رواية البر التاني الفصل الستون 60 بقلم لولو محمد
رواية البر التاني الجزء الستون
رواية البر التاني البارت الستون
رواية البر التاني الحلقة الستون
عبد الله / الرجاله كلهم خرجوا هروح اقعد على البوابه مع الغفر
انتصار تبتسم و تهز راسها عبد الله يبصلها
عبد الله / بس انا عارف ان فى حاجه حصلت
انتصار / مختار و هند خرجوا من غير ما يقولوا لحد و انضرب عليهم نار
عبد الله عنيه توسع انتصار تلحقه
انتصار / بس هم بخير ما اتخدشوش مغاورى لحقهم بس فارس الكلب خدهم على القسم يقفلوا المحضر
عبد الله يبص فى الارض
انتصار / ما تخافش والله بخير هم لو فيهم حاجه انا كنت هقف قدامك كدا
عبد الله يهز راسه و يطلع بره و انتصار تطلع وراه تشوفه بيقعد جنب الغفير و بيبص فى الكاميرات و يبص على انتصار تبتسمله يبص فى الكاميرات تانى تتنهد و تدخل السرايا
…………………………..
فى القسم
فارس قاعد على المكتب و هند قاعده قدامه و فى واحد بيكتب المحضر
فارس / و انتوا متعودين تروحوا المكان ده كتير
هند / اول مره … من فتره طويله جينا قبل كدا مره … تقريبا
فارس / شكلك متوتره … طبيعي بعد اللى حصل
فارس يقوم يقعد قدام هند
فارس / اطلبلك لمون
هند / شكرا مش عاوزه
فارس / كنتوا بتعملوا ايه هناك بقى فى وقت زى ده
هند / عادى بنتكلم
فارس / فى ايه ؟
هند / واحد و مراته هيتكلموا فى ايه … و بعدين انت مش شايف انك بتسال اساله ما لهاش اى علاقه بالحادثه
فارس / و انتى بقى اللى هتعرفيني شغلى و لا ايه
هند تبصله و تبص الناحيه التانيه على الراجل الراجل بيبص لفارس
فارس / انا مش مقتنع باللى حصل
هند تبص لفارس
فارس / ليه ما يكونش الجدع ده معرفه مثلا و انتى …
هند / اياك تنطقها
فارس يبتسم و الراجل يبص لفارس تانى
هند / لو خلصت ممكن امشى ؟
فارس / تؤ لسه ما خلصتش
هند تبص الناحيه التانيه و تكتم جواها
فارس / انتى تعرفى الجدع اللى مات ده ؟
هند / قولتلك لا
فارس / امال اتهجم عليكوا ليه
هند / قولتلك قبل كدا ما اعرفش … انت بتسال نفس الاسئله تانى ليه
فارس / انا هنا اللى بسال و انتى تجاوبى الراجل ده له اى علاقه بالست اياها
هند تبص لفارس
فارس / اول ما جيت البلد مختار قال انه مستهدف و عباده قال ان فى ست بتربط الرجاله من رقابيهم و تسحبهم وراها زى الكلاب
هند تبص فى الارض
هند / انا ما اعرفش انت بتتكلم عن ايه
فارس / متاكده ؟
هند تبصله
فارس / مش خايفه على جوزك ؟ مش يمكن تتكرر تانى ؟
هند / انا ما اعرفش حاجه
فارس / يعنى مش عاوزه تعترفى
هند / بايه ؟ انا قولتلك الحقيقه خرجت مع جوزى و ده ضرب علينا نار حتى مختار ما كانش معاه سلاح يدافع عن نفسه و الحمد لله مغاورى قتله فين المشكله هنا فين
الباب يتفتح و عسكرى يدخل و معاه كارت
فارس / خليه يدخل يا ابنى
العسكرى يخرج
فارس / انتى مش محتاجه محامى
عباس يدخل
عباس / عباس الجارحى
فارس / غنى عن التعريف اتفضل اتفضل
هند تبص لعباس و تبص فى الارض
فارس / ما كانش فى داعى يتعبوك و انت على ما سمعت كنت متصاب قريب
عباس / الحمد لله بقيت بخير تسلم
فارس / احنا خلصنا مع مدام هند تقدر تتفضل
هند تقوم تقف
فارس / تمضى بس على اقوالها
هند تروح تمضى
فارس / هنتقابل تانى يا مدام هند
هند تبصله و تبص لعباس
فارس / تمام يا متر احنا خلصنا تقدر تمشى بس ياريت ما تطلعيش بره البلد يمكن نبعت نجيبك
هند تبص لفارس
فارس / لو احتجنا ناخد اقوالك تانى و لا حاجه
هند تبص فى الارض و تهز راسها
فارس / تقدرى تتفضلى
هند تجرى تفتح الباب و تطلع بره تلاقى مختار واقف جنبه مغاورى و الناحيه التانيه الزنايته واقفين هند تروح ناحيه مختار العسكرى ينادى عليه
العسكرى / سى مختار … فارس بيه عايزك
هند تقف وتبص لمختار يعدى من جنبها
مختار / روحى لناصر
مختار يدخل جوه و الباب يتقفل هند تروح ناحيه ناصر
امين / انتى كويسه الجدع ده عملك حاجه
هند تبص لناصر و الدموع تنزل من عنيها
ناصر / تعالى
الرجاله توسع و ناصر يمشى و هند وراه يروح يفتح العربيه و يركبها و امين واقف
ناصر / هاتلها حاجه ساقعه من الكشك
امين يهز راسه و يجرى
ناصر / انتى كويسه
هند / الجدع اللى جوه ده
ناصر / عملك حاجه
هند / مش راضى يصدق عاوز يتهمنا ان احنا اللى قتلناه .. دا بيسالنى عن فيرا
ناصر / قولتيله ايه ؟
هند / قولتله انى ما اعرفش بيتكلم عن ايه
ناصر / جدعه
هند تعيط ناصر يشد مناديل من العلبه على التابلوه و يناول هند
ناصر / انشفى انتى مراه مختار الزيني ارفعى راسك
هند تبصله ناصر يناولها المناديل
ناصر / امسحى دموعك
هند تاخد المناديل و تمسح دموعها و تبص فى الارض امين يوصل و يديله ازازه سيفن ناصر ياخدها و يشاورله بدماغه امين يهز راسه و يمشى ناصر يناول هند الازازه
ناصر / اشربى … هدى نفسك … انا ممكن اروحك
هند / لا … مختار
ناصر/ عارف عارف عشان كدا كنت هكمل و اقول انك مش هترضى تمشى و تسيبى مختار
هند / الجدع اللى جوه ده
ناصر / مش قدنا الجدع اللى جوه ده بطوله و احنا البلد بحالها و زياده
هند تبص لناصر
ناصر / لو حد هيخاف من التانى يبقى هو اللى يخاف مش احنا … عرفتى ليه بدا بيكي
هند تهز راسها
ناصر / والله اللى عمرى ما حلفت بيه باطل لدفعه تمن دموعك دى بس اشربى انتى دلوقت و اهدى
هند تهز راسها و تشرب بق ناصر يبتسم و يهز راسه
………………………
فى القسم
مختار / انا قولتلك اللى حصل
فارس / يعنى مش الست اياها اللى بعتاه
مختار / ست مين
فارس / اللى بتربط الرجاله و تسحبهم وراها زى الكلاب
مختار / مش عارف انت بتتكلم عن مين
فارس / امال عباده كان بيتكلم عن مين
مختار / كان بيهزر
فارس / امال كنت لابس درع واقى ليه و قولتلى انك مستهدف ليه كلكوا كنتوا لابسين درع واقى يوميها ليه
مختار يبص لفارس فارس يبتسم
مختار / عشان مستهدف
فارس / حلو اوى جميل قولى بقى مين اللى مستهدفك
مختار / ما اعرفش الفتره اللى فاتت حصلت حوادث كتير فى البلد و اخرهم عباس
مختار يشاور على عباس
فارس / و مع كدا خدت المدام و خرجتوا فى ساعه زى دى و لوحدكوا على النيل لا و من غير قميص واقى كمان و لا انت ما بتلبسوش غير وسط الرجاله
مختار / غلطه ما كانش المفروض اعملها
فارس / ايه اللى خرجوا الوقت ده
مختار / قولتلك كنا بنغير جو اتخنقنا من السرايا بقالها ياما ما بتخرجش
فارس / ليه
مختار / تعبانه
فارس / خير كفاها الله الشر
مختار / كانت حامل و نزلت
فارس / اااااه بس انا لما كنت عندكوا كانت كويسه ما شاء الله
عباس / فارس باشا هو مختار او جماعته متهمين بحاجه
فارس / لا لا احنا بس بندردش بحاول بس افهم اللى حصل
مختار/ و انا شرحتلك اللى حصل و ما يتهياليش ان اقوالى فرقت عن اقوال مراتى و لا هتفرق عن اقوال مغاورى
فارس / اهو ده بقى حكايه تانيه انت و مراتك و خارجين سوا حقكوا طبعا خصوصا انكوا برده عرسان جداد مغاورى بقى كان بيعمل ايه هناك
مختار / نجده من ربنا لينا يتكتبلنا على ايديه عمر تانى
فارس / سبحان الله … هقولك نفس الكلام اللى قولته لهند
مختار يبص لفارس
فارس / انا مش مقتنع باى حاجه من الحكايه دى
مختار / دى حاجه ترجعلك مسرح الجريمه قدامك عاين العربيه و الطلق اللى انضرب فيها طلع من سلاح مين و شوف السلاح ده عليه بصمات مين و الطلق اللى فى جسم ابن الكلب ده طلع من سلاح مين و انت تعرف الحقيقه
فارس / ما كل ده سهل يتلعب فيه
عباس / فارس باشا حضرتك بتتهم موكلى
فارس / ابدا ابدا قولتلك اننا بندردش بس
مختار / انا قولت الحقيقه
فارس يهز راسه
فارس / تمام يا مختار تعال امضى على اقوالك و امشى انا متاكد ان هند بره مستنياك
مختار يقوم يمضى
فارس / اعصابها تعبانه من الخضه بس الشهاده لله بت اسد
مختار يبصله
فارس / واحده غيرها كانت انهارت عن كدا
مختار / احنا صعايده و الحاجات دى
فارس / بس تحرياتى عنها انها مش من الصعيد من مصر
مختار / من عاشر القوم اربعين يوم يا فارس بيه
فارس / بجد طب والله طمنتنى انا كدا بقيت منكوا بقى و لا لسه عليا شويه
مختار / ممكن امشى و لا حضرتك محتاج منى حاجه تانى
فارس / ياريت تقول لهند ما تزعلش منى ان كنت ضغط عليها كدا و لا كدا انا بس كنت بشوف شغلى مش اكتر
مختار / ما يكونش عندك فكر
فارس يبتسم مختار يطلع بره و هو كاتم جواه و يبص لمغاورى امين يروحله
امين / ايه الاخبار
العسكرى ينده على مغاورى
العسكرى / سى مغاورى
مغاورى يقوم يدخل جوه و يعدى من جنب مختار
مختار / هند فين
امين / فى العربيه بره مع الكبير
مختار يطلع بره و هو بيتكلم فى التليفون
فيرا / ما تقولش وحشتك
مختار / قسما بالله لندمك على اللى عملتيه النهرده ده
فيرا / ما قولتلك مستنياك الا انت اتاخرت كدا ليه
مختار / هيجي عليكي اليوم اللى تندمى فيه على كل فرصه كان ممكن تقتليني فيها و ما قتلتنيش
فيرا / دول كتير اوى يا مختار حتى دلوقت و انت بتكلمنى بس انا مش هقتلك يا مختار انا هخليك انت اللى تموت نفسك
مختار يطلع بره القسم و يقف
مختار / عشم ابليس فى الجنه
فيرا / هو مغاورى مقالكش انا نويالك على ايه … اخص عليه
مختار / اعلى ما فى خيلك اركبيه
هند تشوف مختار تنزل من العربيه و هو عينه عليها
فيرا / الاول هقتل كل حبايبك و هاخد هند و مريم و اخليك تشوفهم قدام عنيك و انا ببيعهم و لا اقولك انا مش هبيعهم انا هرميهم لكلابى يتسلوا عليهم و اخليك تتفرج عليهم
هند تتحرك ناحيه مختار
فيرا / هخليك تسمع صريخهم و ما تقدرش تعملهم حاجه و هنشوف بقى هتقدر تستحمل اللى بيحصل ده قد ايه
هند توصل لمختار
مختار / كان غيرك اشطر
مختار يقفل السكه
هند / انت كويس ؟
مختار يبتسم و يهز راسه و ياخدها ناحيه العربيه اول ما يوصل
ناصر / لما نروح حسابك معايا عسير
هند / انا اللى
ناصر / هند
هند تسكت و تبص على مختار و تبص فى الارض مختار يفتحلها الباب اللى ورا تركب يقفل الباب
ناصر / كنت بتكلم مين
مختار / بعدين
ناصر يبص على هند و يبتسم
ناصر / روحها و انا هستنى مغاورى و احصلك
مختار يهز راسه و يروح يركب و يسوق و ناصر متابعه
……………………….
فى القسم
مغاورى / للمره العاشره بقولك صدفه كنت معدى بالصدفه
فارس / سبحان الله
مغاورى / ربك بيسبب الاسباب ليهم عمر
فارس / يعنى انت مش شايف انها غريبه انك تخرج من البيت من غير سبب و تتمشى فى الشوارع
مغاورى / ما غريب الا الشيطان يا باشا دى عادتى بحب اعدى فى الشوارع بالليل اطمن على الناس
فارس / و هم نايمين
مغاورى / ما سيدنا عمر كان بيعمل كدا
فارس / ما شاء الله و انت بقى عمر عصرك و اوانك
مغاورى / استغفر الله اش جاب لجاب بس هو يعنى عشان مش هنقدر نبقى فى مقامه نقوم ما نخدوش قدوه
فارس / انا مش هكدب عليك انا لا ههدى و لا يرتاحلى بال الا اما اعرف مين الجدع ده
مغاورى / طب بالله عليك يا باشا لما تعرف تقولى و ياريت تقولى دخل البلد ازاى
فارس / هو مش من هنا
مغاورى / لا لو كان كنت عرفته و كنت دليتك و وفرت وقتك و تعبك
فارس / طب ما توفر عليا وقتى و تعبى و تقولى مين الست اللى مختار خايف منها اوى كدا
مغاورى / هههههههههههههههههههههه مختار ههههههههههه يخاف من ست …. والله ممكن بس هتبقى مراته
عباس / ههههههههههههههههههههههه
مغاورى / ما تفهمنيش غلط هى يبان عليها غلبانه بس هو بيعملها الف حساب والله
عباس / اصل ابوها الله يرحمه كان مامنه عليها قبل ما يموت
فارس / اه ما انا عارف الحكايه دى اهلها كانوا عاوزين يجوزوها لابن عمها غصب و حوار كدا الا صحيح هو مختار اللى حرق المحل بتاع عمها
مغاورى / انا ما عرفش اى حاجه عن الكلام اللى سعادتك بتقوله ده احنا من يوم ما عرفناها ما لهاش غير امها و اخواتها عبد الله و بت صغيره اسمها ياسمينا
فارس / تمام تمام بس انا ما بتكلمش عن هند بتكلم عن ست تانيه
……………..
(((((( البر التانى )))))))
لولو_محمد
الحلقه ١٤٢
مغاورى / استغفر الله اش جاب لجاب بس هو يعنى عشان مش هنقدر نبقى فى مقامه نقوم ما نخدوش قدوه
فارس / انا مش هكدب عليك انا لا ههدى و لا يرتاحلى بال الا اما اعرف مين الجدع ده
مغاورى / طب بالله عليك يا باشا لما تعرف تقولى و ياريت تقولى دخل البلد ازاى
فارس / هو مش من هنا
مغاورى / لا لو كان كنت عرفته و كنت دليتك و وفرت وقتك و تعبك
فارس / طب ما توفر عليا وقتى و تعبى و تقولى مين الست اللى مختار خايف منها اوى كدا
مغاورى / هههههههههههههههههههههه مختار ههههههههههه يخاف من ست …. والله ممكن بس هتبقى مراته
عباس / ههههههههههههههههههههههه
مغاورى / ما تفهمنيش غلط هى يبان عليها غلبانه بس هو بيعملها الف حساب والله
عباس / اصل ابوها الله يرحمه كان مامنه عليها قبل ما يموت
فارس / اه ما انا عارف الحكايه دى اهلها كانوا عاوزين يجوزوها لابن عمها غصب و حوار كدا الا صحيح هو مختار اللى حرق المحل بتاع عمها
مغاورى / انا ما عرفش اى حاجه عن الكلام اللى سعادتك بتقوله ده احنا من يوم ما عرفناها ما لهاش غير امها و اخواتها عبد الله و بت صغيره اسمها ياسمينا
فارس / تمام تمام بس انا ما بتكلمش عن هند بتكلم عن ست تانيه
……………..
مغاورى / و لا تانيه و لا تالته مختار ما لوش فى الحريم
فارس / لا ما اقصدش كدا
مغاورى / يا باشا مختار الزيني ما يخافش من حرمه
فارس / امال كان لابس واقى رصاص ليه
مغاورى / طب ما انا لابسه دلوقت اهو
مغاورى يفتح هدومه
مغاورى / هى جريمه يا باشا نازل متاخر اللف فى الشوارع بامن روحى
فارس / بس هو ما كانش لابسه دلوقت
مغاورى / تلاقيه خاف يلبسه يخض مراته و لا حاجه بقولك بيعملها حساب و هى بت مصراويه طريه كدا و مش واخده على عيشتنا
فارس / بالعكس دا مش راى مختار ابدا دا غير ان اى واحده غيرها كانت انهارت من اللى حصل
مغاورى / بص يا باشا انا ما افهمش فى الحريم اوى بس اللى اعرفه ان مره فى الملعب مختار و عبد الله اخوها خدوا علقه موت اتحجزت فى المستشفى ما استحملتش
فارس / شوفت اهو …يبقى رد فعلها النهرده مش طبيعى يبقى كانت عارفه ان الجدع ده هيجي
مغاورى / ايه الكلام ده يا باشا
فارس / تفتكر خروجهم كان فكره مين مختار و لا هند
مغاورى / ما اعرفش هبقى اسالهم
فارس / تخيل معايا السناريو ده … هند اتحايلت على مختار يخرجوا سوا و هو عشان زى ما انت بتقول بيعزها ما قدرش يقول لا … هى بقى سحبته فى المكان اللى مستنيهم فيه الجدع التانى
مغاورى / باشا
فارس / تفتكر مختار لو مات هند هتورث كام
مغاورى / هتموت وراه يا باشا و بلاش الكلام ده عشان بيزعل
فارس / انا بحكم شغلى لازم ادرس كل الاحتمالات
مغاورى / ادرسها بعيد عن سمعه حريمنا عشان احنا ممكن نسامح فى اى حاجه الا دى
فارس / معاك حق طبعا بس افرض كلامى صح
عباس / فارس باشا ما يصحش الكلام ده
فارس / مهو خليك معايا يا متر بنت بالرقه دى ينضرب عليها نار و راجل يموت قدامها و هى عادى كدا
عباس / ما يخصهاش و يمكن لو كان فى سلاح فى ايدها كانت دافعت عن نفسها و عن جوزها و قتلته هى
فارس / و انهارت بعدها
عباس / هى مدام هند متهمه بحاجه
فارس / لا … لحد دلوقت لا
مغاورى / انت كدا بتضيع وقتك يا باشا
فارس / ما انا محتاج امسك طرف خيط يا مغاورى و انتوا ما حدش فيكوا عاوز يساعدنى مختار قالى بنفسه انه مستهدف و عباده قال ان فى ست بتربط الرجاله و فى حد حاول يقتل مختار ربط انت الاحداث و قولى
عباس / ما انا انضربت بالنار
فارس / و اتقيدت ضد مجهول … بس الكلام ده كان قبل ما انا اجى يا متر … دلوقت … كل حاجه اتغيرت … و لا انت عاوز اللى حصلك يحصل لغيرك
عباس / ربنا يعينك
فارس / شكرا … على العموم يا مغاورى بيه احنا خلصنا بس للاسف مضطرين نتحفظ عليك معانا شويه لحد ما نخلص باقى الاجراءات حضرتك عارف انك قتلت واحد و معترف دا غير ان الاتنين اللى كانوا معاك شهدوا ضدك
مغاورى / و ماله يا باشا القانون لازم ياخد مجراه
فارس يبتسم و مغاورى و فارس و عباس يقوموا يقفوا و يبصوا لبعض
……………………
فى سرايا الزنايته
سماح / يعنى ايه هيحبسوه
ناصر / كام يوم لحد ما التحقيقات تخلص و انا كلمت المحافظ هيكلمهم يخلصوها بدرى بدرى و يخرج
سماح / انا مش فاهمه حاجه دا جزاته يعنى … المفروض يشوف حاجه زى دى و يسكت
شاكر / دا شغل حكومه يعنى اجراءات و ورق الحاجات دى بتاخد وقت بس هو كدا كدا خارج
فاطمه / هم لما هيحللوا للراجل ده مش هيعرفوا انه بياخد الزفت ده
عباده / لا مش هيبان فى التحاليل بتاعتهم
فاطمه / امال هيحصل ايه
عباده / هنشوف ياما كلو هيبان و بعدين ان شاء الله خير
سماح / على الله ست هند تكون مبسوطه تخرج و تتفسح و غيرها يتحبس
ناصر / سماح
سماح / ايه يا كبير قولت حاجه غلط كلنا ممنوعين من الخروج
ناصر / و انتى قاعده فى البيت اوى بلاش انتى تتكلمى
سماح / ازاى و خطيبى انا اللى محبوس
شاكر / سماح
سماح / سكت انا طالعه اوضتى
سماح تطلع فوق
فاطمه / البت بتتكلم من قهرتها … بس العيب مش على هند مختار ازاى يعمل كدا طب كان قال لحد من الغفر كانوا طلعوا معاه
انتصار / الحمد لله انها جت على قد كدا لو ما كانش مغاورى ربنا وحده اللى يعلم باللى كان هيحصل
ناصر / ما كانش هيحصل حاجه
عباده / ربنا وحده اللى يعلم يا كبير كان ممكن
ناصر / اللى حصل النهرده ما كانش مترتبله ما حدش كان عارف ان مختار و هند هيخرجوا و الجدع ده كان لسه داخل البلد و كل اللى حصل كان صدفه
فاطمه / امال لو كانوا رتبوله كانوا هيعملوا ايه
ناصر / كانوا هيبقوا كتير مش واحد بس و ساعتها ربنا وحده اللى يعلم باللى كان هيحصل
مختار ينزل من فوق الكل يبص عليه
انتصار / عامله ايه يا كبدى بطلت عياط
مختار / نامت و امها جنبها
مختار يبص لناصر ناصر يبص الناحيه التانيه و يقوم يدخل المكتب مختار يروح وراه و يقفل الباب ناصر يروح يقعد على الكنبه
ناصر / اقعد يا مختار
مختار يروح يقعد
ناصر / طول الطريق و انا بقول انى اول ما هحط ايدي عليك هعلقك و اخليك عبره فى حد عاقل يعمل كدا بترمى مراتك فى النار بايدك افرض كان جرالها حاجه افرض مغاورى ما كانش جه افرض خدوها منك
مختار / كانت غلطه … تقصير منى بعترف بس هى كانت مخنوقه طول الليل
ناصر / انت فاكرنا مش حاسين بيها فاكرنا مش فاهمينها بس كنت قولنا انك خارج نبعت عربيتين تلاته يحاوطوا عليك يامنوك من بعيد حتى من غير ما هى تحس
مختار / غلطت … و عارف … اتغريت … ما حسبتهاش صح … بس والله العظيم ما هسكت
ناصر / هتعمل ايه هتروحلها
مختار / انت عارف قالتلى ايه فى التليفون
ناصر / كان باين على وشك
مختار / هددتنى بهند و مريم
ناصر / و ايه الجديد
مختار / هو مغاورى قالك
ناصر / قال لعباده و عباده قالنا مش هتقتلك هتقتلنا كلنا و انت لا هتسيبك تتقهر على روحك لحد ما تموت روحك
مختار / و ساكت
ناصر / لا … انت شايفنى ساكت يا مختار
مختار / بس ما وصلناش لحاجه
ناصر / عشان انت مكتفنى عشان ما تحرقش صاحبك … اللى يا عالم لسه معانا و لا
مختار / معانا
ناصر / واثق فيه باماره ايه دا يبيع ابوه عشان الجنيه
مختار / انا عارفه
ناصر / عايش معاها اكل شارب نايم فى بيتها ما حطتلوش مره من الزفت ده
مختار / لا انا ضاربه بايدى يوم ما اخد سمر
ناصر / يا فرحتى هو مش كان فى بيتها ما قالكش ليه ان فى كاميرات على الطريق
مختار / ما كانش يعرف … حتى ما كانش يعرف هنهجم امتى نقول قالها
ناصر / الجدع ده انا لا طايقه و لا بثق فيه
مختار / بس بتثق فيا مش كدا
ناصر / على الله حكمك على رشيد يكون على اساس مختار القديم لحسن مختار اللى شوفته النهرده حكمه مايل
مختار يبص فى الارض
ناصر / قسما بالله لولا انها لو شافت فيك خربوش هتوجع دماغى و مش بعيد تعملى قهوه و تسمنى
مختار يضحك و يحاول يكتمها
ناصر / انا كنت عبيتك فى كيس الرمل و نزلت فيك بونيات و شلاليت لما يبانلك صاحب
مختار / و اهون عليك يا كبير
ناصر / الحركتين دول تعملهم على مراتك ما يخيلوش عليا يا ابن الزيني
مختار يبص لناصر و يبتسم
ناصر / غور من وشى انا مش طايقك
مختار يحضن ناصر
ناصر / وسع يا مختار بجد … مختار … بقولك وسع … هضربك
مختار / اضربنى بس ما تزعلش منى
ناصر / بتقولها بقلب جامد عشان عارف ان هند حمياك
مختار / ههههههههههههه انت اللى حاميني يا كبيرنا انا و هند و كلنا يخليك لينا يارب
ناصر / امين يا خويا يلا اطلع يلا شوف هتنام و لا هتعمل ايه قلقت منامنا و راحتنا و نكدت علينا
مختار يبص فى الارض و يقوم و يجى يمشى
ناصر / الوليه دى قالتلك ايه عن هند و مريم
مختار / هتاخدهم
ناصر / طموحه اوى ما شاء الله بس هبله و النوعيه دى بيتحط عليها جامد اوى
مختار يبتسم
ناصر / و انت قولتلها ايه
مختار / كان غيرك اشطر
ناصر / ان كانت هند مراتك فالبنتين بناتى يا مختار
مختار يهز راسه و يمشى ناصر يقوم و يطلع وراه مختار يطلع فوق انتصار تروح ناحيه ناصر
انتصار / كلمته فى ايه اوعى تكون شديت عليه دا فيه اللى مكفيه
ناصر / كلنا فينا اللى مكفينا يلا ما لهاش لزمه اللمه دى يلا
الكل يقوم و ناصر متابعهم
…………………….
فى اوضه مريم
مختار يفتح الباب يلاقيها قاعده على السرير بتقرا فى روايه
مختار / ادخل ؟
مريم تتعدل و تحط الروايه جنبها
مختار / قاعده لوحدك ليه ؟ انا افتكرتك نايمه
مريم / حاولت ما عرفتش
مختار يروح يقعد جنبها و ياخدها فى حضنه مريم تستغرب
مريم / هو فى ايه ؟
مختار / بحبك
مريم / ما انا عارفه بس … و انا كمان
مختار يحضنها اكتر
مختار / كبرتى يا بت و بقيتي عروسه
مريم / طب والله فيك حاجه
مختار / هههههههههه تعرفى ان الواد عبد الله بيحبك اوى
مريم / مهو خطيبي
مختار / طب ما نخليه يبقي جوزك ايه رايك
مريم / انت كدا بتيجي عليه جامد هو اللى طلب منك كدا
مختار / لا احنا اللى زهقنا منك
مريم / عمى
مختار / ههههههههههههههه كدا كدا هتكتبوا الكتاب قريب هتفرق فى ايه بقي اما نخليها دخله علاطول
مريم / و الكليه و مدرستي هيقدر يا عمى هيقدر يفتح بيت و يزاكر فى نفس الوقت
مختار / ان كان على الفلوس
مريم / مش هيرضي عبد الله مش هيرضي كرامته هتوجعه مش عبد الله يا عمى اللى يعيش بفلوس اهل مراته
مختار يبص فى الارض و يبتسم و يهز راسه
مريم / و انا .. طب لو حصل حمل هعمل ايه انت عارف ان نفسي فى الطب و دى محتاجه مزاكره و تفرغ
مختار / و انتى هتعملى ايه ما انتى اكله شاربه نايمه مانتخه
مريم / دى انا
مختار / وقتها هتبقي كدا
مريم/ طب ما فكرتش الناس هيقولوا ايه لما تستعجلوا على جوازى كدا
مختار/ هيقولوا مستعجلين على الفرح جوزوا البنتين سوا
مريم / انت كلمت عبد الله فى الكلام ده انا متاكده انه لا
مختار / هيوافق دا مش بعيد يديني بوسه كمان
مريم / و ابويا رايه ايه
مختار / ابوكى زعلان منى بس ما تشغليش بالك انا هكلمه المهم انتى رايك ايه جاهزه لحاجه زى دى
مريم / و هى الحاجات دى بيتجهزلها بتلبس علاطول
مختار / ههههههههههههههههههه مجرمه طب جاهزه تلبسي يعني و لا هبقي باجى عليكي
مريم / اللى تشوفه
مريم تبص فى الارض بخجل مختار يبتسم و يبوس راسها و يقوم يطلع بره و يقفل الباب يلاقي ناصر طالع السلم يبصوا لبعض مختار يبتسم ناصر يبص الناحيه التانيه و يروح لاوضته الابتسامه تروح من وش مختار و يطلع يلاقي عباده واقف على باب اوضته
عباده / انت توهت فى البيت و لا ايه
مختار / كنت بطمن على مريم فى حاجه و لا ايه
عباده / قادر تقعد معايا شويه على السطح و لا تعبان … هند نايمه الحاجه ام عبد الله لسه قيلالى
مختار / هتهزانى انت كمان
عباده / والله لو عليا هرميك من فوق السطوح بس انت شكلك خدت حقك و زياده فتعال نتكلم شويه
مختار يهز راسه و يطلعوا السطح
……………………
فى اوضه هند
هند تقلق تقوم تقعد شيري تجرى تقعد جنبها على السرير
هند / هو مختار فين
شيري / مع الكبير تحت بيتكلموا
هند تهز راسها
شيري / بقولك يا هند انا عارفه انه مش وقته بس انا … هند ما تيجي نرجع مصر اليومين دول
هند / بطلى هزار يا ماما مصر ايه
شيري / يا بنتى انا فاهمه والله بس
هند / عبد الله دراسته هتبدا خلاص و انا مستحيل اسيب مختار و بعدين هنرجع مصر ازاى احنا ماجرين شقتنا و الشقه اللى ماجرينها هنا و الحضانه
شيري / فاهمه فاهمه بس
هند / ما بسش يا ماما ما ينفعش طبعا و بعدين انتى لازم تفهمى ان هنا احسن مكان بالنسبالنا هناك خطر علينا
شيري / حتى بعد اللى حصل النهرده
هند / خصوصا بعد اللى حصل النهرده انا عمرى ما ابعد عن مختار و لا هو هيوافق يا ماما انا عارفه ان الجو ده جديد علينا و صدقيني والله تاعبني بس غصب عنى نصيبنا كدا … صدقيني يا ماما لو فى اى مكان فى الدنيا امان عن هنا مش هتاخر ثانيه ابعتك انتى و اخواتى بس ما فيش الناس دى هتحمينا باى تمن حتى لو ارواحهم الناس دى
شيري / الناس دى اجدع ناس بس انا يا بنتى
هند / ماما لو سمحتى اهدى قومى اتوضي و صليلك ركعتين و اهدى و بلاش الكلام فى الموضوع ده
شيري / تمام يا حبيبتي تمام
……………………
على السطح
عباده / ههههههههههههههههه انت عارف انها بتهتك مش اكتر
مختار / و عشان كدا ما قولتليش
عباده / خفت اشوف النظره دى فى عنيك … انت عبيط و لا ايه دى بتحلم
مختار/ البت سمر بتاعه رشيد كانت حكتله … ان اخوها قتل نفسه عشان كان فاكر انه بكدا هيبعد فيرا عن اخته و طلع غطان و مات هدر
عباده / و انت بقي كنت ناوى تموت قريب و لا حاجه اعمل حسابى و اكوى الجلبيه السوده
مختار يبصله و يضحك و يبص الناحيه التانيه
عباده / ده يعلمك درس ان اللى يجي على عباده بيتحط عليه من كل حته عشان تبقي تتنطت عليا تانى يا بتاع الجى بى اس انت
مختار يبتسم
عباده / كلم رشيد تانى خليه يخلع
مختار / مش راضي سمر مكتفاه
عباده / اقول ايه بس
مختار / حبها … و بيني و بينك البت غلبانه و ضحيه
عباده / الله اعلم بصراحه … انا اتعودت ما اثقش فى حد و خصوصا الحريم
مختار يبتسم
عباده / خلينا فى المهم ناوى على ايه
مختار / و الله انا كنت ناوى انام بس انت ندهتلى
عباده / قول و الله دا انا قولت بعد اللى حصل هنطلع طلعه تجيب فيها عليها واطيها هتنام بجد ؟
مختار / هيحصل بس هنام دلوقت و لما اصحى نشوف الطلعه دى نظامها ايه
عباده يبص لمختار باستغراب مختار يطبطب على كتب عباده و يمشى و عباده متابعه
……………………
فى القسم
فارس واقف فى المكتب لوحده عند الشباك بيتكلم فى التليفون
فارس / انا مش هقدر احجزه كتير و انتى عارفه علاقاتهم واصله لحد فين
فيرا / انا مغاورى ما يهمنيش طلعه
فارس / طب و نبقا عملنا ايه
فيرا / فى عربيه مركونه على اول البلد عليها بصمات الفاشل اللى بعته و مش بس كدا فيها شويه صور و جوابات هتساعدك
فارس / مش فاهم
فيرا / لا فاهم و هتنفذ
فارس / انتى بتضيعى وقت كل ده
فيرا / انا بضيع وقتهم هم
فارس / بس انتى كدا بتحرقيني
فيرا / طب ما انت محروق من اول يوم يا فارس و لا انت مش واخد بالك
فارس / ايوه بس مش قادرين يمسكوا عليا حاجه انما كدا انا ممكن اصحى الصبح الاقى نفسى منقول فى حته تانيه
فيرا / هينقلوك فين ابعد من الصعيد يعنى و بعدين و ماله التغيير مطلوب عشان الملل و بعدين انت ليه محسسنى انك حتى لو اترفدت هتزعل هو اللى بتاخده من البلد دى يتزعل عليه
فارس / مهو اللى باخده منك باليمين برجع اديهولك بالشمال
فيرا / اااااه قول بقى كدا طب ما تيجى علاطول ليه اللف و الدوران … حاضر هظبط بس انجز
فارس / حاضر … امرى لله
فارس يقفل و يبص من الشباك
…………….
فى اوضه هند
مختار يفتح الباب شيرى تقوم تقف و هند قاعده مربعه على السرير
مختار / انا اسف ما كنتش اعرف ان حضرتك هنا ما خبطتش
شيرى / و انت هتستاذن كمان عشان تدخل وضتك … هسيبكوا ترتاحوا و اروح انام انا كمان يلا تصبحوا على خير
هند / و انتى من اهله
شيرى تعدى من جنب مختار يوقفها و يبوس راسها تبصله باستغراب يبتسم تطبطب على كتفه و تمشى
هند / المفروض اغير انا بقى و لا ايه
مختار يقفل الباب و يروح ينام جنبها و يحط راسه على ركبتها و يمسك ايدها و يحطها على شعره تلعب فيه و هى مبتسمه
مختار / انا اسف
هند / على ايه
مختار / انا اللى صممت نخرج و كمان ما عملتش حسابى
هند / يا سيدى عدت على خير بس ان شاء الله مغاورى ما يتاذيش بس غير كدا مش مهم
مختار / هيخرج مش هيقدر يحجزه اكتر من كدا المشكله فى اللى هيحصل بعد ما يخرج الجدع ده ما ينفعش يتساب وسطينا لازم نخلص منه النهرده قبل بكره
هند / هتقتلوا الظابط !!!
مختار يقوم يقعد
مختار / لا اله الا الله مين جاب سيره القتل بس
هند / امال هتخلصوا منه ازاى
مختار / يعنى يبعد عن بلدنا و خلاص
هند تهز راسها مختار ينام على رجل هند تانى هند تلعبله فى شعره
مختار / مع انه يستاهل والله بس الموت رحمه له و للى زيه مفيش حاجه ممكن تخلينى انسى او اسامح اللى حصل النهرده انا بس محتاج وقت ارتب نفسى و بعد كدا هفوقلهم كلهم واحد ورا التانى … يمكن ساعتها بس نارى تهدى
هند / تحب احكيلك حدوته
مختار يرفع عينه و يبصلها
مختار / بتعرفى تحكى حواديت
هند تبتسم
هند / هحكيلك حدوته العصفوره و النسر
مختار / حلوه الحكايه دى ؟
هند / انا شخصيا بحبها
مختار / طب احكى
هند / صلى على النبى
مختار / اللهم صلى و سلم ع يا نبى
هند / كان يا ما كان فى سالف العصر و الاوان بلد بعيده متحاوطه بالجبال و الوديان على واحد من الجبال دى عش كبير عايش فيه نسر خطير يطلع كل يوم يصطاد و مش واخد باله ان فى فى الوادى كوخ صغير جميل متعلق على شباكه قفص دهبى صغير جواه عصفوره نونو بتابعه كل يوم العصفوره ما كانتش تعرف انه نسر عشان هو بعيد جدا فكانت شيفاه صغير قدها كانت بتشوفه بيطير و هى فى قفصها محبوسه جناحاتها مقصوصه صحابها حطينها فى قفص من دهب مليان اكل و شرب بيتفرجوا عليها و يحبوها و من حنانهم بيسقوها
هند تبص على مختار مغمض عينه يفتح تبتسم و تكمل
هند / بس مهما كان القفص جميل العصفوره كان حلمها تطير فى كل مره كانوا يفتحوا القفص كانت تحاول تهرب بس ما بتعرفش بتقع اصلها ما بتعرفش تطير فيمسكوها و يكسروا جناحاتها و يقصوا ريشها و يحطوها فى القفص تانى لحد فى يوم النسر و هو بيطير شاف القفص و شاف اللى حصل بس النسر لوحده و هم كتير لو حاول ينقذها هقتلوه رجع الجبل و نادى اهله و صحابه و راحوا هاجموا القريه و شغلوا اهلها و خطفها النسر على عشه و كسر القفص و طلعها
هند تبص على مختار مغمض
مختار / ما تقوليش اكلها فى الاخر
هند / انت لسه صاحى
مختار يتعدل
مختار / النسر عمل ايه مع العصفوره
هند / فى الاول لما شافت حجمه اتخضت خافت ياكلها بس هو فاجئها علمها تطير و على قد ما كانت خايفه على قد ما كان بيشجعها و يحميها تطير و يطير حواليها يبعد عنها الوحوش و الصيادين حتى النسور التانين الوحشين بس النسر عشان ينقذها ضحى و كشف المستور و كشف مخبا باقى النسور اهل القريه خافوا على حاجتهم النهرده خطفوا العصفوره يا عالم بكره هيسرقوا ايه تانى النسور اتجمعت و النسر و سطيهم بيحددوا مصير العصفوره قالهم مش هرجعها قالوله هنموت و تموت وسطينا هتضحكى بالنسور عشان عصفوره … لو انت مكانه هتعمل ايه
مختار / هو لازم اختار اكيد فى حل
هند / و هو ده اللى النسر قاله قالهم ارض الله واسعه نشوف جبل تانى نعيش عليه و نبعد عن الناس الوحشين النسور اتقسموا من اللى قالوا و احنا مالنا نسيب ليه حالنا و مالنا لا احنا اللى هاجمنا القريه و لا احنا اللى اخدنا العصفوره
مختار ينام تانى على رجل هند و هى تلعب فى شعره
هند / منهم اللى قال رجلى على رجل اخويا ابن امى و ابويا و منهم اللى قال مهما سافرنا اهل القريه مش هيسيبونا و من قريه لقاريه هيحصلونا و هنعايش مطاريد طول العمر و من هنا لهنا دا يتكلم و دا يزعق و العصفوره قاعده وسطيهم بتشوفهم و هم بيحددوا مصيرها يا ترجع القفص تانى يا هتهدد حياه النسور و اولهم نسرها الجسور قالتلهم انا هرجع القريه و ساعتها هيسيبوكوا النسر قالها مستحيل اتخلى عنك و مهما يحاولوا يقنعوه او حتى يهددوه ما قبلش ينفذ القرار و اخدها و على العش طار
هند تبص على مختار مغمض
هند / النسور اتجمعت و اتكلموا و اتقسموا نص بيقول ابننا و نص بيقول ما دام هيخالف امرنا يبقى مش مننا النسر الكبير قام و قال انا لقيت الحل احنا هنقتله و لاهل القريه نسلمه واحد من النسور جرى على صاحبه قاله اللحق النسور اتفقوا عليك هيقتلوك اهرب رد النسر و قال يعنى اتكتب عليا اعيش وحيد طريد شريد النسر شاف اهله و اخواته خايين من بعيد و نسر ورا التانى يوصلوا للعش قالوله احنا معاك بس لازم تفهم انك دلوقت مش بس هتحارب اهل القريه انت كمان هتحارب اهلك النسور هم مش بيكرهوك هم خايفين على اهلهم و عيالهم و اهل القريه مش هيرحمونا هياخدوا عاطل مع باطل فالقرار بايدك و احنا معاك ما تخافش
هند تبص على مختار تلاقيه نايم تبتسم و تسحب رجلها بالراحه و تعدله راسه يتكلم و هو نايم
مختار / خليكي جنبى
هند تاخده فى حضنها و تنام
هند / قالوله ما تخافش انت مش لوحدك
هند تبوس راس مختار
هند / كلنا معاك … انا معاك
هند تبص عليه و تبتسم و تفضل تلعب فى شعره لحد ما تروح فى النوم
………………..
((((( البر التانى ))))))
لولو_محمد
الحلقه ١٤٣
هند / النسور اتجمعت و اتكلموا و اتقسموا نص بيقول ابننا و نص بيقول ما دام هيخالف امرنا يبقى مش مننا النسر الكبير قام و قال انا لقيت الحل احنا هنقتله و لاهل القريه نسلمه واحد من النسور جرى على صاحبه قاله اللحق النسور اتفقوا عليك هيقتلوك اهرب رد النسر و قال يعنى اتكتب عليا اعيش وحيد طريد شريد النسر شاف اهله و اخواته خايين من بعيد و نسر ورا التانى يوصلوا للعش قالوله احنا معاك بس لازم تفهم انك دلوقت مش بس هتحارب اهل القريه انت كمان هتحارب اهلك النسور هم مش بيكرهوك هم خايفين على اهلهم و عيالهم و اهل القريه مش هيرحمونا هياخدوا عاطل مع باطل فالقرار بايدك و احنا معاك ما تخافش
هند تبص على مختار تلاقيه نايم تبتسم و تسحب رجلها بالراحه و تعدله راسه يتكلم و هو نايم
مختار / خليكي جنبى
هند تاخده فى حضنها و تنام
هند / قالوله ما تخافش انت مش لوحدك
هند تبوس راس مختار
هند / كلنا معاك … انا معاك
هند تبص عليه و تبتسم و تفضل تلعب فى شعره لحد ما تروح فى النوم
………………..
فى القسم
المامور / اللى بتعمله ده مش هيعدى على خير
فارس / ادله دى و لا مش ادله متهمه هى و لا مش متهمه فوق القانون مثلا عشان سموها متجوزه من عيله الزيني
المامور / يا باشا ما قولتش كدا بس
فارس / ما بسش هنطلع حالا نجيبها و نحقق معاها زيها زى اى متهمه اكتر من كدا ما عنديش كلام اقوله فى الموضوع ده
المامور / طب كلم معالى المحافظ الاول هو مش قالك اى حاجه تخص الناس دى كلمنى الاول
فارس / و هو انا ما كلمتوش فى مغاورى و قالى مشي قانونى اديني هطلع مغاورى و هقبض على هند
المامور / بس سي مغاورى اعترف انه هو اللى قتل
فارس / حصل بس مغاورى ما يعرفش ان الحيوان ده كان متفق مع حبيبه القلب على قتل جوزها دى قضيه و دى قضيه تانيه خالص
المامور / يا باشا اللى بتقوله ده كلام كبير تطير فيها رقاب احنا فى الصعيد
فارس/ يبقي اولى انى اتحفظ عليها هنا عشان احميها منهم و لا استنى اما يقتلوها
المامور / لا اله الا الله طب بلاش بالبوكس مشيها ودى هاتها و حقق معاها بلاش فضايح
فارس / للمره المليون بقولك مفيش حد فوق القانون
المامور يبص الناحيه التانيه و يرجع يبص لفارس
……………………
فى اوضه هند
مختار نايم على السرير و هند قاعده على سجاده الصلاه بتقرا قران الباب يخبط تقفل المصحف و تقوم تفتح تلاقي عباده واقف بعيد باصص فى الارض
هند / مختار نايم فى حاجه اصحيه
عباده يبصلها و التوتر باين عليه و يبص فى الارض و يبصلها
عباده / اااا… البوكس تحت … امممم … طالبين القبض عليكي
هند ملامحها تتغير و الفزع يبان عليها
هند / انا !! بس انا ما عملتش حاجه
عباده / بيقولوا لقوا ادله جديده … على العموم مش هتكونى لوحدك اكيد
هند تبص على مختار نايم و تبص فى الارض و ترجع تبص لعباده
هند / انا هسيبه نايم و هلبس و اجى ممكن ؟
عباده يبص فى الارض و يهز راسه
عباده / تمام
…………………..
فى اوضه رشيد
سمر واخده وضع الجنين فى الارض و بتعيط و رشيد واقف يبص من الشباك
رشيد / و اخرتها
سمر / قولتلك ارحم نفسك و ارحمنى معاك قولتلك مفيش فايده
رشيد يلف و يقعد قدامها
رشيد / احنا جربناها بره على الفيران و نجحت
سمر تبص فى الارض رشيد يجيب عنيها فى عنيه
رشيد / انتى بتاكلى او تشربى حاجه غير اللى بديهالك
سمر تهز راسها لا و هى بتعيط رشيد يقوم يقف و هو متعصب
رشيد / امال فى ايه عايز افهم
سمر / كفايا يا رشيد ابوس ايدك انسانى و امشي او اقتلنى و ريح نفسك و ارتاح انا تعبت تعبت والله العظيم تعبت و مش قادره
رشيد يبصلها و يبص فى الارض بحزن و هى بتعيط
رشيد / فى جميع الاحوال كدا ما عدش قدامى غير حل واحد
سمر تبصله رشيد باصص ناحيه الدرج و بيفكر
…………………..
فى جنينه الزنايته
البوكس راكن و العيله كلها متجمعه حواليه عباده يطلع و هند وراه فارس يبص على الباب
عباده / هنجيبها وراك فى العربيه
فارس/ هو الباشمهندس مختار مش هنا و لا ايه
ناصر / مطلوب فى حاجه هو كمان و لا ايه
فارس / لا بس مش غريبه انه ما يسالش و هى بيتقبض عليها
هند / نايم و انا ما صحيتوش
فارس / تمام
فارس يطلع كلابش من جيبه ناصر يحط ايده عليه
ناصر / ما لوش داعى مش هتهرب هنوصلها لحد عندكوا
فارس / انا اسف يا ناصر بيه بس حضرتك اكيد عارف القانون دى متهمه و مفيش حد فوق القانون
امين / المتهم برئ حتى تثبت ادانته
هند / انا ما عملتش حاجه مغاورى اللى قتله و اعترف
فارس/ انتى متاكده انك عوزانى اتكلم هنا قدامهم
هند / ما تتكلم انا ما عنديش اللى اخاف منه
فارس / يبقي تتفضلى قدامى من سكات و نشوف الموضوع ده فى القسم
عباده / ما قولنالك هنوصلها بنفسنا هات يا سيدى اتنين عساكر معايا فى العربيه و لا تعال سعادتك معانا
فارس / ما تجبرونيش اتخذ معاكوا اجراء تانى
ناصر / انا كان ممكن اعديلك اى حاجه غير اللى انت بتعمله ده … هند هتركب العربيه … لو تحب تجرب تنزلها منها اتفضل حاول
عباده / يلا يا هند
عباده يروح يركب العربيه هند تبص لناصر يشاورلها براسه تروح تركب فارس يبص للمامور
المامور / انا هركب معاهم يا فارس بيه
المامور يروح يركب
فارس / اوعى تفتكر ان اللى حصل ده هيعدى بالساهل
ناصر / يمين بالله ما هيعدى
فارس يهز راسه و يروح يركب البوكس و يمشوا ناصر يشاور للرجاله كلهم يركبوا عربيات
انتصار / تعالى يا فاطمه ما نسبهاش لوحدها
فاطمه / يلا يا اختى
انتصار و فاطمه يروحوا يركبوا عربيه منهم
سماح / خدونى معاكوا
سماح تركب قدام و الرجاله تركب
فاطمه / دا وقته يا سماح
انتصار / سبيها مش وقته يلا يلا خلينا نلحق البت التانيه اللى هناك دى
الكل يمشي وراهم
شيري / جيب العواقب سليمه يا رب
مريم / هم سكتين على الكلب ده ليه
فاتن / شكلها هتبقي ليله كبيره اوى النهرده
شيري تبص ناحيه مخزن السلاح تلاقي عبد الله بيقفل الباب تروحله
شيري / انت بتعمل ايه هنا مش كنت روحت مع اختك
عبد الله / الكبير كالعاده قالى خليك احرس الحريم و اهو عشان امنع مختار انه يطلع من السرايا
شيري / و انت هتعرف تمنعه لو فكر يطلع
عبد الله / بقولك ايه يا ماما لمى البنات و ادخلوا جوه و ياريت تهدوا كدا و ما توتروناش و ياريت تبعدوا العيال عن اوضه مختار ما حدش يصحيه
شيري / ماشي بس خد انت بالك من نفسك
عبد الله / كلو على الله
…………………
قدام القسم
اهل البلد متجمعين البوكس يقف و وراه عربيه عباده و باقي عربيات الزنايته الرجاله تنزل من العربيات توصل عربيات الجوارحه فارس ينزل من البوكس
فارس / اللى بيحصل ده تجمهر و مش فى مصلحتكوا ما تخلونيش اتخذ معاكوا اجراء قانونى كل واحد يروح يشوف اكل عيشه احسنله
المامزر ينزل من العربيه
هند / هو انا كان المفروض اصحى مختار ؟
عباده / ما تخافيش كلنا معاكى و هو خايب اصلا ما يقدرش يعملك حاجه
هند / انت مش عارف كان بيقولى ايه فى التحقيق دا بيحاول
عباده/ انشفى و مش ده اللى يهزك انتى ما عملتيش حاجه غلط و هيتكلم معاكى كلمتين و هيطلعك غصب عن عينه ما تقلقيش
هند تهز راسها و تنزل الرجاله توسعلها تمشي و عباده وراها تدخل القسم الناس توسع لامين و عباس و كذا راجل يدخلوا وراها فارس يدخل
فارس / ابعتلى مغاورى الجارحى من التخشيبه و حط هند لحد ما افضالها
عباس / فارس باشا
فارس / استاذ عباس صح
عباس يهز راسه
فارس / اللى بيحصل بره ده انا مش هسكت عليه و هصعد الموضوع لابعد حد و معالى المحافظ اللى بتتحاموا فيه مش هيقدر يعملكوا حاجه
امين / يا فارس باشا انت مكبر الموضوع الناس بتحب تتفرج اصلها اول مره واحده من حريم الزيني يتقبض عليها
راجل / خصوصا لو كانت بريئه
فارس / مين الباشا
الراجل يطلع كارت و يديه لفارس
الراجل / فرج الزيني حاضر مع المتهمه
امين و عباس و الراجل التاني يطلعوا كروتهم و يدوها لفارس
فارس / انتوا الاربعه ؟
امين / ما اتعودناش ان حريمنا تبات بره بيوتها يا باشا فما تاخذناش عاوزين نسرع الاجراءات شويه
فارس / فى مره اولى لكل حاجه يا … استاذ امين
فرج / طب حفاظا على وقت سعاتك ياريت تبدا بالباشمهندسه هند
فارس / مش فاضي حطوها فى التخشيبه و هاتولى مغاورى
امين يجي يتحرك فرج يمنعه امين يكتم جواه هند تبصلهم
عسكرى / ست هند
هند تبصله
عسكرى / لا مؤاخذه
هند تهز راسها و تمشي معاه العسكرى يفتح زنزانه فيها ستات
العسكرى / وسعى يا بت انتى و هيه للست هند مرات سي مختار الزيني
البنات و الستات يقوموا
العسكرى / تؤمريش بحاجه يا ست هند
هند تهز راسها لا
العسكرى / لو احتجتى اى حاجه نادى عليا بس
هند تهز راسها العسكرى يقفل الباب ست تنفض مكان و تشاور لهند تقعد هند تقعد و هى بتقدم رجل و تاخر رجل ست تروح تقعد جنبها و تناولها ازازه ميه
الست / تشربي ؟
هند تبص للازازه و تبص للست و تبتسم و تهز راسها لا
الست / والله نضيفه
هند / عارفه ربنا يخليكي بس انا مش عطشانه لما اعطش هقولك
الست / لو عوزتى اى حاجه انا خالتك ام مبروك
هند / اهلا و سهلا
الست تقوم و هند تبص حواليها كلهم بيبصولها بنت تتعدل فى قعدتها
البنت / هو انتى هنا ليه
ست ٢ تزغدها البنت تبرقلها
هند / مش عارفه … والله ما اعرف
البنت / على العموم ما تقلقيش هتخرجى هتخرجى مش هيسيبوكى
هند / انتى هنا ليه ؟
البنت / ضربت الوليه صاحبه المشغل اللى كنت شغاله فيه
هند / ليه ؟
البنت / وليه مفتريه بتاكل حق الغلابه و تفترى عليهم فضلت تستفز فيا لحد ما لقيت نفسي جيباها تحت رجلى و نازله فيها ضرب
هند / طب ما قولتيش للكبير ليه انا اعرف انه بيحل مشاكل الناس
ام مبروك / ما تاخديش على كلامها دى بت بتاعه مشاكل بتقعد هنا اكتر ما بتقعد بره
البنت تبص لام مبروك و تقوم تقعد جنب هند
البنت / والله ابدا دا هى اللى ست مفتريه كل يومين تعمل فيا بلاغ كيدي عشان تكسرنى
هند / صاحبه المشغل
البنت / ايوه و انا اشتكتها للكبير اكتر من مره و اتكلم معاها تتعدل يومين لحد ما الكبير يتلخم و يشيل عينه من عليها و ترجع اسوء من الاول
هند / طب ما تسيبى الشغل ده ما دام تاعبك
البنت / امال هى بتبهدلنى ليه عشان تجبرنى اشتغل عندها دا انا اشطر بنت فى المشغل كله مرعوبه منى انى افتح مشغل تانى و اسرق زباينها
بنت ٢ تقوم تقعد جنب هند الناحيه التانيه
بنت ٢ / لا يا ست هند انا هشرحلك اصل البت توحه دى حكايه تانيه خالص
توحه / بس يا بت
بنت ٢ / لا هحكيلها … اصل سعيد ابن ام سعيد الوليه صاحبه المشغل كان معجب بالبت توحه و عاوز يتجوزها
توحه / كانت سيره و اتفضت بتفتحى فى القديم ليه بقي ان شاء الله
هند / هو سعيد ده وحش
توحه / يغور من بوز امه بقي دى تبقي حماتى اصوم اصوم و افطر على دى
بنت ٢ / الوليه اصلا مش موافقه عليها
توحه / هى تطول اساسا
هند تضحك
هند / اكيد ما تطولش
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
2 تعليقات