رواية للحبيب حبيب تاني الفصل الثالث 3 بقلم شهد محمد جادالله
رواية للحبيب حبيب تاني الجزء الثالث
رواية للحبيب حبيب تاني البارت الثالث
رواية للحبيب حبيب تاني الحلقة الثالثة
_خلصتي شغل؟
_اه وفي البيت اهو بجهز الحاجه اللي هناخدها معانا النادي
_وانا كمان بجهز ، هنروح بعربيتك ولا عربيتي؟
_خليها عربيتك مش قادره اسوق انهارده
_ماشي متتأخريش بقى
_ربع ساعه واكون جاهزه
_ماشي باي
بقفل معاها وبكمل لبسي وبدخل المطبخ بعمل سندوتشات وعصير عشان أحدهم معايا وبيجي ليا شادي وهو متحمس وبيقول:
_انا جاهز يا مامي
_طيب يلا يا حبيب مامي
_شكرآ إنك وافقتي اروح حمام السباحة مع يارا هكون مبسوط ولو بابي كان معانا كنت هنبسط اكتر
_معلش يا حبيبي اول ما يرجع من السفر هاخدك ونروح ونعزم يارا كمان
_وعد؟
_وعد يلا بقى عشان منتأخرش عليهم
بقولها وباخده وبننزل بتعدي علينا ياسمين بنركب معاها العربية وبنروح كلنا النادي سوا
واخيرآ بشوف يارا اللي الاستاذ مالوش سيره غيرها
كانت بنوته في منتهى الجمال بيضه وعيونها عسلي شعرها نفس لون عينيها وكيرلي
بتتكلم ياسمين بهمس وبتقول:
_ابنك مطلعش سهل أبدآ
_اسكتي
بقولها لما بشوف مامت يارا جايه ناحيتنا بتسلم عليا وبتقول:
_كان نفسي اشوفك من زمان عايزه اقولك يارا مالهاش سيره غير شادي ابنك
_نفس الكلام شادي والله بس انا مبسوطه إني شفتك
_انا اكتر يا حبيبتي
_بالمناسبة عيد ميلاد يارا اول الشهر الجديد لازم تيجي
_اكيد هاجي
_خلاص هاتي رقمك بقى
بناخد ارقام بعض وهي بترجع تقعد مع اسرتها وانا بخلي شادي ياكل ويشرب العصير وبسيبه يلعب مع يارا
_هطلب قهوة اطلبلك؟
_ياريت يا ياسمين فرنساوي ها
_عارفه
بتقولها وبتروح تجيب القهوة وبترجع تقعد جنبي
_شادي جاب سيرة عزت إنهارده بيقول كان هسيبك اكتر لو كان معانا
_طبيعي يجيب سيرته تاني وتالت ده باباه اكيد مش هينساه
_محتاجه اشوف حل مع عزت
_لازم تتكلموا
_هبقى ابعتله انهارده
_المهم كملي الحكاية
_وقفنا عند إيه؟
_لما سافرتي ليه شرم
“فـــــــلاش بـــــاكـــ”
بسافر ليه في شرم بيكون موقع المعرض بتاعه في مكان تحفه
قدامه البحر وجنبه كافيه على شكل كوخ
وشجر كتير كان مكان مريح نفسيآ
باب المعرض بيكون مفتوح بدخل بشويش وبشوفه واقف وهو مديني ضهره بتكلم بصوت عالي وبقول:
_انا جيت
_حد يخض حد كدا يا نادين
_تعيش وتاخد غيرها
_وحشتيني اوي يا بنت الذينه
_وانت كمان بس متأخرتش عليك اهو
_إيه رأيك في المكان؟
_تحفه شوية تعديلات كمان ويبقى زي الفل
_كلمت مهندس ديكور شاطر هيبدأ شغل من بكرا
_طب حلو ده المهم الكاميرا بتاعتك معاك؟
_معايا ليه؟
_المنظر بره روعه لازم تعملي سيشن
_بعدين في حاجات عايز احكيلك عليها
_لأ دلوقتي احكي وانت بتصورني
_طب استني اجيب الكاميرا
بيقولها وبيدخل هو يجيب الكاميرا وانا بعدل الميكب بتاعي وبنخرج بره وبيبدأ يصورني وهو بيحكيلي على الجديد
_اسمها دينا صاحبة الكافيه اللي جنبي
_وإيه كمان
_مفيش قعدنا سوا كام مره هي لذيذه ودمها خفيف وساعدتني في كام حاجه بقينا صحاب يعني
_وبعدين؟
_مش عارف بس وانا معاها بحس إحساس غريب
_إحساس إيه ده؟
_مش بزهق منها بحب وقتي معاها بس هي من ايجيبت شويتين تلاته
_طبيعي مش من شرم
_لازم اعرفك عليها
_حتى وانت جاي تشوف شغلك مش سايب البنات في حالها امتى هتسيبهم يا سيف؟
_لما الاقي واحده تغنيني عن كل بنات العالم ، تعالي كدا شوفي الصوره دي
_وريني ، تحفه شكل السما فيها جميل اوي
_اي خدمة
_يلا نرجع
_حجزتلك اوضه في نفس الفندق اللي انا نازل فيه اطلعي ارتاحي وانا هخلص شوية حاجات في المعرض وهاجي اخدك بليل اعرفك على دينا
_أتفقنا يلا بينا
بيوصلني للفندق وبيمشي برتب حاجاتي وهدومي وبقف في البلكونة وبولع سيجارة وانا بفكر في كلامه
عارفين إحساس الكلاون!
هو ده اللي انا بعيشه دلوقتي حاولت كتير امنع مشاعري ليه بس مش بإيدي
عيني مصممه متشوفش اي عيوب فيه..
بدخل المطبخ باكل اي حاجه وباخد شاور وبنام وبصحى بعد كام ساعة
بقوم اجهز عشان اشوف ست دينا..
بلبس بنطلون اسود وتوب اسود وبرجع في كلامي بقالي كتير مش بلبس فساتين
بختار ميني دريس لحد بعد الركبه لونه ابيض عليه فراشات زرقه
وبغير تسريحة ثمرة الأناناس اللي كنت على طول بعملها وبعمل شعري ويفي وميكب بسيط
وبنزل لما بيبعتلي انه مستنيني
بشوف نظرات الأنبهار في عينيه
يمكن طول ايام الجامعه شكلي بيكون عباره عن بنت بتشيرت وبنطلون وشعرها مش مترتب ومفيش ميكب مسترجله شويتين بس حلوه ..
يمكن ده اللي ملفتش نظره ليا
يمكن انا اللي موريتهوش إني احلى منهم كلهم
_إيه الحلاوه دي؟
_طول عمري انت بس اللي مش شايف
_الدريس تحفه والميكب واو وشعرك كدا احلى كتير ليكي سيشن كمان
_خيرك علينا
بقولها بضحك وبياخدني وبنروح سوا للكافيه اللي جنب المعرض بتاعه
بيعرفني على دينا ، بتكون بنت لذيذه بس شايفه نفسها حلوه شعرها طويل وقصيره شويه وبيضه كانت بتتكلم بغرور
والتاني واقف مبهور بيها
بياخدها بيرقص معاها وبفضل انا قاعده براقبهم لحد ما بتخلص الرقصه وبيجيلي
_إيه الجو مش عجبك؟
_لأ لطيف
_إيه رأيك في دينا؟
_حلوه بس متكبره شويتين تلاته
_ما دي احلى حاجه فيها
_تعرف يا سيف انا اكتشفت إيه
_إيه ياترى؟
_إنك وغد
_مقبوله منك ياروحي ، قومي بقى عشان هحاسب مهندس الديكور كدا المعرض فاضل عليه تكه
_يلا
بقولها وبنخرج سوا بيحاسب المهندس وبنقف نظبط شوية حاجات وبنخرج نقعد على البحر وبيصورني شوية وبنرغي شوية وبلاقيه سرحان وزي ما يكون مهموم
_مالك؟
_لسه عادل قافل معايا قال ان المعرض عشان يتفتح لازم تصريح
_ليه هو مش بتاعكم؟
_مقفول بقاله كتير ايام لما مكنش فيه الكلام ده
_طب وإيه المشكلة دلوقتي ممعكش فلوس؟
_مفيش غير آخر مبلغ وده هحاسب بيه الكهربائي
_ولا يهمك انا معايا
_بطلي هطل
_بطل انت إحنا واحد إيه يعني خدهم دلوقتي وأما يبقى ربنا يكرمك رجعهم
_وانتي جبتي الفلوس منين؟
_معايا بقالهم فتره عادي شايلهم لوقت عوزه واهو جيه وقتهم
_مش عارف اقولك إيه
_متقولش ده نجاحك من نجاحي وفرحتك من فرحتي
_ربنا يخليكي يا نادين بجد طول عمري بشوفك اخ كبير ليا
_اسكت تعرف تسكت !
بتيجي علينا دينا بكمل كلامي وبقول:
_طيب هرجع انا الفندق عشان مش قادره عايزه انام
_استني اوصلك
_لأ خليك عارفه الطريق ياخويا
بقولها وبمشي بروح لمحل دهب ببيع السلسله بتاعتي كانت هديه من ماما في عيد ميلادي
ببيعها وبرجع للفندق بقعد قدام المرايا وبعمل فلاش باك لليوم في دماغي
وبفتكر لما قالي إني اخ كبير ليه
طب ليه مش اخت كبيره !
بقولها لنفسي وانا ببص في المرايا وبضحك على احزاني وبقول:
_اظاهر كدا إني محتاجه اعمل شنبي
بقول بضحك وبغير هدومي وبنام
“بـــــــاكـــ”
_ده عزت بيرن
_طب ردي عليه شوفيه عايز إيه
بقوم أقف بعيد عن الدوشة وبرد عليه
_إزيك؟
_بخير وانت
_الحمد الله شادي كويس؟
_بخير مش بيبطل يسألني عليك
_وحشني اوي الفتره اللي فاتت كنت مشغول في شغلي بس خلصت من يومين لو ينفع اشوفه ..
_اكيد مش همنعك عنه يا عزت انا بس مش عارفه اقولو إيه بعد ما يشوفك ويرجع البيت ومتبقاش معانا
_هنتصرف يا نادين هقولو عندي شغل هنتقابل بره البيت اي حاجه المهم انا ابني وحشني
_إحنا في النادي طلب مني نروح عشان حمام السباحة تحب ابعتلك اللوكيشن
_اه ابعتي
_تمام هبعتلك واتساب
بقولها وبقفل معاه وببعتله اللوكيشن
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية للحبيب حبيب تاني)
