رواية لم ننتهي بعد الفصل الأول 1 بقلم سارة عادل
رواية لم ننتهي بعد الجزء الأول
رواية لم ننتهي بعد البارت الأول
رواية لم ننتهي بعد الحلقة الأولى
انت كنت فين؟؟ تقدر دلوقتي حالا تقولي كنت فين!!
_كنت….
ما تقول كنت فين لسه هتقول كنت ومكنتش ما تنطق
_طيب ايديني فرصه انطق
طيب اتفضل انطق ها كنت فين… انطق يلا.. ها كنت فين بقي!؟
_اااااايييييه بقيييي اهدي اهدييييي سبيني اتكلم اديني فرصه اتنيل علي عيني وعين اللي خلفوني اقولك كنت فين
طيب اتفضل قول
_هقول والله هقول..*بياخد نفس من عصبيته منها*كنت عند رامي صاحبي بنلعب بلاي ستيشن
رامي صاحبك!! انت مفكرني عبيطه؟
_هو مش مفكرك ولا حاجه هو كدا فعلا بس ليه يعني
اصل اتصلت بأخت رامي و انت جايلي ف الطريق وقالتلي ان رامي برا ونزل بورسعيد ف منين كنت عند رامي ومنين رامي اساسا ف بورسعيد
_و انتي اساسا ليه تطلبي اخته وتعملي الحوارات دي كلهت لو بتشكي فيا شكي براحتك +انتي مش واخده بالك انك مجرد بنت عمي وصحاب مش اكتر
لا واخده بالي والله بس انا مبحبش الكدب كان ممكن تقولي مش حابب اقول كان هيبقي افضل من انك تكدب عليا عن اذنك
_جنه استني رايحه فين
رايحه ف داهيه يخصك!!
_قايلك مليون مره مبحبش الطريقه دي
ونا قولتلك مليار مره مبحبش حد يتأخر عليا ويديني ميعاد وهو ف ميعاد مع حد غيري ويخليني ع الرف ايا كان علاقتي بالشخص دا ايه و انت ولا مره احترمتني وجيت ف ميعادك دا غير انك كل مره بتكدب عليا عشان بس تخبي عليا انك كنت مع واحده من صحباتك او حبيباتك علي العموم يا فادي لما تحترمني او يكون فيه ذره من الاحترام ف المواعيد عندك ابقي اقابلك و احب افكرك انك انت اللي طلبت تقابلني عشان حوار ف مش تبقي انت اللي طالبني وكمان تلطعني ساعه الا ربع ف الكافيه عشان حد تاني عن اذنك
*سيبته ومشيت وطول الطريق بعيط مش بعيط عشان كان مع واحده لا بعيط عشان اتأخر اه عشان اتأخر عادي يعني مبحبش التأخير اساسا… روحت البيت وفضلت قاعده بسكرول علي الفيس شويه انستا بكل ملل لحد ما لقيته باعتلي فويس نوت*
_انا اسف والله كان غصب عني و اوعدك مش هكررها انا عارف اني زودتها بس انا عارف ان قلبك كبير وهتسامحي اخوكي حبيبك وبعدين انتي عارفه انا بحبك قد ايه وانك اكتر حد مقرب ليا
*عملت سين ومردتش عليه وكل شويه يبعت ف مسدجات ان ليه مبردش وكلام من دا فضلت علي ما يقرب من ساعه مبردش بعمل سين بس لحد ما لقيته باعت ريكورد بيزعق فيه و ان دا مش اسلوب ان افضل اشوف و مردش وكلام من دا خلص كلامه ورديت عليه بكل هدوء*
يعني الاهمال بيضايق مش كدا مع اني اهملتك بس ع الواتس اب مش سيبتك ف الشارع بس انت اتعصبت من مجرد تجاهل و اهمال علي ابلكيشن شوفت الموضوع صعب ازاي عارف يا فادي انا زهقت من كتر اعتذاراتك اللي بترجع فيها وبترجع تعيد الموضوع وترجع تعتذر لحد امتي هتفضل تعتذر كدا يعني؟
_انتي بتردهالي يعني!؟
لا انا بس حبيت اوريك ان الموضوع بيعصب علي العموم فكك انا هنام ف قول كنت عايزني ف ايه؟
_لا ولا حاجه تصبحي علي خير
و انت من اهله
*قفلنا وفضلنا فتره مبنكلمش بعض بنتقابل اما العيله بتتجمع بس ولا كأننا نعرف بعض وكل العيله لاحظت ان ازاي جنه وفادي اللي كانوا مبيفترقوش ودايما لازقين لبعض زي اللزق الدبل فيس كل واحد فيهم متجاهل التاني دخلت المطبخ اعمل نسكافيه لقيته جوا اتجاهلت وجوده وبعمل اللي بعمله وكان هو بيعمل الشاي اللي بيحبه وبدل ما يصب ف الكبايه صب علي ايده بدأ يصرخ ويتنطط حاولت اتجاهل بس مقدرتش اصمد اكتر من 5ثواني مسكت ايده وحطيت عليها تلج وفضلت امشي عليها تلج وهو باصص عليا وبيضحك بكل سماجه بصتله بطرف عيني بغضب نظره هو عارفها كويس”يعني لم دورك و اتلم” ايده هديت سيبته وكملت اللي بعمله لقيته جيه من ورايا بهدوء وقال*
_صافي يا لبن!!
ابعد بعد اذنك عشان اركز ف اللي بعمله
_اي اللي انتي بتعمليه بتحضري دكتوراه دي كبايه نسكافيه
ملكش فيه ابعد برضو
_طيب داري ميلك
اا ابعد
_كيت كات الحجم الكبير
اا ابعددد
_شاورما سوري ومعاها شوكليت فريرو روشيه
ابع..
_اخرك معايا 2 شاورما والفريرو وانجزي ف ليلتك دي
معاها كانز وكيندر وينو
_يبقا اتفقنا
*خرجنا من المطبخ متفقين ورجعنا زي الاول و اكتر بدأ يلتزم بمواعيده معايا بيخرجني وبيهتم بيا ودي حاجه غريبه بس تحتسبله بقي ف وسط الكلام بيقول كلام غريب زي يا حبيبي ولما اعمله حاجه تفرحه يقولي ربنا ما يحرمني منك كنت مستغرباه جدا لا مهو مش هو دا فادي اللي اعرفه فادي اللي اعرفه مكنش كدا دا كان انسان شحلاف اساسا بس الابديت الجديد حلو منكرش عدي سنه ورا التانيه ورا التالته وحنا علي الحال دا انا مستنيه الفرج وهو مع فرج تاني خالص فقدت الامل اما حسيت انه مش واخد باله من وجودي و ان وجودي ف حياته مش اكتر من بنت عمه و اخته وبس *
_جنه
خيرا
_عاوز اكلمك ف موضوع مهم
*ايوا بقي يا بت يا جنه اخيرا الجبله حس وهيعترف*قول بسمعك
_اي الابتسامه الغريبه دي… بس المهم بقالي فتره كنت عايز اتكلم معاكي ف الموضوع دا بس كان لازم اتأكد من مشاعري الاول عشان مندمش بعدين
لالا مافيش ندم ولا حاجه قول خير
_جنه انا قررت اني اخطب
اييه!!
_ايه مالك اتصدمتي كدا ليه
لا ابدا اتفاجأت مش اكتر…. اا ومين البنت دي
_هي هتوصل كمان شويه ف قولت اني اعرفك لحد ما تيجي
وتعبت نفسك ليه بس ما كنت تعرفني اما تيجي
_جنه انا مش بهزر
ماشي يا فادي ربنا يسعدك
_مالك بتقوليها بكل حزن ليه هو انا بقولك ان فاضلي اسبوع و اموت
بعد الشر عليك.. لا ابدا بس احنا مكناش بنخبي ع بعض حاجه ف اتضايقت سيكا
_سيكا؟!
اه يابا سيكا ف اي
_هو انتي ملكيش ف الرقه خالص!
الرقه دي اكله يعني!
_اسكتي اسكتي يا جنه
سكتنااا سكتناا
_طيب و انتي ايه النظام مافيش حد كدا ولا كدا
اتكلمت بسخريه… لا فيه بس طلع حلوف ومبيحسش ف فكتني منه
_دا مين الحلوف ابن الجز.مه دا
ضحكت وبصتله… واحد متعرفوش المهم هي السنيوره هتيجي امتي احسن انا هموت و انام
_زمانها جايه
*فضلت قاعده ببص ف الشارع ع العربيات رايحه جايه وحاسه اني شويه وهنفجر بس بحاول اتغاضي احساسي عدي ساعه ولسه مجتش
اي يا نجم الهانم فين عدي ساعه ولسه مشرفتش
_مش عارف والله ف ايه حتي برن عليها مش بترد
طيب هطير انا احسن تعبانه خالص وتتعوض مره تانيه بقي
_استني هقوم معاكي وهبعتلها ماسدج انه متجيش
اشطا
*قومنا وكل واحد روح بيته دخلت اوضتي مسكت مخدتي اللي عانت معايا وفضلت اصرخ اصرررخ اصرخ وبعد م خلصت فتحت لاب توبي وكلمت صديقتي الصدوقه اللي عانت معايا برضو
شوفتي ابن الجز.مه ابن الجز.مه طلع مرتبط قوليلي كدا البت دي هتبقي احسن مني ف ايه ولا اي بنت اساسا اساسا احسن مني ف ايه؟
_اهدي كدا بس و احكيلي انا مش فاهمه اهدي
*بدأت احكيلها بعصبيه وشويه بحزن وشويه ضحك واستهزاء علي حالي و ف الاخر عيطت حبه وسكت*
_جنه انتي غلطانه
غلطانه! غلطانه في اي يا بتول
_انتي فضلتي تحبيه ف صمت وتقوليله اخويا وصاحبي وبتاع قولتلك اكتر من مره مينفعش اللي بتعمليه دا اي ولد هيسمع من بنت كلمه اخويا طبيعي هيصرف نظر عنها لانه خلاص اترسخ ف دماغه انها مش شيفاه غير اخوها ف مش هيتعب ف انه يغير رأيها فيه ف بيتجه انه يدور ع حد تاني وكل م اكلمك ف كدا تقوليلي لااا اصله مينفعش انا اقوله وهو اتشل ميقول هو
ايوا فعلا مهو متشلش
_مهو اه متشلش بس عارف ان حضرتك شيفاه اخوكي هيقول ايه!
بتول مش وقته مواعظ وحكم انا مخنوقه بجد وزهقانه وحاسه ان البنت دي لو جت كنت هجيبها من شعرها كويس انها مجتش
_مش بعيد عليكي والله بس اهدي كدا وفكري ف حل
حل! انتي عبيطه يا بتول بقولك ارتبط وعايز يخطبهااااااااا يعني يا دبله الخطوبه عقبالنا كلنا وكدا يعني تقوليلي حل
_طب وهتعملي ايه
ولا حاجه هقوم اشوف ست الكل عامله اكل ايه سلام
*قفلت وفضلت قاعده مكاني بفكر ف اللاشئ وقومت دخلت المطبخ وبشوف اي الحوار والحلل دي بتقول ايه *
_مش معقول جنه هانم قامت ودخلت المطبخ عشان تاكل وتحط لنفسها بنفسها الدنيا جرا فيها ايه
ست الحبايب يا حبيبه انا علي اخري ومش مستحمله خليني اكل اللقمه ف صمت
_جنه لقمه ايه اللي تاكليها انتي واخده الحلل نفسها
*بعتلها بوسه ف الهوا ع ضحكه سمجه وخدت الحلل ف ايدي ودخلت الاوضه وفرشت ف الارض وبدأت اكل ومع كل لقمه دمعه ولا كأني باكل مال يتامي🥲 حسيت بأقدام متجهه نحو الاوضه بس مهتمتش لان اكيد ست الحبايب داخله تتطمن ع الحلل
_يخرب عقلك انتي بتعملي ايه
*اتخضيت ف شرقت وبدأت اكح و وشي احمر جري عليا وفضل يخبط علي ضهري ولا كأني رامي صاحبه هديت واللقمه نزلت المعده بسلام وبصتله *
ف حد يدخل اوضه بنت من غير ما يخبط انت عبيط!
_لمي لسانك بدل ما اقصهولك وبعدين انتي بتاكلي من الحلل؟
و انت مالك انت اما انت رخم صحيح
_هو انا حاسس ليه انك مش طيقاني
عقبال ما تتأكد
_جنه مالك بجد
مافيش يا فادي اوعي كدا وحاسب بقي
*قومت شيلت الاكل وبعمل لنفسي حاجه ابلع بيها السم الهاري *
_جنه
افندم
-مالك
مافيش حاجه… تشرب ايه
_زي ما هتشربي علي العموم انا ف البلكونه مستنيكي
يارب يارب البلكونه تقع بيه… متقعش بيه اوي يارب يعني نص نص بكرههه بكرهههه
_بتقولي حاجه يا جنه
ودانك رادار ماشاءالله… لا مبقولش يا فادي
*اخدت العصير ودخلتله البلكونه وقعدت قصاده *
خد
_ ما ترميها ف وشي احسن
كان نفسي بس خساره
_انتي مش طبيعيه انتي اكيد ف حاجه
لا و حساس اوي وبتفهم واخدلي بالك انت
_انتي بتكلمي مين وعلي مين
قول يا فادي ارغي
_سيبنا بعض
ابتست بخبث متداري… اي دا ليه كدا بس
_هي جت علي الكافيه بس شافتنا من برا ف فكرتني اني بخونها انا مكنتش قايلها اني هعرفها عليكي يعني كنت عاملهالها مفاجأه ف هي فهمت غلط روحت البيت لقيتها بعتالي مسدج طويل عريض وبتقولي بقي هي دي المفاجأه اللي عملالهالي يا خاين و. و. و. وقعدت تردحلي وقامت عملالي بلوك من كل مكان ومش عارف اعمل ايه انا حتي ملحقتش افهمها
اممم وبعدين
_هو اي اللي بعدين يا جنه شوفيلي حل
الحل الوحيد انك تفكك منها عشان دي انسانه شكاكه و انت بتكره الشكاكين هي حتي محاولتش تديك مساحه تدافع عن نفسك مع ذلك لو انت متمسك بيها انا ممكن اكلمهالك لو حابب *يارب يرفض يارب يرفض*
_بجد ممكن تكلميها
*منك لله منك لله*اه طبعا انت اخ…
_سكتي ليه علقتي ولا ايه
لا ابدا كنت هقول كلمه ورجعت فيها
_اي هي
انت استفساري ليه… قول الرقم….. يارب يارب الموبايل بتاعها يتحرق ويجيب شاشه
السلام عليكم
_ها ردت عليكي
ممكن تتنيل تهدي انا لسه باعته السلام عليكم بس اهدي
_ماشي
…..
“وعليكم السلام مين حضرتك
انا جنه بنت عم فادي مبدأيا وقبل اي حاجه مكنش ينفع ابدا انك متديهوش فرصه يفهمك
انا اللي كنت مع شادي ف الكافيه وهو كان عايز يعرفني عليكي وكان عاملهالك مفاجأة و انتي اسأتي الفهم هو مقاليش اكلمك بس انا اخدت الرقم من وراه وقولت لازم اصحح سوء الفهم اللي حصل و اتمني انكو تتفاهمو فادي انسان محترم مش عشان ابن عمي هشكر فيه بس هو فعلا انسان جميل وشخصيه جميله فكري كويس وردي عليه
_شكرا جدا انك فهمتيني انا بس اتفاجأت و اول حاجه جت ف بالي انه بيخوني شكرا ليكي
العفو. سلام
….
كلمتها خلاص وهي فهمت
*لقيته م الفرحه قام حضني وعشان فرق الطول انا كنت متشعلقه ف السما تقريبا *
فادي فادي نزلني اي الهبل دا
_انا اسف بس من فرحتي اسف جدا… بس اي دا اي دا ايدا دا احنا طلعنا بنتكسف وخدودنا بتحمر جامد
احم… انا هعمل قهوه تشرب
ضحك بهدوء وفضل باصصلي شويه ومسك ايدي وباسهم وباس راسي وكل دا و انا ف قمه قمه قمه خجلي وحاسه اني هموت
_شكرا يا جنه شكرا علي كل حاجه بتعمليها معايا وشكرا كمان علي وقفتك جمبي و انك دايما معايا ومبتسبنيش انا فعلا مش متخيل حياتي من غيرك ربنا ما يحرمني منك ابدا
عيني غرغرت من الكسوف ف سيبته بسرعه ودخلت اوضتي وقفلت عليا وبحاول انظم نفسي صوته من ورا الباب
_اسف لو كسفتك بس كان لازم اشكرك الصراحه ودا اللي جيه ف بالي هسيبك تهدي و هبقي اقولك اللي حصل سلام ياجنه
*عيطت من كسوفي وزعلي وكل حاجه ومن اني كل مره بفشل اني اعترفله او حتي اقوله اني موجوده و انا مش اختك لحد م جت واحده تانيه خدته لا وكمان انا صالحتهم عيطت عشان قد ايه انا غبيه…. مرت شهور وبحاول اتعافي من حبي الغبي واتأقلم علي وجود واحده تانيه قاسمتني فيه بعدنا عن بعض ومبقناش زي الاول بحكم انها خلاص كلها شهر ولا اتنين وتدخل حياته رسمي بس منكرش انه كان مخصص ليا وقت زيها بالظبط ومكنش بيقصر معايا بس برضو احساس ان شخصك المفضل حد مقاسمك فيه وشويه وهيبقي ليه لوحده شعور يقتل بس ما باليد حيله اقترب ميعاد خطوبته ونزلنا احنا ال3 ننقي بدلته و اشوف فستان ليا كنت حساها متضايقه من وجودي ف سيبتهم وبقيت بتفرج ع البدل التانيه وسرحانه ف لقيته بيندهلي
_جنه
ايوا يا فادي
_اي رأيك
انتي اي رأيك يا ريم
“بصتله باستهزاء وبصتلي… هو مش مقتنع برأيي حابب رأيك انتي
احم حلوه يا فادي
_بس انتي مبتحبيش اللون دا ومبتخلنيش البسه اساسا انتي بتجامليني ولا ايه
لا خالص هي فعلا حلوه عليك بغض النظر عن اللون
_طيب نقيلي حاجه غيرها علي ذوقك مش مقتنع باللي بتقوليه دا
ابتسمت وبدأت الف ف المول ولفتت نظري بدله اول م شوفتها حسيتها انها ليه خصوصا الورده اللي فيها نفس لون عيونه الزيتي نديتله و وريتهاله قاسها وعجبته بالفعل لكن ريم حاولت انها تكرهه فيها بس كان هو اقتنع سيبتهم وروحت اشوف فستاني و اختارت واحد سيمبل بس كان يخطف القلب كدا حاسبت وطلعت استنيتهم قدام المول وبتمشي ولقيت 3 شباب جايين عليا لفيت وراجعه المول بس سبقوني و وقفو قدامي بلعت ريقي وحاولت اعدي من جنبهم بس كانوا بيتعرضولي ف كل حته حسيت بالخوف لما واحد منهم حط ايده علي كتفي صوت بأعلي صوت بأسمه وطلعت اجري بس هما كانو اسرع مني
فاااااااااادي الحقني
مسكوني وكتمو بوقي وبحاول اتملص منهم بس كانو ماسكني جامد وخدروني …..
يتبع…
لقراءة الفصل التالي : اضغط هنا
الرواية كاملة اضغط على : (رواية لم ننتهي بعد)
