رواية لعنة الفراعنة الفصل الثالث 3 بقلم رحمة نبيل
رواية لعنة الفراعنة الجزء الثالث
رواية لعنة الفراعنة البارت الثالث
رواية لعنة الفراعنة الحلقة الثالثة
طيب ي ستي
العين الي بتنظري بيها للرسايل دي
طلبتيها من ربنا وهو بيخلقك؟!
قولتي يارب اخلقلي عين عشان اشوف بيها؟!
❤️ ❤️ الحمدلله حمدا يليق بجلال وجهه وعظيم سلطانه قصتها جميله ❤️ ❤️
صلوا على النبي 💕💕
الفصل الثالث
نظرت ميسره أمامها برعب هل تدخل للمكان أم تعود أدراجها فكرت قليلا هذه هي فرصتها لتنتهي من البحث ثم تعود سريعا لن يحدث شئ وايضا المكان الان هادئ فيمكنها إن تعمل بهدوء أقنعت ميسره نفسها بهذا الكلام ثم خطت أول خطوه داخل منطقه المقبره والتي كانت عباره عن مكان واسع جدا يوجد به اتفاق وطريق يؤدي للمقبره سارت وهي تنظر بتعجب للمكان حولها ابتسمت وهي تتأمل المكان / قطع لسان إللي يقول عليك لعنة ده إنت قمر
سارت وسارت حتي اقتربت من أحدي الانفاق نظرت إليها بتعجب هناك ضوء يخرج منها ما هذا ياتري هل سيحدث شئ إذا دخلت لتري / هو مش هيحصل حاجه لو دخلت بس لو مدخلتش أنا هفرقع والله اقتربت من النفق أكثر واكثر حتي بدأت تستشعر بروده قادمه منه ابتسمت بحماس / عارفه إن أخرها كحلي علي دماغ إللي خلفوني بس مش قادره الصراحه
دخلت للنفق والذي كان به تقسيمات تشبه الدرج حتي تساعد في الهبوط كانت ميسره تزداد حماس أكثر واكثر كلما اقتربت من النهايه كان قلبها يضرب بعنف وهي تهبط كل درجه ثواني وكانت وصلت لنهايه النفق نظر بانبهار للمكان وتحدث باللهجه المصري القديمه / مبهر
نظرت حولها بانبهار فكانت المقبره تحتوي علي صناديق كثيره لامعه وجميله / أي نعم غلط انزل كده ولو حد شافني هيتعمل معايا الصح بس أنتم أجدادي صح
أنتظرت الرد وكأنها ستسمع شخص يجيبها ضحكت بسخريه علي نفسها ولكن سمعت صوت يأتي من اعلي النفق يقول / صح يا قلب جدو
نظرت برعب وركضت سريعا للدرج مسكت السياج لتخرج سريعا كل هذا وهي تري هذا الشخص الذي أجابها نعم فلم يكن سوي ياسر الذي أخذ يضحك ضحكه قذره وهو يسحب غطاء كبير مخصص لهذا النفق ويتحدث بشر / اتمني تستمتعي مع الأجداد واظن مش هيبقي في مشكله في التواصل ولا إيه يا ميسرتي
ثم ضحك بشده وهو يغلق الغطاء تماما بينما ميسره لم تكد تصل لبدايه النفق حتي احتجزها هذا الغبي صرخت بشده / اقسسم بالله لتندم يا حيووووووووووووان
بينما ياسر في الخارج يضحك بشده عليها وهو ينظر لوعد التي تفرك يدها برعب
ياسر وهو يقترب منها ويمسد علي خدها / في إيه يا جميل خايفه ليه كده
وعد برعب / إللي إنت عملته ده غلط يا ياسر
نظر ياسر لها بسخريه / في إيه يا قمر آنتي قلبك لان ولا إيه
وعد بضيق / ولا لان ولا نيله بس الطريقة دي غلط ومش لعب إنت بتهزر لي حجات مينفعش فيها هزار يا ياسر
ياسر بضيق وهو يذهب / مش ناقصه هي وبطلي لت وعجن بدل ما تنزلي معاها تحت وحسك عينك حد يعرف آنتي فاهمه
نظرت وعد أظهره برعب هذا الشاب مجنون كما قالت سمعت صراخه / يلا بينا بدل والله هسيبك هنا
نظرت وعد خلفها للنفق المغلق وهي ترتعش برعب
لحقت به بسرعة وهي تهدئ نفسها إن هناك أحد سيراها ويخرجها ولم تكن تعلم أن المقابر مغلقه لمده أسبوع تقريبا
كريمة برعب وهي تدور في ساحه المنزل وتصرخ / يعني البنيه تكون ضيفه عندنا وتخرج من غير ما نحس لا وتضيع كمان يا عيب عليكم
كانت تتحدث وهي تنظر لمراد وصلاح أخوه نسرين
مراد والذي يتصف بالجنون تقريبا / اهدي يا كرميلا بس هتروح فين تلاقيها خرجت تتمشي
شهر بضربه توجهه لبطنه بحده نظر لصلاح بتعجب بينما تحدث صلاح بغيظ / كرميله في عينك يا كلب إنت اتعدل بدل والله اطلع العفاريت عليك
نظر له مراد بغيظ / ولا أنا أخوك الكبير احترم نفسك
صلاح بحده / لما تتلم إنت الأول
كريمه بسخريه / مينفعش كده والله طب واحد ياخد التاني قلمين عشان تشفوا غليلكم الرحمة يارب
تحدثت طمطم بدلعها المعتاد / والله أنا شايفه إن مراد عنده حق اهدي ودلوقتي هترجع وهتكون بخير
نظر لها مرام بسخريه بينما هي نظرت له بحزن
نهضت نسرين / أنا من رأي نروح نبلغ عن اختفائها
نهض صلاح واحدث وهو ينظر لكريمه التي تصر علي تجاهله /تمام اجهزوا وأنا هاخدكم
كريمه وهي ترحل / لا روحوا أنتم أنا مش بحب اظخل أقسام
صلاح بسخريه / مش بتحبي تدخلي أقسام ولا مش بتحبي تمشي معايا
توقفت كريمه وتحدثت دون النظر / إنت جاوبت نفسك أهو
ثم تركته ورحلت نظرت نسرين لاخسها بحزن شديد فهو منذ هذه الحادثه وهو يتجرع الام حبها
بينما طمطم كانت تنظر لمراد بخيبه امل/ وأنا كمان مش قادره أروح روحي آنتي يا نسرين معلش
ثم تركتهم ورحلت نظرت نسرين لمراد / لحد أمتي يا مراد
مراد بسخريه /لحد ما قلبي يوقف نزيف يا نسرين يلا اجهزوا مستنيكم
وتركهم وخرج نظرت نسرين له بحزن فمن كان يتوقع أن طمطم ومراد سيأتي عليهم هذا اليوم الذي ينتظرون لبعضهم كالغرباء
تنهدت بحزن ونظرت لصلاح الذي كانت اعينه حمراء بشده ويضغط علي يده اقتربت منه /اهدي يا صلاح خير كريمه بتحبك والله
رفع اعينه لها وابتسم بحزن شديد /بتحبني بس مش هتنسي إللي حصل يا نسرين أنا بحبها والله يا نسرين بعشقها
ضمته نسرين /وهي كمان بتعشقك يا أبو صلاح يلا قوم نشوف البنت إللي ضاعت دي
نهض صلاح وهو يبتسم بحزن علي حاله / إن شاء الله يلا نمشي
دخلت كريمة للغرفه وهي تزفر بضيق بينما خلفها تسير طمطم وهي تلوي فمها بضيق
كريمه وهي تنظر لها / يا ستير يارب علي أم الخلجه دي كل ما مراد يتنفس جنبك تلوي خلجتك الزفت دي
نظرت لها طمطم بملل / طب أسكتي عشان امورتي بيتصل
كريمه بسخريه / امورتي الحلوه بقت طعمه بقت طعمه ولها سحر جديد
امورتك مين يا أم امورتك تصدقي حلال إللي بيعمله فيكي مراد يا جليله الحيا يا جذمه آنتي
طمطم وهي تتحدث بدلع علي الهاتف / لا يا امورتي دي بس الخدامه بس بتسألني إذا كنت حابه أخد درينك ولا لا
كريمه وهي تتحدث بسخريه / درينك يا بنت المجشفه يا معفنه ياللي كنتي مفكره الشاليموه أكله يا معفنه
طمطم وهي تتجاهلها / لا يا حبيبي سيبك منها بس هخلي بابا يطردها
كريمه وهي تتحدث بمسكنه / لا والنبي يا ستي كله إلا قطع العيش آنتي إيه معندكيش عيال حرام عليكي
بقولك إيه يا أمورتها متخلص يابني هي البنيه فاضيه ليك ده لسه عندها جدول مليان في سمورتها وعمورتها وكليتها وفشتها أخلص يابا إنت مفكرها فاضيه دي مربيه أجيال اللهم صلي علي النبي كبيره وفاتحه جميعه التزم بالجدول يا بابا ماشي
طمطم وهي تدفعها / لا قلتلك دي الخدامه بس ظريفه شويه هطردها أكيد يا مورتي لا يا قلبي إنت عارف إن القلب بيحب واحد والواحد ده
اكملت كريمه / انقسم بالانشطار الثنائي وبقي نادي الشباب حضرتك
طمطم / طب بص هكلمك بعدين وهفهم اشطا تمام سلام
نظرت لكريمه بغيظ / في إيه يا كريمه إيه الهبل ده
كريمه بحده وهي ترمي قدمها في الجو فتمسك الشبشب / هبل يا بنت القرعه آنتي طب والله حلال إللي بيعمله فيكي مراد يا جذمه
كانت تتحدث وهي تضربها
بينما طمطم تصرخ / بس يا طورة انتي كسرتي جسمي
دفعتها ثم تحدثت / بعدين مراد آنتي عارفه إنه مستقصدني أساسا
كريمه بسخريه / لا إزاي مش من حقه يزعل الواد خطيبته تيجي مره وآحده ترميله الدبله وتقوله مبقتش حساك ومبقتش احبك زي الأول خلي عندك ذره رجوله وافسخ الخطوبه في الاخر يجي ويزعل ملوش حق قموص آوي مراد ده
طمطم ببراءه / مش كده
كريمه وهي تصرخ / خربيييييتك يا بعيده يارب أنت شايف يارب الحيوانه دي إللي اخرتي علي أيدها يا جذمه الواد كانت روحه فيكي وبيعشق التراب إللي بتمشي عليه كرهتيه فيكي ليه وفي الاخر تزعلي من المعامله
طمطم وهي تدعي اللامبالاه / عادي زهقت
جذبتها كريمه / زهقتي من إيه يا روح أمك آنتي هو لعبه ولا إيه
طمطم / ملكيش دعوه آنتي خليكي في صلوحه حبيب قلبك
ابتعدت كريمه وغامت عينها بحزن / صلاح مين مفيش حاجه بينه وبيني أبدا
طمطم بسخريه / لا والله والحب الافلطوني إللي كان بينكم ده فجأه نلاقي الدكتور جاي يقول هاي أنا اتخطبت باي
كريمه / صلاح مش……
قاطع حديثهم سماعهم لصوت غريب يصدر من جانب الباب
طمطم برعب /احيه إيه الصوت ده
كريمه وهي تضربها / كله بسبب عطك يا حيوانه آنتي البيت كان طاهر وإنتي بوظتيه بعكك ده
طمطم وهي تتمسك بكريمه بعنف / الحقي الشنطه بتنور
ارتعبت كلتا الفتاتين
واقتربتا من الحقيبه
كريمه / دي دي شنطه ميسره
طمطم / هي طلعت مشعوذه ولا إيه
دفعتها كريمه بعنف / يا شيخه اوعي بقي
اقتربت أكثر من الحقيبه ومدت يدها ببطئ وفتحتها وركضت بعيدا وهي تصرخ
ثم اقتربت ثانيا ونظرت في الحقيبه / بت يا طمطم يا سافله تعالي بصي
طمطم برعب / آه عايزاني اتلبس يا ختي لا مش هاجي
كريمه بسخريه / تعالي يا ختي منا متنيله أهو ومفيش حاجه
اقتربت طمطم ونظرت بتعجب وجدت عقد يبده إنه مقسوم ويضئ بلون ازرق غريب
نظروا إلي بعضهم بتعجب ما تراه يكون هذا الشئ
بينما في المقبره كانت ميسره لا تتواني عن اطلاق السباب علي هذا الشاب والفتاه / آه يا ناري إللي قهرني و هيموتني اني مش عارفه اسمهم عشان احسبن عليهم
آه ياجذم أنتم سبتوني هنا مع الراقدين تحت التراب
ثواني وشعرت بضوء يخرج من عقدها نظرت بتعجب وجدت العقد الذي ترتديه يضئ بشده لم اهتم فهي اعتادت علي ذلك كلما ابتعد عن جزءه الاخر يضئ هكذا تذكرت هذا العقد الذي يتكون من جزئان منفصلين كان موجود في صندوق والديها فارتدت احدهما وتركت الاخر زفرت بضيق وقررت بما إنها هنا إذا لتستكشف المكان أخذت تدور في المكان وهي تنظر بانبهار وتقريبا نست أمر إنها محتجزه في هذا النفق / اوووه ، يا أخي الفراعنة دول عليهم شويه حجات
لقت نظرها وجود شئ يلمع بشده في أحد الأركان
كانت تقترب بحذر لذلك الشئ الذي يلمع بشده اقتربت اكثر واكثر حتي اتضح لها هو تمثال امسكته وهي تبتسم باعحاب /واو روووووعه
دققت النظر وجدت به حجر صغير ملون يشبه العين نظرت لها بانبهار كبير وابتسمت بشده وهي تمسكه وتجذبه من التمثال وأخذت تنظر له بتعجب وهي ترفعه وبالخطأ سقط شعاع ضوء علي هذه العين فانعكس بسرعه وارتد علي الحائط ومنه لحائط اخر حتي شكل مربع كانت هي في مركزه نظرت بتعجب لما يحدث ولكن فجأة شعرت بشئ غريب المقبره تهتز بشكل غريب حقا اخذت تنظر حولها بهلع وهي لاتعرف مايحدث نظرت للعين في يدها لابد أن هذه احدي اللعنات كيف نست ذلك يالكِ من غبيه يا ميسره الا تعرفين العواقب شعرت بزيادة الاهتزاز صرخت برعب وهي تشعر بغيار شديد يحيط بها مثل الإعصار
ميسره بصراخ / اااااااااااه
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
شعرت بنفسها تسحب بشده بشئ لا تعرف هويته فتحت اعينها بفزع وهي تنظر لجسدها وتتلمسه بفزع زفرت باطمئنان هي بخير الحمد لله ابتسمت وهي تنظر للجوهره بضيق ولكن فجأه سمعت أصوات حولها غريبه ولغه هي تعرفها جيدا اللغه المصريه القديمة (الهيروغليفيه)
رفعت نظرها برعب وجدت نفسها في مكان يشبه هذه الاماكن التي درستها في كتب التاريخ فتحت عينها برعب / كلمة واحده بتتقال في المواقف دي
احيييييه
قالت بنبرة توشك علي البكاء وهي تري الناس حولها وملابسه واشكالهم / يارب ما يكون اللي في بالي صح واكون بس وقعت في لوكيشن تصوير فيلم God of Egypt مش اكتر
سمعت صوت خلفها / هييي من انتِ وما هذا الذي ترتدينه
استدارت ببطئ ونظرت وجدته شخص يبدو من زيه وهذة الحربه التي يمسكها انه احد الحراس
ميسره وهس تنظر له وتكاد تبكي / لا يارب اكيد مش اللي في دماغي اكيد
الحارس / ما هذا الذي تقولينه وماهذه اللغه الغريبه
ميسره وهي تبتسم بغباء / هاي جدو
نظر لها بتعجب
ميسره بضحكة غبيه / طبعا لو حلفتلك انى جيت هنا بالغلط مش هتصدقني صح اصل انا نفسي لحد دلوقتي مقتنعه ان رامز جلال هيطلع من حتي ويقول سقفه كبيره لميسره ياجماعه
صح
نظر لها بغباء
ميسره ييأس / لا مش رامز
طب هاني رمزي هو برضو بيعمل حاجات كده
استمر الحارس ينظر لها بغباء
ميسره وهي تكاد تبكي / طب فيفي عبده طيب في برنامج خلي بالك من فيفي بس بدل ما تستقبلني في بيتها بتستقبلني في المكان العظيم ده قال يعني بتفتخر بتاريخ اجدادها مثلا
كان الحارس في ذهول تام لا يفهم منها شئ
ميسره وهي تلقي له قبله / حيث كده يبقي اجرررررري يا اشرف
ثم ركضت بسرعه كبيره جدا وهي تصرخ / الحقووووني يا خلق الحقوني الفراعنة احتلوا مصر الفراعنه احتلوا مصر
ايه ده الفراعنه مصريين اساسا
بينما الحارس يركض ورائها ويصرخ / هناك مجنونه طليقه في الارجاء
ميسره بصراخ /بل هي والدتك المجنونه يا احمق
حدثت نفسها / استغفر الله بشتم أجدادي
ركضت وهي لاتعرف أين تذهب وماذا تفعل / يارب اروح فين يارب
نظرت وجدت الحارس معه مجموعه حراس / امسكوا بهذه المجنونه واحضروها للملك
ميسره وهي تركض وتضحك بشده علي ما حدث لها / يارب يكون الملك بيبي الثاني يارب هههههههه يخربيتك يا فواز والله دمك سكر
رأت شارع ضيق ركضت بداخله وهي تختبئ وجدتهم تجاوزوها ابتسمت بمكر / الله عليكي يا ميسره يا جامد اغبيه اوي يعني
ثواني وجدتهم يقفون أمامها ويرفعون الخراب في وجهه
ميسره وهي تبتلع ريقها / انتم سمعتوا ولا ايه ده انا كنت بهزر والله بعدين ده انا من معجبينكم علي فكره انا حفيدتكم ترضي يا جدو تزعلني
نظروا لها بغضب / احضروا هذه الغريبه للملك
ميسره وهي تنظر للذي يتقدم منها / ايدك يابا لتوحشك االي هيقرب مني هشقه نصين امين
كان كلا من نسرين وصلاح ومراد يتجهون لقسم آلشرطه ولكن سمعوا صوت كريمه وهي تنادي / نسرين
نظر الجميع بتعجب لها
مراد بسخريه / إيه مش قولتوا مش هتيجوا
كريمه بسخريه أكثر / معلش لقينا نفسنا فاضين قمنا جهزنا شندوشتات والزمزميه وجينا علي طول
هز صلاح رأسه بيأس منها
نسرين /خلاص يا مراد إنت وكريمه في إيه يا كريمه حصل حاجه
كريمه وهي تتحدث برعب / فيه حاجه لازم تعرفيها
نظرت لها نسرين بتعجب وكادت تتحدث لولا إن قاطعهم عسكري / في إيه هتفضلوا واقفين كده يا تدخلوا يا تروحوا تكملوا كلامكم بعيد
كريمه بصوت عالي / جرا إيه يا عم إنت بتتكلم كده ليه واقفين قدام عزبه جدك ولا أي
لطم صلاح وتحدث لمراد / هي مفكره نفسها بتتكلم مع مين دي هتبات في الحجز انهارده
العسكري بحده / آنتي بتقولي إيه يابت آنتي
كريمه بحده /بقول هو……..اممممممم
صمتت وهي تنظر لصلاح الذي يضع يده علي فمها وهي تحاول التحدث
وهي تصرخ بحده
خرج أحد الضباط أصحاب رتبه اعلي من العسكري / فيه إيه إيه الدوشه دي
طمطم بدلع / شوفت يا حظابط العسكري الوحش ده بيتكلم إزاي
كريمه وهي تنزع يد صلاح بحده / إيه يا بت بتتكلمي كده ليه ما تاخديه حضن بالمره
ثم اشارت للعسكري / الراجل ده غلط فينا ياباشا
ضحك الظابط عليها وهز رأسه بيأس / طب هو فيه إيه
تحدثت نسرين بلهفه وهي تنظر له بانبهار / إنت قمر آوي
نظر لها الظابط بصدمه
بينما صلاح نظر لطمطم / فكريني مقعدش البت دي معاكي تآني
ضحك الظابط بسرعه وهو يري خجلها الكبير وهي تنظر للأرض / طب أفضل انكم تدخلوا جوا ونشوف الموضوع إللي جيتم عشانه
دخل الظابط وخلفه الشباب بينما كريمه تتحدث لنسرين / هو آنتي عملتي زي بنت المركوب الي وراكي دي
نظرت نسربن لها بخجل شديد
بينما طمطم نظرت للباب / بس هو مز الواد يخربيته
ضربتها كريمة بشده / انجري قدامي يابت آنتي وإنتي يا صغيره علي الحب يلا قدامي
لم يستمع لها الحراس وأخذوا يتقربون منها وهم يوجهون الحراب لها
ميسره وهي تبتلع ريقها / طب إيه كده خلاص نهايتي مأساويه آوي أنا شايفه شريط حياتي بيمر قدام عيني وهو ممل آوي يا جدع
نظروا لها بجهل
ميسره وقد خطر في بالها فكره فقالت وهي تشير خلفهم / إيه ده إللي هناك ده
لك ينظروا لما تشير له
تذكرت إنهم لم يفهموها / انظروا إنه الملك مينا
نظر الحراس للخلف بسرعه بينما هي ضحكت بشده وهربت وهي تصرخ / أغبياء
تحدث أحد الحراس وهو يضرب الاخرين / أيها الأغبياء الملك مينا مات منذ زمن هيا الحقوا بها
بينما هي كانت تركض بشده / يارب يارب ارجع يارب ومش هضايق حنان ولا علي يارب بس ارجع ندرا عليا لو طلع حلم لادبح فرحه واكلها يلا إن شاء الله ما عن حد حوش يا ربي يا مغيث يارب فجأه وجدت طريق مسدود امامها نظرت برعب وجدتهم يقفون خلفها
ميسره / طبعا هتسيبوني امشي عشان أنا حفيدتكم حبيبتكم وصدقوني هشكر فيهم في البحث بتاعي اتفقنا اشطا يلا سلام عليكم
كادت تتخطاهم إلا إن أحدهم سحبها بشده بينما هي أخذت تصرخ بدراميه / أحدٌ أحد أحدٌ أحد
جذبها الحراس خلفهم وهم يتجهون للقصر وهي تصرخ / مش نخنوخ إللي يتعمل فيه كده لا مؤاخذه أنتم متعرفوش أنا عامله رعب للناس إزاي كده برستيجي هيتبهدل في كتب التاريخ
توقف الحراس ونظر لها أحدهم ويبدو إنه القائد وتحدث بعنف / اصمتي فقط اصمتي إلا يمكنك ذلك
ميسره بصراخ / إنت بتزعق ليه كده أنا محدش عاملني كده قبل كده غلي فكره لا تصرخ علي
نظر لها بشر واقترب منها بينما هي ارتعبت وعضت اليد التي تمسك بها وكادت تركض إلا إنه امسكها بسرعه بينما هي تصرخ / الاستقلال التام أو الموت بالزكام الاستقلال التام أو الموت بالزكام
بينما قائد الحرس يسير وهو يكاد ينفجر من هذه المجنونه
بعد فتره وصل الجميع للقصر ودخلوا وهي فقط تنظر حولها بانبهار شديد / يا حلاوتك يا مصر ما آنتي عسل وبسمسم أهو
نظر لها قائد الحرس بملل
ميسره / أنا عارفه والله إنك مش طايق أهلي أصل أنا مكروهه في المجتمع والله
زفر بضيق بينما هي تجاهلته وهي تدخل معهم لقاعه كبيره جدا / وااااااااو يا حلاوه ياولاد إيه الجمال ده يا جودعان ده ولا قاعه اللؤلؤه والله صدقوا فكره ينفع يتعمل فيها أفراح ده هيبقي مكسب لوز اللوز يا باشا
ثواني وسمعت صوت عالي يتحدث / الملك حورس يدخل للبلاط الان
ضحكت ميسره بشده / يااااه يا جدع بيفكرني بحريم السلطان آوي
ثم قلدت صوت الحاجب وهي تفخم صوتها / يدخل للبلاط الان
ضحكت بشده ولكن لاحظت إن الحراس اخفضوا رأسهم بسرعة نظرت لهم برأس مرفوع / آيوه كده خافوا مني
سمعت صوت خلفها يتحدث بصوت اجش / من آنتي
استدارت ميسره وهي تبتلع ريقها وقد أدركت الان لما الحراس اخفضوا رأسهم فتحت فمها من هذا الشخص امامها / احيييييه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة الفراعنة)
