رواية للحبيب حبيب تاني الفصل السابع 7 بقلم شهد محمد جادالله
رواية للحبيب حبيب تاني الجزء السابع
رواية للحبيب حبيب تاني البارت السابع
رواية للحبيب حبيب تاني الحلقة السابعة
بنخرج من المطار بنروح للفندق وحقيقي كل حاجه في البلد كانت تخبل
إزاي كنت عبيطه اوي وكنت هضيع فرصة إني اسافر مع ياسمين!
كل حاجه كانت تجنن كأننا مثلآ في مكان هنصور فيه إعلان
لون السما والناس والمحلات كان عندي حماس غير طبيعي إني اللف البلد كلها وازرو كل الامكان واجرب كل الحاجات
بنوصل للفندق وبنطلع للأوضه بتاعتنا سوا وبيكون فيها بلكونة لذيذه بتبص على البلد
_شفتي يا ست نادين يالي مكنتيش عايزه تيجي
_تجنن بجد تخبل اعملي حسابك هتصور عشروميت صوره
_اللي يشوفك دلوقتي ميشفكيش لما كنت بتحايل عليكي
_خلاص بقى
_مامي جعان
_نغير هدومنا وننزل ناكل بره يا حبيبي
_ممكن اكلم يارا فيديو كول عشان تشوفني وانا في تركيا؟
_ممكن يا عيوني ، ورايا يا ياسمين نرتب الهدوم اللي في الشنط
_جايه
بتقولها وبنخرج نرتب كل حاجه سوا
_اقولك على حاجه؟
_قولي
_مش عارفه ليه حسيت إن يارا زميلة شادي باباها يبقى سيف وإن يوم عيد ميلاد يارا بقى إنتي تروحي وتتفجائي بقى
_والله يا ياسمين انتي رايقه
_بجد محستيش كدا طيب
_لأ محستش سيف لو في القاهره كان زمانه لسه بيدرو عليا بعدين الصدف الغريبه اوي دي مبتحصلش غير مره في كل الف سنه
_مش للدرجه بتحصل كتير
_في الأفلام الهندي يا حبيبتي
_طب لسه بتحبيه
_مش عارفه احدد إذا كان حب ولا حنين ولا اشتياق بس هو غالي عليا لحد الوقت ده
_كمليلي إيه اللي حصل طيب
_ننزل ناكل ونتصور كام صوره حلوين واحكيلك يا ياسمين هنروح من بعض فين
_طيب
بتقولها وبنكمل سوا ترتيب الهدوم لحد ما بنخلص وبنعمل ماتشينج انا وهي وبننزل سوا
كنت ماشيه في الشوارع زي الهبله مبهوره بكل حاجه فيها
وبنقعد في مطعم شيك بناكل وبنشرب قهوة وبخلي ياسمين تصورني
وبنكمل مشي وإحنا بنتفرج على كل حاجه ولو عجبنا حاجه بنشتريها
وفي آخر اليوم بناكل اتشيز كيك وبسيب شادي يكلم يارا فيديو كول عشان يفرجها على البلد وبنرجع كلنا سوا
_اليوم كان لذيذ بشكل
_ولسه بكرا هنخرج نجرب المحار بقى بصي هنجرب كل حاجه بكرا
_وشغلك يا استاذه؟
_عادي يا نادين اشتغل ساعه ونخرج ٢٣ ساعه هقسم اليوم يعني
_الموظفة المثاليه والله
بقولها بضحك وباخد شادي بفضل جنبه احكيله حدوته لحد ما بينام
وبقوم اغير هدومي وبلبس بيجامة وبرفع شعري وبخرج لـ ياسمين بتعملنا اتنين قهوة وبنقعد في البلكونة سوا
_تعرفي معنديش اي مشاكل افضل قاعده في البلكونه دي ليل نهار
_وياسلام بقى لو مع شخص بتحبيه وبتسمعي ام كلثوم يالهوي على الروقان
_تعرفي برغم إني بحب كل اغاني ام كلثوم لكن عمري ما سمعتها من وقت ما اتجوزت عزت
_كنتي بتسمعيها مع سيف؟
_يااه كتير كل يوم في المكتبه واوقات في البلكونه
_طيب كملي جميلك واحكيلي حصل إيه مع سيف
ببتسم ليها وبقوم أقف بولع سيجاره وانا بتفرج على المنظر اللي قدامي وبكمل ليها الحكاية
“فــــــــلاش بـــــــاكــ”
_انا سعيد بمعرفتك يا سيف انت شاب مكافح وقد المسؤليه بس للأسف الجواز قسمه ونصيب طلبك مش عندنا
كلامه بيصدمنا كلنا الفرحه اللي في عينه والمعه بتختفي حتى انا بضايق وبزعل على زعله بيتكلم وبيقول:
_اقدر اعرف إيه السبب يا عمي؟
_شوف يا سيف عشان ابقى صريح معاك بنتي متقدم ليها عريس تاني عنده وظيفته وعنده شغل خاص بيه وهيقدر يعيش بنتي في مستوى كويس هيسفرها وباباه مستشار انت أبن حلال بس لسه في بداية حياتك يا ابني
بنفعل انا وبقول بزعيق:
_وبالنسبة أنهم بيحبو بعض ده مش مهم !
بيرد عليا بنفس الزعيق والعصبية وبيقول:
_الحب مش هيأكلهم يا انسه نادين مش هيفتح بيت مش هيدفع تمن إيجار انا اب وعارف مصلحة بنتي
_وسعادة بنتك ؟؟
_بنتي رأيها من رأيي
_نسمع منها
بيبص ليا بتحدي وبينادي عليها
_دلوقتي يا كاميليا سيف طلب إيدك وانا رفضت وقالوا عايزين يسمعه رأيك إيه رأيك؟
بتتكلم والدموع محبوسه في عينيها وبتقول:
_رأيي هو رأيك يا بابا
_سمعته !!
بيقولها باباها وبنقوم كلنا بننزل من غير ولا كلمه
انا صحيح كان نفسي الموضوع ميكملش بس مش لدرجة إن سيف يتكسر بخاطره كدا !
ماهو بردوا مفيش ام يرضيها إنها تشوف إبنها مش سعيد او عايز حاجه ومش عارف يوصلها
بعد ما بننزل من عندهم بيختفي منعرفش بيروح فين برجع مع مامته البيت بهون عليها وبقعد معاها استناه ومبيجيش
برجع للبيت بلبس تيشيرت وبنطلون وبرفع شعري وبخرج ادور عليه كنت عارفه هلاقيه فين
فيه حديقة قريبه من البيت بيحب يقعد على مكان عامل زي الجبل فيها
بروح ليه وبالفعل بيكون هناك قاعد عينه على الفراغ وفي إيديه سيجاره
بقعد جنبه وبقول:
_مش نصيبك يا سيف
_العين في مين فيا ولا في ابوها ولا فيها ولا في الزمن ؟
_مش مكتوبه ليك يا سيف
_ولما مش هتجوزها قابلتها في الأول ليه !!
_قدر يا سيف
_عارفه اللي وجعني إنها موقفتش قالت لأ يا بابا انا عايزاه لأ يا بابا انا بحبه استغنت كدا بكل سهوله طب وقلبي طب واحلامنا اللي اتفقنا إننا نحققها سوا !!
_عادي بتحصل مش كل اتنين بيحبه بعض بيتجوزوا يا سيف
_ليه ؟
_دي لعبة القدر والنصيب بقى
_دي أعذار كدابه لو هي كانت ادتني امل واحد بس إنها عايزني ومش موافقه على كلام ابوها كنت هديت الدنيا عشانها اصل هي عايزني وانا عايزها يبقى مفيش حاجه تمنعنا ولا نصيب ولا قدر ولا اي حاجه من الحاجات دي
_انا مقدره زعلك بس ما في اليد حيله يا حبيبي معلش مش نصيبك
_رنيت عليها من شوية ردت وبتقولي إيه بتقولي بابا عارف مصلحتي اكتر مني !!!
_مش قادره احدد هي ضحيه زيها زيك ولا لأ بس اكيد باباها شديد عليها
_ده انا بطلت اعمل كل حاجه غلط يا نادين ده انا بقى اكبر أحلامي اتجوزها ونفتح بيت سوا سيف الصايع كان عايز يفتح بيت يا نادين ليه الدنيا قاسيه كدا ليه مينفعش نتجوز اللي بنحبهم ليه الحياه مش سهله ليه ها ليه ولما مش هيكونوا لينا بنقابلهم ليييه
كلامه بيأثر فيا وبعيط ، بعيط على حالته وعلى كلامه اللي زي ما يكون بيوصف اللي جوايا
_حقك عليا انا من كل الدنيا
_وانتي ذنبك إيه
_مش ذنبي حاجه بس حقك عليا وخلاص
_طب انا دلوقتي اكمل إزاي ارجع لحياتي القديمه إزاي اكمل إزاي وقلبي متعور يا نادين هااا
بيقولها وبيرمي طوبه كبيره من على الجبل
_وبتقولوا الرجاله وحشه الرجاله بتخون وانتوا ملايكه !! ما في بنات بتعور قلوب رجاله اهو ، انا سيف صفوان بنات بالكوم تتمنى إني اكون في حياتهم بنت تعمل فيا كدا بنت تهدني راجل طول بعرض يسد عين المجره مش عين الشمس يبقى في الحاله دي بسبب الحب !!!
_سيف عشان خاطرى اهدى
_قلبي تحت رجلي عشان تعرفي إن المعامله اللي بعاملها لـ اي بنت دي المعامله اللي تستحقها بس فالحين الرجاله فيهم وفيهم انتوا عشان رغايين رايحين جايين تقولوا ده خاني وده ظلمني بس احنا رجاله مبنقولش يا نادين مبنقولش دي خانتني ولا دي كسرتني بنسكت بندفع فواتير الحب الصادق سكوت يا نادين
_عندك حق إحنا اللي وحشين اهدى بقى ويلا نرجع يا سيف
_بحبها .. بحبها يا نادين
بيقولها بصوت مبحوح بينهار وبيعيط اول مره اشوفه في الحاله دي زي طفل ضيع لعبته او تايه ومش لاقي مامته
بقعد جنبه وبطبطب عليه لحد ما بيحط راسه على رجلي وبيروح في النوم وبنفضل كدا لساعات
ببص على ملامحه وبلعب في خصالات شعره وببتسم اه لو يعرف إن انا كمان زيه
لو يعرف إن انا قلبي متعور منه !!
الفجر بيأذن وهو بيفضل نايم لحد سبعه الصبح بيقلق وبيقوم وبنمشي سوا بنرجع للبيت هو بيطلع ينام
وانا بطلع اشوف بابا بديله العلاج وباخد شاور وبغير هدومي وبنزل
عمري ما كنت اتخيل إني أعمل كدا
بس عشان ابني هعمل اي حاجه
بروح لكاميليا تحت بيتها وبرن عليها تنزلي وبعد خمس دقايق بتنزلي
_سيف حالته صعبه اوي يا كاميليا
بتعيط وكان باين عليها إنها مش نايمه ومعيطه عينيها كانت ورمه
_مش بإيدي بابا كلمته لازم تمشي ياريتني ما قابلته انا وجعي هقدر استحمله بس مكنتش عايزاه يتوجع بسببي يارب يكرهني ويشيل حبه ليا من جواه يا نادين
_بدال الكلام ده نشوف حل
_مفيش حل صدقيني بابا كلمته مبتنزلش الأرض انا مغصوبه مقدرش اعمل غير كدا قولي لسيف يسامحني خليكي جنبه خليه ينساني ويشوف حياته ونبي ويخلي باله من نفسه ودلوقتي لازم اطلع قبل ما حد يشوفني معاكي
بتقولها وبتجري على فوق وبقف وانا تايها مش فاهمه اعمل إيه ولا اتصرف إزاي !
ده اهل الحب طلعه مساكين بجد مش كلام !
مكنش قدامي اي حل غير إني اكون مع سيف وقت اكتئابه لحد ما يموف اون من كاميليا
“بــــــااااكـــ”
_ده حازم زميلي في الشغل بيرن
_طب شوفي عايز إيه
بقولها وبسيبها بتتكلم معاه وبدخل انا اشوف شادي وبلاقيه نايم بدخل للمطبخ وبقف اعمل نودلز وبتيجي ياسمين ورايا بعد ما بتخلص مكالمة
_بيقولي إنه في محل حلويات قريب من الفندق وجاب لنفسه ولينا حلويات عشان عجبته
_لينا امممم
_ده زميلي بس على فكره
_ماشي يا ستي هو احنا قولنا حاجه
_بلاش نظراتك دي يا نادين إحنا زمايل عمل بس
_ياريت يكون اكتر اهو اخلص منك
_يا سلام للدرجادي تقيله عليكي
_لأ يا بطتي اخف من الريشه
_كملي بقى حصل إيه مع سيف
_فضل فتره كبيره اوي يموف اون وفي الاخر معرفش ده يمكن لحد الحظة دي لسه فاكر كاميليا
_كان بيحبها للدرجادي
_واكتر كمان كان بيعشقها هي الوحيده اللي قدرت إنها تغير سيف
_ومحبش بعدها؟
_كان بيحاول لكن مفيش واحده عرفت تعمل اللي عملته كاميليا ولا حتى انا رجع بقى سيف القديم صايع وتوكسيك
_وبعدين
بيقطع كلامنا موبايلها بيكون حازم زميلها في الفندق تحت بتنزل ليه بتاخد منه الحاجه وبتطلع تاني
بيكون جايب حلويات لذيذه اوي بنسهر سوا نتفرج على فيلم واحنا بناكلها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية للحبيب حبيب تاني)
