رواية لعنة الفراعنة الفصل السابع 7 بقلم رحمة نبيل
رواية لعنة الفراعنة الجزء السابع
رواية لعنة الفراعنة البارت السابع
رواية لعنة الفراعنة الحلقة السابعة
نظرت نسرين لهم بخجل وكادت تتحدث لولا سماع صراخ جاسر باسمها / نسريييييييييييييين
نظرت نسرين بفزع للدرج ثم ركضت برعب ولم تهتم بنظرات هذا الشرطي او والدها أو أي أحد كل ما تهتم به هو جاسر فقط أخذت تنادي برعب خوفا من أن يكون اذي نفسه / جااااااسر جااااااسر
دخلت للغرفه بسرعه وجدته كعادته منزوي في ركن في الغرفه ولكن المختلف هنا هو أنه يمسك يده التي تنزف بغزاره توقف قلبها برعب وهي تنظر للدماء التي تسيل منه / جاسر جاسر حصل إيه
ركضت عنده للركن وهو يضم رأسه لقدمه بينما هي تحاول رفع رأسه نظرت بخوف ودموع تهبط بدون شعور / هو ماله يا كريمة كان كويس
كريمة / والله ما أعرف يا نسرين هو كان قاعد عادي هنا وأنا كنت بعمل مكامله فجأه لقيته بيصرخ ويمسك أيده وهي بتنزف أسفه والله ما اخدتش بالي
هزت نسرين رأسها ثم نظرت لجاسر وهي ترفع شعره عن وجهه وتناديه بحنان كبير / جاسر بص دي أنا نسرين بص يا جاسورة جبتلك إيه ها بص
كانت تتحدث وهي تمد يدها بالكيكه التي كانت ذاهبه لاحضارها / بص الكيكه إللي إنت بتحبها يا جاسورة بص طب ارفع وشك أنا نسرين هو إنت مش بتحب نسرين
نظرت لكريمه بخوف عليه ثم اعادت النظر له / طب خلاص بقي نسرين هتمشي وتسيب جاسر لوحده وكمان هتاخد الكيكه معاها
كادت تذهب ولكنه رفع رأسه بسرعه وامسكها ونظر لها برعب خوفا من ذهابها ابتسمت ومدت له الكيكه ظنا إنها ما يريد ولكنه خالف توقعاتها وجذبها بشدة لاحضانة وضمها بقوه كبيره خوفا من ذهابها
بينما هي توقف قلبها عن الخفقان وشعرت بأن انفاسها تُسلب منها بينما كريمة وضعت يدها علي فمها بصدمه / يا خربيتك
كان جسد نسرين يرتجف مما فعله حاولت الإبتعاد سريعا فهذا خطأ كبير لا يجوز فعله ولكنه لم يوافق علي هذا الشئ بل ظل متشبثا بها وكأنها ستهرب منه لم تستفيق نسرين من هذه المشاعر التي واجهتها سوي علي صوت صراخ والدها بها / نسرييييييييين
أحد الحراس / ها هي الهاربة احضروها
نظر ابريس لبيك وازي نظره خاطفه علموا بها ما يجب فعله فأخرج بيك سكاكين من ثيابه وانطلق تجاه الحراس بسرعه كبيره بينما ازي حمل أول شئ قابلة وهو تمثال من المعدن وانطلق لهم واشتدت المعركه بينهم بينما ابريس امسك يد ميسره وجذبها خلفه بسرعه رهيييبه وقفزوا من النافذه القصيره التي تطل علي شارع صغير امسك يدها ونظر في عينها / مهما حدث لا تتوقفي عن الركض هل تفهمين
نظرت ميسره له وغمزت بمشاكسه / يابا احلي جري عليك ده أنا من ساعة ما رجلي خطت المكان ده وأنا بجري يلا نتوكل علي الله
ابتسم لها ثم امسك يدها بقوه وكأنها ستهرب منه ثم أخذ يركض وهي معه كانوا يركضون في الأسواق وابريس ينظر خلفه حتي يعلم إذا كانوا لحقوا به أم ماذا ولكن لسوء الحظ وجد مجموعه من الجنود في نصف السوق عندما رأوهم
صرخ أحدهم / ها هي امسكوها
ميسره / المنحوس منحوس يابا
ثم امسكت يده وجذبته / لف وارجع تآني لف وارجع تآني
أخذت تركض وهو خلفها هذه المره
ميسره وهي تركض وتصرخ / هو مفيش حد فام البلد بيدوروا عليه غيري يعني سابوا كل المجرمين و متمسكين بقرمط آوي روحوا كشفت راسي ودعيت عليكم يا بعده
بينما ابريس كان ينظر خلفه توقف فجأه ونظر لهم
بينما هي توقفت واخذت تلطم / إنت بتعمل إيه يخربيتكم هتتفرم هيا هيا لنهرب يا رجل سوف يقتلونا
ابريس وهو يخرج سيفة / حسنا لا فائدة من الهرب لآبد من المواجهه
ميسره وهي تسحب زراعه ولكن بدون فائدة فهو مثبت بالارض /مش وقته شعارات يلا هتتفرم يا عمي بسرعه
نزع يدها عنه وتحدث بتركيز وهو ينظر إلي الحراس وهم يركضون إليهم / فقط ابتعدي آنتي
ميسرة بضحك / يحضرني الان مشهد اللمبي لما قلع الجاكت وقال لمراته امسكيه احتمال تبقي ذكري فيا حسرتاه عليك يابني شكلك إنت كلك هتبقي ذكري
ابريس بغيظ لما تقوله /ماذا تفعلين
نظرت ميسره الحراس الذين أصبح عددهم كبير / الفاتحة يا شباب علي روح المغفور إليهم ميسره والحج ابريس
بينما في المنزل كان كلا من بيك وازي يضربون الحراس بكل قوتهم
بيك بغضب وهو يضرب / كيف وصلوا إلي هنا وكيف عرفوا اننا من اخرجنا الفتاه
ازي وهو يصيب أحد الحراس / لا أعرف ربما رآنا أحد ما
بيك وهو يغرز سكينة في أحدهم / اشك في ذلك
بينما نفتيس كانت تختبئ بالخارج وهي تبتسم باتساع فقد علمت بالصدفه إن هذه الفتاه مطلوبه من الملك وانها هاربه لذا استغلت هذه القرصه للتخلص منها وبعدها سيصبح ابريس ملكا لها
ابتعدت نسرين بسرعه ونظرت خلفها بفزع
سالم والد نسرين / إزاي يا محترمه تعملي كده وكمان تسيبي الراجل قاعد بره وتجري ها أنا لما وافقت تخلي المجنون ده هنا فعشان آنتي قعدتي تتحايلي عليا وإنه كام يوم وهتلاقي أهله بس خلاص كده خلصت النهاردة ميباتش في البيت وديه أي نيله أو ارميه في أي حتة أو يروح مترح ما جه
عزت نسرين رأسها وهي تبكي بشده / لا يابابا بالله عليك هو
قاطعها والدها بشده / أنا قولت إللي عندي وعايز أعرف رأيك في حضره الظابط في أسرع وقت
ثم خرج وتركها تنظر بصدمه له نظرت لها كريمة باسف ثم خرجت من الغرفه هي تعرف نسرين في ذلك الوقت لن تود إن يكون أحد بجانبها
نظرت نسرين لجاسر الذي كان يضع يدة علي اذنه وهو يبكي
سقطت نسرين ارضا واخذت تبكي ماذا ستفعل الان هل ستتركه وحده هل ستستطيع فعل ذلك
أخذت تبكي بشده عليه وعلي حالته بينما هو ذهب إليها ووضع رأسه علي قدمها وأخذ يبكي معها نظرت نسرين لما فعل وزادت حده بكائها بحق الله إنه طفل كيف ستتركه أخذت تبكي بشده عليه وهو يبكي عليها
بينما كريمة سمعت بكائها في الخارج وكانت تبكي عليهم نظرت وجدت صلاح يقف علي مسافه منها ويبتسم بحزن فمسحت دموعها وكادت تذهب لولا إنه أوقفها / لحد أمتي يا كريمه هتفضلي كده
ألتفتت له ونظرت له بحزن / لحد ما انسي إللي عملته يا صلاح
اقترب صلاح منها بحده / عملت إيه ها عملت عشان دم كله إيه مش حاسه بيا ولا حاسه بقلبي حرام عليكي
كريمه وهي تبتعد عنه وتتحدث بحده / عملت أي ؟؟؟مش عارف عملت إيه بعد ما قعدت تقولي بحبك ومش بحبك وهتكوني ليا لوحدي ومراتي وحبيبتي وهكلم عمي إذ وفجأه تيجي في يوم وتقولي كل شئ قسمه ونصيب يا كريمة وأنا بحب صاحبتي وهتقدم ليها
اختنق صوتها ثم نظرت له بغضب شديد وصرخت / ولما ست الحسن والجمال شافت غيرك وطلعت بتقضي وقت رجعت ليا وكأنك اكتشفت إنك بتحبني صح
أخذت تصفق / لا برافو برافو بجد بس لا يابن عمي مش كريمة مهران إللي تبقي استبن لحد حتي لو كان الحد ده في يوم من الايام روحها فيه هخرج روحي وادوس عليها فاااااااهم يا إبن عمي
نظر لها صلاح بصدمه وقلبه يكاد يخرج من مكانة بينما هي نظرت له بسخريه وتحركت وهي تنوي علي شئ ما
ذهبت كريمه لمكتب والدها في المنزل وطرقت الباب و انتظرت سماحه لها بالدخول دخلت كريمة للمكتب وهي تقنع نفسها ان هذا هو ما يجب فعله / بابا كنت عايزاك في موضوع
تحدث مهران بتعجب / في إيه يا كرميلا
كريمة وهي تأخذ نفس لتهدأ نفسها / أنا موافقه علي عرض إبن صاحبك موافقه علي الزواج
مهران بفرحه وهو يقترب منها/ موافقه بجد يا كرميلا
كريمة وهي تمنع دموعها / آه موافقه بس بشرط……
بينما طمطم كانت تقف امام نفس العماره وهي تبتسم بحزن / ياتري قربت ولا لسه يا طمطم ياتري مستخبي ليكي إيه
أخذ ابريس وضع الاستعداد وهو ينظر للحراس
بينما ميسرة ابتعدت للخلف أكثر وهي. تبتلع ريقها بخوف / كان يوم اسود هو كان يوم اسود يوم ما أيدي كتبت اثار ورجلي دبت أم الكلية الزفت دي وحسبي الله ونعم الوكيل فيك يا دكتور يحي إنت وعلي وحنان والواد حموكشة والواد الرخم إللي حبسني اممممم آه والواد بتاع الاتوبيس وعامل الكافيتريا في الجامعة و عمي فرج بتاع السوبر ماركت أبو عيون زايغة وبتاع المكتبه النصاب
كان ابريس يقاتل بشدة وهو يقطع هذا ويسيل دماء هذا وهي فقط تتحدث بالتراهات نظر خلفه لها بحده / هلا تكرمتي وتوقفتي عن الكلام فأنا اقاتل هنا و آنتي تشتتيني كثيرا
ميسره بسخريه / قول بقي إنك هتتغلب فبتعلث فشلك عليا
ادخل ابريس سكين في بطن أحدهم فسقط ارضا واستدارت ينظر بشر لميسره وهو يحمل الشطين بها الدماء /فقط اصمتي
ميسرة / أنا مش بتكلم أساسا كمل ياباشا معلش عطلناك
ألتفت ابريس يكمل قتال بينما هي تنظر له وتصفق وتصفر له ثم أخذت تغني له / سعدك صاعد يا عنترة فخر وعزه ومقدرة
القي ابريس نظره عليها لما تفعله فهي تحمل عصا وترقص بها خلفه انفجر ضاحكا عليها وعلي ما تفعله ثم نظر للجثث إمامه وابتسم بسخريه فهؤلاء لا يصلحون حتي أن يكونوا بائعين كيف يمكن لهؤلاء الاشخاص بدون أي خبره أن يكونوا حرس
نظر لميسره التي كانت تنظر بانبهار له وتصفق / أحسنت يا بني والله
ابتسم لها ابريس
بينما هي لم تصمت / كيف قتلت كل هؤلاء اقصد مهما كنت شجاعا فالكثره تتغلب دائما علي الشجاعه
اقترب منها بشده واقترب من اذنها وهمي بهمس اذابها / ليس أي كثره يا جنيتي
ثم مد يده وامسك يدها وجذبها خلفه وسار بها في عدة شوارع حتي وصل لمكان يشبه الخيمه فدخل فيها واحضر بعض الثياب واحضر لها فستان طويل وزينة رأس لتخفي بعض من ملامحها وامرها إن تدخل لترتديها و انتظرها بالخارج ثواني وكانت تقف أمامه أميره فرعونيه غايه في الرقة والانوثه لم يستطع إن يرفع عينه عنها أبدا بينما هي تحدثت / ما رأيك جميلة الست كذلك حسنا لا داعي لرأيك فأنا أعرف نفسي
هز رأسه بيأس ثم امسك يده وسار بها / فقط لو تصمتي لدقيقه لكنتي أجمل نساء العالم
ميسره بضحكه عاليه / أنا كذلك بالفعل عزيزي ابريس
نظر لها بشرار / اخفضي صوتك ولا تضحكي بصوت عالي يا فتاه
نظرت له بتذمر / طب سوق وإنت ساكت يابا
نظر لها بتعجب ولكنه فضل أن يصمت حتي لا تتحدث مجددا
بعد ليله طويلة قضتها في جناح الملك حورس عادت نانيس لجناحها وهي تنظر حولها بتوتر دخلت لجناحها ولم تكد تأخذ انفاسها حتي شعرت بشخص يسحبها ويحاصرها علي الباب نظرت نانيس له برعب من عيونه الحمراء التي تظهر ان ليلته لم تكن بالهينه أبدا
تحدثت بارتجاف وهي تعرف نظرته / لم يفعل شئ اقسم لك لم يفعل شئ أنا…. أنا
تحدث المجهول وهو يضع رأسه علي كتفها ويهمس بتعب في اذنها / سوف اقتله إن لمسك فقط نانيسي آنتي لي وحدي أنا أليس كذلك
أشفقت نانيس عليه كثيرا فامسكت وجهه واستندت بجبينها علي خاصته /اششششش لم يلمسني اقسم لك أنا رضعت له تركيبه في المشروب فسقط فورا لم يلمسني أبدا أنا لك أنت فقط
تحدث كطفل صغير تائه / وولكن طوال الليل كنتي
فهمت ما يريده وكيف لا وهو طفلها الصغير رغم إنه أكبر منها بكثير ولكن في نظرها هو أكبر طفل / لم أستطع الخروج من الجناح ليلا حتي لا اثير الشكوك أو إذا رأني أحد سيخبر حورس وسيعلم انني اخدعه دائما هل فهمتني حبيبي
نظر لها بعشق وضمها بشده / ااااه نانيس متي ننتهي من هذا الكابوس المسمي حورس
ابعدها ونظر إليها / يجب أن نبدأ خطة تدميره باسرع وقت
نانيس وهي تنظر بخوف مما سيحدث / اتمني ان ينتهي الأمر علي خير حبيبي
ضمها مجددا بشده / سيكون اعدك بذلك
دخلت نسرين غرفه والدها بعدما اذن لها وتحدثت له بخجل / بابا إنت أسفه علي إللي حصل
نظر سالم للجهه الاخري بحزن
فاقتربت منه وهي تركع عند قدمه وتحدثت بدموع / إنت زعلان من نونا قلبك يا سالم ها تهون عليك نونتك
نظر لها سالم بعتاب / زي ما أنا هونت علي نونتي إنها تحرجني وتصغرني قدام الناس
نسرين وهي تقبل يده / ما عاش إللي يصغرك يا بابا والله مش قصدي بس جاسر كان
قاطعها والدها بحده / متجبيش سيرته وزي ما قولتلك تخرجي الواد ده من بيتي فاهمه
نظرت له بدموع / يابابا حرام أخرجه إزاي ده عامل زي الطفل اوديه فين بس
سالم بدون اهتمام / مليش فيه المهم يخرج من هنا
كادت تتكلم ولكن قاطع كلامهم مهران وهو يدخل وخلفه كريمه / الواد ده مش هيخرج من هنا يا سالم
نظرت نسرين بفرحه لعمها ثم نظرت لكريمة التي غمزت لها فابتسمت نسرين بفرحه وحركت فمها ب(شكرا)
سالم / كلام إيه ده يا مهران إنت م عا……
مهران وهو يقاطعه / إللي عندي قولته يا سالم الشاب ده ضيف في بيتنا لحد ما نلاقي حد من أهله أو هو يفوق لنفسه وقتها يبقي نسيبه يمشي غير كده هو معانا هنا وهنعامله زي أي واحد من عيالنا مفهوم يا سالم
سالم وهو يحترم رأي أخيه الكبير / إللي تشوفه يا مهران
ثم نظر لنسرين وتحدث ببسمه /مبسوطه أهو أمر جه من الراس الكبيره بذات نفسه
ابتسمت نسرين وعانقت عمها وهي تتحدث بدموع / شكرا جدا جدا يا عمو شكرا جدا
مهران بضحكه / يااااه للدرجه دي يا بسكوتي كان الموضوع مهم ليكي
ابتسمت نسرين بحرج
تحدث سالم / أهو إللي آنتي عايزاه حصل باقي إللي أنا عايزه
نظرت له بحرج فهي علمت ما يعني / بابا أصل….
قاطعها / عايز رأيك يا نسرين في أسر
رفعت نظرها له بخجل هل إسمه أسر
كريمة بضحك وهي تحدث نفسها / جاسر من أسر مافرقتش والله نفس الشي ههههههههه
نسرين وقد احمر خدها وخجلت منهم / بابا أنا…
سالم بحديث قاطع / عايز رأيك يا نسرين
نظرت نسرين لهم بخجل ثم ركضت للخارج بحرج كبير
كريمة وهي تطلق زغروطه كبيرة / هي اتكسفت يا عمي بلغ بقي الاستاذ أسر عشان يجي يتقدم رسمي
ثم أطلقت زغروطه أخري فرحة بفرحة ابنه عمها
بينما مهران تحدث / تمام وهنحلي الفرحه فرحتين خطوبه نسرين علي أسر وخطوبه كريمة علي محسن إبن صاحبي
سمعوا صوت تحطم نظر الجميع خلفهم وجدوا صلاح ينظر بصدمه لهم ومعه مراد الذي ينظر بحزن لاخيه
كادت دموع صلاح تهبط و لكنه منعها قصرا وانخفض ارضا يجمع زجاج فنجانه وهو يعتذر / معلش بقي يا جماعه غصب عني أصلي أتفاجأت كرميلا هتتخطب مين إللي أمه دعت عليه ده إللي هيخطبها ههههههههه
مهران وهو يتحدث غير منتبه بضحكه الألم التي أصدرها / ده محسن مهندس معماري إبن صاحبي كان متقدم ليها من زمان واخيرا وافقت
نظر صلاح بقلب مكسور لكريمه واغتصب ضحكة / آه الف مبروك يا جماعه اوووف نسيت موضوع مهم كان لازم اعمله عن اذنكم يا جماعه
ثم خرج سريعا وهو يمنع دموعه بينما مراد نظر لها ببسمه مصطنعة / الف مبروك يا شباب عن اذنكم
نظرت كريمة له بسخريه ثم خرجت
بينما نسرين دخلت عرفتها واغلقتها خلفها وهي تبتسم بخجل شديد وتتذكر يوم رأته في القسم هل لاحظها بهذه السرعة لدرجه إن يتقدم لخطبتها من مره وآحده وضعت يدها علي وجهها بخجل شديد
شعرت بانفاس شخص مقابل لها رفعت يدها من علي وجهها وجدت جاسر ينظر لها بتعجب
تحدث بفرحه وهي تضحك / جاسوره هتفضل هنا وم هتمشي
نظر لها بدون فهم
بينما هي نظرت له بأبتسامه / جاسوره هيفضل مع نسرين
صفق جاسر بفرحه / علي طول
تذكرت نسرين أمر خطبتها / لا مش علي طول بس لحد ما أتجوز وامشي بس إنت هتفضل هنا معاهم
نظر لها بعدم فهم
نسرين بتوضيح / بص يا جاسوره البنت لما تتجوز بتمشي مع جوزها يعني أنا هتجوز وهمشي معاه بس هبقي أشوفك
جاسر ببساطه / أنا جوز نسرين
شعرت نسرين بضربات قلبها تضرب صدرها بقوة من كلمته
تحدثت بتلعثم لم تعرف سببه / ب… بتقول إيه
جاسر بفرحة وهو يقترب منها / جاسر هو جوز نسرين
………..
كانت كريمة تجلس في غرفتها وتقنع نفسها إن ما فعلته هو الصحيح فلن تعلق حياتها علي شخص سبق لها و باعها مع أول عرض اغراه وهي ليست بالسلعه الرخيصه التي يمكنه تركها وقتما شاء ويعود إليها وقتما يريد
سمعت صوت رنين الهاتف وجدت رقم غريب / آلو
_آلو كرميلا معايا
كريمة بسخريه / لا يا روح….. كريمة إللي معاك ال كرميلا دي هتلاقيها عن الحلواني
ضحك الطرف الاخر / شكلك متعرفنيش
كريمة / ميهمنيش أعرف يا حيلتها
الطرف الاخر / أنا محسن خطيبك
أطلقت كريمة سبه خافته /نعم حضرتك عايز حاجه وجبت رقمي منين وإزاي تكلمني
محسن بضحكه / باباكي قالي إنك وافقتي فطلبت رقمك عشان نتكلم شويه
كريمة باختناق / وأنا م هينفع أكلم حضرتك من غير أي علاقه بينا بعتذر سلام عليكم
نظر محسن الهاتف بخبث / هتروحي مني فين ياقطه مسيرك تبقي تحت أيدي
بينما كريمة نظرت الهاتف بحزن / إيه إللي عملته في نفسي ده ياربي
بعد مرور ساعه كانت تسير فيها ميسره مع ابريس توقف ابريس علي تله صغيره تبتعد قليلا عن زحمه الأسواق وجلس ارضا وهو يتنهد بتفكير في القادم
جلست ميسره بجانبه وتحدثت وهي تنظر الاسفل / المكان هنا جميل
ابريس وهو ينظر لها بدقه / هممممم جدا
خجلت ميسره من تلميحه وابعدت شعرها للخلف / مين كان يصدق إن ميسره تتكسف القيامة هتقوم ولا إيه يا جدعان
تحدث ابريس فجأة / كيف وصلتي لهنا
نظرت ميسره له بتعجب
ابريس / ماذا هل سؤالي صعب لهذه للدرجه
ميسره وهي تهز رأسها برفض / لا فقط تعحبت من سؤالك اقصد لم يسألني أحد هذا السؤال قبلا
ابريس ببسمه خطفت دقات قلبها / ربما لم يكن هناك فرصه لمثل هذا السؤال
ميسرة وهي تتنهد بثقل / هل ستصدق ما سأقوله
ابريس ببسمه / جربيني
ابتسمت ميسرة /لا أعرف كل ما في الأمر انني ذهبت لمقبره وهناك لم أشعر بشئ سوي انني اسحب من قبل قوه غريبة وفجأه وجدت نفسي هنا
ميسره بضحكه كبيره / تعرف إللي قاهرني وحارق قلبي إني عندي شويه افيهات أفلام للأسف مش لاقيه حد يفهمها
ثم نظرت له ولنظراته الغامضة / حتي إنت دلوقتي مش فاهمني
نظر ابريس إمامه للوادي الفسيح وابتسم وهو يقول / ومين قال إني مش فاهمك يا ميسرة
فتحت ميسرة فمها ببلاهه وهي تضرب اذنها وهي تظن إنها سمعت خطأ نظرت بصدمه إليه وهي تهز رأسها بعنف وتتحدث كأنها تحدث نفسها / لا لا تقريبا واحد من الاخوه اللي كان بيعاركهم ضربني في نافوخي بحاجه آه أكيد أنا سمعت غلط
نظرت وجدته ينظر لها بحاجب مرفوع ويقترب منها وهو ينظر أعينها بتركيز بنظره جعلت قلبها يقفز في صدرها / إيه يا عم بتقرب ليه في إيه يابا
ابريس وهو يبتسم ولا يفصل بينهم الكثير / مسمعتيش غلط آنتي سمعتي صح وصح آوي كمان يا ميسره
ميسرة وهي تبتعد عنه برعب ووقفت بسرعه وهي تنظر له صدمه وتشير مثل المجنونه / انت إنت فاهمني صح فاهمني
هز راسه ببرود / أها فاهمك. يعني كان لازم تلاحظي إني فاهمك من الأول
اخذت ميسرة تقفز مكانها وهي تكاد تبكي / اااه فاهمني هو إزاي فاهمني كده يمكن حصلتله لعنه زي يمكن ااااااااه هتجنن
ثم نظرت له وجدته ينظر ببروده المعتاد ويرفع حاجبه من جنونها
بينما هي اقتربت منه بسرعه واندفعت له فسقط لرضا / خربيتك
بينما هي اقتربت بشده منه وجذبت ثيابه بشدة وتحدثت وهي تنظر لعينه بشر بينما هو ابتسم بخبث / يعني آنت فاهمني طول الوقت وسايبني كده إنت إنت إنت بتضحك علي إيه يا جدع إنت ها ااا…..
قطعت كلامها وهي تشعر بيده تضم خصرها إليه ويتحدث بجانب اذنها / كنت فقط استمتع عزيزتي مابكي منزعجه هكذا
_اوووه هووو انظروا من هنا الهاربة و ابريس اللقيط
ابعد ابريس ميسره عنه بحده ونهض سريعا بينما هي اختبئت خلفه وامسكت بثيابه بشده
تحدث ابريس ببرود استفز الشخص الذي يقف امامه / اوووه انظروا من هنا الملك المدلل الفاشل حورس
………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة الفراعنة)
