رواية للجن جنون الفصل الرابع 4 بقلم منى محمود بركات
رواية للجن جنون الجزء الرابع
رواية للجن جنون البارت الرابع
رواية للجن جنون الحلقة الرابعة
جاد بتركيز :
_بتقولك ايه ؟
تمارا بخوف :
_بتقولي اكشفي الحقيقة عشان ارتاح … انا مش همشي من هنا غير لما الحقيقة تبان … تعالي طلعيني من هنا
كلهم بصو لبعض بعدم فهم وخوف جاد لاول مرة يحس أنه خايف مش خايف علي نفسه لا خايف علي اخوة وحاسس أن فعلا في حاجة كبيرة بتحصل
جاد :
_طب احنا قدام احتمالين دلوقتي ملهمش ثالث
سيف :
_ايه هما ؟
تارا فهمت دماغ جاد وكملت هي:
_يا أما صبحي وابنه هما اللي بيعملوا كدة عشان يضربو عصفورين بحجر واحد وهو أن احنا وانتم نمشي من العمارة يا اما فعلا في حاجة في شقتكم وبتحاول تتواصل معانا
جاد ابتسم :
_بالظبط كدة
تمارا بحيره:
_طب ودي حاجة نتأكد منها ازاي ؟ انا مش فاهمه
سيف بتفكير :
_بالنسبه ل صبحي وابنه اعتقد دي سهله احنا ممكن من خلال الكلام معاه هو وابنه نفهم اصل لو هو اللي بيعمل كدة هيكون عايز يتأكد اللي بيعملة بيجيب نتيجة ولا لا صح ولا ايه ؟
جاد :
_مممم تمام نتكلم معاه بس هنقولو ايه ؟
تمارا :
_انتم ممكن تتكلمو معاه كأنكم هتشتكو مدحت ابنه واللي عمله معانا ومن خلال طريقته نحاول نفهم
سيف:
_تمام دا بالنسبة لاحتمال صبحي وابنه بالنسبة للاحتمال التاني هنتاكد منة ازاي ؟؟
تمارا بتردد:
_هو هو ممكن اقترح حاجة
جاد :
_اكيد طبعا
تمارا :
_ممكن انهاردة بالليل ندخل البلكونة ونفتشها كويس اوي اكيد هنلاقي حاجة
جاد :
_طيب انا هنزل الاول ساعتين ثلاثه كدة المصنع اظبط الشغل وكل واحد فيكم قدامه زي يظبط وعلي العصر كدة نتجمع ونروح ل صبحي ونخلص معاه وندخل ع الشقه نشوف البلكونة أن شاء الله انهاردة مش هيعدي غير لما نفهم ايه اللي بيحصل بالظبط
تارا :
_تمام انا هنزل اخد إذن وارجع
سيف :
_معلش قبل ما نقوم انا كان عندي سؤال مهم اعرف إجابته احنا حكينا كل حاجة لبعض وصدقناكي يا تمارا بس في سؤال انتي مجاوبتيش عليه
تمارا :
_سؤال ايه ؟
سيف بإصرار:
_ممشتيش من هنا ليه ؟ يعني ابن صاحب العمارة بيضايق اختك وانتي بتشوفي حاجات غريبه مخلياكي ديما خايفه ليه قاعدة هنا ؟ وازاي قلتلي أن الناس هنا زي اهلك بالظبط وهما مش بيحاولو يدخلو ويوقفو مدحت عند حدة ؟ انا محتاج افهم
تارا اتوترت وكانت هتكدب وتقول اي سبب وخلاص لكن تمارا فهمت دماغ اختها ف قطعتها وردت بكل قوة
تمارا :
_الجيران فعلا في حالهم واحنا في حالنا يا سيف وفعلا مبيدخلوش في حوار مدحت خالص مش عايزين من الاخر مشاكل مع صاحب العمارة واحنا مش بنمشي بسبب أن تارا مقتنعه أن هيجي يوم ونعرف فيه ليه ابونا قتل امنا ورفض يقول السبب كل اللي قاله لما قتلها قدامنا بدم بارد واتصل بالشرطة عشان يبلغ عن نفسه قالنا جملة واحدة متتحركوش من الشقة دي وانتم هتفهمو كل حاجة ومن وقتها كل اهلنا بعدو عنا أهل امنا شايفين أننا طالعين لابونا ومشيلنا احنا الذنب وأهل ابونا مستعريين مننا بسبب اللي هو عمله وأهل العمارة اتكلمو علينا شويه وسكتو وبقو ف حالهم واحنا في حالنا
خدت نفس طويل لأنها كانت بتتكلم بسرعه وبعدين بصت ل تارا وكملت
_بس خلاص انا تعبت ومش هقدر اكمل هنا تاني سواء صبحي ال بيعمل كدة أو في حاجة فعلا في شقتكم انا هبيع الشقه وهمشي مش هفضل هنا يا تارا بسبب فكرة متخلفه في دماغك مش راضيه تغيريها ومش شايفه اد ايه انا بعاني وتعبانة ومبقتش قادرة استحمل مش شايفه اني مش قادرة انسي زيك بالظبط اللي حصلنا زمان واللي شوفناه بس ال ذاد علينا الي بيحصلي واللي بشوفو مش شايفه اد ايه انا تعبانة خصوصا لما بشوف في عينيك نظرة انك مكدباني اختي اللي طلعت بيها من الدنيا دي كلها مكدباني مع أن جاد اهو رغم أنه زيك مش مقتنع بس من يومين بس اخوه اشتكي مقدرش يتجاهل الموضوع وبيحقق فيه مش انتي اللي سايباني سنين ومش حسة بيا انا تعبت تعبت
خلصت كلامها وجريت علي اوضتها وهي دموعها نازله وتارا ساكتة ودموعها هي كمان نازله في صمت
جاد وسيف اتفاجاو بكلام تمارا وفهمو كلام مدحت لما قال فضيحة ابوكم والاتنين كانو حاسين بحزن كبير اوي بسبب حاله البنات
استاذنو بهدوء من تارا ومشيو عشان يخلصو اللي وراهم قبل ما يبدؤ يبنفذو اللي اتفقو عليه
تارا بعد ما مشيو كانت هتدخل اوضتها وتقفل عليها حتي شغلها قررت تبعت رساله أن حصلها ظرف طاريء ومتنزلش بس وهو معديه من ادام اوضه تمارا سمعت صوتها بتعيط جامد مقدرتش ودخلت شدتها من علي السرير وخدتها في حضنها بقوة
تارا ببكاء:
_حقك عليا انا اسفة … مكنتش متخيلة انك شايلة كل دا جواكي وساكتة … حقك عليا … خلاص والله هنمشي ونروح اي مكان تقولي عليه ولو عايزة نسيب البلد كلها والله موافقه المهم متزعليش مني حقك عليا بقا
تمارا كمان شددت من حضنها لأختها وفضلو كدة شويه لحد ما هديو هما الاتنين
تارا :
_انا بعتلهم رساله في الجريدة اني مش نازله انتي كمان خدي بريك انهاردة خالص وتعالي نقوم نحضر الغدا ونخترع سوا زي ما زمان ايه رايك ؟
تمارا بصوت مخنوق:
_موافقه يلا بينا
عدي الوقت بسرعه واخيرا رجع سيف وجاد عشان يتقابلو مع البنات ويروحو ل صبحي خبطو وثواني وفتحتلهم تارا
تارا ببتسامة :
_ اهلا اتفضلو
جاد:
_معلش خليها مرة تانيه ولو جاهزين يلا عشان منضعيش وقت
تمارا من وراها:
_انا حطيت الغدا خلاص خلينا نتغدي سوا الاول وبعدين نعمل ال اتفقنا عليه انا لازم اتغدي الاول متفرهدونيش علي معدة فاضيه الله يخليكم
سيف ضحك:
_يا بنتي احنا سيبنك منهارة وورانا عفاريت وخناقات اكل ايه اللي بتفكري فيه دلوقتي
تمارا :
_صينيه مكرونة بالبشاميل وفراخ مشويه وسمبوسه بالجبن والزيتون والحلو ام علي
سيف وهو بيزءهم ويدخل :
_لا انا هدخل اتغدي بقا وانتم مع نفسكم فين السفرررررة بسرررررعه
ضحكوا عليه دخل جاد رغم أنه كان محرج في الاول بس توتا وسيف قدرو يضحكوة
اتغدو في جو كله ضحك وهزار كأنهم بيحاولو يخففو عن نفسهم التوتر اللي حاسين بيه وبعدها قامو وطلعو ل صبحي في شقته خبطو وفتح صبحي بنفسه الباب
صبحي بدهشه:
_اهلا وسهلا اهلا وسهلا
جاد :
_اهلا بيك يا استاذ صبحي
صبحي :
_خير يارب ايه سر التجمعيه دي ؟
سيف :
_طيب مش هتقولنا اتفضلو الاول ؟ولا نتكلم من علي الباب كدة ؟
صبحي بحرج :
_يا خبر انا اسف والله اتفضلو اتفضلو يا اهلا وسهلا نورتو البيت كله اهلا وسهلا
جاد:
_شكرا يا استاذ صبحي البيت منور باصحابه… احنا مش هنطول عليك وندخل في الموضوع علي طول
صبحي :
_قبل ما نتكلم تشربو ايه الاول؟
سيف:
_ملوش لزوم يا استاذ صبحي
صبحي قاطعه:
_ابدا والله تشربو ايه ؟ ساقع ولا سخن
جاد :
_اي حاجة يا استاذ صبحي المهم نتكلم معاك
صبحي :
_طيب ثواني بس
دخل صبحي ودقيقة وخرج شايل صينيه عليها كانزات مختلفه وقدامالهم
صبحي:
_لامؤخذاة يا جماعه اصلي قاعد لوحدي ف قلت اسهل حاجة البيبسي
جاد :
_تسلم ايديك …. طبعا اكيد مدحت ابن حضرتك حكالك اللي حصل منه ومننا مش كدة ؟
صبحي :
_حكالي يا بشمهندس وغلطتة طبعا .. بس بردو حضراتكم مديتو ايديكم عليه ودا ميصحش
تارا كشرت :
_واللي يصح أنه يفضل يضايقني كل شويه يا استاذ صبحي وانا اشتكيت ل حضرتك كتير ومفيش فايدة
صبحي بتبرير:
_يا بنتي ما أنا قلتلك نيجي ونطلب ايديك رسمي وفي خلال شهر واحد أن شاء الله تكونو متجوزين بس انتي اللي رافضه وهو بيقولي أنه بيحبك وبيحاول يقنعك بيه
سيف كشر :
_وهي رفضت بدل المرة عشره بكل ادب وزوق ايه الجواز بالعافيه ولا عشان هما لوحدهم معهمش حد
صبحي:
_لا يا ابني مش بالعافيه ولا حاجة عموما انا كلمتة تاني وقلتله لو مبطلش يعملي مشاكل هرجعو تاني البلد اللي كان شغال فيها عشان اريح دماغي معلش اخر مرة مش هتتكرر تاني
جاد :
_دا الاحسن له انها متتكررش تاني عموما دا بالنسبه ل موضوع البنات بالنسبة بقا لموضوع شقتنا ف ايه أخباره
صبحي بعدم فهم :
_مالها شقتكم مش فاهم لامؤاخذة ؟
جاد:
_مش كنت قايل للبواب انك عايزاها
صبحي :
_ايوة حصل بس دا كان وهي مقفوله كان صعبان عليا شقه بالمواصفات دي تتقفل كدة من غير اي إفادة بس لما انتم جيتو تسكنو فيها قلت خلاص الا لو ناوييين تبعوها وقتها اكيد انا أولي من الغريب واشتريها منكم طبعا
جاد بتركيز :
_واضح أن الشقه مهمة اوي عند حضرتك
صبحي بعفويه :
_لا ابدا مش مهمة ولا حاجة زي ما قلتلك انا في الاول والاخر سمسار عقارات يعني شقه في منطقة زي دي وبالمساحة دي حرام تفضل السنين دي كلها مقفوله كدة ومحدش بيستفاد منها بس دي كل الحكايه
جاد :
_عموما يا استاذ صبحي حاليا احنا مش ناوييين نبيع بس نوعدك لو قررنا انت اول واحد هنقولو أن شاء الله
صبحي :
_تمام يا ابني أن شاء الله ربنا يقدم اللي فيه الخير
تمارا :
_طيب يا استاذ صبحي لو احنا اللي عايزين نبيع شقتنا ونمشي هتاخدها مننا ولا نشوف مشتري تاني ؟
صبحي :
_لا ياست البنات مشتري تاني ليه انا موجود واللي تطلبوة تحت امركم فيه طبعا
تمارا :
_تسلم يارب تمام يومين كدة بس نظبط امورنا ونتأكد من سعر الشقه في الوقت دا بكام ونكلم حضرتك
صبحي :
_تمام في انتظاركم في اي وقت ان شاء الله
استاذنو ومشيو وكلهم جواهم احساس واحد بس صبحي صادق في كلامة ومش هو ورا اللي بيحصل نزلو من عندة من غير اي كلام علي شقه جاد وسيف وبمجرد ما دخلو من باب الشقه وقفلو الباب النور قطع
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية للجن جنون)
