رواية لم ننتهي بعد الفصل الثالث 3 بقلم سارة عادل
رواية لم ننتهي بعد الجزء الثالث
رواية لم ننتهي بعد البارت الثالث
رواية لم ننتهي بعد الحلقة الثالثة
دخلت بسرعه الاوضه ومش فاهمه اي اللي حصل *
حصل ايه يا فادي
_محصلش حاجه تعالي ساعديني اقوم
هتقوم تروح فين
_جنه هتساعديني ولا لا
*روحت قعدت قدامه وسندت ضهره قعدته *
مش هتمشي غير اما تحكيلي حصل ايه وريم ليه خارجه متعصبه وصوتكو عالي ليه كدا
_انا وريم انفصلنا
انفصلتوا؟!!!. انفصلتو ليه اي اللي حصل عشان كنت ع كتفك
_فكك يا جنه مش قادر اتكلم هتساعديني ولا اقوم لوحدي
طيب استني نص ساعه بس وجيالك متتحركش
*دخلت المطبخ وعملتله شوربه خضار وفراخ محمره سِنه وحطيتها تاني مع الشوربه وكوبايه عصير موز باللبن اللي بيحبه و اخدت ادويته ودخلتله*
_اي دا يا جنه انا مش هاكل
مش بمزاجك هو يلا افتح بوقو الطياره دي رايحه فين
*اتعصب وزق ايدي بعيد عن بوقه*
_قولتلك مش جعان انتي مبتفهميش ليه
عيني دمعت وبصتله لثواني ومسحت عيون وقومت بساعده يقوم
_انا اسف سامحيني
محصلش حاجه
_جنه ارجوكي متعمليش كدا انا اسف خرجت عن سيطرتي اسف
هسامحك بس بشرط
_موافق ماشي هاكل
عرفت منين
*بصلي و ابتسم بهدوء
_انا عارفك اكتر من نفسك يا جنه
*اتحرجت و اتحمحمت وبدات أاكله وكان باصصلي بس نظرته غريبه مش عارفه افسرها نظره غير كل مره خلص اكله و اخد علاجه ولبست عبايه سمرا ولفيت الطرحه اي كلام وبدأت اقومه *
بتبص ع اي
_هه لا ابدا
وحشه؟
_هي اي
العبايه اللي عينك هتخرمها
_ااا لا خالص حلوه حلوه… فين العربيه
عربيه ايه
_عربيتي
اااااه عربيتك
_اااه عربيتي
بح
_يعني ايه بح
هو انا مقولتلكش
_لا مقولتليش
اصلي خبطتها
_خب.. ايه يعني ايه خبطتيها
اصل هقولك انا فيه واحد قالي اركني ع جنب و وانا بركن اتخبطت
_وهي فين دلوقتي
مش عارفه يا فادي بتسأل اسأله غير منطقيه
*مسح وشه وبيهدي ومسكني من هدومي
_كنت عارف انك هتعملي مصيبه
هدي نفسك يا ابو صلاح مش كدا دي كلها عربيه يعني
_دي كلها عربيه يعني نينيني… العربيه دي دافع فيها دم قلبي
يعني العربيه دي اهم مني!؟
*بصلي وضحك بقله حيله *
_لا ياستي مش اهم… اطلبيلي اوبر بقي خليني اتنيل اروح عشان تبدأ الاسأله
طب ما تخليك يابني وعرفهم كل حاجه شكلك تعبانه وبعدين الوقت اتأخر و انا مش هسمح انك تنزل ف الوقت دا وتروح لوحدك ومكونش معاك
_انتي ناقص تقوليلي انك ممضمنيش كلاب السكك تعمل فيا اي و انا حلو وطعم كدا
ايوا عندك حق واحد زيك قمر كدا وطول بعرض ممكن يتم اختطافه ولا حاجه
*قرب وبصلي بميل نحيتي كدا *
_واحد زي اي!
قمر طول بعرض
_يعني انا قمر
ااه..*خبطت ع وشي وبصتله *… علي فكره مش قصدي كدا وبعدين ابعد عني لازق كدا ليه*زقيته براحه ف وقع ع السرير واتألم *
_اااه
*جريت عليه وبشوف ماله*
انا اسفه والله مكنش قصدي انا زقيتك براحه والله معرفش انك هتقع طيب اتصل بالاسعاف بتتألم اوي
_اااه يا جنه اه
*بدأت اعيط ومش عارفه اعمل ايه *
طيب طيب اتصل بالاسعاف هتصل بيهم استحمل انا اسفه
*قام ومسك ايدي وبصلي وضحك*
_خوافه اوي
*بصتله بعصبيه ودموعي ع خدي و وشي احمر م الخوف…. انت حيو.ان والله يا فادي كنت هتموتني من الخوف
ابتسم ومسح دموعي وقام… اطلبي اوبر خليني اروح
طلبتله اوبر وشويه و وصل نزلته وركب وطول الطريق معاه علي الموبايل وبعد م روح قفلت.. تاني يوم لقيت اهلي و اهله متجمعين عندنا قومت م النوم وبتمطع لقيت كل العيله ف الصاله بصيتلهم باندهاش و استغراب ولقيتهم كلهم جريو عليا بيحضنو فيا وبيطمنو عليا *
خير يا جماعه انا مت ولا ايه ف ايه
*ضحكو واخدوني قعدوني وسطهم وبدأت الاسأله تنهمر عليا… قضينا الليله وسيبتهم بيتكلمو ف اجراءات القضيه و انهم مسكو الخاطفين دخلت اخدت شاور ولبست وخرجت كملت قعدتي معاهم وعيني ع الباب مستنياه يجي بس مجاش عدي ليله ورا التانيه كملنا اسبوع لا بيكلمني ولا بكلمه فهمت انه مضايق عشان حوار ريم بعد فتره مش قليله لقيته بيتصل كنا اساعه 7الصبح*
الو
_انتي نايمه!
فادي!! اا اه… لا يعني صحيت في حاجه ولا ايه
_لا خلاص كملي نوم
استني متقفلش انت فين وليه بقالك فتره مختفي ومبتفتحش ومبترنش عليا انا زعلتك ف حاجه
_لا كنت محتاج ابقي لوحدي مش اكتر
طيب انت فين
_انا ف الجنينه اللي كنا بنلعب دايما فيها
طيب انا جيالك استني
*قفلت وقومت فوقت ولبست فستان عسلي وطرحه بيج وروحتله *
فادي
*لف وبصلي لثواني وحضني *
_وحشتيني
احم.. فادي احنا ف مكان عام
*بعد وابتسم وقعد ف الارض وشدني لتحت اني اقعد قعدت قدامه وبصتله حالته مش بخير كأنه شايل حاجه جواه وخايف يقولها مش دا فادي اللي اعرف… طلعت مصاصتين*
دي بطعم الموز انت بتحبه
*ابتسم واخدها وفتحها*
مالك يا فادي انت كويس!
_انا كويس انا كويس
مش واضح احكيلي مش احنا مبنخبيش عن بعض حاجه
_خايف احكيلك
ليه خايف يعني انا هعمل ايه.. انت عملت حاجه غلط طيب
_لا
امال ايه
_رامي
ماله رامي جراله حاجه ولا ايه
_و انتي مالك خوفتي عليه كدا ليه يكونش بتحبيه
فادي اهدي احنا ف مكان عام وطبيعي اخاف يعني هو…
_هو ايه هه هو حبيبك مش كدا مهو انتي كمان حبيبته… طبعا…*قام من مكانه بعصبيه وباصصلي *بقي هو دا الحلوف اللي مبيحسش هه هو مش كدا و انا اقول بيديكي الجاكيت ومهتم ليه اهو الحلوف حس افرحي… افرحي لانه عايز يتقدملك اتمني تكوني سعيده سلام…
*قومت وراه و وقفته*
انت بتقول ايه و اي كلامك السخيف دا بحب مين وحلوف مين ويتقدم لمين انا لا بحب رامي ولا هو حبيبي ومش هو دا الحلوف اللي كنت بتكلم عنه وتاني مره ابقي افهم من الطرفين بدل ما انت عمال تزعق وتقول كلام يجرح عن اذنك
*سيبته ومشيت ودموعي ع خدي جري ورايا ومسك ايدي وقفني *
_انا اسف سامحيني.. انا فهمت غلط غالبا… يعني افهم من كدا ان الحلوف دا مش رامي؟
لا مش رامي يا فادي وبعدين ولنفرض ان هو انت مالك وبعدين مالك متعصب ليه كدا هو انا اتعصبت كدا اما عرفتني علي ريم
_ياريتك اتعصبتي وكنتي مكاني زي دلوقتي
يعني ايه مكانك زي دلوقتي مش فاهمه اي الجمله اللي مالهاش معني دي
_لا ليها بس انتي حماره
فااااديي
_خلاص اسف.. بس مين هو الحلوف
ملكش دعوه
_ماليش دعوه ازاي؟
يعني دي خصوصيات
_جنهه
فااادييي
_جنه
فادي
_جنه مبهزرش مين هو
واحد يا فادي متعرفوش وبعدين هو خلاص مبقاش مهم بالنسبالي
_بجد؟
حساك فرحان فيا
_احم لا خالص بتطمن بس عليكي
ماشي عن اذنك عشان عايزه انام
_اهو انتو البنات كدا اول ما تزعلو وتلو بوزكو تقولو عايزه انام
ماشاءالله شكلك خبره.. فادي بجد عايزه اروح
_مش عايزه تعرفي معني الجمله
انهي جمله
_انك ياريتك كنتي مكاني زي دلوقتي
لا مش عايزه
_خلاص بقي يا جنه اسف انتي قلبك اسود اوي
ماشي
*قرب ولف وشي وبصلي وميل سنه وباصص ف عيني *
_حد قالك قبل كدا ان عيونك العسلي دول حلوين اوي
ارتبكت وعيني بدأت ترمش وبصيت بعيد*
_جنه بصيلي
لا ابعد الاول ومتبصش ف عيني تاني بتوتر
_بصيلي طيب وهبعد
لفيت وشي وبصيتله لثواني وبصيت ف الارض رفع وشي وباس راسي *
_جنه انا بحبك
*جسمي اتنفض وبصيتله لثواني وفقدت وعي وبعد وقت فوقت لقيت كل العيله فوق راسي وباصينلي*
&الحمدلله فاقت
ف اي اي اللي حصل
*لقيت ايد علي كتفي وباصصلي بابتسامه خبيثه
_حمدلله علي سلامتك يا حبيبتي
نغزته ف جنبه وبصيتله بحده.. حبك برص يا فادي اتلم انت مش شايف ان العيله كلها هنا
_لا شايف… قام و وقف قدام بابا
فادي.. فادي لا يا فادي
*بصلي بابتسامه ولف لبابا
_عمي يسعدني ويشرفني…
*غمضت عيني وبدعي ف سري ان يحصل حاجه وميكملش كلامه
_اني اطلب ايد الانسه جنه
*لحظه ما سمعت اسمي محستش بنفسي واغمي عليا تاني……….
……………………
&يلا يا جنه هنتأخر علي البيوتي سنتر
*قومت بفزع وببص علي الساعه لقيتها اساعه 5 خدت نفسي ودخلت التواليت اخد شاور عشان افوق وشعور جوايا مش قادره اوصفه رفعت وشي وغمضت عيني بدأت افتكر الشهور اللي فاتت و الاحداث اللي عيشتها*
*flash back*
فوقوني ولقيت بابا جنبي بيطبطب عليا بحنيه…. انا عارف اني مش هلاقي احسن من فادي عريس ليكي ولو انتي موافقه ف انا موافق بكل سرور بصيت لبابا وبصيت لفادي بغيظ بس فرحانه من جوايا….
بصراحه يا بابا يعني مش عارفه اللي انت تشوفه
$يبقي علي خير الله…. *رفعو ايديهم للسما وبيقرو الفاتحه وعلي وشوشهم كلهم ابتسامه فرح بصيت عليه شاورلي اني اقرا انا كمان وغمزلي اخدت نفسي ورفعت ايدي وقريتها عدت الليله وكلهم روحو وفضلت انا ف اوضتي بصلي وبعيط من كتر فرحتي ان خلاص هيبقي ليا لوحدي محدش يقاسمني فيه المرادي انا اللي هختار بدلته وهيلبسها عشاني انا… عدي اسبوع ولبسنا الدبل واتفقنا ان كتب الكتاب مع الفرح وان الفرح كمان شهرين كنت مش مصدقه حاسه اني بحلم بس حلم جميل عدي الشهرين و انا وهو مبنبطلش خناق كل خمس دقايق وكل مره برمي الدبله و اقوله كل واحد ف حاله بس بنرجع تاني اصل الفار ميحبش اللي خناقه و احنا الاتنين مالناش اللي بعض *
$يلا يا جنه هنتأخر
*فتحت عيني وخلصت وبصيت ف المرايا وضحكت بفرحه لبست وخرجت *
بتول: يعني خلاص كدا هتسبيني وتمشي
*حضنتها وبمسك نفسي م العياط *
لا ياختي مش هسيبك انا علي قلبك
بتول: متنسينيش هه
بتول بطلي افوره المسلسلات دي انا بيتي كمان شارعين يعني لازقه ف ديلك
بتول: يوه يا جنه معرفش بقي هما بيقولو كدا ف المسلسلات
ضحكت وبصتلها… طب يلا ياختي عشان منتأخرش
*خرجنا وروحنا علي البيوتي سنتر قعدت وقت لا بأس به وعلي اساعه 11 سمعت صوت الزفه قلبي بدأ يدق جامد حاسه انه هيخرج من مكانه مسكت ايد بتول وبهدي خبط الباب ودخل “سلو موشن ف عقلي” قرب ومسك ايدي باسها وباس راسي *
_اي القمر دا
قصدك ايه يعني يعني انا مكنتش حلوه قبل كدا؟
_الله يخربيت اللي يقولك كلمه حلوه بعد كدا
احسن برضو
_طب يلا يلا ياختي عشان منتأخرش
طب بقولك
_قولي
انا جعانه
_نبقي ناكل ف البوفيه
انا لسه هستني
*نفخ بقله حيله وبصلي *….عايزه تاكلي ايه
اتنين شاورما سوري وبطاطس وتوميه وبيبس وشيبسي
*بصلي بذهول ورفع حاجبه *.. اتنين يا جنه! اتنين؟؟
انا كنت عارفه انك بخيل م الاول محدش صدقني.. مسكت فستاني وماشيه… الغي رحلتشي
_خدي هنا رايحه فين
رايحه بيت ابويا لا يقولي اتنين ولا تلاته ابويا حبيبي الكريم
_امشي يا جنه امشي علي العربيه هجيبلك هجيبلك
وشوكليت!
_وشوكليت ماشي
يبقي اتفقنا يصاحبي
*خرجنا وركبت وجابلي فعلا الشاورما اكلت وشبعت وطلعنا ع السيشن وبعدها علي البحر اصلي عملته علي البحر جيه الماذون وبدأ ف خطبته وبعدها مضينا و انهي بقول*
“بارك الله لكما وبارك عليكما و جمع بينكما ف خير”
*دموعي سبقتني و وسط زغاريط وتسقيف لقيته شالني همس ف ودني *
_”مبروك يا احلي جنه بقت من نصيبي ”
*الليله عدت وكانت اجمل ليله عيشتها وبعد الغروب روحنا الفندق *
شيلني
_لازم
اه لازم وبعدين انا مش تخينه كلها 50 كيلو يعني
_كدابه بس ماشي.. ميل وشالني وبصلي بغمزه دخلنا الاوضه ونزلني….. تحبي اساعدك ف حاجه يا امرأتي العزيزه
لا شكرا… دخلت التواليت غيرت وطلعت لقيته بيعدل هدومه صلينا وخلصنا وقام وشدني ف حضنه مسكت ف رقبته وشبيت سنه
مش عايز تعرف مين الحلوف
_لو انتي حابه قولي لو مش حابه مش ضروري وانا هحترم ان دا شئ م الماضي
انت
_انا ايه
انت الحلوف
_دا بجد!
*هزيت براسي وضحكت قرب وباس رقبتي وحضني بفرحه *
_معرفتش اني كنت بحبك غير اما حسيت انك هتضيعي من ايدي ولما بس عرفت انك ف ايد اشخاص زبا.له مجرد تفكيري انهم يلمسوكي دي جننتني وقتها بس اتأكدت اني مبحبش غيرك و ان ريم دي كانت فتره انا حتي مش قادر اديها مسمي.. بس خلاص انتي ف حضني وعلي اسمي هعوز ايه تاني
*حضنته جامد و اتشعلقت ف رقبته….اوعي تسيبني اوعي
_ضيعتك من ايدي مره ومش هتتكرر تاني ابدا ..
…………………..
“كان يبدو مستحيلا حتي اتي امر الله”
“دونا عن رجال العالم احببت ذاك الذي لا يراني ولكني وثقت بـ ان الله سيحدث بعد ذلك امرا”
#تمت
الرواية كاملة اضغط على : (رواية لم ننتهي بعد)
