رواية لعنة الفراعنة الفصل العشرون 20 بقلم رحمة نبيل
رواية لعنة الفراعنة الجزء العشرون
رواية لعنة الفراعنة البارت العشرون
رواية لعنة الفراعنة الحلقة العشرون
كانت كريمة تنظر لليث ودانه بتعجب / آيوه مين دول
نيرة وهي تتحدث ببسمه / دي دانه صديقتي الصدوقه ورفيقه الكفاح هي أكبر مني بس عرفتها ايام الجامعه وده جوزها عادي مش مهم آوي
ابتسم ليث ببرود عليها بينما دانه عانقت زراعه / بت يا نيرة ابو الليوث مهم ومهم آوي كمان
ختمت كلمتها بغمزه له فضحك ليث وضمها تحت زراعه ثم نظر لهم / دلوقتي ممكن افهم فيه إيه يعني ممكن اساعدكم لو تحبوا
صلاح وهو يرفع حاجبه / مش هنكر ذكائك ان تخلص البنيه المسكينه إللي كانت متشعلقه بس احنا منعرفش انت مين واذا كان المفروض نثق فيك ولا لا
نيره ببسمه / ياعم ده عميل سري قد الدنيا بيعمل مهمات كبيره وقوميه
ثم تحدثت بهمس / بس سريه يعني محدش يعرف تمام؟؟؟
ليث بسخريه / شكرا يا نيرة مبقتش سريه ولا نيله
اخرج ليث هويته ورفعها لهم
صلاح وهو يري الهويه / اقنعتني… اسمع ياباشا
ثم اخذ يقص عليه مايحدث منذ مجئ ميسره واختفائها
نظر لهم ليث بعدم فهم / يعني هي اختفت والسلسله دي اللي اسمها سلسله أبعاد بتوصل بين زمنين وصلت بينكم
هزت كريمة رأسها
نهض ليث ونظر لهم وهو لا يستوعب ما هم به / واول مره كلمتوها ظهر وراها ناس شبه امممم… قولتولي ايه؟؟
كريمة بسرعه / الفراعنه كانوا لابسين زيهم
هز رأسه / آه وبعدين لقيتوهم بيتكلموا لغه غريبه كده وفيه وحوش حواليها ومتعرفوش هي فين
كريمة بنفي / أبدا والله ياباشا منعرف
ليث وهو يمسح وجهه ليهدأ / من حقها تستغرب ان فيه حد منكم بيفكر انتم دماغكم دي كانت فين
نظر له الجميع بعدم فهم
ليث وهو ينظر لدانه / حبيبتي قربي منهم كده
أشارت دانه لهم فهز رأسه / قربي عليهم متتكسفيش
فاقتربت وجلست بجانب نسرين
أشار ليث لهم / ايون كده تمام… انتم بقي اللي المفروض يتقتلوا قبل ما يتكاثروا
رفعت دانه يدها وهي تضحك بغباء / ليث ليث انا تكاثرت
ليث ببسمه بارده / آه منا عشان شوفت السلاله الناتجه ياروحي بنصحكم بلاش العالم بيواجهه كتير حاليا ومش حمل سلاله كائنات غريبه وبالنسبه لعيالك ياروحي متقلقيش هعلقهم لحد ما يتأدبوا ويبانلهم صاحب ده لو مكنش مالك ونور قتلوهم فاية رأيكم اتكفل انا بالمهمة الوطنيه دي واخلص العالم منكم
هز الجميع رأسه بتفكير وهم لا يعرفون لما يقول ذلك
فصرخ ليث بهم / أنتم أغبياء هتجننوني بنت عمكم في عصر الفراعنه
نظر الجميع له بصدمه فتحدث جاسر / ده ازاي ده
ليث وهو يجلس ويفكر / الأمر شبه مستحيل ومش عارف ازاي بس كل حاجه حكيتوها مش بتوصل غير للاستنتاج ده بكره هتكلموها وهنعرف الموضوع كله منها ونفهم فيه إيه بالضبط
هز الجميع رأسه فمسح وجهه وتحدث بخفوت /الله يسامحك علي أم الرحله دي يا دانه
سمع رنين هاتفه فاستأذن الجميع وخرج ليجيب علي الهاتف / جيت لقضاك يا حيوان
عبدالرحمن بضحكه وهو يضم رحمه اليه / آيوه بقي الباشا اللي هايص يابختك يا عم
أبعد ليث الهاتف وبصق عليه / ابو ام نقك يا جدع هيحصل ايه اكتر من اللي حصل في ام السفريه دي
ضحك عبدالرحمن بشده / ليه بس تلاقيك هايص انت ودانه وعايشين بقي
اغلق ليث الهاتف في وجهه وتحدث بغيظ / كده اتأكدت مين اللي عينه رشقت في الطلعه دي
نظر عبدالرحمن للهاتف وضحك بشده
رحمه ببسمه / فيه إيه
عبدالرحمن بضحك شديد / تقريبا يابت يارحمه كده والله اعلم السفريه بتاعت بلاك باظت
رحمه وهي تضحك بشده / كان يطلع لوحده احلي
عبدالرحمن وهو يهز رأسه بشفقه / والله يابنتي حذرته من دانه قبل الجواز بس هو كل اللي كان عليه بعشقها بعشقها يلا خليه يشرب
بينما ليث دخل للمنزل واشار لدانه / يلا يادانة
كريمة وهي تبتسم بسماجه / يلا ياشباب خدوا الباشا معاكم وعلي الملحق
ليث بعدم فهم / مش فاهم
دانه وهي تبتسم له / أصل هنقعد معاهم هنا يابلاكي
ليث وهو يرفع حاجبه ببرود / إزاي معلش والفيلا اللي أجرتها
كريمة / غني وبيأجر فيلل امممم مش بطال
نظر لها ليث بتعجب فتحدثت دانه / لا يا ليث عايزه ابقي مع البنات هنا
ليث وهو يتحدث ويجز علي أسنانه / يلا يا دانه يعني دي اجازه لينا ومش هقعد معاكي؟؟؟ هي كلمه واحده مش هنقعد هنا
مراد وهو يعطي ليث ثياب عصير / اتفضل
نظر ليث للكوب بسخريه فدانه لم تقبل بالذهاب بحجه انها تريد التحدث مع الفتيات قليلا واقنعته بالبقاء بسبب عنادها الكبير
تحدث صلاح ببسمه / خلاص ياباشا اهدي وبكره خدها واخرجوا شويه طالما حابب تكونوا سوا
تجرع ليث كأسه وهو يبتسم بخبث / اممممم وليه بكره اليوم دانه هتكون معايا
نظر له الجميع بتعجب فغمز اهم ليث / متشغلوش بالكم انا عارف ايه اللي يخرج دانة هههههههههههه
هز جاسر رٱسه / أنا بدأت اخاف منك
نظر له ليث ببروده المعتاد وهز اكتافه بعدم اهتمام / لو كنت مكانك هخاف فعلا
حسام بضحكه / بس مش غريب انك بالسن ده وليك مركز كبير زي ما مانيره قالت
شرب ليث ببرود / الله يكرمها نيره هي ودانه هتكدر بسببهم بس مين قالك اني صغير
جاسر هو يسير له / شكلك صغير يعني اديك بحد أقصي تلاتين يعني انا اكبر
ضحك ليث بصخب / تلاتين
هز جاسر رأسه فتحدث بلاك ببرود / أنا 38 ياباشا
نظر الجميع له بتعجب فهو يظهر انه ببدايه الثلاثينات وصغير
صلاح وهو يشير لليث / اهو ده الحلم اللي عايز اوصل ليه بعد سنين بس كريمة هتطلعلي كرش وهتخليني اصلع بسبب عمايلها
ضحك ليث بشده / يبقي مشوفتش دانه وعمايلها
حسام بسخريه / ولا نيرة دي هتشيبني بدري بدري
ليث وهو يهز رأسه برفض / مش هتوصل لدانه واللي بتعمله فيا دي بتخليني كل يوم اتجنن اكثر وغيرتها المجنونه وخصوصا بعد الجواز دانه مش عقلت دي اتجنت وجنت عيالي معاها بقيت عايش مع عصابه
نظر الجميع له بتعجب / عندك عيال
ليث بسخريه / 38 مش هيبقي عندي عيال دول مش عيال دول حفنه من القرود تربيه دانه واخوها البايظ كنت بروح مهمات ارجع ألاقي أولادي بيضيعوا مني في الاول زعلت بس بعد كده اتأقلمت ولقيت الموضوع عادي اي نعم بقوا عيالي مش متربين بس رجعت وقولت وهو مين من عيال العيله الهبله دي متربي تربيه عدله البركه في سمر ودانه وعبدالرحمن فسدوا جيل كامل
ضحك الجميع عليه
حسام وهو يشرب العصير ولا يستطيع التحمل فضحك بشده / الله يبشرك بالخير انا شوفت مستقبلي مع نيرة وانا قاعد معاك
نظر ليث لجاسر وتحدث ببرود وهو ينظر لكوب العصير / انت كنت عارف ان ميسره في الزمن الفرعوني
جاسر بضحكه / والله خوفت اتكلم يقولوا اتجن
هز ليث رأسه وهو يفكر ان الليله ستكون دانه باحضانه وهو يعرف كيف يفعل ذلك
بينما عند الفتيات كانت الضحكه تهز جدران المنزل
سمعوا طرق علي الباب فدخل مهران ونظر لهم ببسمه / ربنا يديم الضحكه يابنات
ابتسمت له الفتيات فتحدث مهران وهو ينظر لطمطم / أنا كنت عايزك يا طمطم
احمرت طمطم بشده فقد علمت لما يريدها عمها بينما مهران ضحك بشده / يبقي قالك ها وانتي ايه رأيك
اخفت طمطم رأسها في حضن كريمة بخجل
كريمة وهي تضحك وتضمها / توكل علي الله يا حج مهران البنت موافقه ولولولولوي
اقترب مهران وقبل رأس طمطم وسألها مجددا / بجد يا طمطم مراد مش ابن اخويا ده ابني وانا متأكد انه هيأخد باله منك
أخرجت طمطم وجهها من عناق كريمة وابتسمت لعمها باتساع وهزت رأسها / عارفه يا عمي
مهران وهو يربت علي شعرها بحنان / خلاص بكره هبلغه الموافقه عشان هو عايز يكتب بأسرع وقت
ثم نظر لنسرين / طيب كده يبقي فرحين بس قولوا يارب بس
ضحكت الفتيات علي خجل نسرين الشديد واحمرار خدها
بينما نهض مهران / طب اسيبكم انتم تكملوا الليله يلا استمتعوا
هزت الفتيات رأسها
نظر الجميع لدانه
دانه وهي تنظر لهم بتعجب / في إيه بتبصوا كده ليه
كريمة وهي تحرك حاجبها / جوزك ظابط مخابرات خاص ايوه بقي يا عم علي الجمدان
دانه وهي تضحك / اها بس هو تقريبا انفضح كده
نسرين بتعجب / بس انتي ازاي عرفتيه وحبك إزاي انا اسمع ان بتوع الشرطه والناس دي معندهاش قلب ولا احساس
نيره بضحكه / آيوه زي ديك البرابر أسر
دانه بضحكه / هو اللي حبني الأول يا ماما ولمده عشر سنين بيحفي ورايا
قالت كلامها وهي تحرك رأسها بتكبر
طمطم بفضول شديد / لا احكي كل حاجه من الأول
ميسرة وهي تنظر لما ينظر له ابريس وفتحت فمها بصدمه / يا وجعه مربربة يا ولاد
ابريس وهو يبتلع ريقه / بدأت أصدق انك نحس فعلا ومغناطيس بلاوي
ميسره وهي تنظر لتلك العملاقه امامها فطولها كبير جدا يصل لاكثر من عشر امتار وعريضه جدا وعضلاتها ضخمه فهي عملاقه بصوره كبير / احيه يا ابريس هتفرم اتصرف
ابريس وهو ينظر لها بسخريه / مكنش يتعز يا قلبي بس انا متربط والله
ميسره وهي تري العملاقه تقترب منها وملامحها غاضبه / انتي بس مزعله نفسك ليه مفيش حاجه تستحق اقسم بالله لو عليا يعني وكده اعتبريني عيله هبله وغلطت.
الرئيسه بحده وبسمه خبيثه / هيا امسكي بها حتي ننهي المراسم
ميسره وهي تنظر للرئيسه / كلة منك يا خرابه انتي
ميسره وهي تنظر لها بخوف وكادت تركض ولكن سقطت أرضا من التوتر فجذبتها العملاقه من قدمها وميسره تحاول التشبث بالأرض وهي تصرخ / هي النسوان دي ملهاش راجل يلمها ولا إيه
ثم ضربتها بقدمها في وجهها فصرخت العملاقه بالم ونظرت بغضب اكثر لميسره بينما ميسره قالت وهي توشك علي البكاء / اسفه مكنش قصدي اعااااا الحقني يا ابريس
بينما ابريس يتحرك بغضب وحده ويصرخ وقلبه ينتفض مكانه من الخوف / ميسره حبيبتي اهدي والله هخرجك من هنا
ميسره وهي ترفس بقدمها بحده / هتاخدني جثه يا ابرييييس….. يابنتي كفايه بقي سيبي ام رجلي ياخربيتك لو عجباكي رجلي هلفهالك في جرنال وانا ماشيه
بينما العملاقه ملت من ميسره فانقضت عليها وامسكتها بحده ثم كبلتها بيديها بينما ميسره تحاول الفكاك منها ولكن لم تستطع توقفت ميسرة عن الحركه وهي تكاد تبكي عندما سمعت رئيستهم تتحدث / لتبدأ مراسم الزفاف
نظرت ميسره لابريس وقلبها يكاد يخرج مستحيل سيصبح لغيرها بينما ابريس وصل غضبه للقمه واخذ يحرك يده بشده حتي جرحت وأخذت تنزف ولكن وصل لحامل السكاكين في ثيابه وأخرج واحده واخذ يحاول ان يفك الحبال وهو ينظر لهم حتي لايلفت الانتباه بينما ميسره اغمضت عينها وهي تسمع أحدي النساء منهم والتي يبدو عليها انها أمرأه دين فهي من تتلو الكلام الذي يقال في الزفاف عندهم
تحدث ابريس وهو ينادي ميسره بينما هي تغمض عينها وهي تبكي ولكن هو أصر ان تسمعه / ميسره افتحي عينك انا لا يمكن اتجوز غيرك يا ميسره انا بحبك
بينما هي تهز رأسها برفض وهي تبكي لا تريد سماع شئ تحدث ابريس / ميسره إللي بيحصل ده ملوش اي فايده يا ميسره انا مسلم والمراسم دي مش معترف بيها في ديننا يا ميسره يعني مفيش حاجه هتحصل انا بحبك انتي ويا تكوني انتي مراتي يا ميكونش خالص
فتحت ميسره عينها ونظرت له ببكاء وحزن بينما هو ابتسم لها / إيه ياباشا ربنا هداكي ولا إيه
نظرت له ميسره بتعجب فاشار للفتاه التي تحملها / يعني بطلتي تحاولي تفكي منها فين ميسره المصيبه يأستي يا ميسره احنا لسه في أول الرحله اجمدي كده
ضحكت ميسره وسط بكائها ثم نظرت له وغمزت بشقاوه / عيب عليك ياباشا طب تعرف بقي انا اعرف ايه هي نقطه ضعفها
ابريس بتعجب / إيه
ميسره وهي تضحك بصخب / الزغزغه
اعقبت كلماتها وهي تقوم بزغزغه العملاقه بشده ضحك ابريس وهو ينظر للعملاقه التي تضحك بصخب وتتحرك بعشوائيه توقفت المراسم ونظر الجميع لما يحدث وصرخت رئيستهم / مالذي يحدث مارتينا توقفي عن الحركه
ميسره وهي مستمره فما تفعلي / انتي كلبوبه اسمك مارتينا يا ختي علي القمر ياختي
بينما هي بسبب ضحكها الشديد ألقت ميسره أرضا وأخذت تقفز حتي تتوقف
بينما ميسره نظرت لها بألم / ليه يارب كل شويه اخد وقعه انقح من إللي قبلها
ثم ركضت عند ابريس وجدته تحرر نظرت له بتعجب فغمز لها وامسك يدها وركض سريعا
وبعدما هدأت مارتينا نظر الجميع لم يجدوا ميسره ولا ابريس صرخت سبرينا / الحقيره خطفت زوجي
الرئيسه / امسكوا بهم ولا تعودوا بدونهم
ركض الجميع في انحاء القريه يبحثون عنهم بينما هم كانوا يكرضون عند منزل الضيوف دخلت ميسره بسرعه واحضرت حقيبتها وكذلك ابريس وكادوا يخرجون ولكن وجدوا مجموعه من النساء تدخل إليها فجذب ابريس ميسره للغرفه مجددا ونظر إليها فكادت تتحدث / اصمتي حتي افكر في شئ
بينما هو يدور حتي يجد حل سمع أحدهم يتوجه لهذه الغرفه فاشارت ميسرة لابريس بالذهاب خلف الباب فاختبئت
وامسكت تمثال وانتظرت ابريس بهمس / ماذا تفعلين
ميسره بضحكه خافته / حركة اتهرست في كل افلام الأبيض واسود
نظر له بتعجب فاشارت له بأن ينتظر ودخلت اول واحده منهم فضربتها ميسره بشده علي رأسها ثم جذبتها للداخل ابتسم لها ابريس وخبأ الفتاه وهكذا كانت كلما دخلت فتاه ضربتها ميسره علي رأسها
ثم نظرت بهدوء خارح الغرفه ونظرت ببسمه لابريس / خلصنا منهم يلا بسرعه ياباشا قبل ما يرجعوا
ركض ابريس وميسره للخارج وصعدوا علي الاحصنه الخاصه بهم وانطلقوا بسرعة كبيرة ولكن شاهدتهم الرئيسة وامرت الفتيات بإطلاق قذائف عليهم نظر ابريس فوجد بوابه الخروج امامه ابتسم ولكن انمحت هذه الابتسامه عندما رأي احدي القذائف تكاد تصيب ميسره فاقترب منها بشده فنظرت هي له ببسمه ولكن فجأه شعرت بيده تحذبها لحصانه بسرعه ويضمها له بشده فجاءت القذيقه ومرت من فوق حصانها واخيرا خرجوا من القريه ارجعت ميسره رأسها للخلف علي كتف ابريس بتعب وتحدثت ببسمه / اوووف نسوان لازقه يا جدع
ضحك ابريس بشده وابتسم لها وضمها له وسار حصانه الي جانب حصان ميسرة وهو ينظر اليه ويتنهد / يارب نوصل قطعه واحده للحكيم عشان حاسس اننا هنوصل شرايح والله
نظرت الفتيات بتعجب لدانه
كريمه بصدمه / يابوووووي كل ده للدرجه دي كان بيحبك عشان الضفاير بتاعتك طب ما انا بعمل ضفاير من وإنا صغيره ومحدش عبر اهلي
ضحكت دانه بشده / شوفي بقي ربك يصدف انه موجود في الوقت ده اللي انا اخرج بيه ويشوفني بره
طمطم وهي تغمز لها / بس جوزك طلع من الاخر يعني
نظرت لها دانه بتحذير / كخ يا ماما محدش يقول عليه كده غيري
كريمة وهي تتحدث لطمطم / وانا اللي قولت ربنا تاب عليكي يا سافله اخرسي
نسرين بتفكير / واضح ان جوزك بيعشقك آوي ربنا يديمكم لبعض بس هو شغله مش بيأثر علي حياته وطبعه وانتي أخدتي إزاي عليه
ضحكت دانه بشده / لا منا متعوده علي كده أصل بابا عميل زيه ويمكن اكبر وأقدم منه واخويا عميل برضو وماما كانت ظابط برتبه رائد بس استقالت من فتره طويله وكمان عمي سراج كان عميل مع بابا بس برضو استقال بس من وقت للتاني بيعمله كام عميله كده وكمان مرات سراج عمي هي مش عميله ولا ظابط بس للاسف من رأي المخابرات خسرت كتير عشان مشغلوهاش معاهم
نسرين / ياااه عيلتك كلها كده الله يكون في عونك تلاقي عيلتك صارمة وشديدة وعندها قوانين وضوابط صعبه اوي
نظرت لها دانه ثواني ثم انفجرت من الضحك وهي تسمع كلامها عائلتها هي منضبطه وصارمه ضحكت بشده وايضا هناك ضوابط ستموت. من الضحك / آه فعلا العيشه مع عيلتنا صعبه هههههههههههههههه هموووت مش قادره ههههههههههه صعبه اوي يعني محدش بيتحملهم ههههههههههههههه اسفه بس والله مش قادره هههههههههههه
تحدثت كريمة بشفقه / ياحرام البنت تقريبا مش بتعرف تضحك في بيتهم فجايه تضحك هنا للدرجه دي يابنتي
دانه وقد سقطت أرضا من الضحك وهي تتخيل رده فعلهم اذا حضروا أحدي اجتماعات العائله ورأوا سمر ومشاغبتها لاسد وجميله وجنون خالها عمر وحديث عمها سراج ضحكت بشده / آآآآآآه مش قادره هههههههههه
سمعت رنين هاتفها فضحكت بشده / اشششش عشان ده الحاج بيتصل احسن يفتكرني بقيت متسيبه ولا حاجه
نظر الجميع لها وهزوا رأوسهم بايجاب
طمطم / طب افتحي المايك عايزه اشوفهم بيتكلموا إزاي الناس الكبيره دي
هزت دانه رأسها وفتحت الهاتف والمكبر / مسا مسا علي عيونك يا مالك
نظر الجميع لها بدهشه ألم تقل ستحدث والدها اذن من مالك
كريمة / مين مالك ده
نيرة بضحك / ده الحاج ابوها الشديد
نظر الجميع لبعضهم ثم تابعوا بينما مالك تحدث بصوت لم يكن واضحا كثيرا بسبب الصوت بجانبه / عارفه يا دانه لو ملمتيش عيالك هتيجي تلاقيهم متعلقين عشان بيعصبوا نور وانتي عارفه اللي يزعل نور هعلقه
دانه بتذمر / جرا ايه يا مالك مش مستحمل احفادك كام يوم هي القيامه هتقوم يا جدعان ولا إيه
تحدث سراج بصوت مرتفع / ماااالك ما تلم ام احفادك يا أخي بيبلطجوا علي العيال
دانه بصوت عالي / هما مين دول يا سراج عيالي انا اللي بيبلطجوا ولا احفادك دول تربيه سمر يا راجل اتقي الله
ظهر صوت أسد بضحكه شديد / تربيه زفت علي دماغها والله بوظت احفادي الزفته مفيش جيل طلع عدل
سمر / ما بلاش يا أسد عشان لما اقطع عليكم متبقاش تزعل خد بقي السلطانه هُيام دي واطلع علي المقطم وسيبني اربي العيال
نور وهي تتحدث / من الاخر كده مفيش عيل اتربي في العيله دي
عبدالرحمن بتذمر / جرا ايه يا نبع الحنان منا فل ومتكلمتش اهو
نور / انت اكتر واحد ولا ناسي لما قفشتك مع رحمه في. امممممم
عبدالرحمن وهو يضع يده علي فمها / إيه يا نور هتفضحيني ولا إيه
سمر وهي تنظر لمراد وابنه / مفيش غير مراد وابنه القفل ده انا رأي اننا نقتلهم عشان ميبوظوش أخلاقنا الله يسامحك يا مراد بوظت اخلاق حفيدي
مراد ببروده الواضح / امممم اهدي يا سمر وملكيش دعوه بابني انا اللي هربيه
سمر وهي تكاد تتحدث فتحدث مازن / سراج مراتك هتفتح الحقها
سراج وهو يتحدث بعدم مبالاه / لم ابنك بس يا مازن عشان سمر عندها حساسيه منه ومن بروده
كادت جنه تتحدث ولكن قاطع صوت الجميع صوت مالك / بسسسسسسسسسسس لو سمعت نفس عارفين النفس انا هقتلكم واحد واحد فاهمين
عم الصمت في المكان ولم يتجرأ احد علي فتح فمه بينما مالك تحدث لدانه /طب يا دانه هكلمك بعدين في هدوء خلي بالك من نفسك سلام……. دلوقتي بقي نتناقش
اغلقت دانه الهاتف ثم انفجرت من الضحك علي ملامح الجميع / في إيه يا خربيتكم
كريمة وفكها يكاد يصل للارض / إيه العيله دي يابنتي
دانه وهي تضحك بشده / لا ده ولا حاجه دول حتي قاعدين قاعده صفا مع بعض
نسرين وهي لا تستوعب / دي قاعده صفا؟؟؟
هزت دانه رأسها / سيبك المهم
ثم نظرت لنيره / إيه حكايه الاخ حسام والنظرات الحلوه دي
نيرة بخجل / مفيش هو مديري بس ومفيش غير كده
كريمة وهي تضحك / يابنتي وكلامه اللي سمعتيه
دانه وهي تقترب منهم وتضحك / لا سوري اسمع الكلام بنفسي.
بعدما ابتعد كلا من ميسره وابريس عن القريه توقفوا في مكان به أشجار كثيفه وبحيرة صغيره هبطت ميسرة من الحصان وارتمت أرضا / اااااه يا ثريا ياللي جبتينى للغلب ياثريا الله يسامحك يا عبدالمنعم علي البهدلة دي
ابريس بضحك / ليه بس كده امسكي نفسك لسه موصلناش لليفل الوحش
ميسره وهي تصرخ بتعب / حرام اللي بيحصل ده مكنا قاعدين في بيتك معززين مهزقين ايه بس اللي خلانا نعمل كده والحكيم بتاعكم ده من بين أماكن ربنا كلها مخترش غير ام الخرابه دي اللي كل ماندب خطوه فيها نقع في مصيبه اكبر من اللي قبلها
ابتسم ابريس وهو يتسطح أسفل الشجره بجانبها ويتنهد باختناق / أولا ارض الموتي كلها كده كل خطوه فيها بمخاطرة ثانيا كل ده عشان خاطرك يا ميسره عشان ترجعي لبيتك وعيلتك وناسك
ميسره ببسمه سخريه / مليش حد يا ابريس أبدا حتي اللي انت شوفتني بكلمهم دول معرفش عنهم حاجه انا عرفتهم يوم واحد بس أي نعم هما بقوا آكتر من اهل وفي يوم واحد بس حسيت نفسي اعرفهم من سنين بس يا ابريس
نظرت له / انت عيلتي انا…. انا مش عايزه ارجع مش عايزه اسيبك يا ابريس مش هقدر انا بحبك يا ابريس
اغمض ابريس عينه بالم / بس ده اللي لازم يحصل يا ميسره كل حاجه لازم ترجع لطبيعتها انتي ترجعي بلدك واحنا نرجع كمت لينا من جديد
كان ابريس يتحدث بألم هو لا يردها ان تتركه ولكن ست محق هي يجب أن تعيش في عالمها وليس عالمه هو أصبح لا يهتم بالقضاء علي حورس بقدر ما يهتم بها هي….
حبيبته ومعشوقه الروح والفؤاد يمكنه ان يتخلي عن أي شئ وتبقي معه ولكن لايريد ان يظلمها وتندم فيما بعد هي لم تري شي من حياتهم بعد
بينما ميسره كانت تنظر له وهي تفكر انه محق يجب أن تنهي هذا الأمر حتي يحصل ابريس علي مايريد ستفعل هذا وتضحي بحبها من أجل أن يعيد الحكم له نعم ستفعل هذا من أجله شعرت ميسره بابريس بجذبها له وجعل رأسها ناحيه صدره الذي كان يخفق بعنف وصخب وتحدث وهو يتألم / استريحي يا ميسره استريحي يا قلبي محدش عارف لسه هنقابل ايه
بينما ميسره اغمضت عينها وذهبت في النوم وهو فقط يمسد شعرها ويفكر في قراره الذي اتخذه هل فعل الصواب ام لا…………
دانه بحدة وصراخ / يا أخت كريمة سيبيني مش هعملها حاجه ده انا بس هعرفها غلطها الهبله بنت الهبله دي
بينما نيرة كانت تختبئ خلف نسرين خوفا من غضب دانه / اوعي يا كريمة تسبيها دي ايدها طويله
دانه بحده / بقي يا هبله الواد قال انه بيحبك من زمان وبعشقك وانتي متنيلة علي عين اهلك بتحبيه وسيباه كده
نيرة بتذمر/ وانا اعمله ايه يعني اروح اقوله بحبك يالوح ياللي مش بتنطق
دانه وهي تنظر لكريمة / خلاص يا كريمه مش هعملها حاجه سبيني كده
ثم نظرت لنيرة / اترزعي يا بت واسمعي هو حبك كده بشكلك ده مقولناش حاجه معني انه يحبك كده يبقي حبك عشان نيرة مش عشان شكلها
نيرة بتذمر / وماله يعني شكلي
دانه وهي تنظر لها بتذمر /راجل يا نيرة انتي مش شايفه لبسك يا بنتي ده بيلبس اشيك منك
زفرت دانه ثم تحدثت برفق / أنا حكيتلكم حكايتي مع ليث وطريقه تعاملي مع أي حد ببقي زيك يا نيره واسود بس مع اللي يمسني بس او يستهبل غير كده بصدر الوش الرسمي بس مع ليث يختلف تماما معاملتي مع ليث غير أي حد معاه بخرج دانه الطفله والبنوتة الرقيقه ده مش بيقلل مني أبدا بالعكس الست انخلقت عشان تبقي مصدر للحنان ده الرسول يا نيرة شبهنا بارق شئ في الكون القوارير وقال عننا المؤنسات الغاليات يبقي مينفعش نعيش حياتنا كلها واحنا بنتصرف زي الرجاله يبقي ايه الفرق بينا وفين الميزه اللي انخلقنا بيها اللي هي الحنيه والرقه مش بقول تكوني رقيقه ومسهوكه زي بعض البنات اللي بيظهروا رقه زياده عن اللزوم لا بقول الاعتدال خليكي بره بيتك زي العسكري رسمي خالص ومع صحابك خليكي فريش شويه اضحكي وعيشي ومع عيلتك اظهري الحنان ومع حبيبك وجوزك بتظهري البراءه والحنان والرقه يا نيره
نظرت لها نيره ببسمه / ياااه يا دانه عمري ما توقعت انك تقولي كده أبدا
دانه ببسمه /حياتي علمتني كتير اوي يا نيرة دلوقتي محتاجين خطه نمشي عليها
كريمة وهي مازالت تنظر لها / أنا انبهرت بيكي يابنتي والله
نسرين وهي تضربها بكتفها / يبقي نتعظ بقي وخليكي رقيقه يا كرميلا
نظرت كريمة لدانه / خطتك ايه يا بنتي
دانه وهي تفكر / تؤتؤ احنا محتاجين حد محنك كده هو اللي يحط الخطه
نظر الجميع لها بتعجب وتحدثت طمطم / مين يعني
دانه ببسمه / هو شخص واحد اللي بلجأله في المواقف اللي زي دي
ثم أخرجت هاتفها وفتحت المكبر وبعد ثواني ظهر صوت / باشا ايه الأحبار
دانه ببسمه خبيثه / فل الفل بس عايزينك في مهمه قوميه يا سموره
كان الشباب يتحدثون وبعد مرور فتره طويله من التحدث ذهب الجميع في النوم ما عدا ليث الذي لم يتمكن من النوم بعيدا عن دانه فهو لم يعتاد علي ذلك منذ زواجهم حتي عندما كانوا يتشاجرون نهض بهدوء ثم خرج لخارج الملحق ذهب الحديقه الخلفيه من المنزل ونظر النافذه المضاءه فوق فهو منذ علم انهم سينامون هنا وهو درس كل الغرف بنظره وآحده وحسب ما يتذكر هذه غرفه الفتيات ولكن الجميع مازال مستيقظ لذا لينتظر قليلا حتي يناموا
بينما في الاعلي كان الجميع يحدث سمر
سمر وهي تجيب / آيوه ياباشا فيه اي بالضبط
دانه وهي تنظر لنيرة / الحكايه يا ريسه فيه واحد بيحب وآحده آوي
سمر / يا بختها
دانه/ وهي برضو بتحبه آوي
سمر / حلو
دانه / بس هو بيحبها بقاله آكتر من عشر سنين ومخبي مع انها قدامه بس هي يعني….
سمر بترقب / مالها بتلات عيون ولا بتمشي علي ايدها ورجليها
دانه / لا هي عاديه يا سمر و…
قاطعتها سمر بصراخ / طالما مفيهاش عيب البنيه الاستاذ مش بينطق ليه قطع لسانه الحيوان هي بنتنا يعيبها ايه يعني مش فاهمه الرجاله دول عايز يتولع فيهم بجاز
سراج من خلفها وهو يضمها / قلبي مفرق الجماعات وهادم اللذات بيعمل ايه بتطلقي دانه وليث ولا إيه
سمر وهي تنظر له بتذمر / سراج هو أنا عمري اتدخلت في شغلك قبل كده
سراج بتعجب / لا ليه
سمر / يبقي بليز سيبني اشوف شغلي في مستقبل بيضيع هنا
ضحك سراج بشده وقبلها من خدها / قصدك مستقبل بيولع هنا هروح اخد شاور وانتي خلصي مع البارده دانه دي
دانه بغضب / جرا ايه يا انكل سراج ده انا حتي بحبك ياراجل
سراج وهو يتركهم ويرحل/ هههههههه باماره ال154 مره اللي كنتي هتخلي سمر تطلق مني فيها
نظرت دانه للفتيات / قلبه اسود آوي بيعدلي عدد المرات ….. المهم يا سمر خليكي معايا
سمر بانتباه / آه صحيح كنت فين.
سراج من الداخل /الرجاله عايز يتولع فيهم بجاز
سمر / تسلم احبي ايوه ليه بقي مش بيعترف المنيل علي عينه
دانه وهي تنظر لنيرة / يعني عشان نيرة في اسلوبها جامده شويه ولسانها طويل
سمر بسخريه / طب ما انا وانتي كده ايه الجديد يعني
دانه / يا سمر البت ناشفه خالص زي الرجاله حتي في لبسها برضو زيهم دول الرجاله بيلبسوا اشيك منها
نيره وهي تنظر لها بحنق /انا جنبك علي فكره
سمر / اممممممم جيتوا للشخص المناسب اسمعي يابت منك ليها
استيقظت ميسره ونظرت لابريس بابتسامه فقد كان غارق في النوم اشفقت عليه فهو يبدو متعبا ولكن وجدته فتح عينه ونهض / صباح الخير
ميسره ببسمه / مساء الخير ياباشا صباح مين بس احنا داخلين علي المغرب
ابتسم ابريس / طب يا لمضه تعالي ناكل اي حاجه قبل ما نتحرك
هزت ميسره راسها ببسمه ثم ركضت واحضرت بعض الطعام من حقيبتها وجلسوا ياكلون بينما ميسره منغمسه في الاكل كان ابريس فقط ينظر إليها يود لو يبقي هكذا معها وللابد لا يريد أن يضيع لحظه وآحده معها
كانت المملكه كلها منقلبه رأس علي عقب بسبب غضب حورس الشديد وكانوا حراسه يقتحمون جميع البيوت المشكوك بهم ليبحثوا عن حبيبه الملك وحورس ذهب بنفسه مع مجموعه من الحراس لمنزل ابريس ولكن لم يجد شئ فست سبق وحذرهم بقدومه لذا اتخذوا الاحتياطات أراد ازي ان يتخلص من حورس ولكن ست رأي بأن ينتظر ابريس افضل للجميع لتجنب اي مخاطرة بينما ازي كان لايترك زوجته ثانيه واحده فقط خوفا ان يصل إليها حورس مجددا بينما حورس أصبح أخطر واخطر
كان الجميع يجلس صباحا وهم يتحدثون في أمور مختلفه منها عقد قران مراد وطمطم وعرض جاسر لنسرين
كريمة بتعجب / صحيح هي دانه فين من الصبح مشوفتهاش
مراد بتعجب / وكمان ليث من إمبارح اخر مرة شوفته
ضحك صلاح / يبقي الباشا عملها زي ما قال
ضحك الشباب بينما الفتيات لا يفهمن شي
تحدث حسام /أصله امبارح قال ان مراته مش هتبات غير معاه زي ما خطط بالضبط وعملها البرنس
ضحك الجميع بينما كريمة نظرت لنيرة وغمزت لها فتحدثت كريمة / طب لما دانه تيجي هنخرج عشان نجهز لكتب الكتاب.
نظرت نيرة لحسام الذي لم يرفع نظره من عليها منذ جلوسها وفكرت بأنها ستفعل المستحيل من أجل حبها له
استيقظت دانه ونظرت حولها بنعاس ثم انتفضت بفزع أين هي الآن نظرت بجانبها وجدت ليث ينام بملائكيه تخالف طبعه الحاد والشرس وبروده ابتسمت بعشق شديد زاد وزاد مع مرور الايام واقتربت وابتعدت خصله شعره وقبلته ثم ابتعدت وابتسمت بخبث ثم اخذت تصرخ بشده فنهض ليث بفزع شديد ونظر لها بخوف واخذ ينظر لجسدها / دانه مالك يا حبيبتي انا اذيتك ولا حاجه مالك فيه ايه
بينما دانه فركت عينها وتصنعت البكاء / انت إزاي تعمل معايا كده انا علي فكره اهلي ربوني كويس انا بنت ناس إزاي تعمل فيا كده إزاي انا إزاي سلمتلك نفسي كده
نظر لها ليث بغضب ثم دفعها في وجهها بغضب /غوري يابت من وشي عشان هقتلك ايه البلاوي دي ده انا جايب منك عيلين يا هبله يا هبله
ثم نهض واتجه للحمام بينما هي ضحكت بشده وتذكرت كيف وصلت لهنا
F. B
نظر ليث للغرفه التي أظلمت هذا يعني انهم قد ناموا انتظر قليلا ثم ابتسم بخبث ثم اخذ يتسلق الشجره حتي وصل للغرفه بسرعه ثم دخل بكل هدوء كان الظلام يعم المكان فاخرج هاتفه وقام بالاتصال بدانه فرأي هاتفها يضئ فمن عادتها انها تغلق الصوت وهي نائمة ذهب حيث دانه ثم حملها برفق وحنان وضمها اكثر له وقبلها بحنان من جبينها ثم سار للخارج بهدوء وهبط الدرج وخرج من المنزل وذهب لسيارته وقادها بهدوء وهو ينظر لها مثل الملاك اه ياجنيتي لكم اعشقك نظر وجد نفسه وصل للفيلا التي قام بتأجيرها فهي تبعد فقط عشر دقائق عن المنزل الذي يجلسون به هبط من السياره وحملها برفق ثم دخل للفيلا واضاء الانوار وهو يصعد بها الدرج فتحت عينها وابتسمت بنعاس ثم وضعت يدها علي رقبته وقبلت رقبته بحنان / برضو نفذت اللي في دماغك
رنت ضحكه ليث المكان وهو يداعب انفها بحب / مقدرتش انام بعيد عنك يا جنيتي
B
سمعت دانه رنين الهاتف فنظرت له وجدته زياد فابتسمت بحنان واجابت /اهلا يا زيزو.
زياد وهو يتحدث / مراحب يا دانه عامله ايه ياتري ليث بيعاملك كويس ولا ايه
دانه بضحك / اها ياباشا متقلقش
إياد وهو يتدخل في الحديث / طب يا دانه احنا بس كنا حابين نصبح عليكي ونقولك اننا قررنا نعمل رياضه صباحيه كده
دانه بفخر / حبايب مامي يا ناس ربنا يقويكم يا قلبي
زياد / بس للاسف واحنا بندرب في اوضه مالك تقريبا كده اممممم الاوضه اتدمرت
دانه بحنق / اللهي تنفضحوا يا جذم عملتوا ايه
إياد ببراءه / ولا حاجه يا دانه هو بس مش عارف تقريبا الآلات بقت قديمه فباظت
دانه وهي تزفر / قديمه ايه فاكره ان مالك لسه مغيرها قريب
زياد/ ما علينا المهم دلوقتي نعمل ايه نلبسها لنور برضو ولا إيه
دانه وهي تفكر / لا يا عم لسه ملبسينها مصيبه من إمبارح هيبقي آتنين ورا بعض ايه مالك يقول علينا بنتبلي علي مراته
إياد ببراءه / لا استغفر الله احنا مش مفتريين أبدا احنا نلبسها لخالي عبده
دانه وهي تفكر / حلو اوي دي وكمان مقنع آوي يعني دخل يتدرب فبوظ الحجات لمالك واحنا ملناش دعوه
زياد /تمام يا والدتي هنروح نعمل نفسنا نايمين قبل ما مالك يصحي سلام
دانه / سلام
ليث / الواحد بدأ يخاف منكم يا قادرين انتم شله شياطين قاعده تخطط مع بعضها
ابتسمت دانه بحب له وهي تراه يخرج ويجفف شعره نهضت واقترب منه وقبلت خده / صباحك سكر يا بلاكي
ضحك لها ليث وهو يضمها /صباح الكراميل يا جنيه بلاك يلا اجهزي عشان نروح للشباب
ضحكت دانه وقبلت خده / طياره يا بلاك باشا ضحك بلاك عليها وانتظرها حتي انتهت وعادوا للمنزل وجدوا الجميع مجتمع في الساحه نظر له جاسر / ليث تعالي بسرعه ميسره بتكلمنا
ذهب ليث بسرعه ونظر للقلاده وجد ميسره وبجانبها شاب تحدثت ميسره وهي تنظر لليث بضحكه / اهلا اهلا اذكي اذكياء البيت نورتنا ياباشا
ثم أشارت لابريس / ده رفيق الكفاح ابريس
هز ابريس رأسه ببسمه
ليث وهو ينظر لهم بدقه / هو بيفهم عربي
هزت ميسره رأسهأ ببسمه / آيوه بيفهم ودلوقتي لازم نوضح كل حاجه عشان تقدروا تساعدوني
جلس الجميع ونظروا بانتباه لميسره وبدأت هي تقص عليهم كل شئ حدث معها بالتفصيل حتي انتهت
كريمة بخبث / اووووه الاڤ ولع في الكورن يابت يا ميسره
جاسر بعدم تصديق / كل ده حصل معاكي وانا… انا كنت فين كنت كنت…. سيبتك لوحدك وانا
لم يستطع ان يتحدث فقد غلبه البكاء لقد فرط في أخته وضع حسام يده علي كتفه
وابتسمت ميسره وتحدثت بمزاح / جبتك يا عبدالمعين تعين ياباشا مش وقته زعل دلوقتي بعدين انت مكنتش تعرف حاجه
ليث وهو ينظر لهم بدقه / دلوقتي ايه الخطوه الجايه ليكم وياتري ممكن تصادفوا ايه في رحلتكم السوده دي
نظر ابريس له ببسمه ثم تحدث بهدوء /مملكة الافاعي هي اخر مملكه هنمر بيها قبل مانوصل لكهف الجنوب
ميسرة وهي تبتلع ريقها بتوتر / يارب تكون مملكه الافاعي دي مجرد كنايه بس
ضحك ابريس بخفوت وهز رأسه برفض بينما ليث نظر لهم بتركيز يفكر في الخطوه القادمه
ميسره وهي تتحدث بتفكير وبسمه متحمسه / وساحره الجنوب مش هنشوفها
ابريس بضحكه شديده / انتي قولتيها ساحرة الجنوب والكهف الجنوبي
دانه بتعجب / هو ايه اللي جاب حوريه فرغلي عندكم
اقتربت كريمه من الفتيات وتحدثت بخفوت / مش حابه أبوظ الجو ده بس في خبر زي الزفت علي دماغ اللي خلفونا كلنا
نظرت الفتيات لها
فتحدثت كريمة ببسمه مغتاظه / استعدوا ياشباب لان عمتو نجلاء وبناتها الرخمين هيشرفونا بزيارتهم الغير مرغوب بيها عشان كتب الكتاب
نظرت دانه ونيرة بتعجب بينما نسرين نظرت لجاسر برعب
نيرة بخفوت / لا مؤاخذه في اللفظ لا مؤاخذه في إيه في اللفظ مين تنت نجلاء دي
طمطم وهي تبتلع ريقها / عمتنا وبناتها اللي لو شافوا راجل بيعملوا المستحيل عشان ياخدوه او يتجوز وآحده فيهم وياسواد اللي جوز وآحده منكم عجب وآحده منهم
نظرت نيره لهم /بغض النظر ان اللي هيقرب من حسام هطين عيشه اللي جابوهم وهخربها علي دماغهم بس حسام مش الأجمل هنا في غيره أجمل واجمل اللي عيونه ملونه وعنده غمازات وشعره سايح
قالت كلامها وهي تنظر لنسرين وقصدها جاسر
ثم نظرت لدانه / وفيه اللي عنده هيبه وقوه تجذب اي بنت وعيونه وشعره
طمطم بضحكه وهي تنظر لنسرين ودانه / وياتري مين الأجمل بين جاسر وليث
دانه وهي تجز علي أسنانها / ده شكله هيبقي مرار طافح عليكم وعلي عمتكم وعيالها اقسم بالله اقلع شعرهم وآحده وآحده بسناني دي ولا يرفلي جفن
ضحكت الفتيات بقوه عليها
نظر ليث وجد دانه وجهها احمر بشده فاشار لها بمعني هل هناك شئ فنهضت دانه واقتربت منه وضمت يده لها وهزت راسها برفض وهي تنظر بشراسه امامها وعلي أتم الاستعداد للانقضاض علي أي شخص يقترب منه
تحدثت ميسره وهي تفرك وجهها / كفايه يا عم ابريس تعالي نستريح
ضحك ابريس عليها/ امشي لسه شويه
ميسره وهي تهبط من علي الحصان وتجلس أرضا فجلس بجانبها / مستعجل علي البلاوي ليه ياباشا هنروح هنروح متقلقش
رأت ميسره تجمع بعيد فاشارت لابريس / ابريس بص اللي هناك ده
ابريس بحده / تآني يا ميسره
ميسره ببراءه / في إيه أنا بس عايزه اشوف ايه ده
ابريس بحده / مش هنتحرك من مكانا يا ميسره فاهمه
كادت ميسره تتحدث ولكن قاطعهم ليث وهو يشير خلفهم / مش حابب اقاطع الخناقه دي بس أظن أن فيه موضوع اهم كده جاي واركم
شعرت ميسره بظلال كثيره تحيطها هي وابريس فرفعت راسها وجدت رجال يحيطونهم من جميع الجهات ويوجهون رماح لهم
ميسره بضحكه شديده وهي تشير لهم / شوفت متحركتش وهما اللي جم لوحدهم يا جدع تبقي قاعد في امان الله تلاقي المصايب بتخبط عليك
ابريس وهو ينظر لهم ويهز رأسه بيأس / اخرسي يا بومه انتي اس المصايب هنا
كريمة وهي تلطم / يا وجعتك الطين يا ميسره
ليث وهو يبتسم بخبث / اممممممم اجازه مش بطاله شكلها هتكون رحله ممتعه آوي
ثم ابتسم بسمه تدل علي عوده بلاك / اسمعوا اللي هقول عليه ونفذوه بالضبط
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة الفراعنة)
