بالليل عايزك تلبسى كويس وتفردى وشك والا مش هيحصل طيب فاهمه
خرج ابويا وقفل باب الاوضه وراه بعصبيه وانا فضلت اعيط على حالى وعلى حزنى اللى معنديش غيره وعلى امى اللى ماتت وسابتنى وانا عندى عشر سنين
استوب
أنا امنيه عندى 19 سنه فتاه جميله محجبه تمتلك جمال أوروبى جذاب وبشره بيضاء وعيون زرقاء تميل إلى الرمادى وجسد مثالى وطولى مناسب اولى جامعه هندسه بس للاسف مرحتش الجامعة ولا مره بسبب بابا وحيده ومليش اخوات والراجل اللى كان بيتكلم معايا ده يبقى ابويا ربنا ينتقم منه عايز يجوزنى واحد قد ابويا علشان معاه فلوس وكمان هو السبب فى موت امى من كتر مكان بيعذبها وبيهينها
فى المساء
سالم : منور يا حج جمال
جمال : بنورك يا سالم امال فين العروسه
سالم : موجوده بس تلقيها مكسوفه شويه بت يا امنيه انتى يا بت
خرجت وانا وشى فى الارض وسرحانه وكأنى جسد بلا روح
جمال : بسم الله ماشاء الله اي القمر ده
سالم : تعالى يا امنيه اقعدى جمب عريسك اسيبكم انا علشان تتكلمو شويه مع بعض
وخرج سالم وساب امنيه مع جمال اللى كانت مش شيفاه اصلا
جمال بلهفه : تعالى اقعدى جمبى هنا يا قمر انت خايفه ولا اي
رحت قعدت جمبه وانا حزينه على حالى وبتمنى أن يغور
جمال : انتى حلوه اوى يا امنيه تعرفى أنا أول مره شوفتك فيها كنت فى المعرض بتاعى وانتى كنتى رايحه درس وعجبتينى ومن ساعتها وانا عايزك
فضلت ساكته ومتكلمتش ولا حرف
جمال : أن شاء الله شقتك تبقى فوق شقق ضرايرك وحريم ولادى
اتصدمت من كلامه أنا كنت متوقعه أنه متجوز بس متوقعتش أنه متجوز كذا واحده وكمان عنده ولاد متجوزه
امنيه بصدمه : هو أنت متجوز اكتر من واحده لا وكمان عندك ولاد متجوزين
جمال : أنا متجوز تلاته وانتى الرابعه ومخلف منهم كلهم وكمان مجوز تلات ولاد وبنتين وعندى 60 سنه
معرفش اتكلم من كتر الصدمه
دخل ابويا وقعد معانا
جمال : بص يا سالم أنا مش هعمل فرح ملهوش لزمه وكمان هنكتب الكتاب بكره والدخله اخر الاسبوع ومهر العروسه مليون جنيه وليها زيهم دهب واى حاجه تطلبها عروستنا مجابه قلت اي
سالم بفرحه : هقول اي على خيره الله
طلعت أجرى على اوضتى وفضلت ابكى معقول أنا سلعه رخيصه اوى كده ،ليه يا رب
دخل ابويا عليا بعد ما جمال مشى
سالم : دخلتى على طول لي وقلبت بوزك ده لي
امنيه: لا رد
سالم : اعملى حسابك بكره كتب كتابك تروحى تجيبيلك فستان حلو وفرفشى نفسك كده زيك زى البنات
امنيه بعصبية : انت اي ،انت مستحيل تكون اب عايز تبيعنى بالفلوس ولا كأنى بنتك ويهمك مصلحتى وكأنى سلعه رخيصه وانت عايز تفهمني انى أنا زى البنات فى بنت عاقله تروح تتجوز واحد عنده 60 سنه
سالم: خلصتى؟ ارتاحى دلوقتى علشان كتب الكتاب
امنيه بغضب : كان ليها حق امى تموت وتسيبك لما زهقت منك وليهم حق اهلك يتبرو منك وأخواتك يقولو عليك ميت
مردش عليها وقفل الباب وسابها تبكى
امنيه فضلت تبكى وتدعى ربنا انه ينجيها وفجاه جه على بالها شخص الشخص اللى طول عمره واقف جمبه وبيساعدها
امنيه : مفيش غير ادهم ابن عمى هو اللى هيساعدنى ويحمينى منه هو زى اخويا الكبير وهيتصرف
وضعت فى بالها خطه وعزمت على تنفيذها غدا صباحا
ادهم ده يبقى ابن عم امنيه شاب فى 28من عمره وسيم جدا يخطف قلوب وعقول كل من يراه بشرته خمريه شعره اسود كثيف ملامح جذابه وعيون بنيه تميل إلى العسلى غنى جدا هو ووالده وحيد ابوه وامه وشخصيته قويه وليه شركه لواحده بعيدا عن ابوه بس ماسك شغل ابوه برضو
فى صباح اليوم التالي
استيقظت أمنيه باكرا وخرجت من المنزل بحجه انها رايحه تجيب طلبات كتب الكتاب
استقلت سياره اجره واتجهت الى شركه ادهم الشرقاوي ابن عمها واخيها الأكبر الذى يهتم بها
وصلت للشركه ولكن كان هو لسه موصلش فضلت مستنياه لحد ما وصل
اول لما شافها مصدقش نفسه كانت وحشاه اوى بقاله كتير مشفهاش تقريبا سبع شهور من ساعه مطلعت نتيجة الثانوية
ادهم بفرحه : امنيه انتي هنا من امتى تعالى مكتبى
فى المكتب
ادهم : اي يا امنيه كل ده مبتساليش بس سيبك انتى وحشانى اوى عامله اي فى كليتك
امنيه كان ساكته بس فضلت تبكى جامد
ادهم بقلق : مالك يا امنيه بتعيطى لي ابوكى زعلك حد زعلك
فضلت ساكته وبتبكى
ادهم بحنان : متخبيش عليا يا امنيه احكيلى أنا اخوكى مش ابن عمك احكيلى
هدأت شويه وبدأت تحكى كل حاجه لادهم
ادهم بغضب ونفاز صبر : انتي بتقولى اي يا امنيه ابوكى ده اكيد اتجنن علشان يعمل كده لا وكمان مانعك تروحى الكليه
امنيه بدموع : ارجوك ساعدني يا ادهم أنا مليش غيرك
ادهم: متخافيش يا امنيه مش هيقدر يعملك حاجه طول مانا معاكى انا مستحيل اسمح لحد أنه ياذيكى قومى معايا
امنيه : على فين
ادهم : هتعرفى بعدين
ذهب بها عند معلمه الاسبق الذى يعتبره مثل أبيه يستشيره فى الموضوع
حكى ادهم كل شى لمعلمه
ادهم: انت رأيك نعمل اي دلوقتي
المعلم : أنا مش فاهم ازاى عمك يعمل كده دى سعاده بنته
بس متقلقش يا ادهم أنا عندى الحل وعندى خطه
ادهم بلهفه : اي هى
حكى المعلم ما يدور في باله
ادهم وامنيه بصدمه: ايييييه؟
المعلم : اسمعونى كويس لو عايزين تحلو الموضوع مفيش غير الحل ده
امنيه وادهم : مستحييييييييييل
يتبع…
لقراءة الفصل التالي : اضغط هنا
الرواية كاملة اضغط على : (رواية لم يكن أخي)
