رواية عشر خطوات للجحيم الفصل الأول 1 بقلم روزان مصطفى
رواية عشر خطوات للجحيم الجزء الأول
رواية عشر خطوات للجحيم البارت الأول
رواية عشر خطوات للجحيم الحلقة الأولى
أنا بتخيل واحد واقف عند الشباك بتاع أوضتي كل يوم !
الجملة دي اللي بشتكي بيها لأمي كل يوم الصبح حرفياً ، بيتنا واسع وكل غرفة بينها وبين التانية إتنين متر كاملين .. والدتي ربة منزل مبتشتغلش يومها كله في الغسيل والطبيخ والكلام مع خالاتي ومهاداة الجيران بأطباق البسبوسة والمكرونة البشاميل وفي أخر اليوم بتدخل هي وأبويا الأوضة مهدودين هي من شغل البيت وهو من شغله في مكتب المحاماة
بحُكم إن ليا أخ واحد أكبر مني وكان فرحه من شهر ف أنا وحيدة حالياً في البيت ، وكل اللي بسمعه من أمي إني أبطل أتفرج على أفلام رعب وأقرأ قرآن قبل ما أنام ومفيش حاجة هتأذيني
لكن حتى لما بعمل كدا خيال الراجل دا مبيروحش ودا شيء راعبني حرفياً
الليل جه كالعادة ، حضرت كوباية النسكافيه بتاعتي عشان كنت بحمل فيلم ومحتاجة اروح اتفرج عليه بروقان
دخلت الأوضة وقفلت الباب برجلي وحطيت كوباية النسكافيه على الكومود ، نطيت فوق السرير وأنا بدندن بفرحة
لقيت ظل أسود غيم الأوضة فجأة ، بصيت لقيت نفس الراجل واقف عند شباك الأوضة
المرة دي دققت في ملامحه ، دا واحد شعره إسود وخشن ولابس ماسك
أتعدلت وأنا قاعدة على السرير وببص حواليا على أمل إنه يختفي .. للأسف متحركش من مكانه
فضلت بصاله وقلبي صوته واضح وسط الهدوء دا
تك تك تك
بيخبط بصوابع إيده على إزاز الشباك ، بتنفس بسرعة ووشي بدأ يبهت من الخوف وأنا مش فاهمة إيه اللي حصل خلاه ميمشيش إنهاردة دا كل يوم بيقف وقفة بسيطة ويمشي لدرجة إني شكيت إني بتخيل !
بلعت ريقي وأنا ببصله لقيته بيتكلم من ورا الإزاز وبيقول : عملتي إيه في فرح أخوكي يا رشا ؟
الخوف هدي شوية وأنا بكشر وبدقق في الراجل وبفتكر فرح أخويا ، هكون عملت إيه يعني ؟ رقصت وأكلت وضحكت وفرحنا وكل واحد راح لبيته ، إيه المُبهر أو الغريب في اليوم ؟
وكأنه كان بيقرأ أفكاري لقيته بيقول : كلمتي مين فيديو في اليوم دا وكان إيه السبب ؟
عصرت دماغي لحد ما إفتكرت ، أنا كلمت روضة صاحبتي فيديو ساعتها ، حركة كيد عادية من بنت لبنت !
* من سنة
روضة وهي قاعدة جمب رشا في كافيتيريا الجامعة : وعمر عامل إيه ؟
بتربع رشا إيديها وبتقول : بتسألي عنه ليه يا بنتي ؟ ما تفكك منه وتسيبيه لحاله إنتوا مش لايقين لبعض أصلاً
روضة بأمل : أنا سمعت إنه نزل أجازة من شغله في الحربية عشان بيدور على عروسة ، وإنتي صاحبتي وعارفة إني بحبه من سنتين ف لو ينفع يعني ..
بتقاطعها رشا : إنتي مجنونة يا بنتي ؟ أروح أقول لأخويا معلش إعطف عليها وإتجوزها عشان بتحبك ؟
حست روضة بغصة وقالت : أنا أكيد مش عوزاكي تعملي كدا ، في طرق تانية كتير تساعديني بيها
رشا بعصبية : متجيبيش سيرة أخويا قدامي تاني بالشكل دا ، وحتى لو بيدور على عروسة مش هروح أعرض عليه صاحبتي يعني بجد خلي عندك كرامة !
محاولات كتير من روضة للتقرب من عمر بحكم حبها ليه ، ولكن رشا كانت بتوقف في طريقهم ومعارضة قربهم من بعض بشكل مبالغ فيه ، لحد ما جه يوم خطوبة عمر على بنت أتعرف عليها
وهنا روضة إنهارت ومبقتش تروح الجامعة
ومن شهر كان فرح عمر ، إتصلت رشا فيديو كول على روضة اللي كانت متوقعة إن رشا بتتصل بيها عشان تواسيها
ولكنها كانت بتفرجها الفرح وبترقص قدامها بمنتهى البرود
* الوقت الحالي
رشا كشرت شوية بعدين بصت للراجل اللي مازال ثابت قدام الإزاز وقالت : طب وفيها إيه ؟ نصيبهم مش لبعض أنا أخويا يستاهل كل خير !
من ورا الإزاز : شوفتي إيه من صاحبتك دي غير كل خير ؟ إيه العيب اللي فيها خلاكي تأذيها بالشكل دا ؟
Welcom in my game rasha
إنتي من إنهاردة مش هتنامي غير بشروطي
رشا برعب : مش فاهمة ! كل دا عشان روضة ؟ إنت ال boy friend بتاعها ولا أيه ! ولعبة إيه اللي مش هنام بسببها
الراجل الغريب من ورا الإزاز : عشر خطوات للجحيم ..
بدأت تحس بالخوف ف قالت : كفاية عليك كدا ، أتفضل إمشي قبل ما أصحي والدي إحنا لينا معارف في الداخلية هيأذوك
متحركش الراجل من مكانه ، فضلت تبص إختفى بلمح البصر !
فجأة لقت الملاية البيضا اللي في الدولاب بتتملي بشخص وبتتحرك ناحيتها بسرعة لحد ما بتثبت عندها
مدت إيديها وشالت الملايه مكانش تحتها حاجة ! راحت صوتت
اللعبة أبتدت ، والغل اللي جواها هيتقلب كله عليها ، هيكون درس قاسي ليها على اللي عملته ، وهتكون عبرة لكل واحدة بتحقد على صديقة ليها للدرجة المؤذية دي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشر خطوات للجحيم)
تعليق واحد