رواية لعنة الفراعنة الفصل الثالث والعشرون 23 بقلم رحمة نبيل
رواية لعنة الفراعنة الجزء الثالث والعشرون
رواية لعنة الفراعنة البارت الثالث والعشرون
رواية لعنة الفراعنة الحلقة الثالثة والعشرون
نظرت اميره حولها برعب وهي تصرخ / مين مين أبعد عني انت مين
بينما ليث يتحدث بهمس مرعب / مكنش لازم تعملي كده يا اميره هتندمي وهيبقي ندمك كبير اوي اوي
صرخت اميره برعب شديده ثم ركضت بسرعه وهي لا تري امامها بسبب الظلام ولكن فجأه تعرقلت في شئ فسقطت أرضا بحده وهي تصرخ برعب تنظر خلفها ثم نهضت وأخذت تجري للخارج حيث الجميع وهي تصرخ وتنظر خلفها فسقطت مجددا وهذه المره علي صخره فجرحت قدمها بشده
نهضت نجلاء واسماء وسلمي برعب وركضوا لها
نجلاء برعب / اميره يا حبيبتي مالك كده
اميره وهي تشير للمنزل برعب / هو هو جوا هيقتلني
خرج ليث من المنزل دون أن يشعر أحد وجلس بجانب دانه وجذبها لاحضانه بحنان وهو يبتسم لها بينما مي نظرت له بشك فغمز هو لها
سلمي وهي تنظر للمنزل بتعجب / فيه إيه يا اميره مفيش حاجه انتي شكلك اتخيلتي عشان الجو ضلمه جوا قومي قومي
اميره بصراخ ورعب / لا مش بتخيل والله كان جوا وبيقولي….
اسماء وهي تقاطعها / قومي يا أميره هتبوظي الليله ده إحنا كنا لسه هنلعب لعبه الازازة
ثم حاولت جذبها / قومي يلا يابنتي
كريمه وهي تصفق بيدها / خلاص يا جماعه كل واحد يرجع لحاله نسناس ووقع عادي ولا كأن حاجه حصلت ترمسنا ولبنا وعيشوا
عاد الجميع لمكانه مجددا وتجمعوا حول الحلقه ونظر صلاح لكريمة بمشاكسه وغمز لها ثم تحدث / نبدأ اللعبه
وافق الجميع فلف صلاح الزجاجه وجاءت علي دانه تسأل وطمطم تجيب
دانه بخبث وهي تنظر لمراد / اغلي شخص علي قلبك
طمطم بخجل شديد / بابا مهران هو اللي رباني
دانه / ربنا يديمه يا ستي قصدي غير والدك
خجلت طمطم اكثر واحمرت خدودها وهمست / مراد
صفر صلاح وصفق بشده / آيوه بقي يا زيدي يا زيدي
ضربه مراد / بطل رخامه
ثم نظر لطمطم بعشق كبير
لف صلاح الزجاجه فجاءت علي نيره تسأل وكريمة تجيب
نيره بضحكه غبيه / أنا معرفش آوي في الاسئله بس لو باقي يوم واحد من حياتك هتعملي ايه
كريمة وهي تنظر بشر للفتيات الثلاثه / هخلص البشريه من سلاله نجلاء
ضحكت نيره / لا بجد هتعملي ايه
كريمه ببساطه / هقضيه مع احب شخص ليا
نيره بخبث / وهو مين
كريمة / لف يا ابو صلاح اللعبه سؤال واحد يا قمر
صلاح وهو يلف / فصيله
جاءت علي سلمي تسأل دانه
سلمي وهي تنظر بهيام لليث / عملتي ايه عشان توقعي جوزك ده
دانه بقرف / حطيتله قشر موز في الطريق فوقع علي ارابيزه زي ما هعمل كده لحد تاني بس المره دي هحطله سكاكين في الطريق
لف صلاح الزجاجه فجاءت علي اميره تسأل ليث
اميره وهي تنظر له بهيام / عمرك حبيت
كريمة وهي تشير لها / اها مجبتش حاجه من عندي مش بذمتكم السلاله دي لازم تنقرض ولا لا
اميره بتذمر / أنا قصدي مش لازم يكون حبها يعني ممكن يكون جواز صالونات مش مبني علي حب
نيرة وهي تنظر لها بسخريه / مش معقول ده عقل ده اكيد جذمه يعني حتي لو مش بيحب هيقول قدام مراته
اميره بتذمر / محدش يتدخل لو سمحتم
ليث وهو ينظر لدانه ببسمه عاشقه لأول مره يراها الجميع / تؤ محبتش انا عشقت وعشقت مجنونه
ابتسمت دانه عليه وغمزت له / حبيبي يا ابو الليوث يا مشرفني
جذبها ليث لاحضانه وهو يضحك علي رده فعله
كريمة وهي تنظر له بتعجب / طلع بيضحك عادي سبحان الله ويخلق ما لاتعلمون
لف صلاح الزجاجه فجاءت هو يسأل نسرين فتحدث بخبث / بتحبيه
نظرت نسرين لجاسر بخجل / امال وافقت ليه
جاسر وهو يغمز لها /وانا كمان بحبك اوي
مراد وهو يضربه /احترم نفسك انا هنا
سمعت دانه رنين الهاتف فزفرت بضيق / مش هخلص
نظر ليث للهاتف فابتسم عليها / ادي نتجيه التربيه بتاعتك تربيه مشرفه وقال لو سمحت ياليث سيبلي عيالي انا عارفه اربيهم إزاي اشربي بقي
دانه بملل / بتشمت يا ليث ماشي ماشي…… آيوه يا زياد فيه إيه
زياد بحنق وهو يصرخ / بقولك ايه يا والدتي الحاجه امك مش هتعمر معانا
نهضت دانه بعيدا عنهم / ليه يا اخره صبري
إياد وهو يأخذ الهاتف منها /تخيلي يا دانه رفضت تخلينا ندخل المطبخ
دانه وهي تتحدث بتعجب / وانتم تدخلوا لية المطبخ أساسا
زياد / عايزين نعمل اندومي
دانه / تمام خلوا نور تعمله مش لا….
قاطعها إياد / لا احنا عايزين نعمله هي أساسا خايفه علي مطبخها الجديد ايه هناكله ولا هناكله
سمعت دانه صوت نور بحانبهم وهي تتحدث ببرود / انسوا والله لو جبتوا ليث بذات نفسه ما انتم معتبين المطبخ
ضحكت دانه علي هذه المشاكسه
ثم سمعت صوت عبده وهو يصرخ / يلا يا عيال جبت النودلز علي المطبخ بسرعه يلا يا ملاك
صرخ الأطفال بمرح وركضوا للمطبخ بينما نور تصرخ بعبدالرحمن / كده يا عبده بقالي ساعه بقولهم لا وأنت تيجي…..
اغلقت دانه الهاتف وهي تضحك عليهم وكادت تذهب ولكن شعرت بأحد يضمها من الخلف فتحدثت بحنان / إيه ياباشا سيبتهم وجيت
ليث وهو يقبل رقبتها / اي مكان انتي مش فيه مش بيبقاله طعم
دانه وهي تضم يده التي تضم خصرها / ياااه ياليث لو تعرف بحبك قد ايه
كريمة وهي تتحدث بجانبهم / قد ايه يعني
انتفضت دانه بفزع ثم انفجرت ضاحكه عليها بينما تتحدث / يخربيتها شبهها آوي
بينما ليث قال وهو يرحل / تقريبا قصه أسد وجميله هتتكرر تآني بس المره دي فينا
كريمة بتعجب / مين أسد وجميله دول مسلسل
دانه بضحك شديد / آه مسلسل تركي
كريمة / لا لازم نتابعه بقي
كادت دانه تجيب ولكن قاطعها رنين هاتفها نظرت له ثم صرخت وهي تكاد تجن / الله يحرق دي اجازه
ثم أجابت / آيوه يا نور يا قلبي في إيه عيالي برظوا ايه تاني
نور بصراخ / بقولك ايه يا بت انتي واخوكي وعيالكم منا ميطلعش عيني معاكم وانتم صغيرين ويطلع عيني دلوقتي والله لو مكلمتي عيالك يتلموا لكون مبيتاهم في الحجز ومتسأليش إزاي
دانه وهي تزفر بملل من أطفالها / حاضر يا نور انتي بس متزعليش نفسك
نور / آيوه لميهم عشان لو حد منهم قرب للخزين بتاعي ولمسوا بس لبانه وآحده هولع فيهم انتي فاهمه دول خلصوا الميللو كلو ولاد الطفسه
ثم اغلقت المكالمه في وجه دانه
نظرت دانه للهاتف وهي ترمش بدهشه / متصله عشان تشتكي انهم خلصوا الميللو
ضحكت بسخريه / نور هي نور مهما تكبر هتفضل عيله صغيره وتقولك عيالك ماهي جينات وبتتورث يابا كله من مالك هو اللي دلعك من الأول ولحد دلوقتي محسسني انك بنته الصغيره واخده الدلع كله من صغرنا ده احنا متدلعناش قدك يا وليه وقال جايه تشتكي من عيالي
كريمة وهي تنظر حولها بتعجب / انتي انجنيتي يا حزينه بتكلمي نفسك
دانه وهي تضحك بشده / والله يا بنتي العيله دي تجنن العاقل يلا يلا نرجع للجماعه
ميسره وهي تنظر للحكيم احمس ثم لابريس / وحياه امك لتحلف ان ده اللي كنت هتفرم بسببه

سار الحكيم وضحك بصخب / احضر فتاتك وتعالي يافتي
نظر ابريس لميسره بتعجب / في إيه يا ميسره ماله الحكيم
ميسره وهي تكاد تجن / برضو هيقولي حكيم يابني ده تقريبا أصغر منك انت مش شايف بشرته دي.. دي انضف من حياتي يا جدع فين الحكيم ده
ابريس وهو يضحك / هو مش أصغر مني هو في نفس سني تقريبا او اكبر مني بكام شهر بعدين يعني هو عشان حكيم لازم يكون عجوز ولا إيه وبعدين انتي تركزي في بشرته ليه ها
قال آخر كلامه بحده وغضب
ميسره وهي تشير حيث دخل الحكيم /طب طالما هو حكيم فين الجلبيه بتاعته ولا الطربوش اي حاجه يا عم يحلل الاسم بيها ده مفيهوش ملامح حكيم ده اخر عارض ازياء بشكله ده
ابريس وهو ينظر لها بغيظ شديد / طب اتنيلي ادخلي خلينا نخلص
ثم تركها ودخل ميسره بتعجب / هو زعل ولا إيه
ثم لحقت به وجدت هذا الذي يدعي حكيم يجلس باريحيه وبجانبه بعض الكتب
جلست ميسره بجانب ابريس فنظر لها الحكيم لثواني ثم ضحك بشده / اذا انتي ميسره انتظرتك طويلا يا فتاه
ميسره وهي تنظر لابريس بتعجب / عفوا ولكن هل تعرفني
احمس وهو يهز رأسه بايجاب / اعرف كل شئ عنك وعن حياتك وعن مصائبك أيضا
ميسره / احم احم عدي المصايب دي الله يكرمك
ولكن من أين علمت هذا
الحكيم وهو ينظر لها /أنا لست عارض ازياء يا عزيزتي بل حكيم واعلم اشياء انتي لا تعرفيها
ميسره بخفوت / أحييه ده سمع الكلام بس هو فهم إزاي
رفعت نظرها له بتعجب فضحك هو بشده / نعم انا استطيع فهمك يا عزيزتي
ميسره / اوك بدأت اخاف
الحكيم بجديه / حسنا لنتحدث بالمهم
ثم نظر لابريس نظره يعرفها / حورس
ميسره وهي تتسٱل / ماله حورس
احمس وهو يمسك أحدي الكتب ثم فتحه الي صفحه معينه فوجدت صوره صولجان / للأسف حورس استطاع ان يطور الصولجان الخاص به وهذا ليس جيدا أبدا فهذا سيصعب علينا الأمر ولكن ليس كثيرا
ابريس واخيرا تحدث / اذا ماذا سنفعل
نظر احمس لميسره وتحدث بغموض / ليس نحن بل الشمس من يمكنها فعل ذلك
ميسرة بجيده / اعمل ايه
تحدث الحكيم بجديه / لن يمكننا فعل شئ سوي عند اكتمال القمر فعند اكتمال القمر تكون الأبعاد كلها مفتوحه وبذلك يمكننا أن نستفاد من عين اوزريس مع الشمس والتي هي انتي
ميسره بدهشه / آيوه برضو مفهمتش حاجه
الحكيم / عند اكتمال القمر يجب عليكي وبأي طريقه ان تذهبي للقصر وتوجهي عين اوزريس للقمر بحيث ينعكس عليه الضوء وعند تعامد الضوء علي عين اوزريس سينعكس علي الصولجان ويتحطم تماما وبذلك نقول وبكل ثقه ان عصر حورس انتهي لان حورس حتي يحصل علي هذا الصولجان قد رهن روحه للساحر وضياع الصولجان معناه…….
ابريس بشرود / انتهاء حورس وعصره تماما
نظرت ميسره لابريس بحزن فهي تشعر ان عوده الملك له معتمد عليها وتخشي ان تفشل
اكمل الحكيم كلامه / وفي نفس الوقت بعد تحطم الصولجان سنستعمل قلاده الأبعاد للربط بين عصرنا وعصرك انتي لتعودي لذا نحن بحاجه ماسه الي مساعده من عصرك
نظرت ميسره له وعيونها تغشاها الدموع فالوداع قد اتي ميسره بصوت مبحوح بسبب كتمها للبكاء / عندي الاشخاص المطلوبه بس هيعملوا ايه
الحكيم بشفقه علي ابريس الذي ينظر امامه بألم شديد / حسنا في لحظه انتهائك من الصولجان سوف تخلعين القلاده ليتعامد عليها ضوء القمر في نفس اللحظه التي سيقوم بها الاشخاص علي الطرف الآخر بتسليط القلاده الاخري علي الشمس ووقتها ستعمل القلادات علي نقلك لعالمك مجددا مثلما تنقل الصوره والصوت بين القلادتين وسيعود كل شئ لوضعه الطبيعي وتعود كمت للملك ابريس والملك ست
نظرت ميسره لابريس فهبطت دموعها ثم تحدثت ببسمه متألمه / تمام وانا جاهزه
ثم تركتهم وخرجت سريعا حتي لا يلاحظ احد دموعها
نظر احمس لابريس بالم فهو كان رفيقه منذ الصغر ولكن احمس انفصل عنه ليجوب الأرض بحثا عن العلم حتي حصل علي الكثير والكثير اقترب احمس من ابريس ومسد علي كتفه / أشعر بألمك يارفيق ولكن هذا هو الحل الاصح وهذا ما يجب فعله
رفع ابريس عيونه الحمراء بشده/ قلبي ينزف يا صديقي ينزف ويصرخ طلبا لبقائها لا أريد أن ترحل أريدها بجانبي أريدها بجانب قلبي ارجوك يا احمس ارجوك امنع هذا ارجوك
ثم تحدث بلهفه يائسه / لم لا تخبرها ان ما قلته لن يتحقق مثلا أخبرها انا لا اعرف اي شئ ارجوك يا احمس انا اموت
احمس بألم علي صديقه / اسف يا صديقي ولكن لا استطيع هذا
ابريس بصراخ وهو يبكي وقد برزت عروقه / بلي انت تستطيع انت تستطيع يا احمس انت كااااااذب الجميع يريد ابعادها عني انت وست والجميع لما ها أخبرني
كان يتحدث وهو يدفع احمس بعنف / أخبرني
احمس بصراخ / لان هذا ما كان يجب فعله من البدايه كلنا انا وانت وست والجميع نعرف ما هو دور الشمس في حياتنا يا ابريس كلنا يعرف ذلك أن الشمس هنا فقط لعمل شئ معين ثم يعود كل شئ كما كان وانت تعرف ذلك
ابريس بصراخ / نعم اعرف اعرف ذلك ولكن قلبي لا يعرف هذا
ثم اخذ يضرب قلبه بعنف / هذا الأحمق لقد احبها الأحمق
احمس بصراخ / احببتها وانت تعرف نهايه هذه القصه وانها محكوم عليها بالفشل يا ابريس أفق
ابريس بصراخ قطع نياط قلبه / نعمممممممممم اعرررررررررف ولكن هذاااااا (يشير علي قلبه) هذاااااا ادعي الجهل واحبها لا حكم لي عليه اتمني ان انزعه بيدي يا احمس هو احمق احبها وهو يعلم انه جلب العذااااااب لنفسه طوال حياته
نظر له احمس بشفقه وتنهد بألم / ارجوك يا ابريس توقف عن تعذيب نفسك هذا واقنع نفسك بالنهايه المحتومه لكلاكما سوف اتي معكم حتي ننتهي من هذا
كاد يرحل ولكنه توقف وتحدث بالكلمة التي دمرت مابقي منه وجعلته يجثو أرضا كالجثه الهامده باكيا/ تحضر يا ابريس فاكتمال القمر بعد ثلاث ايام انتهت الرحله يا صديقي
بينما ميسره كانت في الخارج تنظر للسماء وتصرخ بالم / ليه اشمعنا انا ليه انا اللي اتعذب كده ليه انا بذات اللي اجي هنا ليه ده بذات اللي احبه ليه محكوم عليا اعيش حياتي كلها بعذاب ليه
ثم اخذت تصرخ بجنون / من البدايه كنت عارفه ان دي نهايتي بس قلبي مكنش مقتنع ليه حبيته لييييييه
اخذت تبكي بشده وهي تتذكر همسه لها ( اعشقك ميسره)
صرخت بعنف / ياااارب ياااارب
ثم سقطت أرضا وهي تبكي /يارب مش هقدر يارب مش هقدر
نظرت دانه لليث بتركيز فتحدث ليث ببسمه / إيه معجبه
دانه بضحكه وهي تدخل لاحضانه بينما تنظر له / من زمان ياباشا من ايام المكتب ولما كنت كل شويه ادخل الاقيك من غير قميص
ضحك ليث بشده وهو يضمها اكثر /وانا عاشق من قبلها بكتير ياقلب ليث انتي
دانه وهي تتحدث بجديه / اميره مكنتش بتتخيل صح
نظر ليث لها ثم ابتسم / انتي ايه رأيك
دانه بجديه / رأيي ان كفايه آوي اللي حصلها انهارده البنت كانت هتموت من الخوف
ليث وهو ينظر لها بغموض / لسه مخلصتش حقي منها
دانه وهي تجذب وجهه لها / يا ليث انا زي الفل اهو محصلش حاجه خلاص بقي مش عايزين مشاكل
ليث وهو يضمها بشده ويتسطح / اوعدك بكره كل حاجه هتنتهي
نظرت له دانه بشرود / يا خوفي يا بلاك
كانت كريمة تسير في الممر المؤدي لغرفتها عندما سمعت صراخ صلاح فركضت برعب لغرفته ولكن قبل أن تفتح الباب اتضح لها صوته وهو يتحدث / بقولك ايه يا إسراء مفيش حاجه بينا عشان كل شويه تتصلي بيا فهمتي
توقفت كريمة ودمعت عينها هل مازال علي تواصل مع الفتاه التي تركها لاجلها
صلاح بصراخ / حكاياتنا ايه انتي عبيطه مفيش حكايه من الأساس ده جزاتي عشان ساعدتك بتدمريلي حياتي
زمان ضيعت حب حياتي وخسرتها بسببك وبسبب عمايلك ساعدتك عشان ابوكي المريض وعشان انقذ سمعتك اللي انتي دمرتيها وبعتيها لواحد وبعدين اول ماقالك نرجع روحتي سبتيني ورجعتي ليه واتجوزتيه وانا الوحيد اللي طلع من المعادله دي خسران وفي الاخر بعد ما يخونك ويرميكي ترجعي ليا وقال ايه بحبك انتي طلعتي وآحده و…… يا إسراء وانا فعلا استاهل اللي حصلي عشان ساعدت وآحده زيك اسمعي بقي والله العظيم لو اتصلتي تاني لاروح اقول لابوكي علي الحكايه كلها سامعه
ثم اغلق الهاتف في وجهه والقاه بعنف علي فراشه وهو يرجع شعره للخلف بعنف ثم استدار ليخرج ولكن تجمد عندما رأي كريمة تقف علي الباب ودموعها مثل الشلال ثم ركضت بسرعه بينما هو لحق بها
نظر الجميع لطمطم بحزن بينما مراد تحدث ببسمه /أنا بس قولت اعرفكم عشان بكره كتب كتابنا وهنخرج كتير عشان نكثف الجلسات
بكت نسرين بشده علي ابنه عمها لقد ظلمها الجميع اقتربت طمطم من نسرين وعانقتها فبكت نسرين اكثر / لا لا يا طمطم ده كدب وحياتي قولي ده كدب انتي مش تعبانه انتي حلوه اهو صح انتي عادي مش تعبانه.
طمطم بدموع / أنا كويسه يا نسرين وبتعالج وهكون بخير يا عمري
دانه ببكاء شديد / ليه مقولتش يا طمطم عشان نكون جانبك
طمطم وهي تضمها باليد الاخري / إيه ياعيال الافوره دي منا فله اهو هو أنا موت ولا إيه
بينما مهران كان يبكي علي ابنه أخيه فقد توفي هو وزوجته منذ سنوات وهو من قام بتربيه طمطم وشيرين اختها.
نظر جاسر وحسام للجميع بألم
دخلت كريمه وهي تمسح دموعها وجدت الجميع يبكي فتحدثت بمزاح / في إيه نجلاء ماتت
نظر مهران لابنته بالم فهي اكثر من سيتألم علي اختها نعم فقد تربت كريمه مع طمطم وكانت اكثر من أخت.
تحدثت كريمه بجديه وهي تقترب منهم / في إيه يا جماعه مالكم ليه الكل بيعيط
دخل في ذلك الوقت صلاح.
تحدث مراد بحزن / طمطم يا كريمة مش زي مالكل كان مفكر بتكلم شباب وكده
كريمة بمزاح / إيه هي طلعت استغفر الله بتكلم بنات
مراد بدموع هبطت دون أن يعي / طمطم مريضه كانسر وكانت بتعمل كده عشان محدش يلاحظ
نظرت له كريمة بتعجب وتحدث وهي تنفي ما قاله / لا طبعا طمطم زي الفل ومفيهاش حاجه خالص
نظرت لها طمطم بألم ثم اقتربت منها وهي تمد يدها / كرميلا انا
كريمة وهي تبعد يدها بعنف /لا انتم كدابين انتي مش فيكي حاجه انتم عايزين تخوفوني بس
مراد وهو ينظر لها بألم / دي الحقيقه يا كريمه وانا اللي بعالجها بنفسي وبدأنا جلسات بقالنا مرتين
كريمه بصراخ / كدابييين كلكم كدابييين
ثم تركتهم وركضت لغرفتها بينما صلاح نظر لطمطم بحزن وتحدث وهو يبكي / مراد بيهزر يا طمطم صح
هزت طمطم رأسها برفض ودموعها تتساقط
بينما صلاح جلس لرضا وهو يبكي علي أخته الصغيره هي صغيره
ونسرين تبكي دون توقف وحسام لأول مره يري دانه تبكي هكذا فقد كانت تبكي كالطفل الذي فقد والدته.
هبطت دموع جاسر علي هذه العائله التي تحولت تماما من المرح والضحك للبكاء
بينما سمع الجميع صوت صراخ كريمه الذي هز جدران المنزل وبكائها الذي علي
أرتفعت شهقات الجميع بينما سالم اغمض عينه بألم / يارب رحمتك يارب
نظر احمس لابريس الصامت وميسره التي تنظر امامها بشرود وكأنهم فقدوا روحهم
ثم صعد علي حصانه وتحدث / اتبعوني سنأخذ طريق مختصر للعوده من خلف الكهف
ثم انطلق بحصانه وخلفه ميسره وابريس الذين التزمو الصمت طوال الرحله احمس / هذا الطريق مختصر سنصل خلال يوم كحد أقصي
نظر ابريس بروح خاليه لميسره في نفس الوقت الذي نظرت له ابتسمت له ميسره بألم فهز هو رأسه وسار خلف الحكيم بصمت تام
تسلل ست ومعه نانيس واسينات لذلك المنزل الذي يجلس به بيك وازاي ونازيا والتي يطلق عليها تيتي زوجه ازي
دخل ست وجد بيك يجلس مع ازي نهض بيك بسرعه / ماذا يا ست لقد مللنا من الاختباء هنا
نظر ست لنانيس واسينات / لقد احضرتهم للبقاء بعيدا عن القصر وسيظلوا هنا مع تيتي
بيك وهو يتسأل / ونحن
ست بغموض / نحن سنقوم بما انتظرناه طويلا بدأ العد التنازلي للنهايه عصر حورس
بينما حورس كان يجلس في غرفته وينظر للصولجان بشرود / حان الوقت كي نتخلص منهم جميعا وبعدها تيتي ستكون لي وايضا كمت
مر يوم ثقيل علي الجميع بين حزن والم وترقب وأمل في بدايه جديده
كان منزل عائله مهران مزين بطريقه جميله لا توحي لك بمدي ألم سكانه حضر الجميع لمجامله العرسان فاليوم عقد قران كلا من نسرين وطمطم
كانت دانه تنظر للفتيات بحزن فقد علمت للتو ماحدث لطمطم فكانت تجلس علي فراش غرفه كريمه بجانب دانه وكريمه وكلا من نسرين وطمطم يجلسون علي مقاعد بعد أن انتهت السيده من تزيينهم
ثم تحدثت بهدوء لفتت انتباه الجميع / ماما كان عندها كانسر بالمخ
نظر لها الجميع بانتباه فاكملت ببسمه متوجعه / وقتها كلنا تعبنا واتدمرنا ماما هي عمود العيله لان بابا ميقدرش يتنفس من غيرها فلو ماما حصلها خدش بابا بيتدمر وبالتالي عبده بيتدمر وانا بتدمر وكل العيله هتقع عيشنا ايام رعب وخوف بس كان أملنا في ربنا كبير ودعينا كتير
وجه يوم العميله والكل كان في رعب بس
رفعت نظرها لهم ببسمه / ربنا سترها واتعالجت وبقت كويسه ربنا يطول في عمرها اللي قصدي اقوله ان الدعاء افضل شي في الحاله دي ده ربكم بيقول انا عند ظن عبدي بي فاحسنوا الظن بالله
كريمة ببسمه / ونعم بالله
نيرة وهي تنهض / بقولكم ايه انتي وهي فرفشوا كده مش ميتم هو ده فرح لولولولولولولولولويي
كريمة بمزاح لتغير الجو / ولما هو فرح ولولولولولولوي ليه لابسه كأنك رايحه تلعبي ماتش كوره ف الشارع
نظرت نيره لثيابها بتعجب ثم تحدث / مالها انتي عارفه السلوبت دي بكام يا معفنه انتي
كريمة يقرف / بكام يا ختي
نيره وهي ترفع رأسها بتكبر / وحياتك قالي آخرها 210 بس علي مين أخدتها منه 110 امال فاكر هيضحك عليا
هزت دانه رأسها بيأس / قومي يابت انتي بعدين مش انتي كلمتي سمر امبارح
نيره وهي تتذكر / آه ياختي متفكرنيش دي مرعبه عليا الطلاق الست دي مرعبه يخربيت كده ده انت خوفت منها
كريمة بتهديد / يعني تقومي تلبسي فستان عدل ولا نكلم سمر
نيرة برعب / والله ما تتعبي استاذه سمر معانا انا هلبسه زي الكلبه هو فين
ضحكت دانه بشده وهي تخرج علبه كبيره / كان قلبي حاسس عشان كده اشتريت ده ليكي يا مانجتي
نظرت نيره ببسمه ممتنه لدانه وهمست / شكرا علي كل حاجه يا دانه
دانه وهي تضمها / ياقلبي معملتش حاجه يلا بقي اخلص عشان دلوقتي هينادوا علينا
عند الشباب حسام وهو ينظر لهم / يا زيدي يا زيدي علي إللي هيتجوزا
جاسر / نق بقي نق عشان الفرح يولع بينا ولا بنات نجلاء يولعوا في العرايس بعدين طالما يا خويا نفسك ليه مش تاخد خطوه بجد
ضحك حسام بشده / ما ده اللي ناوي اعمله فعلا
مراد بغمزه / إيه هتشرفنا
حسام وهو يرفع ياقته / عيب عليك يابا
دخل ليث للغرفه وهو يبتسم / تم ياشباب أسر وصل القاهره وحبايبي كرموه اخر كرم هناك
ضحك الجميع علي كلامه
دخل سالم ومهران عليهم
مهران / يلا يا شباب عشان المأذون وصل
صفق مراد بمرح / إنهارده فرحي يا جدعان وهتجوز هتجوز لولولولولولولولولويي
صلاح بضحك / الحمدلله اتجنن خلاص
خرج الشباب وهبطوا للأسفل وذهب كلا من مهران وسالم واحضر سالم نسرين ومهران طمطم
وهبطوا للأسفل فكادت أعين الشباب تخرج من مكانها
بدأ المأذون بنسرين وجاسر فكادت نسرين تموت خجلا من نظرات جاسر
ثم قام المأذون بعقد قرآن مراد وطمطم التي تنظر بعشق لمراد واخيرا جمعها الله بحبيب طفولتها
في ذلك الوقت هبطت نيره ودانه فكانت دانه تسحب نيرة بالقوه وهي ترفض النزول
كان حسام يضحك علي مشاغبه صلاح لهم ولكن وقعت عينه علي نيره التي كانت ترتدي فستان طويل من اللون السيمون وتضع ميكب خفيف جدا وتفرد شعرها خلفها كاد حسام يصاب بالجلطه
بينما الجميع لا يصدق ان هذه نيره
فاق حسام علي صوت الشيخ وهو ينهي عقد قران مراد / بالرفاء والبنين ان شاء الله
ثم امسك المأذون دفتره وكاد يذهب
حسام بصراخ / استني يا عم الشيخ انت رايح فين وانا كمان عايز اتجوز
ضحك جاسر بقوه /بطل هبلك يا حسام
حسام هو يمسك المأذون / والله مايحصل لازم يكتب كتابي قبل ما يمشي
ثم ذهب لنيره ووقف امامهاا وتحدث بمزاح / ها يا اشرف ايه رأيك موافق
بينما نيرة تنظر له بصدمه وتشير لنفسها / انا
حسام وهو يغمز لها / آيوه انت يا أشرف يا جميل
كريمة بصوت عالي / متوافقي يابنت المركوب قبل مايغير رأيه
ضحك الجميع علي كريمه بينما نيره تحدثت بفرحه ودموع وهي تهز رأسها / موافقه
ذهب حسام وجلس بجانب المأذون ليبدأ
المأذون /أين وكيل العروس
نظرت نيرة بحزن فهي يتيمه
تحدث مهران ببسمه وهو يضع بطاقته / انت وكيلها أتفضل يا شيخنا
نظرت نيره له بدموع وامتنان فابتسم هو لها بحب ابوي
بينما كريمه عانقتها بشده وأخذت تزغرط
المأذون / بارك الله لكما وبارك عليكما وجمع بينكما في خير
اخذ الجميع يهنئ نيره وحسام وهي حتي الآن لا تصدق ما حدث كأنه حلم
بينما صلاح هتف / الله اشمعنا انا استني يا شيخ عشان هنكملك الدستة.
نظر له الشيخ بملل / نعم عايز تتجوز انت كمان
صلاح ببسمه غبيه / ياريت والله
ثم ذهب لمهران / جرا ايه يا حاج مهران مش حابب تكون وكيل العروس مره تاتله
مهران وهو يتحدث باستفزاز /لا مش حابب تعبت يا أخي
جاسر وهو يفتح القلادة ويتحدث لميسره / أنا قولت لازم تكوني معانا انهارده
ميسره بدموع وفرحه / مباااارك يا باشا
صلاح / كده يا مهران ده انا قولت عليك انت الطيب يا راجل
سالم / وهو انا يعني اللي شرير طب يا مهران متوافقش
صلاح /والله أبدا ياباشا ده انت البركه يا جدعان يلا عايز افرح زي الناس اللي هناك دي
ضحك مهران / والله الرأي رأي العروسه
ذهب صلاح لكريمة وتحدث ببسمه / ويا تري رأي العروسه ايه
نظرت كريمة له بحاجب مرفوع ثم كتفت يدها / لا مش موافقه.
نيرة بصوت عالي مثلها / متوافقي يابت المركوب ليغير رأيه
مهران وهو ينظر لها / لاحظي اني واقف
ضحكت نيره بشده بينما حسام تحدث / اسكتي ياخربيتك
كريمة وهي تبتسم لصلاح / موافقه يابن عمي بس حسابنا مخلصش لسه
صلاح وهو يغمز / خدي حقك براحتك بس وانتي حرمي المصون يا باشا قلبي …… يلا يا شيخنا سمعنا احلي بارك الله لكما وبارك عليكما وجمع بينكما في خير
بعد دقائق الشيخ / بارك الله لكما وبارك عليكما وجمع بينكما في خير
نهض صلاح وقلد النساء وهو يزغرط / اخيرا يا جدعان اخيرا لولولولولولولولولويي
ضحك الجميع ونظر المأذون لليث / مش حابب تكتب كتابك أصل مفضلش غيرك مش عايز تسمع بارك الله لكما وبارك عليكما وجمع بينكما في خير انت كمان
دانه وهي تعانقه وتضحك / لا يا شيخنا ده سبقهم من زمان
ضحك ليث بشده بينما تحدث المأذون والله ماهي راجعه / بارك الله لكما وبارك عليكما وجمع بينكما في خير
ضحك الجميع بشده بينما كانت نجلاء وبناتها يستشطن
سلمي لاسماء / اهم فلتوا مننا يا حسره
نجلاء / ياختي بلا خيبه الفرح مليان رجاله كتير روحي شوفي اي واحد كده
اسماء بلهفه / تعالي يابت يا سلمي شوفت واحد مز صاحب مراد ودكتور زيه تعالي
بسرعه
بينما اميره كانت ترتعش برعب من نظرات ليث لها طوال الزفاف
كانوا يسيرون بصمت تام حتي تحدثت ميسره لتخرجهم من هذا الصمت/ تعالوا نستريح ياجماعه شويه وناكل عشان جوعانه
ابتسم ابريس عليها وتوقف احمس واشار لهم / هيا هناك بحيرة قريبه هنا لنحلس عندها
ذهب الجميع وجلس وشعرت ميسره بالقلاده تهتز وجدت جاسر يضم نسرين له ويتحدث بسعاده / حبيت تكوني معانا اليوم يا باشا
ميسره ببسمه متعجبه وصراخ / اتجوزتوا؟!!!
جاسر بضحك / لا أكيد مش هتجوز من غير ما تكوني موجوده كتبنا الكتاب بس انا ومراد وحسام.
ثواني وضحك بشده / وصلاح هينضم لينا
صفقت ميسره بشده وأخذت تزغرط / وادي زغروطه اهي والله ما هي راجعه ههههههههههه
ضحك ابريس عليها فهي تبدو مثل الأطفال
ميسره / جاسر نادي الكل عايزه ابارك ليهم
نادي جاسر للجميع فحضر الجميع في نفس الوقت التي صدحت اغنيه ( الزين والزينه لعلي الحجار) ميسره بصراخ / مبااااااااارك يا شباب
كريمه وهي تضحك / حبيبي ياابو الصحاب والله ميسره وهي تستمع للاغنيه / الله بعشق الاغنيه دي اوي
كريمة بضحكه / وانا بعيط لما اسمعها بتاثر بيها آوي
اخذ صلاح يغني مع الغنيه ويغمز لكريمة / حلوه عروستي….. واخدها نقاوه…… عين حسادها…… يزيدها حلاوه
واخذ الجميع يغني معها وجاسر يضم اليه نسرين وكذلك حسام الذي اخذ يغني لنيره / عروستي حلالي…. هي عفيتي وراحه بالي عيوني في عيونها…….. ضيو هلالي…. قوموا غنولها….. وزفوا الغالي
مراد / وانا يابا خدت الغندور يا حبابه احلي من الصوره
ميسره بضحكه فرحه وهي تشير لهم / وادي الزين وادي والزينه قالوا الجنه هي جنينه علي الياسمينه نشوف اسامينا لو زفينا الزين علي الزينه
انضم ابريس لها وضمها اليه بحنان بينما احمس ابتسم عليهم
كريمة وهي تبدل الاغنيه فصدحت اغنيه / عريسنا راجل جدع مهو نين عين امه
وأخذت تغني معها وهي تغيظ امال
بينما امال تشير لها وتحدث مهران / شايف بنتك يا مهران
بينما كريمه تحرك كتفها بدلال لتغيظ امال اكثر
مهران بضحكه صاخبه / أنا أصلا مربتش وكل الناس عارفه كده
اقتربت كريمه من امال وامسكت يدها وأخذت ترقصها وهي تضمها بفرحه
بينما الجميع يرقص بفرحه
ودانه كلما ذهبت لترقص تجد ليث يجذبها من ثيابها من الخلف فترقص وهو يمسك ثيابها وهو يضحك عليها بشده وهي ترقص بغباء / ياعم سيبني بقي عايز ارقص
اخذت تهز وسطها وتضحك بشده
وهو يتحدث بملل / الله يسامحها سمر بوظت بنات العيله
دانه بضحك وهي ترقص / يابا ده لسه في حصص في الكورس والله كورس الرقص بتاعها نفعنا
ليث بضحك / آه هتقوليلي ده انا خايف تطلع مداهمه آداب والاقي عيال ناري فيها البنات انحرفت بسبب سمر
ضحكت دانه بشده ثم اخذت ترقص وهو يجذبها بجواره كلما ذهبت لترقص معهم
نهضت اميره وذهبت للمطبخ بخوف فهي لا يمكنها التنفس في الخارج تحت نظرات ذلك الرجل هو حقا مرعب للغايه فجأه وجدته يقف بجوارها انتفضت بفزع وأخذت تعود للخلف برعب وهي تصرخ بخوف / انت عايز مني ايه أبعد يا ماماااااا
ضحك ليث ضحكته المرعبه / محدش هيسمعك من صوت الاغاني
اميره ببكاء وهي تكاد تموت / والله كانت غلطه مش هتتكرر تآني
ليث وهو ينظر لها ببرود / يعني انتي عارفه انها غلطه ليه تعمليها
اخذت اميره تعود للخلف برعب وتبكي / اخر مره والله اااااه
فجأه وهي تعود انزلقت قدمها وسقطت بعنف علي ارضيه المطبخ وجرحت جبينها شعرت اميره بدوار في رأسها والم. فرأت صوره مشوشه لليث وهو يقترب منها ويهمس لها / أنا ممكن أقتلك ومحدش يقدر يتكلم بس حظك ان دانه بخير وهي حلفتني اني مأذكيش وانا معملتش حاجه انتي وقعتي لوحدك واترد ليكي اللي حصل واظن كفايه عليكي الخوف اللي حسيتي بيه
ثم تركها وخرج وهي كانت تنظر امامها برعب وتبكي بشده
فجأه وجدت شاب يقترب منها ويتحدث بلهفه / مالك يا انسه انتي بخير.
. بينما اميره ازدادت في البكاء نظر الشاب لراسها برعب ثم ركض للحمام واحضر اسعافات أوليه وساعدها بينما هي هدأت تحدثت بهدوء / شكرا
ابتسم لها الشاب بحنان/ عفوا
ثم مد يده/ أنا مازن صاحب مراد
(مازن هو الدكتور اللي كانت طمطم بتروح ليه)
اميره وهي تبتسم له وتسلم عليه / اميره بنت عمة مراد
مازن وهو يضم يدها بحنان / اتشرفت
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
اكمل الجميع سيرة نحو طيبه مجددا في هدوء شديد وبين لحظه واخري يتبادل ابريس بسمه مع ميسره بسمه قلقه وخائفه من القادم
وفي طريق وجد الجميع قطيع ذئاب يقطع طريقهم
ميسره / وانا اللي قولت ربنا هيتوب علينا
ابريس وهو يدقق النظر / ميسره ده نفس القطيع اللي موت القائد بتاعه
ميسره / ياراجل
هز ابريس رأسه فابتعد حصان ميسره عن ابريس قليلا وتحدثت ميسره وهي تشير لابريس / اهو ياباشا عندكم اعملو فيه اللي تحبوه انا مليش علاقه بيه ده خاطفني هو واللي معاه
نظر لها ابريس / واطيه
ميسره / ياروح مابعدك روح
ضحك احمس / لا تقلقوا سبق وتخلصت منه وسنفعل هذا مجددا
نظر. له ابريس بغموض / وانا اقول مهجموش ليه انت عملت ايه
احمس وهو يخرج سيفه ويغمز له ثم انطلق وهو يضحك / سر المهنه يا صديقي
ضحك ابريس ثم اخرج سيفه وانطلق هو أيضا بينما ميسره اخذت تنظر برعب وتتحدث بدراميه / لا يفوتك فراعنه في مواجهه الذئاب ينفع اسم روايه
بينما ابريس واحمس كانوا يقتلون الذئاب بعنف وشراسه وخصوصا ابريس واخيرا وجد متنفس لغضبه فاخذ يقتل ويقتل وهو لا يشعر ماذا يفعل فقط يري امامه رحيل ميسره وعجزه لبقائها معه
دقائق قصيرة وكان الطريق ملئ بجثث الذئاب
نظر ابريس لهم وهو يتنفس بعنف جراء المعركه التي خاضها نظرت ميسره له برعب مما هو به
تحدث ابريس بجمود / لنكمل الطريق اوشكنا علي الوصول
سارت ميسره إليهم واكلموا الطريق دون الراحه لدقيقه وآحده وميسره فقط تنظر لابريس وملامحه وهي تفكر انه يريد أعاده كمت وهي ستساعده بذلك
علي بعد أمتار كان هناك حصان وعلي ظهره رجل مقنع عرفته ميسره هو ست اكيد اقترب الجميع لست فهز رأسه بترحيب ثم تحدث بكلمه وآحده هي ما صدرت طوال الرحله من ذلك المكان للمنزل الجديد وصل الجميع وجدوا بيك وازي ونانيس واسينات يستقبلوهم
ركضت نانيس بسرعه لميسرة وعانقتها بشده / ميسره حبيبتي حمدا لله علي سلامتك لقد قلقت كثيرا من هذه الرحله وما بها من مخاطر
ميسره بمزاح خفيف / كان لازم تقلقي فعلا ده انا اتفرمت يا شيخه
جاءت اسينات وعانقت ميسره بحب شديد /عزيزتي الجميله اشتقت اليه
ميسره بضحكه خفيفه / باربي قلبي وانا اكثر يا جميلتي
ست للجميع / لنتوجه للداخل
هز الجميع رأسه فدخل وبعد الترحيب تحدث ابريس بكل شئ حدث لهم
بيك بضحكه عاليه / قلت لك هذه الفتاه لايجب ان تذهب معك يارجل انظر لما فعلت خلال الرحله هي اكيد مجنونه هذه ليست بتصرفات شخص عاقل أبدا كما انها فقط تجلب المشاكل فقط
نظرت له ميسره بفم متشنج / اهو انت الوحيد اللي استريحت منه في الرحله
تحدث ست بجديه / اذا احمس كيف ننتهي من هذا
احمس بمزاح / ما بك ست ناديني بالحكيم يارجل الجميع يقول لي ذلك سواكم انتم
ست بسخريه / هيا يارجل انا من ربيتك كما انني اكبر منك هيا تحدث
ضحك احمس ثم نظر لابريس الشارد منذ مجيئهم / حسنا الموضوع هو……
بعد الانتهاء من قص عليهم ما يجب فعله تحدث ست وهو ينظر لميسره / وانتي ميسره هل تثقي في الاشخاص علي الطرف الآخر
ميسره وهي رلم ترفع عينها من علي ابريس / نعم لا تقلق اثق بهم ثقه عمياء وغدا اخبرهم بكل شئ
نهض ابريس وترك الجميع وخرج.
بينما نانيس نظرت لميسره وحدثتها بحنان / الحقي به يا عزيزتي هو يتألم
نظرت لها ميسره بألم ثم نهضت وتحدثت وهي ترحل / وانا ايضا اتألم يا نانيس
ثم خرجت للتله فأكيد ستجده هناك
بينما ست نظر لاحمس فهز احمس رأسه بايجاب اغمض ست عينه بألم شديد علي أخيه الصغير
ذهبت ميسره التل وجدته ينظر اليه بشرود فجلست بجانبه فتحدث هو ببسمه / يبدو أنه علي ان اغير مكاني الشخصي ميسره انتي تقتحمين مساحتي الشخصيه
ميسره بمزاح / مساحتنا الشخصيه ولا إيه يا باشا محنا واحد بعدين إيه ده بقالك فتره مش بتكلمني بلغتك
ابتسم ابريس ثم نظر للمدينه امامه تحدثت ميسره وهي تنظر للمدينه / أنا عارفه انا بابا وماما ماتوا
نظر ابريس لها بفزع / إيه ميسره انا كنت سأخبرك صدقيني لقد علمت بهذا من فتره صغيره فقط قبل ذهابنا بيوم ست أخبرني
ميسره وهي تهز رأسه بألم / وقت ما حورس كان خطفني في قصره وسابني وخرج انا كنت بحاول اهرب بس مره واحده سمعت صوته كأنه بيكلم حد روحت وسمعته بيقول
F. B
حورس بشر وهو يحدث تيتي المسطحه علي الفراش / هم أغبياء يظنون انني لم اعرفها هي الشمس وسوف تنطفئ كما قتلت والديها سأفعل ولن تتحق النبوءه باي ثمن نعم يا جميلتي انا قتلت والديها بيدي هاتين أغبياء لم يكونوا متعاونين معي طلبت منهم مساعدتي كما كانوا يفعلون مع الملك السابق ولكن رفضوا فقتلتهم عقابا لعصياني وهي ستلحق بوالديها
وضعت ميسره يديها علي فمها وركضت عائدة للغرفه التي خرجت منها
B
ميسره ببسمه متألمه / انهياري كل يوم في اوضتي كان سببه ان اهلي ماتوا اتدمرت بعد ما حسيت بالأمل ان ممكن يكون ليا اهل زي الباقي الأمل ده اتدمر يا ابريس خلاص مبقاش ليا اهل بقيت وحيده
حتي انت هما يومين وهتختفي من حياتي زي الحلم
ثم نظرت له ببسمه / بس كان حلم جميل اوي يا ابريس
بينما ابريس ضم ميسره الي قلبه واشار للنجوم / تبدو قريبه ولامعه جدا ومغريه ولكنها بعيده جدا هكذا انتي يا ميسره قريبه وفي نفس الوقت بعيده ولكن يوما ما ساقترب منك حتي ولو اضطررت انا للصعود بجانبك يا ميسره
ميسره وهي تمسك يده وتنظر في عينه بحب / سيظل هذا القلب ينبض باسمك حتي اخر نبضه له في هذا العالم لن يحب غيرك ولن يصرخ باسم غيرك واذا لم تكن ميسره لابريس فلن تكون لاحد غيره
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة الفراعنة)
