رواية لقاءنا المستحيل الفصل الحادي عشر 11 بقلم صفاء حسني
رواية لقاءنا المستحيل البارت الحادي عشر
رواية لقاءنا المستحيل الجزء الحادي عشر
رواية لقاءنا المستحيل الحلقة الحادية عشر
اتفقت سجى مع المحامى انه يعدى عليهم وياخدها يخليها تشوف المنتجع :
وهي طلعة على السلم و كانت تايهة
مش عارفة تروح فين ولا تجي منين
وفجأة سمعت صوت من وراءها
جاي من الغرفة اللي على اليسار،
التفت لقيت سيدة في عمر 60 عام تقريبا لابسه عبايه سودى زي بتاعت مامتها بالظبط واشارب علي نفس لون العباية وكانت السيدة بشرتها غامقة مع العباية فزعتها فشهقت سجى :
بسم الله الرحمن الرحيم حضرتكي مين
ابتسمت السيدة وقالت :
اسفة يا حبيبتي ان فزعتك، يا بنتى، بس المحامي اتصل بي اجي، و اتأخرت عليكم عشان كنت عند الست عزيزة بحضر معها الاكل، عشان في ضيوف جاية من مصر زوجها وابنه،
زوجها ده اللي اتجوزته بعد المرحوم امجد، كانت بتحبه قوي قوي حبهم اتولد علي يدي ،
بس يا حسرة مات من هنا مكملش سنة، وحماها أجبرها للتجوز ابنه الكبير ،لتسيب ابنها وماله وتتنازل عن كل حاجة وتروح مع جدك دمياط ،
حماها بيكون نائب كبير في اللي اسمه ايه اللي بيجي علي الشاشة الكبيرة دي اه صح اسمه تليفزيون والتاني اسمه
ضحكت سجى وهي مستغربه
بجد انسانة عجيبة كانت كأنها بالعة راديو او شريط كاسيت شغال، بس سبحان الله جاءت في وقتها نستني حزني وزعلي وضحكت من طريقه كلامها ربنا كبير في ناس بتظهر في حياتك لسبب معين، عشان تتعلم منهم، او يكون سبب ضحكتك في وقت حزنك ، عمرك تندمي انك اتعرفت عليهم
قطع حديثها عمو كمال
اسمه البرلمان يا حاجة او مجلس الشعب
كملت السيدة :
اوي صحوا هو ده اللي بتجول عليه حضرتك انت جئت حداني قبل كدة بس الصبية دي لا صحو
ابتسم كمال :
الصبية دي اسمها سجى
السيدة مكنتش عارفه تقوله
:سكي اي سكي دى
ابتسم كمال :
يا حاجة سجى
ردت السيدة وقالت :
والله ماني فاهمة ايه الاسم العجيب ده انت قلت سشي
قربت سجى منها وقالت:
تعالي يا حجي وانا افهمك اه انتي اسمك ايها الاولي
ردت السيدة:
اسمي ام فتحي يا بنتي اه صحوا يا سكا
ضحكت سجى :
بلاش تعطش الجيم او تخليه كاف انتى
عارفة القرآن الكريم يا ام فتحى
ردت ام فتحي :
،ايوة اللي بيقرا الشيخ في المسجد يوم الجمعة
ابتسمت سجى :
صح هو ده
في سورة بقي في القران الكريم اسمه الضحى
بتقول
بسم الله الرحمن الرحيم
وَالضُّحَى وَاللَّيْلِ إِذَا سَجَى،مَا وَدَّعَكَ رَبُّكَ وَمَا قَلَى ،وَلَلآخِرَةُ خَيْرٌ لَّكَ مِنَ الأُولَى،وَلَسَوْفَ يُعْطِيكَ رَبُّكَ فَتَرْضَى ،أَلَمْ يَجِدْكَ يَتِيمًا فَآوَى،وَوَجَدَكَ ضَالًّا فَهَدَى،وَوَجَدَكَ عَائِلا فَأَغْنَى ،فَأَمَّا الْيَتِيمَ فَلا تَقْهَرْ ،.وَأَمَّا السَّائِلَ فَلا تَنْهَرْ،وَأَمَّا بِنِعْمَةِ رَبِّكَ فَحَدِّث
صدق الله العظيم ْ
انا بقي بابا محمود سماني على اسم ايه من السوؤة سجى
ابتسمت ام فتحي:
بارك الله فيكي يا بنتي سجي صوتك حلو فى قران ومعناها أي الايه ده
ابتسمت سجي :
معناها ستر وغطاء، يعني الليل بيكون ستر وغطاء وراحة للناس في بيوتها .
ياه وانا بشرح لام فتحي عن اسمي والسورة افتكرت اني بقيت يتيمة زي الرسول عليه افضل الصلاة و السلام جدي بدأ بالسورة دي وهو يحفظني القران الكريم اول ما دخلت المدرسه عشان يعرفني معنى اسمي ،وبعد كدة اخد شرحها في مادة الدين
كبرت ام فتحي
الله صوتك حلوة اوي، في القرآن يا بنتي سجي ،اجمل من صوت الشيخ اللي حدانا
ضحكت سجى :
طبعا علشان طالع من القلب يا ام فتحى
ردت ام فتحى
جلبك ابيض من جوة يا بنتى
المهم عمي سألها طيب ايه النظام هنام فين وهنغير هدومنا فين
ردت ام فتحي:
غرفة المضيفة موجودة علي ايدك اليمين دي للضيوف
دخل عمي الغرفة فيها سرير ودولاب
وانتريه صغير،ومساحة واسعة ،ومكتب فيها كتب، وتليفزيون وكاست، غير السجاد اللي مش موجودة منها دلوقتي مصنوع يدوي.
وانا طلعت علي الغرفة
كانت غرفة عمتي عزيزة اللي عمري ما شوفتها بس كنت بسمع عنها كتير من جدي كل عيد كان يسافر ؛ ودلوقتي سمعت جزء من قصتها ياتري قصتك ايه ياعمتو
………….
….
كان جاسر ومحمد مصدومين
عايزين يعرفوا تفسير معرفة عزيزة ب ريهام
سالها محمد
عاوز افهم انتي تعرفي ابني من أمتي؟ عرفتي شكله ازى وكمان نور عرفته ازى
طلبت عزيزة منهم يجيو على المكتب :
تعالوا على المكتب وهقولكم كل حاجة
وطلبت من كريم
كريم خد اختك و سبقونى على السفرة
واتأكد ان الخدم عملوا كل المطلوب
كان كريم كل تفكيره كان يتجنن ويعرف امه هتقول ايه ووقف متنح وبيتكلم مع نفسه
امى دى طلعت مش سهلة
ازاي عرفت تجيب قرار عمي محمد وتعرف هو متجوز مين
ههههه امي عزيزة ده حكايتها حكاية
انا بعد ما بدأت استوعب المواقف اللي حواليا كنت بسمع حكايات كثيرة عن امي وعائلتها ومش كنت فاهم حاجة
الا لما الست ام فتحي الله يكرمها جابت قرار امي
ههههه هما كدة الناس الكبيرة، مش بينسوا اي تفاصيل، تحصل في البلد، والحكايات بس ممكن ينسوا الاكل ينسوا حاجة تخصهم ،
وانا في اعدادية زوج امي زارنا، اه هو عمي بس مش بحس بكدة من وانا صغيرمش كنت بشوفه وعمره ما اتعامل معى لاسباب كتيره
منهم اني ابوى مش الأخ الشقيق ل عمي
جدي اتجوز انسان حبها من مصر علي ام ابوى وربنا رزقه ب امجد ولم كبر محمد كان عنده 15 سنه جابها جدي معاه هو وابنه وقال ده اخوك طبعا الدنيا قامت هنا فى الاقصر والتعامل مع امجد بأسلوب سيء جدا هو وامه مش خطافة رجالة زى ما بيقولي المهم
ام ابوى مش استحملت الحياة في الصعيد ورجعت القاهرة وعرفوا بعد كدة انها اطلقت منه وجدى اخذ ابوى امجد
بس عمي مش نسي انه ابن واحدة تانيه كان جدي بياخد ابوى في الدراسة وفي الإجازة في القاهرة
زي ما جدى عمل بالضبط عمى عملها واتجوز من القاهرة هو كمان وسبحان الله دين تدين بس جدي كان جرئ عن عمي
و اصر يفضل بوى امجد هنا والدة محمد طيبة جدا ربت امجد واهتمت بيه طول الدراسة
امه جيه لها المرض الخبيث وماتت بعد ما اطلقت من جدي بسنين بسيط فضل ابي عايش هنا واتجوز امي وجيت انا بعد قصة حب كبيرة لانه كان منبوذ .
في البلد كلها مكنش حد بيلعب مع ابوى غير واحدة بس ههه طبعا هى امى عزيزة وكبروا وكبر الحب في قلوبهم اسيبكم انا اروح اشوف اعرف اسمع حاجة والا لا 😂عشان سبتينى سرحان ودخلو
………..
عند عزيزة اتنهدت وقالت:
الموضوع وما فيه انك نسيت ان ريهام كانت بتدرس في اسوان
ساله محمد ب استعجاب :
اي جاب ده لده
طلبت عزيزة منه الصبر :
اصبر عليا هقولك ريهام كانت بتدرس مع بنت عمي فاروق صديق بابا الله يرحمه اللي كان عايش هناك وكانت من سنها كمان
وانا كنت في 3 اعدادي طلعت رحلة على اسوان اصدقاء و معلمين في المدرسة وبابا مش وافق اللي على شرط طلب اقعد مدتي الرحلة 15 يوم هناك عندهم وهناك تعرفت علي ريهام
وفضلت انا وريهام ومريم اصدقاء
بعد ما حضرتك اختفيت وسافرت للخارج وكنت مفهم ريهام اني مريم قريبتك
وكمان انك عايش في سوهاج
ايجت سألت عليك وطبعا ٠افتكروني وكلمت مريم في التليفون هي وريهام وسلمت علينا وقابلنا بعض.
عشان الصداقة مش بالسن هم اه اكبر مني بكثير بس روحهم حلوة
المهم نزلت الأقصر وقابلتنى وشفوت معاها جاسر
وكانت معايا نور
ووجهة كلامها ل جاسر
وقتها انت كنت في 6 ابتداء ونور في اللفة كانت بتدور عليك يا محمد
ولم وريتنا صورتك على حسب ان ابوك فى مجلس النواب ويقدر يجيب اي معلومات
ومن الصدمة مش صدقت نفسي وعرفت انها زوجتك بس هي مش عرفت مني الا لما نور كبرت وكنت لازم اعرف كل حاجة عنك يا جاسر عشان انت اخوها ولازم تكون عارفين بعض
هي ده كل الحكاية
شهق محمد :
يعني ريهام كانت عارفة مكاني ،وكل الاخبار عني ،ورغم كده مش حاولت تطلق مني .
نظر جاسر ل محمد:
عشان كانت بتحبك
وعارفة ان ظهورها في حياتك يسبب ليك مشاكل بس اللي مش قادر افهمه ازاي قبلت انكم تفضلوا اصدقاء رغم أنكما متزوجين نفس الرجل ؟
….. …….
راح كريم يدور عليهم فجاءة خرجو ضحك وما بين نفسه :
مش عارف ازاي ماما ظبطت الموضوع،لقيتهم
خرجوا
مع بعض وش جاسر سعيده ،
ومش عارف السبب ،
ووش محمد غضبنا
نفس اعرف السبب .
امي دي تنفع تكون حاجة مهما في البلد قدرت خلال ،
١٠ سنين تشتغل فى شغل جدي السيد وجدي الأسيوطي مع بعض ، اي ده ماما جاءت
تعالوا احاول معها ممكن تحكي اي حاجة بس كتومه جدا
نادت عزيزة بصوت مرتفع :
هناء جهزي السفرة واطلعي جهزي الاوطة ، الناس جاي من السفر تعبان ولازم بعد الغدى يرتاحوا ونادي ام فتحي
ردت هناء :_
حاضر يا ستي بس ام فتحي خرجت
استغربت عزيزة _:
راحت فين دي ، وهي عارفة اني في شغل كتيرة عندنا، ولازم نحضر المضيفة عشان الاربعين .
ردت هناء:
راحت البر التاني في بيت الحاج الله يرحمه
استغربت عزيزة :
بتعمل اي عند بيت بابا دلوقتي الست ده كبرت وخرفت
أنكرت هناء وشرحت :
لا يا ستي استاذا ممدوح هو اللي اتصل وسأل عليكي وطلب منها تروح
استغربت عزيزة :
امتي ده وليها مش بلغتوني
ردت هناء :
وقتها كنت في غرفة الاستاذ كريم وانتي كنتي محرج علي حد يدخل عليكم
سالتها عزيزة :
ماشي يا هناء روحه نفذي اللي طلبتها منك
هزت هناء راسها :
حاضر
دخلت عزيزة على المكتب ورفعت الهاتف وضغطت علي بعض الأرقام
وقالت :
الووووو خير يا ممدوح
رد ممدوح :
ست عزيزة انتي فين من الصبح
اعتذرت عزيزة :
معلش لسه هنا ايقل لي دلوقتي
خير وام فتحى هناك ليه
رد ممدوح :
بنت اخوكي جاءت هي وجوز خالتها ووصلتهم علي بيت الحاج
انصدمت عزيزة وقالت:
ياه نسيتها خالص، ليها مش فكرتنا انا في دمغي مليون حاجة وشيالة حمل كل حاجة .
سالها ممدوح :
هو رجع
اتنهدت عزيزة :
اه هو وابنه جاسر
هز ممدوح راسه وسالها :
طيب ليه صوتك حزين
مش انتي اللي طلبت اقنعه يجيبوه
ردت عزيزة :
اكيد كان لازم اعمل كدة
سالها ممدوح :
وانا مش اسال عن السبب بس اتمنى يكون غرضك خير
ضحكت عزيزة :
للدرجه ده خير صدقني
اعتذر ممدوح :
اسف مش قاصد بس مستغرب ده المفروض ابن ضريدك
ردت عزيزة :
واللي يهمك انت ليه مش جبتهم علي هنا
رد ممدوح :
البنت طلبت تروح بيت جدها وعاوزة تروح المنتجع ،كانت فكرها حديقة
تنهدت عزيزة :
هى عرفت حاجة بخصوص الوصيه
رد ممدوح :
لسه هتتفتح اقدمك زي ما طلبتي
سالته عزيزة :
لسه برودة مش عايز تقولي فيها اي
ابتسم ممدوح :
ده امانه يا ست عزيزة
هزت عزيزة راسها:
خلاص جيبهم هنا الاولي وافتحها وبعد كدة
هبقي، اوديها على المنتجع انا
سالها ممدوح :
واخوكي هيثم
استغربت عزيزة وقالت:
هو اصلا فى اخبار عنه دي باع القضية من زمن واخد حقها علي حبة عين بابا
ورغم كدة اي ارباح من المزرعة، او من المنتجع، بيتحول بالمنتصف با اسم محمود وهيثم وانا، والباقي زي ما بابا طلب بيتصرف علي الفلاحين الغلابه في انحاء الصعيد.
رد ممدوح :
عشان كدة مات مرتاح الله يرحمها ويحسن اليه
اترحمت عزيزة :
امين يارب العالمين
………….،،.،………،.،..،،،،،……
امضاء
…..صفاء حسني الطيب……
طلعت سجى
هى وام فتحي
غرفة عمتي عزيزة
امضاء،
صفاء حسني الطيب
قاعدة سجى وهي مسك دماغها بسبب رغيها ومابين نفسها :
انا صدقت اتلخمت شوي بعيد عنى كنت صدعت من حكايتها هي الانسان ده مش بتتعب من الكلام بتنقل اسرار كمان دى صعبة اوى
المهم دخلت اخد شاورة ورشيت على نفس من العطر اللي اصبح المفضل ليا
وسرحات شوي مع زغللت دموع في عيني وافتكرت كلام ماما
بتسالها سحر :
انتي هتشتر اي يا سجي
ابتسمت سجي :
ده عطر ياماما بيخلي الجسم ريحتها حلوة
ردت سحر :
بس حرام العطر يا سجي يعتبر من انواع الزينه عشان ممكن حد يشتهيك
سالتها سجى :
يعني اي يا ماما انا برشه علي جسمى وهو مبلول كاني عطر صابون بفضل طول اليوم من غير عراق
ابتسمت سحر :
بجد بس انا مش شمتها عليكي قبل كدة
ابتسمت سجي :
اه ياماما عشان العطر ،ده هادي جدا حتي لو حد مشي جانبك، مش يحسي بيها بس انتي بتكون في ثقة في نفسك اقدام اي حد .
ابتسمت سحر بطفولة :
اوكي اشترى ليا معاكي واحدة مادم هادي كدة بس انا هرشها لمحمود بس
…………………
ترجع سجي وتمسح الدموع من عيونها وترتدي نفس الملابس، وتخرج وهي بتتكلم مع نفسها انا مش عندي لبس غامق، دلوقتي غير الاثنين اتصرف ازاي، ونسيت اشتري في محطة القطار
افتكرتها ام فتحي ونادت عليها وهي سرحان
ياسجي انتي ليها مش نديتي عليا قبل ما تخرجي
شهقت سجي :
تاني مرة تفزعنى انا قلبي هيقف بسببها ،نعم يا ام فتحي ،
سالتها ام فتحي
كنت نادي علي اجيبلك هدوم
ردت سجى بضيق
عشان انا مش عندي، اللي الهدوام ده بس غامق .
قالت ام فتحي :
يا بنتي انتي صغيره علي اللبس ده ،عندك في الدولاب لبس عمتك عزيزة .
طلعا حاجة تكون حلوة عليك مش تكبرك، انتي هتمشي في البر واللازم حفيدة الحاج السيد، تكون اجمل بنت والحزن في القلب يا بنتي.
تنهدت سجي :
حاضر بس تساعدني اختر حاجة مناسبه ومحتشمه
فتحت ام فتحى دولاب كان في ملابسة كتيره قالت ام فتحي :
ده لبس عزيزة هانم لما كانت بنت،عشان كانت المدلل في البيت ده
وخرجت بنطلون اسواد قماش الرجل واسعة معها بلوزة زرقاء مع لطش بلون احمر
انصدمت سجي :
اي ده انا عاوزة فستان
ضحكت ام فتحي
عمتك عزيزة كانت بتلبس اللبس ده وهي صغير لم كانت فى سنك يا بنتى
انصدمت سجي :
وجدي كان مواقق
لقاءنا المستحيل
# صفاء حسني الطيب #
ازى دى جدى وبابا كانوا حريصين معايا علي الحجاب وكمان حفظ القرآن وتفسيره توقعت عمتي كمان
ابتسمت ام فتحي :
عمتك مخلصة القرآن وملتزمة هي كمان بس الوقت اللي لبست فيها البنطلونات كانت في سنك
ولم طلعت الثانوي لبست جيبات وبلوزات
بس هي كانت بتهتم بنفسها قوي واحدث الموديلات .
سالتها سجى :
هي عمتي دخلت الجامعة ؟
استغربت ام فتحى :
ايه اللي انتي بتقولي عليها ده هى دخلت المدرسة الثانوية الصناعية
فهمت سجى :
وبعدها اتجوزت صح؟
ردت ام فتحى :
اه بس كملت دراستها وهى مع أمجد سنتين معهد
سالتها سجى :
امجد ده زوجها الاولانيه صح
ردت ام فتحى :
اه هو كمان كان بيدرس زيها بس والده معاها فلوس كتيرة وقصر وخدم كتير كان نفسه يشوف حفيد ليه وكمان كان قاصد ياخد عزيزة من جدك
استغربت سجى :
طيب ليه مصمم ياخد عمتي ؟
ضحكت ام فتحى :
ده تار قديمه بينتهم
عشان جدك زمان رفض يديه اخته زمن، وكمان جدك مستقيم ويعرف ربنا والحلال والحرام يا بنتى ويتشرف اي حد بنسبة.
واللي شبه جدك قوي كان والدك محمود.
سالتها سجى :
ازاي اتعرفت علي امجد مادام في عداوة كدة
ردت ام فتحى :
من خلال عمك هيثم كان صديق محمد ابنه
واعزيزة كانت تحب الخروج والفسح كانت على طول معاه.
سالتها سجى :
وازاى جدى وافق تتجوز قبل ما تكمل دراستها
ردت ام فتحى :
ده عادى حدانى يا بنتى في معظم المحافظات بس السبب الأساسي
طلع اشاعة علي امجد وعزيزة واجبر جدك يوافق وقتها
شهقت سجى :
لا حول ولا قوة إلا بالله
نعم ازى ده
……………كملي ياام فتحى
الحكاية قديمى قوى مش بقولك الاسيوطى كان عينه على اخت السيد
جدك السيد موفقش ورفض
يديها ليه بعد رفضها
طلعت اشاعة مفيش حد يتقدم بعد كدة ل اخته وقف حالها ،
اخته رغم انها بالنسبة لبنات الكفر جميلة ملامحها الصغيرة مع البشرة القمحي ،كانت وصلت ل ٢٥ والسنه ده عندنا بتكون البنت عانس
سالتها سجى
دي كان زمان صح
ضحكت ام فتحي :
اوى من زمان قوى انا عندي ٦٠ سن
ه من مواليد جيل عبد الناصر وجدك وجدتك
اتنهدت سجي :
اه كملي حصل ايه
كملت ام فتحي :
جدك سيد كان عنده صديق اسمه حامد اتعرف عليه وهو في الجامعة الا بتقول عليها دى
ومن كتر حبهم لبعض عرض عليه يتجوز اخته
بدت تفهم سجى
تقصد جدى ام ماما صح
ردت ام فتحي
اوى هو جدك حامد مكنش شاف جدتك ووافق عليها
قطعتها سجى :
يعنى جدتى مكنتش تعرف جدى
اردت م فتحى :
اه رفض يشوفها قبل كتب الكتاب وبعد كتب الكتاب ايجت وجدتك الكبيرة ما صدقت بنتها تتجوز
عمك وقتها كان عندها ١٠ سنين ومراته كانت ماتت
فحصل تبديل ده اتجوز اخت ده ودى تتجوز اخو دى المهم
جدك راح جاب جدتك من دمياط
وسلمي اختها لصديقها
كانت لابسه طرحة مغطية وجهها
اول ما دخلت ورفعت جدتك الطرحة
جدتك الكبيرة سمت الله وكبرت
كانت شبه جدك بس الفرق لون العين انتى واخدة لون عين جدك حامد
انا كنت موجوده في الوقت ده بخدمهم عشان انا اتربيت في البيت من وانا صغيرة
كان جدك اول مرة يشوفها كانت شبها الممثلة نجلاء فتحي بيضاء وحلوة
ردت سجي :
اه انا شفوت صورة جدتي كانت جميلة جدا
ابتسمت ام فتحي :
بس انتي ماشاء الله شبها بس الفرق لون العين زي ما قولتلك اخدتى لون عين جدك
طلبت سجي منها تكمل :
وبعدين
كملت ام فتحي :
جدك اتهووس بيها جدا ،
وطبعا جدتك الكبيرة كتبت الارض بأسمها من فرحتها بيها ،
كانت جمال واخلاق ،وجابت محمود والدك اخد شوية من ملامحها بس مش قوي ،وبعدها ب ٤ سنين جابت عمتك نسخ طبق الأصل من امها .
وطبعا كانت الطفلة المدللة ودلوعه للجميع
واستغلها النائب وقربها من ابنه
وامجد كان طيب جدا ومحروم من حنان الام وشاف حنان عمتك كانت اخته وامه وحبيبته
سالتها سجي :
وجدي وافق ليه رغم رفض زمان
اتنهدت ام فتحي :
كان مجبر الفضيحة وحشة للبنت
لكن وقتها شرط يسيب الشغل الحرام
وبدأت علاقات العائلتين تتحسن
استغربت سجى :
هو كان بيشتغل ايه؟
ردت ام فتحى:
سمعت كان بيجيب بنادق وسلاح ويبيعهم
فهمت سجى :
تجارة الأسلحة بس ده فعلا حرام
ردت ام فتحى :
اه وبعدها ب ٣ سنين الناس اللي كان شغال معاهم كانوا ناس قويين
قتلوا اخو جدك الكبير وجدتك وامجد في حادثة عربيه كانت في الاول حدثه بس بعدها عرفوا الشرطة انها بفعل فاعل
انصدمت سجي :
لا حول ولا قوة إلا بالله عشان كدة كده ساب الأقصر
هو وبابا
ردت ام فتحى :
فعلا يا بنتي
قطع حديثهم صوت المحامي وعمها
كمال :
سجي جهزتي يا بنتي المحامي جيه
شهقت سجي :
يا خبر الوقت فات ومش عارفه البس ايه
ردت ام فتحي :
في حاجة كدة زي ما انتي عايزة
سألتها سجي :
هي فين
…………………،،،………..
كان المحامي بيتكلم مع كمال
عمة البنت منتظرها هناك في بيتها
ساله كمال :
مفيش اخبار عن عمها
رد المحامي وقال:
لسه وصل خبر انه جى اه هيقعد يومين ويحضر الأربعين ويرجع
حمد كمال ربنا:
الحمدلله خالتها كانت هتموت لياخدها معاه
رد المحامي :
بس في وصية لازم تنفتح
استغرب كمال :
وصية اي ده
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لقاءنا المستحيل)
