رواية للخوف قيود الفصل الرابع عشر 14 بقلم رولا هاني
رواية للخوف قيود الجزء الرابع عشر
رواية للخوف قيود البارت الرابع عشر
رواية للخوف قيود الحلقة الرابعة عشر
للخ*وف قيود.
-خُدي دول و قوليلي إية اللي حصل بالظبط، و أظن إنتِ فاهماني كويس.
قالتها تيا وهي بتدي يارا ظرف فيه فلوس، فردت تيا وهي بتاخد الظرف بلهفة:
-“كلارا” هانم مش عايزة اللي إسمها “هدير” تعيش هنا في البيت، يعني من الأخر عايزة تخلص منها بأي طريقة.
-و بعدين!؟
-عملت نفسها بتتخ*انق مع “هدير” و رمت نفسها من علي السلم، و طبعًا خلتني أنا و كذا حد من اللي شغالين هنا نقول إن “هدير” وقعتها.
هزت تيا راسها وشاورت ليها عشان تمشي.
وبعد ما مشيت يارا قالت تيا بصد*مة:
-إزاي قدرتي تعملي حاجة زي دي!؟
___________________________________________
دخل المكتب فلقى بدر واقف قصاده بوشه اللي باين عليه العصب*ية، فقال وقتها ببرود مصطنع ولكنه في الحقيقة متو*تر:
-خير يا بابا؟
قرب بدر منه وقال بنبرة خافتة:
-تقدر تفسرلي اللي سمعته من شوية دة؟
بعد زين شوية وقعد على الكنبة عشان يقول بهدوء:
-دة اللي إحنا إتفقنا عليه.
اتعالت ضحكات بدر وقال بسخرية:
-مش مصدقك، إنتَ اة ممكن تمثل عليها إنك بتحبها بس مش للدرجادي.
وفجأة قرب بدر من زين عشان يمسكه من قميصه بعن*ف وهو بيسحبه ناحيته عشان يصر*خ بتح*ذير:
-لأول و لأخر مرة هقولهالك يا “زين”، إنتَ حبيتها، و قدامك أسبوع تخلص فيه من حبها و من الكلام الفارغ دة، و إلا وقتها مش هرحمك و هنسي إنك إبني.
وبعد عنه عشان يقول بهدوء عجيب وكأنه مكانش متع*صب من شوية:
-و بالنسبة لإتفاقنا ف أنا عايزك تنساه، أنا أساسًا كنت هتصرف في الموضوع دة منغير ما حد يعرف.
زين بق*لق:
-بمعني!؟
بدر بح*دة:
-بمعني تنساها خالص، و تقطع علاقتك بيها و تخليك في شغلك.
هزله زين راسه بقلة حيلة وكان هيخرج من الاوضة ولكن وقفه بدر لما قال:
-إنتَ هتخطب “تيا” بنت خالتك.
برق بعينه بصد”مة ولف عشان يبص لباباه بتعجب واللي كمل وقال بثقة:
-هي دي اللي هتبقي مناسبة ليك يا “زين”.
هز زين راسه برفض بهستيرية وقرب من بدر عشان يزعق بغ*ضب:
-مش من حقك تحدد إية المناسب ليا.
بدر ببرود:
-هتتجوزها غضب عنك.
جز زين على أسنانه بانف*عال وخرج من الاوضة بخطوات سريعة، وراح اوضته وهو بيفكر ازاي يخرج من المصي*بة دي.
____________________________________________
-“سمير”!..إنتَ سيبت “كلارا” و جيت!؟
قالتها تيا بذهول اول ما شافت سمير داخل البيت، فرد هو عليها بصوت حزين:
-جيت هنا عشان أجيبلها لبس.
حست تيا بالذنب من كونه مخدو*ع من واحدة زي كلارا وعشان كدة قالت باصرار:
-“سمير” إنتَ في حاجة لازم تعرفها.
-طب الحاجة دي مينفعش تستني يوم ولا إتنين.
-لا مينفعش يستني.
وفعلًا وافقها وقعد معاها عشان تحكيله كل حاجة خاصة بخطط كلارا!
____________________________________________
-إسمع الكلام يا “أدم”، أنا عايز اللي إسمه “ساجد” دة بكرة في المخزن، و إياك تتأخر عن كدة إنتَ فاهم.
قالها زين بصرامة قبل ما يقفل التليفون عشان يرميه ع السرير، وبعدها حط راسه بين ايديه عشان يحاول يتخلص من الوج”ع اللي احتلها، وفجأة سمع صوت خبط على الباب فقال بعدم اهتمام:
-إدخل.
فتحت هدير الباب عشان تدخل بارتباك، وقربت منه عشان تلاقيه مخبي وشه بالشكل دة، فحطت إيدها على كتفه وهي بتقول بفضول:
-هو عمو “بدر” قالك إية لما روحتله؟
رفع وشه ليها فلاحظت وقتها وشه اللي كان ميطمنش، فبصتله بزعل وكانت هتسأله ولكنه وقف فجأة ونفض إيدها بعن*ف وج*عها وهي بتبصله بعدم تصديق، اما هو فقال بح*دة وهو رايح اوضة لبسه:
-ملكيش دعوة.
وطت راسها بحرج، ولامت نفسها على فضولها لحاجة خاصة زي دي، وفجأة لقته خارج وهو بيلبس الجاكيت بتاعه فابتسمت بتو*تر وهي بتقول:
-طب “زين” ممكن أطلب منك طلب.
رد عليها ببرود وهو بيربع ايده:
-عايزة إية؟
حست بخجل وقالت بعدها برجاء وهي حاسة بخو*ف من هيئته العجيبة:
-ك..كنت عايزة أروح أوضة الرسم بتاعتك.
رد تاني بنبرة باردة وقال:
-روحي بس متبهدليش حاجة.
هدير بتعجب:
-هو إنتَ مش هتيجي معايا.
-ورايا شغل و مش فاضي.
-بس أنا كنت عايزا…
قاطعها وهو بيزعق في وشها، دة غير انه زقها بعن*ف تجاه الباب عشان تخرج، ودة خلاها تنكمش على نفسها برع*ب:
-قولتلك مش فاضي، إنتِ مبتفهميش؟
بصتله بلوم فبصلها هو بقلة حيلة واسف يمكن تفهم انه مش قادر يعمل حاجة، اما هي فمسحت دمو*عها اللي نزلت وقتها وقالت بصوت واطي:
-شكرًا.
وكانت هتمشي ولكنه وقفها لما قال بصوت عالي عشان تلف وتبصله بسبب شعوره بأنها هتوحشه جدًا:
-“هدير”.
هربت من عينيه وفضلت تفكر وتفكر، يمكن هي السبب في كل المشاكل اللي بتحصل في البيت زي ما اتقالها قبل كدة، ولكن بتسأل نفسها تاني هي ذنبها اية!
كان نفسها يبقى عندها حرية الاختيار في انها تمشي ولكنها ملهاش حد، وفجأة لقته بيقول بابتسامته الشاحبة:
-“هدير” ا….”هدير” من أول بكرة هتبتدي تروحي الجامعة، كل ما روحتي بدري كل ما كان أفضل.
وبعدها كمل بهدوء وهو حاسس بالذنب:
-و “تيا” هتبقي معاكي طول الوقت يعني مش عايزك تخ*افي.
هزت راسها بموافقة وبعدها همست بتردد بكلمات صدم*ته:
-“زين” و أنا كمان بحبك و مش عايزاك تزعل مني.
بص لملامحها البريئة اللي مستنية رد فعله، فغمض عينيه بأ*لم وهو مش عارف المفروض يعمل اية، يطنش بدر وكلامه التحذ*يري ولا يخاف، ياخدها في حضنه ويوافقها ولا يسمع كلام باباه، وبعد ما صمته طال حست انه رفض اللي قالته، وعشان كدة رجعت بخطواتها وهي حاسة بحيرة شديدة، وبعدها قالت ببرائة وهي بتبصله ببعض من الأمل:
-“زين” أنا أسفة لو كان حصلك مشكلة بسببي.
وفجأة دخلت تيا الاوضة عشان تصر”خ بهل*ع:
-إلحق يا “زين” “سمير” عرف حقيقة اللي حصل و إن أختك هي السبب في م*وت إبنها و رايحلها و مصمم يق*تلها.
بصلها بصد*مة شديدة، اما هدير فكانت بتحاول تستوعب الفكرة، هو كان كل دة عارف انها بريئة ومع ذلك بيعاملها بق*سوة فبصتله بتعجب وهو بيص*رخ بعدم تصديق:
-إنتِ بتقولي إية!؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية للخوف قيود)
