رواية لم تكن هي الفصل التاسع 9 بقلم ياسمين الكيلاني
رواية لم تكن هي البارت التاسع
رواية لم تكن هي الجزء التاسع
رواية لم تكن هي الحلقة التاسعة
” صحيت امل من النوم كانت مُتحمسه جدا لليوم دا قامت بهدوء عشان متزعجش اسيل وخدت دوش وخرجت بدري جدا عن معادها لكن وقفها صوت حد من اهل البيت
: انتِ مين وبتعملي اي هنا يا بتاعه انتِ…..
” عرفت امل من اسلوب البنت اللي بتكلمها إن دي مي اللي حكت عنها اسيل فحبت تبدا معاهم الشغل
: انتِ بتكلميني انا يا بت!؟
_بت!!
_اه مش انتِ بتشتغلي هنا برضو ل رنا هانم وادهم بيه!….
” اتصدمت مي ف نادت بصوت عالي علي والدتها واخوها
: الحقي يا ماما البنت دي بتقولي انا شغاله هنا!!
” اتكلمت زهرة باندهاش
: انتِ مين وبتعملي اي هنا….!
” ردت امل بثقة وغرور
: انا امل ابقي صحبت رنا هانم اللي انتوا ضيوف عندها….
_لا انتِ كده زودتيها اتصلي يا ماما ب البوليس يجي ياخد الحراميه دي….
” مسكتها امل من دراعها جامد واتكلمت بعفوية
: اسمعي يا بت انتِ مش انا اللي تتكلمي عنها بالاسلوب دا وبعدين لو البوليس فعلاً جي يبقي عشانكم انتوا…..
” انتوا يدوب اهل ادهم تخيلي لو رنا عرفت إنك اتهجمتي عليا انتِ وعيلتك الكريمه اكيد هتزعل وادهم مش هيقبل ب دا وهتنطردوا ذي الناس المحترمه من السرايا اللي عُمركم ما كنتوا تحلموا بيها…
” ف ياريت نتلم عشان مزعلكيش مني يا حلوه.. ”
” ذقتها امل علي امها ومشيت وسط اندهاش عامر وزهرة ”
” ابتسم عامر علي البنت دي لانها عجبته وعمل نفسه جاله تليفون وخرج وراها..”
_شوفتي يا ماما البنت دي بتقول اي!!
_مي اهدي شويه يا حبيبتي البت دي مش سهله عشان كده هنهدي اللعب شويه عقبال بس ما القي صرفة نطفشها من هنا…..
ــــــــــــــــــــــــــــــــــــــــــــــــــــــــــــــــــــ
” خرجت من السرايا تتفرج شويه علي المنظر الجميل وتفكر ف اللي ناوية تعمله وازاي تحمي اسيل منهم وتخلي اسيل متسبش ادهم لحد ما قطع شرودها…
: صباح الخير يا قمر…..
” انتبهت لي وبصتله بغيظ واتكلمت بعفوية
: نعم عايز اي أنت كمان تحب اااا…….
” قطع كلامها واتكلم ببتسامة اعجاب
: اهدي اهدي….
” انا مش جي اعمل مشاكل بالعكس انتِ معاكي حق ف كل كلمه قولتيها وانا بعتذر علي الكلام البايخ اللي سمعتيه من مي بس هي كده متكبره شويه وطلعه فيها وبصراحه انتِ قدرتي توقفيها عند حدها….
” استغربت جدا الكلام اللي قاله ومعلقتش علي حاجه لانها فكرت إن دا الخيط الوحيد اللي ممكن يساعدها للمشكله اللي اسيل فيها… ”
_أنت…..
_اسمي عامر يا قمر وانتِ…
_امممممم لا انا مش اسمي قمر انا اسمي امل يا سكر….
_طلعه منك ذي العسل والله تحبي نتمشي شويه…!
_لا انا بعرف امشي لوحدي و…..
” مسك دراعها ووقف قصادها واتكلم بسذاجة
: استني بس مالك خايفة ليه!! هو انا هكلك يعني!؟
_اسمع يا جدع انت انا مش بخاف إلا من اللي خلقني وتاني مره لما اجي امشي اياك تمسك ايدي تاني أنت فاهم…. وسع كده…
” سبته ومشيت ف اتكلم باعجاب واضح جدا
: اووووف لسانها طويل بس قمر….
” وكمل طريقة وراها ف نفس الوقت اللي كان زياد واقف شايف كل اللي حصل من شرفة السرايا… ”
” اتكلم ادهم بغيظ من صحبه اللي مش مركز معاه ولا مُنتبه لي
: ف اي يا زياد بقالي ساعة بكلمك و….
_ادهم انا نازل دلوقتي افتكرت حاجه مهمه هكلمك بعدين سلام…..
” نزل بسرعة ف وقفت قصاده مي بدلع ”
_صباح الخير يا زياد…! كده تروح تجيب بنت من الشارع تقف تبجح فيا وتهين ماما!!
” كان واقف بيحاول يفهم اللي بتقوله لكنه افتكر امل وعامر ف سابها ومردش عليها… ”
” استغربت جدا طريقته واستعجاله فمشيت وراه من غير ما ياخد باله ”
” خرج زياد لقي عامر واقف جمب امل وبيضحك معاها ومبسوطين ”
” اضايق جدا وراح مسكها جامد من دراعها واتكلم بعصبية
: ما انتِ بتعرفي تضحكي اهو ولا الضحك ميحلاش الا مع عامر!
_ف اي يا زياد بتكلمها كده ليه وبعدين فيها اي يعني لما…..
” مهتمش بيه وشدها وراه اما عامر جي يمنعه وقفتله اخته وخدته لبعيد ”
_اوعي كده سيب ايدي أنت اتجننت…..
_انتِ لسه شوفتي جنان اومال عملالي فيها المسكينه واليتيمه ليه!!
” ذقته جامد واتكلمت بعصبية
: اسمع يا زياد أنت ملكش دعوه بيا ولا ليك دعوه بحياتي ولتاني مره بحذرك مش انا اللي اتمسك كده واتجر أنت فاهم….
_يعني عايزاني اشوفك بتضحكي ومتكلمش….!
_وانت مالك اصلا اضحك ولا اعيط هو انا اهمك يعني…!؟
” مشيت وسابته داخل السرايا لكنها خبطت ف ادهم ف اتكلمت بتوتر
: انا اسفة يا ادهم مقصدش….
_امل انتِ بتجري من اي وخايفة كده ليه!!
_لا مفيش قصد…. قصد اه رنا تعبانه شويه ف نزلت اجبلها كمدات و….
_رنا!!!…. ” سابها وطلع بسرعة قبل حتي ما تكمل كلامها ف ابتسمت امل بحب عشان خطتها نجحت ”
” اما عامر ومي ف اتكلمت بغيظ من اخوها
: هو احنا ف اي وأنت ف اي!! يا بني أنت اتجننت!
_هو انا يعني عملت اي عشان تقعدي تحسبيني كده واحده وعجباني فيها اي….!
_فيها اي!! أنت….
” ادخلت زهرة واتكلمت بخبث
: مالك يا مي ما تسيبي اخوكي يتسلي!!
_حتي انتِ يا ماما ما هو….
” سكتت مي لما فهمت نظرة امها فهديت شويه وبعدين ابتسمت بانتصار ف اتكلمت مع عامر بمكر
: طب اسمعني كويس لو أنت عايز البت دي تبقي ليك انا هقولك تعمل اي…..
ـــــــــــــــــــــــــــــــــــــــــــــــــــــــــــــــــــــــــــــ
” دخل بسرعة يطمن عليها فلقاها وقفه بتسرح شعرها ”
” قرب منها بلهفة واتكلم بقلق
: رنا… انتِ.. انتِ كويسه!!
” كانت بصاله بحيرة وعدم فهم فتكلمت بهدوء
: ادهم انا… انا بخير مفيش حاجه….
_اومال ليه امل قالت إنك…..
” بصلها بسرحان وابتسم لأنه فهم بعدين قرب منها وحضنها بحب ودفء كبير واتكلم بشتياق
: تعرفي إني اول مره اشوفك وانتِ لسه صاحيه كده بصراحه بيبقا شكلك حلو!
” بعدت عنه شويه واتكلمت بخجل وتوتر
: ط… طب أنت كنت محتاج حاجه!؟
” بصلها بابتسامه وكان لسه هيتكلم معاها لحد ما سمعوا صوت دوشه كبيره جيه من تحت ”
” كانت علي وشك انها تنزل لكنه مناعها
: غيري هدومك وبعدين انزلي….
” نزل ادهم يشوف اي اللي بيحصل لحد ما لقي مي بتجري وتستخبي فيه من أمل
: الحقني يا ادهم شوف المجنونه دي بتعمل اي….
” اتكلمت امل بغيظ وعصبية
: انا مجنونه يا ام اربع واربعين انتِ….
” مسكها زياد من دراعها واتكلم بعصبية
: كفاية بقا كمان ليكي عين تتكلمي….
” زقته أمل جامد واتكلمت بعفوية
: ابعد ايدك عني لحد امتي هقولك ملكش دعوه بيا….
” جي يرد زياد منعهُ زعيق ادهم عشان يبطلوا خناق لحد ما نزلت اسيل بسرعة علي صوته وهي مش فاهمه حاجه ”
_زياد سيب امل وملكش دعوه بيها وفهموني اي حصل….
” ردت مي بدلع عشان تغيظ اسيل
: أبداً يا ادهم دي صحبت رنا من ساعة ما جت وهي عماله تزعق معانا وتهزق فينا بصراحه مش عارفه جيه من انهي بيئة دي….
” اضايقت امل جدا وجت تضـ.ربها مناعتها اسيل ووقفت قدامها تهديها لحد ما اتكلمت مي بغرور واستفزاز
: مش عارفه لما انتو مش وش سرايا بتقعدوا فيها ليه!!
” انتبهت ليها اسيل وهي عارفه اي قصدها فكملت مي بوقاحة
: دي مش مناظر ولاد ناس ولا دا اسلوبهم انا مش عارفه ازاي يا رنا بتقولي انها صحبتك مع إنك عملتي حدثه وتعبتي وقعدتي هنا اكتر من شهر ولا حد عبرك ومع ذلك بتقولي انها صحبتك….
” وياريتها انسانه محترمه لا متربتش كمان بس هتلاقي تربية منين وهي اصل تربية شواااا… ”
_كفاية يا مي….
” زعق زياد جامد فيها أول ما شاف دموع امل ملت عيونها من اللي هي قالته خصوصاً إن ادهم متكلمش ف اتكلمت اسيل بحزن كبير مليانه دموع
: انسة مي…..
” بصتلها مي بقرف وغرور فكملت اسيل كلامها
” رغم أنك انسانه متعلمه وعايشة ف سرايات الا إنك للاسف متعلمتيش ازاي تتعاملي مع اللي قدامك!!
” لو فعلاً بتفهمي ف الاصول مكنتيش قولتي كده!!
” بس حقك إنك تشوفينا كده لان الفلوس بتعمي الانسان أنه حتي يحب نفسه مش بس الناس اللي حواليه!!
” اتكلمت مي باندفاع وغيره
: صحبتك مش متربية يا هانم اطردها يا ادهم….
” جت امل تمشي مسكتها اسيل واتكلمت باندفاع
: لو امل مشيت رجلي هتبقي علي رجلها…
” بعدين كملت بشجاعه
: يلا يا أمل….
_استني عندك انتِ رايحه فين!!!
” اتكلم ادهم باندفاع ودهشة
: انتِ عايزة تمشي كده بسهوله!!… هو انا معنيش ليكي اي شيء…! لحد امتي هتفضلي كده!
” رفعت اسيل عيونها قصاد عينيه واتكلمت بدموع وحزن
: ادهم انا فعلاً محتاجه امشي انا….
” مسكها ادهم من دراعها جامد واتكلم بقسوة لأول مره
: مفيش خروج من هنا انتِ فاهمه انا هنا صاحب السرايا وانا اللي اقول مين يمشي ومين يقعد….
” انا مش هسماحلك تبدائي اللعبة وقت ما انتِ عايزه وتنهيها وقت ما انتِ عايزه…. ”
” اتصدموا كلهم من اللي ادهم قاله حتي اسيل!!
” كانت بتبصله بحيره وخوف كبير امتلكها ”
” فكمل ادهم كلامه وهو بيقربها منه وبيبص ف عينيها بنار جواه
: انا مش هسامحلك تهدي حياتي عشان انتِ عايزه كده! ولا هكون اللعبة اللي بتحركيها ذي ما انتِ شايفه انا ادهم الهلالي فاهمه…..
” كانت بتبصله بحيره وخوف من عينيه؛
حاسة احساس اول مره تحسه أنه بيكلمها علي انها واحده تانيه مش رنا..!! ”
” ايديها تلجت واترعشت اول ما شافت ف عيونه شخص تانى غريب عنها هي متعرفهوش…! ”
” ظنت أنه فهم الحكاية وكشفها عشان كده محستش بنفسها وهي بتميل عليه ويختل توازنها وبتفقد وعيها علي كتفة ”
_اسييييييييل…..
” زعقت بيها امل وسط كل الموجودين مكنتش شايفه اي حاجه غير خوفها علي صحبتها… ”
” اتصدم ادهم من اللي نامت فجأه علي دراعه وفقدت وعيها مفقش غير علي صوت امل وهي بتصرخ فتكلم بأمر زعيق
: زياد ابعت هات الدكتور بسرعة……
” شالها بخوف وقلق عليها وطلعها اوضتها وامل وراه ”
” كانت مي واقفه هي وزهرة بيبصوا لبعض بغموض ف اتكلم عامر بغيظ من اخته
: عجبك كده!! هو دا اللي هخليها تحبك وتدوب ف هواك!!….
_بس اسكت سبني افكر….
_تفكري اي!! انا غلطان اني سمعت كلامك وسبتك تضيقي فيها لحد ما عملتي من البيت حريق….
” اهي زمانها دلوقتي كرهتني اكتر وانا ما صدقت ”
” اتكلمت مي بإبتسامة انتصار
: كفاية إن ادهم متكلمش ولا دافع عن اللى ما تتسمي رنا… كفاية انها كانت واقفه مرعوبه منه ومن بصته ليها….
” اتكلمت زهرة بمكر
: معاكي حق يا حبيبتي هو اكيد زهق منها ومش طايقها….
” جي الدكتور وطمنهم عليها وانها محتاجه شوية راحه وعدم انفعال لحد ما مشي ف اتكلم ادهم بتعب وهدوء ل أمل
: انا هخرج اجيب الدواء اللي الدكتور طلبه خلي بالك منها….
” قرب من اسيل وهي نايمه بتعب كبير وقلق محاوطه وباسها من راسها بكل حب ونار جواه ”
” مسح دموعها اللي علي خدها وحس قد اي ان هو اللي انكسر مش هي… ”
” ساب السرايا وخد العربية وطلع بيها وهو بيفكر كتير وبيحسبلها اكتر من مره لحد ما رجع ف نص الليل من تعب التفكير وخد الدواء وطلع يطمن عليها… ”
” فتح الباب بهدوء لقاها لسه نايمه وامل جمبها نامت من التعب ف اتكلم بهدوء
: امل…. امل….
” قامت بسرعة من خوفها ف اتكلم بتنهد
: اتفضلي اطلعي ارتاحي انا هقعد جمبها….
_ايوه بس….
_لو سمحت يا امل نتكلم الصبح اتفضلي….
” طلعت بهدوء وسابته معاها هي واثقه إن ادهم بيحبها واكيد قسي عليها من خوفة ليها… ”
” قعد جمبها ومسك ايديها وباسها ودموعه نزلت عليها… “
” اتكلم وسط حزنه وندمه وخوفه عليها
: الغلطه غلطتي!!
انا اللي عملت فيكي كل دا وانتِ اللي بتحاسبي دلوقتي!؟
” بس انا برضو مش هينفع استغني عنك يا اسيل انا بجد بحبك!! ”
” دمعته نزلت بنار جواه لما افتكر اللي حصل؛
قرب منها بحب وحنيه وهو بيلمس شعرها بحب وبيفتكر نفس الصورة اللى شافها ف حبيبته… ”
” كان متخيل أنه بيحبها بس عشان تشبه لها!!
لكنه حبها هي وروحها الحلوه خصوصا بعد ما رفضت انها تكون ملكه مقابل الفلوس…! ”
فلااااش بااااك… ”
_انت اتجننت دا رايح يجيب المأذون…!
_اسمعي يا اسيل انت هتبقي مرات ادهم لكن حاولي ميقربش منك اعملي اي طريقة تخليه يحبك وف نفس الوقت ميسافرش….
_زياد افهم انا كده مش هبقي مراته!!
دا زور احنا كده مش….
” سكتت لما سمعوا صوت حاجه قريبه منهم لكن ملقوش حاجه شافوا قطه… ”
” ساعتها فهم ادهم الحكاية وعرف من الدكتور كل حاجه تخص اسيل… ”
_خلاص فهمت اللي قولتلك عليه!!
_تمام يعني أنت عايز العقد ب اسم اسيل منصور مش رنا…!!
_ايوه انا مراتي هتبقي اسيل مش رنا يا عصام….
_حاضر يا ادهم بس زياد لو عرف….
_انا مش عايز زياد يفهم اي حاجه بدور لحد معرف هيوصلو ل اي…..
باااااااك… ”
” عيونه بقت حمره من التعب والنار اللي كانت جواه لما افتكر زياد وقت ما مسكها من دراعها عشان يجبرها انها تسيبه ويكرهها… ”
” لكنه بص عليها وقرب منها بحب واتكلم بحزن جواه
: انا اسف يا اسيل….
” كل اللي انتِ فيه بسببي!!
حُبي ليكي منعني إني اوقفهم من اللي بيعملوه عشان مخسركيش ذي ما خسرت رنا!!
” وحبك ليا خلاكي تستحملي الاهانه والمشاكل كلها عشان متسبنيش…!
” انا مكنش قصدي اجرحك!! انا كنت خايف تمشي وتسبيني انا محتاجك جنبي يا اسيل!!
” انا مش هقدر اعيش لحظه واحده من بعدك يا اجمل حاجه ربنا بعتهالي عشان تهون عليا الأيام اللي شوفتها….!
” انا ممكن استحمل خيانة صحبي ليا وغدر اهلي لكن مش هستحمل إنك تبعدي عني!!
” باس ايدها بحب كبير ودموع مليانه جواه حبسها من يوم ما عرف الحقيقه وهو مخبي ”
” قرب منها وحضنها بحب عشان يطمن انها جنبه ونام براحة وهو بيهمس وبيوعدها
: متخفيش يا اسيل انا هفضل جنبك مهما حصل!!
اوعدك إنك مش هتمشي من هنا أبداً وإن حقك وحقي انا هجبهولك يا اغلي ما ليا…..
ـــــــــــــــــــــــــــــــــــــــــــــــــــــــــــــــ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لم تكن هي)
