رواية للجن جنون الفصل التاسع 9 بقلم منى محمود بركات
رواية للجن جنون الحزء التاسع
رواية للجن جنون البارت التاسع
رواية للجن جنون الحلقة التاسعة
الخاتمة
بعد مرور سنة كامله علي زياراتهم للشقه مع الشيخ معتز
كانت واقفه تمارا في بلكونة كبيرة متحاوطه بالزرع من كل ناحيه ومكشرة جامد
جه جاد و وقف جنبها وهو بيضحك
جاد:
_ممكن اعرف القمر بتاعي مكشر اوي كدة ليه ؟
تمارا 😒:
_مفيش … اصلا اصلا اصلا الاهتمام مبيطلبش
جاد 😏:
_هو وصلت للاهتمام مبيطلبش لاااااا دا الموضوع كبير اوي
تمارا :
_ممم اوي اوي اوي
جاد :
_طيب يا حبيبي معلش انتي عارفه اني مشغول الفترة دي جامد في المصنع عشان إجازة الجواز اللي خدناها ف بجد مش قادر افتكر انا ممكن اكون ضايقتك في ايه ل درجة انك تفتحيلي الباب وانتي مبوزة كدة وتجري ع هنا
تمارا بزعل :
_انت بقالك يومين يا جيدو بتنزل بدري مش بشوفك ولا بتكلمني حتي في وسط اليوم ولا بالليل بترجع تقعد معايا عشر دقائق حتي هو خلاص يعني كان شهر عسل وخلص ولا انت زهقت مني ؟ مش عارفه ولا ندمت انك ا
قاطعها جاد بصرامة:
_بس بس استوب هنا قبل ما تبدئي تعكي الدنيا وتقولي كلام ملوش لازمة واتعصب عليكي .. ايه اللي بتقوليه دا يا توتا
تمارا :
_مش انت اللي سالتني مالك ؟ وزعلانه ليه ؟ بقولك اهو تتعصب عليا ليه بقا يعني بدل ما تصالحني تزعلني بزيادة ايه دا
جاد :
_لما تبدئي تقولي كلام عبيط يبقا لازم اتعصب يا توتا ندم ايه اللي بتتكلمي عليه … توتا أنا بحبك ومحبتش قبلك ولا هحب بعدك كل الموضوع والله ضغط شغل مش اكتر بسبب الإجازة اللي خدتها يا حبيبتي ومع ذلك حقك عليا يا قلبي انا هحاول اظبط يومي الفترة الجايه عشان الشغل ميجيش علي حساب حبيبي ها مرضيه كدة ؟
تمارا :
_لا فاضل حاجتين كمان وابقي مرضيه واتغدي معاك كمان
جاد :
_ايه هما يا ستي طلباتك اوامر
تمارا :
_تجبلي شكولاته كبيييييرة بالبندق ونخرج مع تارا وسيف عشان وحشوني اوي اوي
جاد وهو بيحضنها :
_انت تؤمر يا قمر أمرك نافذ … ممكن بقا نتغدي ولا ايه انا جعان جدا
تمارا ابتسمت:
_حالا حبيبي علي ما تغير هدومك هكون جهزت السفرة
خرجت تمارا و وقف جاد اخد نفس طويل بهدوء كله راحة وسعادة
سرح بخياله وافتكر اليوم اللي راحو فيه شقه جدة لآخر مرة مع الشيخ معتز
فلاش باك
الشيخ معتز دخل معاهم الشقه واتحرك فيها كلها مسبش مكان الا لما وقف فيه شويه ولسانة بيردد ايات قرآنية طول الوقت وفي الاخر لف وبصلهم بهدوء
معتز :
_الروح اللي موجودة مش مؤذيه هي بس مش مرتاحة في فرق كبير بين الروح المؤذيه واللي بتسعي للراحة …. اعتقد الحل زي ما قلنا هتندفن جمب جوزها والشقه هنحصنها كويس تلت ايام ورا بعض وبعد كدة مش هتحسو بحاجة تاني نهائي
تارا بدهشه:
_بسهوله كدة ؟
معتز ابتسم :
_اه بسهوله كدة
جاد :
_حضرتك متاكد أن مفيش اي حاجة تانيه تتعمل
معتز :
_وهو في اقوي من كلام ربنا نحصن بيه نفسنا والمكان ولا ايه ؟ خلو ايمانكم قوي بالله ها هتعرفو تدفنوها جمب جوزها ولا دا صعب ؟
جاد :
_لا من ناحيه دي سهله انا هتصرف
معتز :
_طب اعتقد الوقت دلوقتي مناسب بس البنات وجودها مش مناسب ممكن يدخلو هما شقتهم واحنا نبدء
سيف:
_تمام ممكن يا تارا تحضرو شنطكم وتقفلو الشقه جوة إنجازا للوقت حتي
البنات هزو دماغهم بموافقة وانسحبو بهدوء وخوف وبدؤ يقفلو في شقتهم بتوتر وسرعه
والشباب بمساعدة معتز قدرو يطلعو الهيكل العظمي بتاع نجاة من المنور ورجعو المنور زي ما كان ونزلو علي مقابر العيلة فتحو وندهو للتربي اللي علاقتهم بيه كويسه و الشيخ حكالة في عجاله أن دي جثه زوجة عمهم وكانت مدفونة في مكان تاني لكن روحها مش مرتاحه وعايزة تندفن جمب جوزها
صدقهم التربي ودفنو نجاة جمب جوزها ورجعو تاني بسرعه علي الشقه
بدء معتز يقرأ القرآن في الشقه كلها ك تحصين ليها وطلب يدخل شقه البنات كمان ويحصنها حتي لو هيسيبو الشقه يبقي زيادة اطمئنان للي هيسكن بعدهم
حصن معتز الشقتين واتكرر الأمر تلت ايام ورا بعض
وفي التلت ايام دول كان جاد اخد الشقتين قصاد بعض هو وسيف في شقه وتمارا وتارا في شقه
حاول الشباب يقنعو البنات أنهم يتجوزو علي طول لكن البنات رفضت كانو محتاجين وقت
وقت يلملمو فيه نفسهم ويتعافو من كم الصدمات اللي خدوها
وقت عشان يكونو جاهزين يكونو أسرة ويكونو مسؤولين عن بيت
وقت عشان يقدرو يفرحو ويحسو بالراحة والهدوء بعد كل اللي عاشوة
وقدام إصرارهم وافق الشباب وانتظروا حوالي ثمن شهور كاملين وبعدها تم الزواج في حفل هادي حضرة الأهل والأصدقاء فقط وسافرو شهر كامل عسل واديه اهو واقف في بيته مبسوط مع مراتة حاسس براحة نفسية كبيرة اوي
باك
تمارا :
_انت لسه واقف مكانك مغيرتش هدومك ليه ؟ انا حضرت السفرة خلاص كدة الاكل هيبرد بقا
جاد :
_معلش حبيبي سرحت شويه بس
تمارا :
_سرحت في ايه بقا ؟
جاد :
_طب تعالي ناكل قبل الاكل ما يبرد واحكيلك واحنا بناكل ممكن
تمارا بحماس:
_انا كمان هحكيلك علي حاجة حلوة اوي اوي وهتفرحك جدا
جاد :
_شوقتيني حاجة ايه
تمارا بفرحة :
_انا حامل .. واعمل حسابك لو بنوتة هنسميها نجاة ولو ولد هنسميه اسماعيل لازم قصه حبهم تفضل في ذاكرتنا يا جاد لازم نفضل فاكرينهم ديما عشان خاطري
جاد بعيون بتلمع من الفرحة :
_خاطرك غالي اوي يا حبيبتي وطلباتك أوامر يا ام اسماعيل
حضنته تمارا بفرحة وحمدو ربنا علب فضله ونعمته ودعي جاد من قلبه أن سيف كمان في اقرب وقت ربنا يراضيه ويفرح زي ما هو فرحان دلوقتي
خلصت حكايتنا ويارب اكون قدرت اوصل اللي عايزاه
مش كل ماضي مهما كان بشع وحصل فيه بلاوي ينفع يتحكي ويكون علي مرأى ومسمع للناس كلها
من سترة ربه ميفضحوش مخلوق جمله كبيرة جدا جدا جدا ياريت الناس تعمل بيها دلوقتي بدل ما بيجرو علي السوشيال ميديا وينشرو اللي ينفع يتقال واللي مينفعش
تمت …
لقراءة الرواية كاملة اضغط على : (رواية للجن جنون)
