رواية لم اختارك الفصل السابع 7 بقلم سحر سمير
رواية لم اختارك الجزء السابع
رواية لم اختارك البارت السابع
رواية لم اختارك الحلقة السابعة
أحمد : سيبك انت احنا لازم منسبهاش لوحدها انا هطلع لها
اسلام : وانا خلصت يالا
و طلعوا و شافوا صدمه
في واحد واقع على الإرض و سحر بتضربه بالمقشا
أحمد بلهفه : سحرر
سحر بحماس : حرامي مسكت الحرامي يا احمد مسكت الحرامي
أحمد بلهفه وهو بيشدها : تعالي هنا ملكيش دعوه بيه
اسلام قرب بحذر من الراجل
أحمد : خد بالك
اسلام : تمام
و لسه بيشوف وش الرجل
اسلام بصدمه : بابااا
سحر بخوف أستخبت في أحمد : بابااا هيضربني
قاطعها اسلام بزعيق : بااااس خلااص دا ابويا انا
سحر بخوف من طريقته : هو بيزعق لي كدا ليه و النبي روحني يا احمد يالا نروح علشان خاطري
أحمد : معلش يا سحور هتلاقي خايف على ابوه يالا احنا نساعده روحي اتفرجي على الكرتون و احنا هنتصرف
اسلام بلهفه وهو بيفوق في ابوه : بابا بابا انت كويس فوق يا بابا
ابو اسلام ( فريد) بخمول : ااه ااه ا اسلام هو ايه اللي حصل
اسلام بيسنده واحمد سنده من الناحيه التانيه
أحمد : قوم يا بيه قوم
فريد : ااه انا فين كله من إلبت اللي ضربتني على دماغي الا الا مين دي ( و بيشور على سحر)
اسلام : ااه ااه دي مراتي ثانيه واحده
وراح ل سحر بيشدها و حط ايده على كتفها
سحر بحده عضت ايده
اسلام بوجع : ااه يا عضاضه
سحر بحده : ما هو مش معنى انك متجوزني زي ما بيقولوا تحط ايدك على كتفي انت اتجننت
أحمد كاتم ضحكته بالعافيه
و فريد محدش باله من اللي حصل لانه بيسترجع أيامه في الفيلا
فريد وهو بيص للجدار : ااه ياما وقفت هنا انا وامك و ياما لعبنا و جرينا ورا بعض
سحر وهي بتضرب اسلام : رخم
اسلام وهو بيرد لها الضربه : اهو انتي…. يا احمد تعالا شوف اختك دي
أحمد بهمس ل اسلام : لا ما هو تعدل نفسك ماهي مش زي البنات الزباله اللي انت عارفهم ااه
اسلام : لكن دي مراتي
فريد لف
فريد : انتي مراته
سحر وهي بتبص ل اسلام بحده : بيقولوا
فريد بفرحه : بسم الله ماشاء الله تبارك الله الرحمان فيما خلق ايه القمر دا بسم الله ماشاءالله قمر بس تبان صغيره و قصيره بس شكلها ما شاء الله قمر ١٤
فريد معقبا ل اسلام : جرا ايه يا واد مش لما تتجوز واحده تراعي فرق الطول بردوا
اسلام وهو بيمسك اديها : الحب يا بابا أجمل شئ
قاطعته سحر اللي داست على رجله بالكعب علشان يسيب اديها
فكمل اسلام بوجع : ااه اجمل شئ في الوجود
فريد بفرحه : اخيرا عشته يا حبيبي اااه
اسلام : ااه يا بابا مع سحوره
فريد ل أحمد : مين حضرتك
احمد بارتباك : انا
اسلام : اااه دا السفرجي
أحمد بحده : سفرجي مين
اسلام غمزه
اسلام معقبا بحده : ايوا انت السفرجي يالا على المطبخ و خذ الهانم معااك و هاتوا حاجه صقعه و تعالوا
أحمد : أوامر ساعتك يا بيه يالا يا سحر
فريد بحده : يا ولد سحر هانم مش سحر حاف كدا اتادب
أحمد : حاضر يا بيه تعالي يا سحر هانم
سحر جريت في حضن احمد ودخلوا
في المطبخ
أحمد في نفسه : كدا يا اسلام الزفت انا السفرجي ماااشي مااشي
قاطعته سحر : احمد هو يعني ايه اتجوزت
أحمد وهو بيصب العصير : يعني بقيتي مرات الزفت دا
سحر : ااه مراته يعني ايه بردوا
أحمد : يعني ملزومه منه
سحر : يعني ايه بردوا مش فاهمه يعني
أحمد : يعني يعني هو جوزك زي ما بابا متجوز ماما كدا
سحر بخوف : يعني هيضربني زي ما بابا كان بيضرب ماما
أحمد بحب : هو يقدر انا موجود دا انا اقتله لو جيه جانبك متخافيش بقاا انا جانبك
سحر بفرحه : خلاص ماشي
أحمد بحب : يالا بقاا ناولين السكر من عندك و كفايه اسئله
سحر : حاضر دا
أحمد : لا مش دا اللي جانبه
أحمد معقبا بخبث : ولا اقولك هاتيه هاتيه
عند اسلام و فريد
فريد : اتجوزت امتي
اسلام بارتباك : اا اا بقولك ايه رايك في سحوره عسل مش كدا قمر
فريد : بسم الله ماشاء الله عليها قمر مفيهاش كلام بس الفرق في الطول ما بينكم كبير بردوا هيييه فكرتني ب امك كانت بردوا قصيره بس كانت عسل كانت ست و لا كل الستات دمها خفيف و كان مفيش في ادبها و أخلاقها ولا طيبتها
اسلام : يالا الله يرحمها
فريد : مراتك من عائله ايه
اسلام بارتباك : ا هااه مقطوعه يا حبه عيني ملهاش حد
فريد : امال اتعرفت عليها ازاي
قاطعهم دخول سحر و احمد
فريد : اهلا اهلا ب ست العرايس
اسلام بخب مصطنع : تعالي يا سحوره
سحر قعدت على الكنبه جنب اسلام
فريد : بس ايه القمر دا
اسلام بهمس ل سحر : قولي له مرسي
سحر بارتباك : اه رسي رسي
فريد : اييه مش سامع
اسلام بارتباك : هههههه هههه بتقولك مرسي انت عارف عروسه و مكسوفه بقاا
قاطعه احمد : اتفضل يا بيه
اسلام وهو بيدي ل ابوه : اتفضل يا بابا
فريد : حبيبي
فريد معقبا وهو بيشرب : و انتي يا سحوره يا حلوه انتي خريجه ايه
اسلام بارتباك : هي هي
أحمد : خريجه كليه تربيه قسم موسيقى يا بيه
فريد : وانت تعرف منين يا بجم انت ايه اللي وقفك هنا يالا انجر على المطبخ
قاطعته سحر بغضب طفولي : متشتمش اخويا
فريد بصدمه : ايه اخوكي
اسلام بارتباك : اااه اااه اصل سحوره حبيبتي بتعامل الكل على أنهم أخواتها
قاطعه فريد بوجع : ااه ااه بطني
اسلام بلهفه : بااابااا
فريد :……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لم اختارك)
