رواية لعنة الفراعنة الفصل التاسع عشر 19 بقلم رحمة نبيل

رواية لعنة الفراعنة الفصل التاسع عشر 19 بقلم رحمة نبيل

رواية لعنة الفراعنة الجزء التاسع عشر

رواية لعنة الفراعنة البارت التاسع عشر

رواية لعنة الفراعنة الحلقة التاسعة عشر

نظر أسر بغضب للرجال واخذ يضرب فيهم بعنف / اغبيه انتم مجرد شويه اغبيه محدش لا يعتمد عليكم في حاجه
نيره ببرود / اهدي عشان الشوجر غلط عليك يا ضنايا
ثم غطت وجهها وهي تصطنع الخجل / بس بزمتك مش مفاجأه حلوه تحس كده ان القدر مصر يجمعنا سوا يا اسورة
نظر لها أسر بصدمه / قدر زفت ومهبب
نيرة وهي تنظر لثيابها / ليه باشا ما هو كاروهات وعسل اهو بقولك ايه انا جوعانه وكنت ناويه اجيب اكل وانا مروحه بس الله يكرمهم رجالتك معرفتش بقي فعدم اللامؤخذة ممكن كيلو كفته وطحينه وسلطه ومخلل وكتر عيش اللهي يكرمك
أسر بسخريه / هو انتي فاكره ان الحاتي هو اللي خاطفك
ثم نظر لرجاله / بقولكم خطيبتي يعني بنت رايحين تجيبوا المسترجلة دي
نيرة وهي تتحدث بحده / الله الله ليه بس منا كنت بسكت نفسي واقولها اهدي عيل وغلط ومكنش قصده يخطفك تيجي انت تزعلها لا كده نيرة زعلانه وانا زعلي بيوجع يا باشا
أسر ببسمه / انتي بتهدديني انتي مفكره العيال اللي معاكي دول هيحموكي مني انا لو عايز يا شاطره مش هخلي حد يعرفلك طريق انتي فاهمه
نيره وهي تبتسم ببرود / متنساش البيبسي الله يكرمك عشان اهضم
نظر لها أسر بعنف ثم اقترب منها بحده وامسك شعرها وجذبه بحدة / انتي مفركه نفسك يا روح امك هتغظيني ببرودك ده انا ممكن اخلي رجالتي يتسلوا عليكي بس للاسف ملهمش في الرمرمه
نيرة وهي تنظر لوجهه وتبتسم باستفزاز / ههههههه قصدك شويه النسوان دول انا رأي لما تحب تعمل حاجه ابقي ابعت رجاله وبلاش تيجي معاهم يا كميله يا صغننه عشان متتعوريش واوا لان لو كنت باعت رجاله كانوا اتعاملوا وش لوش مش رش مخدر وشيل
نظر إليها أسر بغيظ ثم ضرب راسها في الحائط بغضب بينما هي شعرت بألم كبير يضرب رأسهأ ودماء تسيل علي وجهها فاقترب هو أكثر / تمام مش مشكله انا بقي هعلمك الأدب
نظرت له نيره وضحكت بشده ثم توقفت وبصقت في وجهه / لما تبقي راجل الاول ابقي تعالي اتكلم
ثواني وكان أسر بين يدي نيرة وتلف حبل يدها حول رقبته / يلا يا حلوين كله ينزل سلاحه اللي في ايده بدل ما نتحسر كلنا علي الباشا
نظر لها أسر ببرود / انت مفكره هتعرفي تهربي بالحركتين دول
نيرة وهي تجذب الحبل علي رقبته بشده / أنت مفكرني يابني بنت ضعيفه ولا إيه لا فوق ده انا كنت بخلي بلطجيه الحاره واحد واحد يبوسوا رجلي يا با اخلص خليهم ينزلوا سلاحهم حالاااااااا
أشار لهم أسر لكي يخفضوا اسلحتهم ففعلوا بينما هي ابتسمت / حلوين اوي ارموها بقا ناحيتي يلا يا شطار
أسر بغضب / اقسم بالله لهندمك يا حيوانه علي إللي بتعمليه
نيرة وهي تجذب الحبل اكثر / تؤ تؤ هي الحاجه ام أسر نسيت تربيك ولا إيه مينفعش تبقي چركن مان كده وتشتم ليدي كده
أسر وهو يحاول فك الحبل من علي رقبته / هي فين الليدي دي ها ده إحنا قاعدين قاعده رجاله هنا
نيرة وهي تضحك بشده وتجذبه إليها اكثر / هما فين الرجاله دول لامؤاخذه عشان مش مترجمه دول حتي ما استنضفش اقول ستات لان مش عايزه انزل الستات لمستواهم ولا كلمة ستات أساسا اهانه عشان اقولها علي شويه البقر دول دول شويه كائنات بلا عقل تتغذي علي الأعشاب وتتبع الحمير زيك كده
رفعت نيرة وجهها بسرعه وهي تشعر بأحد يحاول اخذ سلاحه / حاول بس تقرب منه وهنتغدي كلنا لحمه راس الباشا ده دلوقتي عايزه كل الكوتشات المنفوخة دي تدخل الاوضه اللي هناك دي وتقفل علي نفسها بالمفتاح وترميه من تحت الباب عشان منترحمش علي الباشا
أسر بصراخ /وربنا لتندمي يا حيوانه انتي هخليكي تندمي
نيره وهي تتجاهله/ نفذوا والا قتلته ومش هتحبس فيه خمس دقايق لان دفاع عن النفس اخلصواااااااا
ذهب الرجال للغرفه واغلقوا علي أنفسهم الباب ثم القوا لها المفتاح
نظرت هي للمفتاح ببسمه ثم قالت له / وطي هات المفتاح وحسك عينك تعمل حركة كده ولا كده
نظر أسر لها بشر سوف يقتلها هذه اللعينه الغبيه انحني أسر قليلا ليحضر المفتاح واعطاه لها فكانت علي وشك أخذه فاستغل أسر فرصه انشغالها بالمفتاح ثم ضربها بكوعه في وجهها فارتدت للخلف بألم ولم تكد تستوعب فقام أسر بامساك رأسهأ وجذبه للخلف بينما هي صرخت بألم فتحدث هو بفحيح / بقي حته بنت زيك تضربني وتتأمر عليا كمان لا يا حلوه لا عاش ولا كان اللي يمس أسر بسيوني انتي فاهمه
تحدثت نيرة بضحكه لتخفي الألم / منا مسيته ياباشا لا وتفيت في وشه كمان يابوص
ضحك أسر بشر / أنا لسه بقول لا عاش ولا كان
نظرت نيره له بقوه تخفي خلفها الألم والرعب الذي أصابها فمهما كانت قويه فهذا وضع ليس بالسهل ابد رماها أسر بحده علي الارض ثم اخرج مسدسه وصوبه لها وضحك بشر / سلم علي الشهدا إللي معاك

كانت ميسرة تنظر لهم بشر وغيظ كبير حينما سمعت ان اليوم زفاف وزفاف من؟؟؟ ابريس ياللسخريه ولكن لن تكون ميسره ان لم تريهم جميعا / وديني لخلي الشبشب يزغرط علي جسمهم
ثم خرجت لهم وهي تخلع حذائها / مين بقي عروسه الليله
نظرت الفتيات لها بتعجب فتحدثت انستازيا / هذه الضيفه التي كانت مع زوجك ماذا تريد
نظرت سبرينا لها من اعلي لاسفل بسخريه
بينما ميسره كانت الشياطين ترقص امام أعينها وصرخت بحده / زوجك!؟؟؟؟؟ زوجك مين يا ام زوجك انتي ده انا مش هخلي حتي سليمه فيكم
ثم انطلقت لهم وأخذت تجذب هذه من شعرها وتضربها وتعض تلك وكانت الفتيات لم يستوعبن ماذا يحدث مع هذه المتوحشه فأخذت تضربهم بحذائها وهي تصرخ / يعني انا مدخلش مكان غير لما الاقي مصيبه
بينما الفتيات تصرخ تحت يدها ولكن استطاعت انستازيا ان تهرب منها وركضت لمقر الرئيسه

بينما ابريس كان يغط في نوم عميق حينما شعر بأن هناك رذاذ يسقط علي وجهه فتح عينه برعب ولكن نعاس هاجمه وبشده فاغمض عينه مجددا
نظرت الفتيات لبعضهن واحضرن حماله بعجلات وحملنه بصعوبه شديده بسبب جسده وأخذنه كي يتجهز لزفافه الذي لا يعلم عنه شئ
بينما ميسره كانت ما تزال تضرب سبرينا بقوه / ملكك وحدك ها ده انا هخلي وشك شوارع لو قعدتي عمر بحاله متعرفيش ترجعيه زي الاول
بينما سبرينا تصرخ بها / اتركينا أيتها الحمقاء ماذا فعلت لك
ميسره وهي تتركها وتتحدث بسخريه / لا لم تفعلي شئ فقط تخططين لزفافك بحبيبي يا لعينه
نظرت لها سبرينا بحده وابعدتها عنها / ابتعدي يا غبيه عني وماذا تقصدين بحبيبك ها هو زوجي المقدر نعم زوجي انا
ميسره بصراخ / شوف بنت القرعه برضو هتقولي زوجي طب تعالي يا عنيا بقي
ثم اخذت تجذب شعرها بعنف شديد وسبرينا تصرخ بشده / اتركيني اتركيني النجده النجده

دخلت انستازيا لمنزل الرئيسه التي صرخت لها بحده / كيف تدخلين هكذا يا فتاه ها تحدثي
انستازيا وهي تتحدث بتلعثم / الفتاه وسبرينا تضربها بقوه
نظرت لها الرئيسه بتعجب / مابكي لا أفهم شئ تحدثي بهدوء
انستازيا برعب اخذت تقص عليها كل ما حدث
نهضت الرئيسة بعنف / اذهبي واحضري المقاتلات والحقي بي
ركضت الرئيسه ودخلت للكوخ المعد لتجهيز الفتيات وصرخت بحده علي ميسره التي تقريبا أخرجت نصف شعر سبرينا بيدها / ماذا تفعلين واللعنة
نهضت ميسرة من علي سبرينا ونظرت لتلك السيده الكبيره / بس يا طنط مش ناقصه هي انا بس هعرفها غلطها وهاخد المز بتاعي وهنمشي من سكات
تحدثت الرئيسه بغضب /واللعنه ماذا تقولين انتي
كادت ميسره تجيبها ولكن وجدت فتيات عملاقه الجسد ولديهن عضلات مثل الرجال يدخلن عليهم
ميسره وهي ترفع نظرها للاعلي حتي تنظر لهم / احيييه اخوات الشحات مبروك ولا إيه
تحدثت الرئيسه بأمر وحده / احضروا هذه المتوحشه
ميسره وهي تركض وتقف علي الاريكه / هو كل ما حد يشوف خلقتي يقول احضروها
ثم نظرت لسبرينا وامسكتها من شعرها بحده وجذبتها منه / اقسم بالله اللي هيقربلي لكون مقلعه شعرها شعرايه شعرايه

عند ست والباقي
تحدث بيك بصدمه وهي ينظر لازي الذي مازال جامد لا يستوعب ما يراه / ازي هذه نازيا زوجتك ولكن كيف لقد قتلت في هجوم حرس حورس علينا سابقا كيف واللعنه
صمت قليلا ثم أدرك ماحدث / الحقير لقد خطفها ولكن لما هي جامده هكذا
نظر ست لازي بشفقه فزوجته كانت اغلي ما لديه فقدها منذ مايقرب العشر سنوات فقد تزوجها بعمر صغير ولكن في احد المرات التي كان حراس حورس يشنون هجوم علي ابريس أصيبت بطعنه سقطت علي اثرها وانقطع نفسها وتوقفت ضربات القلب وظن الجميع انها ماتت وللأسف لم يجد احد جثتها وظنوا ان حيوان ما أخذها ومنذ ذلك اليوم وازي اعتزل النساء تماما ولم يفكر في واحده او ان يتزوج من اخري صحيح كان يمزح احيانا انه يريد الزواج ولكن كان قلبه قد اغلق ومن فتره طويله تحدث ست وهو ينظر لنازيا / هيا لنخرجها من هنا بسرعه قبل أن يعود حورس
عند ذكر حورس قبض ازي علي يده بشده لقد حرمه حياته كل هذه السنين هذا الحقير سيستمتع بقتله
اقترب ازي منها وجسده يرتجف من الصدمه وصل لفراشها وانحني وقبل رأسهأ بحنان شديد فسقطت دمعته علي جبينها فمسحها برقه شديده وهمس في اذنها بحنان / سأجعله يندم با جميلتي اقسم انه سيندم
ثم انحني اكثر وحملها بين زراعيه وضمها بشده وخرج بهدوء نظر ست لبيك / هيا لنخرج من هنا
هز بيك رأسه وخرج الجميع من القصر في غياب حورس وست يفكر اذا لم يكن حورس هنا ولا في قصره أين اختفي هذه الفترة
بعد فتره وصل الجميع للمنزل دخلوا وجدوا نانيس واسينات
ست بتعجب / نانيس ماذا تفعلين هنا وكيف خرجتي.
ذهبت اسينات وعانقت بيك بحب وتحدثت/ أنا اخذتها بحجه انني أود شراء اشياء بمساعدتها وخرجنا لننتظر هنا
نانيس وهي تقبل خد ست / اعددنا لكم الطعام و…
صمتت نانيس بصدمه وهي تري تلك المحمولة علي زراع ازي / غيرمعقول انها نازيا كيف ذلك لقد قتلت منذ زمن؟؟؟

كان رجال حسام وجاسر ينتشرون في كل مكان في البلده بحثا عن نيرة
بينما حسام كان في قسم الشرطه يصرخ بعنف / هو ايه اللي مينفعش اتهمه بدون دليل بقولك مفيش أعداء ليها هنا غيره وقبل كده حبسها من غير تهمه عشان بس يذلها
الشرطي وهو يهز رأسه بقله حيله / بعتذر يا حسام بيه بس ده شئ مش بأيدي لازم يكون فيه شهود انه هددها وبعدين مش بالبساطه دي حضرتك نصدر امر بالقبض عليه ده ظابط شرطه
حسام بسخريه وحده / تقدر تقولي ظابط الشرطه ده فين دلوقتي في نفس الوقت اللي هي اختفت فيه هو اختفي
الشرطي / والله ده مش شغلي اعرف كل ظابط هنا خرج راح فين بعدين هو في مأمورية أساسا من إمبارح
كاد حسام يهجم عليه ولكن منعه جاسر وهو يحدث الشرطي / تمام يا حضره الظابط اذا كان حضرتك مش هتعرف تجبها فأنا هجبها بمعرفتي
الشرطي / اظن حضرتك عارف كويس عقوبه اللي بينفذ بايده انصحك انك تنتظر 24 ساعه وبعدين هنقدم بلاغ اختفائها
حسام بجنون / تآني هيقولي اختفاء بقولك انخطفت من قدام عيون وآحده صحبتها
جذبه جاسر وهو يخرج / يلا يا حسام احنا هنتصرف
ثم نظر للشرطي / وانا عارف كويس عقوبه اللي بينفذ القانون بايده بس يا حضره الظابط طالما أسر باشا مش هنا وهو في مأموريه من إمبارح مع اني عارف انك بتغطي عليه يبقي خايف ليه بقي طالما هو مش هنا متقلقش ياباشا كله قانوني بإذن الله
خرج الجميع من المكتب بينما ذلك الشرطي اخرج هاتفه وتحدث بخوف / أسر باشا مصيبه
تحدث أسر الذي مازال يوجه سلاحه لنيرة / طب اقفل انت وانا هتصرف
ثم نظر بشر لنيرة / حبيب القلب راح القسم وهددهم بيتهموني انا بخطفك
نيره بسخريه / لا ملهمش حق الصراحه الظلم وحش برضو
ضحك أسر بصخب / لا ودمك خفيف كمان
نيره وهي تضحك / امال انا فنانه شامله ياباشا ضحك تلاقي نكد تلاقي لسان تلاقي ونص كمان
كانت تتحدث وهي تخفض يدها وتمسك حفنه من الرمل ثم القتها في وجهه / ايد برضو تلااااااقي
صرخ أسر بالم من عينه ثم اخذ يفركها بسرعه بينما هي استغلت ذلك ونهضت وركضت خارج هذا المستودع وأخذت تركض بينما هو صرخ بعنف واخذ يلحق بها وهي لاتري ففط تصرخ وتركض بسرعه ويدها مربوطه واخيرا وصلت للطريق وجدت سياره اتيه من بعيد اخذت تقفز في منتصف الطريق وهي تصرخ / الحقوني يا خلق الحقوني
بينما أسر كان قد اقترب منها واوشك علي مسكها من شعرها ولكن وجد يد تمنعه من ذلك رفع أسر نظره بحده / سيب ايدي بدل ما تندم انت متعرفش انا مين
تحدث ذلك للشخص بنبره سخريه وبرود شديد وهو يضغط علي يد أسر حتي سُمع صوت تكسير عظامه / ولا عايز اعرف يا حيلتها

*قبل ذلك بدقائق كان يقود سيارته علي الطريق المؤدي لاحدي قري الاقصر وبجانبه هذه المجنونه تغني بصوت عالي / ويا اسكندرية يا اجدع ناس يا اجدع ناس واقروا الفاتحه لابو العبباااااااااااس يا اسكندرية يا اجدع ناس يا اجدع ناس.
تحدث الرجل بسخريه / مش عايز ابوظ حماسك وانتي بتغني بس احنا رايحين الاقصر يا حياتي
نظرت له الفتاه وهي تضحك بغباء / عارفه بس خلصت كل اغاني الاقصر فقولت اغني لاسكندريه بقي
الرجل بضحكه صاخبه / طب اديني وآحده سوهاج بلد المواويل
الفتاه / سوهاج بلد المواويل سوهاج ارض الزغاليل
ثم اخذت تغني / ياللي من البحيره وياللي من آخر الصعيد ياللي من العريش الحره او من بور سعيد هنوا بعضيكم وشاركوا جمعنا السعيد سينا رجعت كامله لينا ومصر اليوم في عيد مصر اليوم في عيد
صرخ الرجل بملل / يارب الرحمه يارب يعني الواحد يقضي يوم مع مراته وقولت نروح الساحل ولا شرم تيجي الاستاذه تقولي لا نروح الأقصر
الفتاه وهي تصفق / الاقصر بلدنا بلد سواح في الاجانب تتمرجح
الرجل بسخريه / تتمرجح؟؟؟؟
الفتاه / وكل يوم وقت المرواح بتبقي مش عايزه تروح…. الاقصر بلدنا تيتيتيتي تيتيتيييي تيتيتيتي تيتيتي
نظر لها بملل / اقولك ايه متغني القاهره ونيلها عشان نبقي غنينا لكل المحافظات.
انطلقت الفتاه في الغناء / القاهره ونيلها وطول نيلها
و…. حااااسب
نظر امامه وجد فتاه علي الطريق تصرخ وتقفز. صرخ الرجل / إيه المجنونه دي
أشارت زوجته لجانب الطريق وصرخت بحده / بص تقريبا حد بيجري وراها
نظر هو لما تشير له بحده ثم أوقف السياره بالقرب منها ووجد الرجل الذي يلحقها علي وشك جذبها من شعرها فامسك هو يده وضغط عليها بشده
نظر أسر ليده التي شعر ان عظامها كسر تماما وصرخ بألم شديد ولم يكد يصرخ بذلك الشخص فشعر بقبضه شديده تسقط علي وجهه
نظر له بتشوش وكاد يرفع يده ليرد له ضربته ولكن وجد زراعه يثني للخلف بشده فصرخ بالم بينما الرجل صرخ ببسمه بارده / حبيبتي
الفتاه / عيونها ياباشا.
الرجل ببسمه مرعبه جدا جعلت أسر يكاد يتبول من الخوف / فيه حبل في العربيه هاتيه ياباشا
الفتاه ببسمه / اشطا يا كبير
ثم ذهبت الفتاه واحضرت الحبل امسكه الرجل واحكم ربط اسر ووضعه في صندوق السياره تحت صرخات أسر وذهب للمقدمه وجد زوجته تنظر له ببسمه فغمز لها فضحكت بصخب فاشار هو بعينه لنيرة
فهزت هي رأسهأ بتفهم واقتربت ووضعت يدها علي كتف نيره / انتي كويسه
رفعت نيره نظرها لها فصدمت مما تري وصرخت بفرحه / دانه مالك يخربيتك بتعملي ايه هنا
دانه وهي تنظر لها وتضحك بشده / حبيب عمو هو إنت بالاحضان ياباشا

نظرت طمطم للغرفه التي توجد بها اجهزه الكشف ونظرت برعب ودمعت أعينها فشعرت بمراد يقف بجانبها ويمسك يدها بحنان / مع بعض هنتخطي ده يا طمطم قلبي
هزت طمطم رأسها بايجاب وهي تمسح دموعها وتتمدد علي الفراش وتحاول منع دموعها اقترب مراد وانحني لها وابتسم بحب ومسح دموعها ثم وقف ونظر للمرضه واشار لها بالبدء بدأ السائل يسير في اوردتها فأصبحت تشعر وكأنه نيران تحرق جسدها فسقطت دموعها بشده وهي تأن بألم لا تريد أن تصرخ حتي لاتُحزن مراد عليها لا تود ذلك
شعر مراد انها تكتم تأوها فنظر للمرضه وخرج هو وذهب لمكتب اخر / اميره لو سمحتي ممكن تتابعي الجلسه اللي في غرفه خمسه
هزت اميره رأسهأ وخرجت بينما هو جلس ونظر للباب واخذ يبكي بشده وهو يتذكر شكلها وهي تكتم تأوهها ودموعها التي تهبط سمع صوت بكائها وصراخها فبكي اكثر وجلس أرضا وهو يخبئ وجهه في زراعيه / يارب يارب هون يارب طلع صعب اوي اوي بعد فتره انتهت جلسه الكيماوي الخاصه بها فجلس بجانبها وهو يقبل جبينها بحنان وانتظر حتي تصبح قادره علي السير ليعودوا للمنزل

استيقظ ابريس بالم ونظر حوله بتعجب أين هو لقد كان ينام في ذلك للمنزل ولكن أين هو نظر وجد نفسه يجلس في مقعد مزين وتم ربطه بالمقعد من قدمه ويده نظر حوله وهو يري الياسمون ( الياسمين) في كل مكان وهذه عاده عندهم في الاعراس هو التزيين بزهره الياسمين وجد نفسه يرتدي ثياب العريس تحدث ابريس بصدمه / احيييه

بينما ميسره كانت فتاتان ذوات عضلات ضخمه يسحبونها بينما هي تصرخ بهم / سيبوني بس سيبوني وانا هعرفكم مقامكم مش ميسره إللي يتعمل فيها كده فاهمين سيبي ايدي يابت منك ليها
ولكن الفتيات لم يجبن فقد كن مثل الجماد لايتكلمن او تتغير ملامحهن
ميسره وهي تنظر لهم بغضب / أنا اتهنت آوي هنا علي فكره كل مارجلي تدب مكان لازم اتجرجر كده
نظرت لهم ميسره بسخريه / مش كده ياشباب ده انا حتي ضيفه هنا فين إكرام الضيف اتغيرتوا يا مصريين
قامت الفتيات بتعليق ميسره رأسا علي عقب وربط قدمها في الجدار ثم تركوها وخرجوا
كانت ميسرة تري الغرفه بالعكس / حلو كده اتعلقت واتمرجحت علي ضهر وحش واتخطفت واتسجنت ناقص ايه يا ابو المياسر معملتهوش ده انا حد تافف في حياتي والله مش باصص
‏زفرت ميسره بضيق / أنا قاعده اكلم نفسي هنا والقرعه بنت القرعه بتتجوز الواد الحيله اللي عبرني بره اه يا ناري يااما اللهي يارب الكوشه تولع بيكي يا مقشفه
شعرت ميسره بالقلادة تهتز وتنير ورأت اول شخص امامها فضحكت بشده / بنت حلال والله ومواعيدك مظبوطه يا كرميلا اخبارك ياباشا
كريمة وهي تنظر لها بتعجب / متعلقه كده ليه يا مخبوله انتي
ميسره وهي تنظر لنفسها / لا أبدا اصلي زهقت من المرجيحه قولت اركب المقص بقي
بينما في الخارج كانت الرئيسه تصرخ في الجميع ليتجهزن جائت انستازيا / كل شئ جاهز سيدتي ولكن…
تحدثت الرئيسه / ولكن ماذا
انستازيا / شعر سبرينا اصبح سئ للغايه بسبب تلك المتوحشه
رئيسه / تصرفي يا فتاه فالزفاف سيبدأ بعد دقائق
هزت انستازيا رأسهأ بايجاب / حسنا
ذهبت رئيسه للمكان الذي سيقام به الزفاف وجدت ابريس يتحرك بعنف علي مقعده ليحرر نفسه فنظرت له بحده / توقف عن ذلك
ابريس وهو يرفع نظره لها / من انتي ولما انا هنا ومقيد هكذا ولما ارتدي هذه الثياب واللعنه
تحدثت رئيسه ببرود وهي تجلس امام ابريس الذي يتحرك بعنف / هذه هي قوانين القرية كل مره يدخل بها رجل للقريه يصبح زوج أحدي الفتيات التي اختارها بنفسي وانت من دخل هذه المره ووقع الاختيار علي سبرينا ستصبح زوجتك لذا تقبل هذا الشئ هذا قدر كل رجل يدخل هذه القريه فلا يخرج من هنا سوي بزوجه
ابريس بسخريه / يالكرمكم حقا وبدون اخذ رأيه حتي
ضحكت الرئيسه بشده / عزيزي ومن الذي سيرفض ان يتزوج أحدي الحوريات
ابريس ببرود / أنا…

نظرت دانه لليث ببسمه/ ابو الليوث فاكر صاحبتي نيره اللي كنت بحكيلك عليها من ايام الجامعه هي دي
ليث وهو يزفر بملل / كانت ناقصه هي واحده هبله تآني يا شماته عبدالرحمن
نيرة وهي تنظر لليث / هو ده يابت جوزك المز بتاع المخابرات
دانه ببسمه فخر / امال يابنتي.
نيرة / اللي بيعمل عمليات سريه
دانه بضحكه / اها
نيرة وهي تفكر / كان اسمه ايه آه بلاك صح
دانه وهي تضربها علي كتفها /الله ينور عليكي
ليث وهو يمسح علي وجهه / فضحتني بنت مالك وقال عميل سري قال اتنيلي يابت انتي وهي اركبوا خلينا نشوف هنعمل ايه في البلوه دي
نيرة بضحك / فكوني بس الاول يا شباب عشان ايدي نملت والله
فكت دانه وثاق يدها وعانقتها / قلبي إللي وحشني
نيره بضحك / عمي وعم الناس وباشا المترجمين كلهم
ضحكت دانه بشده / يلا اركبي اركبي عشان نوصلك
ركبت دانه بجانب ليث الذي يضرب كف علي كف / يا شماته عبدالرحمن فيا ادي ام السفريه باظت من نق اهله
ثم قال وهو يقلد عبدالرحمن / آيوه بقي الناس اللي هتهيص الجذمه عينه رشقت
ضحكت دانه بشده ونظرت لنيرة في الخلف / إيه ياباشا اللي حصلك ده ومين ده
نيرة وهي تفرك يدها بألم / ده واحد يا عيني عبيط كده كل شويه يعملي حاجه مره يسجني ومره يخطفني يعني ادينا بنتسلي
ضحكت دانه بشده / والله يابنتي وحشتيني جدا ووحشني كلامك
نيرة وهي تضحك/ وإنتي ايه اللي رماكي علي الاقصر
دانه وهي تصفق بحماس / أبدا رميت العيال لنور ومالك وقولت نتفسح شويه
ليث بسخريه / في الاقصر
دانه / وايه يعني الاقصر حلوه اهي
ليث ببرود / في الصيف يا مؤمنه
سمعت دانه صوت رنين هاتفها فنظرت وجدته ابنها إياد
فتحت المكبر /حبيب اباشا اخبارك
إياد / ميت فل وشعره يا دانه بقولك
دانه / قول يا كبير
إياد وهو ينظر لتوأمه زياد / أصل انا والواد زياد كنا حابين يعني ناكل شويه شوكلاته من خزين نور وهي بقي الله يكرمها غيرت مكانها وحطتها فوق المطبخ قوم ايه انا والواد زياد جبنا سلم وطلعنا عشان نجيب الشوكولاته قوم ايه لما طلعنا علي المطبخ وقع كله في الأرض وانكسر ميت حته وحته
ليث / نبيه زي امك وخالك
نظرت له دانه بحده / كمل يا قلب ماما
زياد وهو يتحدث / المشكله مش هنا يا والدتي المشكله ان الشكولاته راحت تحت الانقاض واحنا مش عارفين نجبها
دانه وهي تفكر / آه صحيح هتلاقو في اوضتي في الدرج اللي جنب السرير شوكلاته كنت سرقتها من نور قبل كده خدوها
ليث وهو يتحدث في سره / يارب مالك يقتلكم ويخلصني منكم ومن هبلكم ياولاد الهبله
إياد / اشطا عليكي يا دانه طب وبالنسبه للمطبخ فيه مشكله
بساطه / لا لا أبدا متقلقوش لو مالك اتكلم قولوله تيته نور هي اللي كسرته
زياد / تمام يا دانه هسيبك مع المز بتاعك هيصوا بقي
ليث / مطلعش عبدالرحمن بس إللي باصصلي في السفريه، الله يسامحك يا دانه علي تربيتك الزفت دي انتي واخوكي الأهبل
دانه وهي تضحك / ليه بس يا ابو الليوث مالعيال زي الفل اهي
ليث بقرف / آه آوي آوي انا عرفت ابوكي حذرني ليه من الجواز من الأول
دانه وهي تميل علي ليث وتضحك / آه كده يا بلاكي ده انا حبيبتك دانه
نظر لها ليث بعشق وغمز لها
ضحكت نيره بشده / حبيت عيالك آوي يابت يا دانه
دانه وهي تعدل ثيابها / يابنتي تعبت اوي لحد ما وصلنا للمرحله دي
ليث بسخريه / امال مربيه أجيال كبيرة دي
نظرت نيره للطريق / آيوه هنا يا كابتن متشكرين ياباشا انزلوا نشربكم شاي
نظر لها ليث وهز رأسه بيأس ثم هبط من السياره وذهب ليري أسر بينما نيرة كانت تخرج من السياره وتبعتها دانه في نفس الوقت الذي كان حسام يهبط من سيارته مع جاسر
نظر حسام وجد نيرة تقف امامه فركض بسرعه له وجذبها لاحضانه بشده / كنتي فين ياهبله انتي كنت هموت يا نيرة
نظرت دانه بفرحه لصديقتها اذا هذه الغبيه أصبح لها حبيب ولم تخبرها صفرت دانه وصفقت بفرحه / آيوه بقي يا زيدي يا زيدي
بينما ليث كان يجذب خلفه أسر الذي كانت يده وقدمه مقيده
نظر جاسر بشر لأسر واقترب منه ببسمه مميته / وقعت يا باشا ومحدش سمي عليك

كريمة وهي تنظر لها بغباء / بت انتي فين يا منيله وكل مره اكلمك الاقيكي في بلوه
ميسره / ايييه دنيا يا أخت كريمه اكل العيش مر
نسرين / مين اللي عمل فيكي كده
ميسره بحده / بنتين لا عجلتين يابت يا نسرين مسكوني علقوني تعليقه الدبيحه كدهون لا وايه ولاد المدايقه عايزين يجوزوا حبيبي لواحده منهم اعاااااااااا
كريمه بحده / وإنتي ساكته يا هبله انتي
ميسره بسخريه / آه معلش اصل مشغوله شويه بعمل شوبينج كده….. يعني هعمل ايه يا هبله انتي منا متربطه اهو يا جالوس الطين انتي
طمطم / العروسه حلوه يابت يا ميسره
ضربتها كريمه / احنا في إيه ولا إيه
ميسره بحسره / حلوه… حلوه ايه دي معفنه يابت يا طمطم مفيهاش ريحه الحلاوه ومقشفه
نسرين / بجد
ميسره وهي تكاد تبكي / لا مش بجد دي مزه يا عيال والله مزه دي شويه البت كرباج يخربيت امها موجه يابا موجه وسطها قد رقبتي يابت ولا شعرها شعرها زي الحرير ماشي يمسح الارضيه وراها وشفايها واخده وضعيه البوس
كريمه / آه يا خيبتك السوده يا ميسره يا هبلة
فجأه دخل الشباب ومعهم أسر مقيد
لاحظ جاسر القلاده وصوره ميسره فركض بلهفه وهتف بشوق / ميسره
ميسره وهي تنظر له بتعجب / اهلا ياباشا
جاسر وهو يتحدث ببسمه شوق / أنا ابن عمك فاكراني ولالا ها
ميسره وهي تشير بعينها / والله ياباشا انا مش في وضع يسمح ليا اني افكر يعني
نظر ليث لهذه القلاده الغريبه التي تعرض صوره فتاه معلقه فتحدث وهو ينظر لها ببرود / طب ما تفكي نفسك
ميسره وهي تنظر لها / إزاي يا حلو الملامح يابو رمش سايح
دانه / فرمل ياقمر عشان ده يلزمني
ميسره وهي تنظر لدانه / شايفه وشوش جديده يا شباب بعدين يا سكره مش بعاكس انا مرتبطشة
ضحكت دانه وهزت رأسهأ
ابتسم ليث علي دانه ونظر لاعلي الحبل / الحبل في تحته مسمار
نظرت ميسره للاعلي / آه فعلا حلو المسمار
نظر ليث ببرود / انتي غبيه ولا إيه ده حبل ومسمار يعني لو اتحركتي وعملتي احتكاك بينهم الحبل هيتقطع
نظرت ميسره لليث بتعجب / إيه ده واحد ذكي في بيتكم ياكريمة
كريمة وهي تنظر لليث بتعجب / أنا عارفه ياختي ده جه منين
ميسره / اقتلوه قبل أن يتكاثر
ليث ببرود/ حركي جسمك ومرجحيه بسرعه وحاولي تخلي الحبل يحتك بالمسار
اخذت ميسره تفعل ما قاله ليث وتهز نفسها بسرعه بينما ليث يراقب الحبل بدقه حتي تحدث / وقفي
توقفت ميسره عن الحركة ونظرت له بتعجب فتحدث هو بجديه / الحبل داب وقرب يتقطع بصي تحتك الأول عشان لو فيه حاجه حاده هتجيب أجلك
نظرت ميسره اسفلها ولم تجد شئ / مفيش حاجه
ليث وهو يهز رأسه / تمام اتحركي بس براحه عشان لو اتحركتي جامد والحبل انقطع هتترمي بقوه وممكن تتأذي
انصتت له ميسره وأخذت تنفذ كلامه حتي انقطع الحبل تماما وسقطت فخرجت صرخه منها بألم / آه يا ضهري يا اما اشوف فيك يوم يا ابريس يابن ام ابريس علي بهدلتي دي
ثم نظرت تجاه ليث / متشكرين يا كبير نردهالك في الأفراح دلوقتي بقي استأذنكم ياشباب عشان فيه عروسه لازم اخربها على دماغ إللي خلفوها
ثم اغلقت القلاده بينما دانه كانت جامده لا تنطق بشئ وهي تفكر ماهه القلادة وماحكايه هذه الفتاه
نظر ليث للجميع ببرود وتعجب/ هو اي اللي بيحصل هنا

بينما في منزل ابريس كان ازي يجلس بجانب نازيا وهو يمسك يدها ويقبلها بشده / نازيا يا جميلتي اشتقت اليكي حبيبتي كثيرا اه قلبي لا يصدق انكي بجانبي الان أعدك يا صغيرتي هذا الحقير حورس سأنتقم منه شر انتقام علي حرماني منك طوال هذه المده أعدك
ثم تسطح بجانبها وضمها بشده اليه وهو يتنهد براحه ولأول مره ينام بهذا العمق

في الخارج نظرت نانيس لست بصدمه / ماذا حورس فعل ذلك هل جن تماما لما خطف نازيا كل هذا الوقت
ست بسخريه / يبدو أنه يحبها وبشده لانه كان يخبئها في قصره منذ مده طويله جدا
بيك بشرود / عشر سنوات
ست وهو ينظر امامه / يبدو اننا وجدنا نقطه ضعف حورس يا شباب

كان حورس يسير في الغابه متجها لقصره فهو منذ اسبوع تحديدا منذ تلك الليله التي هجم بها ابريس واخذ ميسره من قصره قبل مراسم عروس النيل ذهب وقتها
للساحره وقام بقتل العديد من الأشخاص مقابل جعل صولجانه اقوي واقوي فقد حان الوقت للتخلص من ابريس وللابد عاد لقصره فقد اشتاق لحبيبته كثيرا دخل للقصر ولكن صدم من جثث الحراس في كل مكان صرخ بهلع وهو يركض في الممرات ويري العمالقه مقتولين والنمر أيضا / لا لا لاااااا لا يمكن لهذ ان يحدث لا يمكن
دخل للغرفه ونظر وجد الفراش فارغ هز رأسه بصدمه وصرخ صرخه هزت جدران قصره / لالالالالالالالالالالالالا
نازياااااااااااااااا

نظرت ميسره بصدمه لابريس الذي يجلس بجانب تلك الفتاه وصرخت بحده / بتخوني يا ابريس بتتجوز عليا
ابريس بلهفه فهو كان قلق عليها / ميسره كنتي فين حصلك حاجه
ميسره بصراخ / سيبك من زفته دلوقتي انت بتتجوز عليا
ابريس بسخريه / مش لما اتجوزك انتي الأول يا ميسره صلي علي النبي كده بعدين يعني مش شايفه ايدي ورجلي.
ميسره وهي تلاحظ قيود يده وقدمه / يعني مش بتتجوز عليا
ابريس بغضب من غبائها / حد يقلعني الجذمه ويرميها في وشها الغبيه دي يابنتي انتي هبله ولا إيه حكايتك منا متربط قدامك اهو
ميسره وهي تنظر له بضيق / متزعقش
ابريس وهو يصرخ بها / اعملك ايه يا غبيه انتي هنموت
ميسره بسخريه / لا يا خويا هتتجوز مش هتموت
ابريس وكاد يتحدث ولكن نظر خلفها بصدمه وصرخ / ميسره حااااااااااااسبي
نظرت ميسره خلفها وتحدثت برعب / يا وجعه مربربة

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية لعنة الفراعنة)