رواية لعنة اختي والعقرب الفصل السادس 6 بقلم منة محمد
رواية لعنة اختي والعقرب البارت السادس
رواية لعنة اختي والعقرب الجزء السادس
رواية لعنة اختي والعقرب الحلقة السادسة
ايمن صرخ: استنوا دقيقه هو ده فيلم دلوقت هنعرفوا الحقيقه, بابا قولهم الحقيقه
ذكي خاف: يا سعيد يا خويا
سعيد شاورله بأيده: سبني اتكلم احنا دفعنا ثمنها عطيت 30 الف جنيه دين فاهم وبعد كتب الكتاب هندفع فيها سبعين الف ها رد دلوقت
جار لذكي: اخص عليك بتاجر في بنتك انت لازم تتكسف استغفر الله
اسير بثقه: انا هدفعلك الـ30 الف بس الواد ده مش هيتجوز جميله
هنا البوليس جه واسير سحب ايمن وقال للظابط :خده ياحضره الظابط كان بيتحرش ببنت الحته شوفته بنفسي
الظابط ضربه ع كتفه: عملي بطل بتتحرش ,وتهين بنت , يله هقولك علي افعالك المشينه في القسم
ايمن: ياحضره الظابط سبني اتكلم, عمي ذكي اسمعني انا عملت معاك كتير ورجعتلك الدكان واحترمتك وقدرتك قصاد القلم ومليت دكانك بالبضاعه وعفيت عن الدين
ذكي: والنهارده رجعتلك كل ديونك قلت لك موضوع السبعين الف سر بس انت فضحتني قدام الخلق خده يا حضره الظابط
اسير: خده للقسم يعلموه درس معتبر
سعيد برجاء للظابط: ابني مضروب ودمه سايح
الظابط بيسحب فيه: هنعالجه في القسم امشي
ايمن بيصرخ: ياعمي
اسير: خده
ايمن بيصرخ: يا بابا هيضربوني في القسم كتير
سعيد بيجري وراه: متخافش هجبلك محامي
ذكي: يله خدوه وامشوا
سعيد بصله وبلغه تهديد: انت غلطت ياذكي ونسيت نفسك لكن افتكر حاجه الاوراق معايا لحد دلوقت لو مدخلتكش المحاكم كذا مره مبقاش سعيد التهامي
اسير: ذكي هيقول وقتها انك خليته يمضي بالقوه يله كمل
ذكي وقف قدامه بثقه: اه يله كمل
سعيد بصلهم الاتنين واخد بعضه ومشي وراه ايمن
اسير للناس: يله كل واحد لبيته ايه الي حصل
ذكي بيهشهم: يله ولا نعملكم دور شاي امشوا
………….قصص منه محمد كاتب………..
في غرفه رباب الي واقفه تتمكيج وتلبس الحلق
خيريه دخلت: اتصلتي بأسير ولا لاء
رباب بصتلها: اتصلت بس مش بيرد
خيريه: ياربي قلت له يوصل قبل الضيوف, ليه مجاش لحد دلوقت, لعله خير ,بس قوليلي ليه لابسه بالشكل ده
رباب بتعجب: امال عايزني البس ازاي
خيري: لسه مقلوش هياخدوكي ولا لاء لسه اول مره امه تشوفك
رباب كشرت فيها: ع فكره انا عارفه همك كويس انتي عامله زي بياع الدهب الي هيسرقه دكانه كله اليوم
خيريه بستياء منها: اقولك ع حاجه انا هبقي فرحانه انك هتتجوزي بجد هبقي فرحانه من قلبي لانك هتمشي من البييت
رباب: اه همشي من البيت لكن مش همشي من حياتكم وهفضل هنا ومستحيل اسيبكم مبسوطين
خيريه بتحذير: عارفه لو عملتي اي حاجه غلط مش هرحمك وانا بقولك اهو
رباب عوجت وشها: خلينا نشوف افعالك
خيريه وهي خارجه: اتصلي بحمو شوفي اخوكي معاه
رباب مسكت الموبيل واتصلت: حمو هو اسير معاك في المستشفي….امال ليه مش بيرد انا وامه عمالين نتصل بيه…تمام….هات رقم اي حد قريب من دكانه..ماشي مع السلامه
خيريه دخلتلها: ها قالك ايه حمو
رباب: حمو في لمستشفي لوحده مع امه واسير راحله الدكان عطاله فلوس
خيريه: دي عمرها ما حصلت قبل كده كان من اول رنه يبقي عندي معرفش هو فينه ولا ايه الي حصله
رباب: اكيد قولتيله ميتممش الجوازه بأي طريقه
خيريه بنفعال: انتي بنت مجنونه هو انا بعرف اسيطر وامشي كلمه عليه ضدك
رباب: من يوم ما ولدتيه وانتي مسيطره ونفسك يبقي ضدي
خيريه: اقفلي بؤك خالص انا كل فكري لو حصل لقدر الله حاجه لـ ابني ولا عمل حادثه يارب احمي ابني
رباب فضلت تعيط ان حلمها في الانتقام وحلم الجواز راح
…………..قصص منه محمد كاتب……………..
ذكي بيعيط: هو الاب حيلته ايه غير الاحترام وسمعتي اتشوهت قدام الناس وجميله قفلت الباب ع نفسها ورافضه تفتح
اسير بحرج: اسف مكنش يصح يحصل الي حصل اكيد كان غلط بس لما جات لي جميله بتعيط مقدرتش امسك نفسي وضربته
ذكي: ضربته واهل المنطقه شافوا كل ده مين بقي هيعوضني
اسير: انا قصدي هجيب الفلوس
ذكي: هو انت بجد هتتجوز جميله
اسير بلم: ايه
ذكي قام وقف قصاده: ايه ايه ,وليه بتبصلي مستغرب انت قلت قدام الناس انك هتتجوزها
اسير: وانا لحد دلوقت مرجعتش في كلامي لكن
ذكي قطعه: لكن ايه فهمت حبيت تظهر بطل وطبعا مكسوف تاخد بنتي لحد بيتك مش كدا
اسير حرك دماغه بنفي: مفيش حاجه من دي انا مستعد اكتب عليها بس انت مفكرني بلطجي وهي مفكراني كدا ازاي هتكمل حياتها معايا
ذكي :مش مهم احنا سمعتنا اتشوهت ازاي هنقعد ونختار هتكلم معاها وانت هات الميه الف انا مش اب طماع 30 الف دين سعيد وحق البضاعه والباقي بعدين
اسير :تمام هجبلك الفلوس بس الاول اتكلم مع جميله ده جواز لازم برضاها
ذكي :هتكلم روح انت
………….قصص منه محمد كاتب…………
في بيت عائله اسير
خيريه: اتفضلوا الحلويات
ام العريس: هو اسير مكسوف زي رباب
خيريه ابتسمت: اسير مش في البيت
ام العريس: بس الليله لازم بنتي تشوفه
خيريه: اه بس حصل ظرف وراح يشوف الوضع
ام العريس: اتصلي بيه احنا عايزين نشوفه لازم الطرفين يبقوا راضين
خيريه بلعت ريقها: اتصلت بيه تلفونه مقفول
عادل العريس: كل حاجه بخير ياخالتي ولا اسير مش موافق
خيريه: مفيش حاجه من دي ابدا
ام العريس: عشان بنتي مطلقه
خيريه نفت بسرعه: لاء ابني متهمهوش لو كانت مطلقه بس الصبي الي شغال عنده امه دخلت المستشفي وهو شايل همه واكيد راح معاه وزمانه جاي
ام العريس رفعت حاجب : تمام نستني شويه كمان عادل اتصل بأسير
عادل: حاضر هتصل( حط الموبيل ع ودنه) تلفونه مقفول
…………قصص منه محمد كاتب………..
قدام غرفه جميله الي قاعده ع الارض تبكي انها بقت سلعه بيبيعه ويشتروه فيها
ذكي خبط عليها: جميله افتحي الباب(خبط اكتر) جمييييله افتحي انتي سمعاني ولا لاء
جميله بصرخه من اعماق قلبها: انت سمعتني, سمعتني لما فضلت اتوسلك اني بقول الحقيقه انت سمعتني
ذكي: اطلعي من الاوضه هجوزك اسير
جميله: مش هتجوزه مستحيل مكنش ليا علاقه معاه قبل كده ولا دلوقت ازاي افهمك انا طلبت منه يساعدني
ذكي نزل بسرعه البرق جاب مفتاح احتياطي وفتح الباب عليها
جميله قامت بتعصيب: ليه مش مصدقني كل الي قاله ايمن كدب وكان عارف كويس انك مش في البيت وعمي سعيد مجاش معاه ليه جه لوحده فكر ليه جه لانك اخدت تمني وبعتني فكرني ممتلكاته هو انا كنت رخيصه للدرجه حطتني في كفه والكفه التانيه فيها سبعين الف
مفيش اب يعمل كده في بنته زي ما انت عملت مفيش اب يعمل كده ابدا
ذكي قعد يبكي: عاقبيني لو عايزه انا استاهل كده ربيتك لوحدي مسكتي رقبتي(قام ومسكها من دراعتها) افتكري انك قلتي هتـ موتي نفسك انتي قولتي بس انا الي هـ موت نفسي وقدامك
جميله مسكت منه السكينه: بابا انت هتعمل ايه
ذكي: هموت نفسي واريحك مني
جميله: ازاي تفكر اني اعمل كده انا ادوس ع كرامتك وامرمغ شرفك
ذكي: انا وحش طول حياتك كان نفسك في شويه حب واتجوزت امك ومعطتهاش الحب عشان كدا لما ايمن قالي انه عايز يتجوزك واعتذر كمان فكرت اوافق واسامحه رغم هو كان بيضايقك قدام الكليه ومكنتش اعرف حقيقته وظهرت قدام الخلق جبان الاب الي قبض تمن بنته لازم الي زيه يموت
جميله :انا هعمل ايه لو انت مش معايا الناس هتتكلم عني ويقوله البنت الي قتلت ابوها
ذكي برجاء :جميله اتجوزي اسير
جميله زحفت ع وراه: لاء,لاء,لاء مش هتجوزه
ذكي: بس قال قدام الناس انه هيعمل الي قاله خلاص متوفقيش ع كلام اسير بس ايمن هيخرج من القسم ويضايقك لحد امتي هفضل احميكي لوحدي قوليلي لحد امتي عشان وجه الله وافقي اعمل ايه ابوس ايدك
جميله شدت ايدها: متعملش كده خلاص انا موافقه ,موافقه
ذكي ضمها ومسح دموعه المزيفه وقال: تعيشي يابنتي هتشوفي هتكوني مرتاحه وسعيده
………قصص منه محمد كاتب……………
خيريه دخلت: رباب يله تعالي هنوجب مع الضيوف الاكل برد
رباب: هو اسير جه
خيريه: مجاش وتلفونه مقفول
رباب: قوليلي الصراحه انتي قولتيله ميجيش, قوليلي ولا هحس بالوجع
خيريه: اتجننتي صح انا الي اخدت معاد مع الناس وعملت الاكل كله واشتريت الخاتم لعروسه اسير وبعد ده كله اعمل كده, انا ام حتي لو كنت في نظرك مراه اب انا مش شيطان حتي الشيطان بيحاجي ع ولاده
رباب بشك: امال ليه قولتي اني هندم
خيريه: كنت بقول اي كلام ,وانت بتناقري فيا طول الوقت
رباب بحيره: لكن فين اسير هنعمل ايه لو مجاش
خيريه: كفايه ادعي ابني يكون بخير, انا مرعوبه ليكون عمل حادثه, اليوم مناسبته وهو مش موجود في البيت, يله الناس منتظره تعالي
رباب طلعت وعادل جه يلبسها الخاتم
امه: استني ياعادل مش هتلبسها الخاتم
خيريه: ليه بس انسي اسير خلينا في فرحه عادل
ام العريس: ابدا احنا مستنينه من امتي والساعه دخلت حداشر بس هو مجاش لحد دلوقت واتفاقنا ان عادل هيلبس الخاتم لرباب واسير هيلبس الخاتم لبنتي ومشي معني اننا هنديكم بنتنا نكسر رقبتنا
رباب: خالتي اسير مجاش لحد دلوقت
خيريه: ايوه
ام العريس: وده امر غريب اظن كده هو رافض بنتي بس الاول بصي لسن بنتك بتكبر وهيبقي صعب تلاقي راجل تاني زي عادل
خيريه: انتي كدا بتغلطي احنا قبلنا بنتك المطلقه كمان
ام العريس قامت من مكانها: اسفه وافقت رغم عارفه سن بنتك وانتم رافضين بنتي قوم يله ياعادل كنت هتتجوزها عشان اختك وطالما هو مجاش ليه نقبل بيهم
خيريه: استني احنا مرجعناش في كلامنا , انا جايلك بكره وهجيب اسير معايا ويلبس الخاتم في ايد بنتك
ام العريس بتحكم: تمام لما تيجوه بكره تبقي نقرء فاتحه الاتنين , وبصراحه كدا فيه شك دخل قلبي عشان يروح الشك اعتبري اننا رافضين يله ياعادل ليه قاعد يله
خيريه طلعت وراهم: استني بس يا ام عادل
………….قصص منه محمد كاتب………….
تم كتب الكتاب بعد موافقه جميله الي ردت بالعذاب واسير روحه راحت واستردها بالموافقه وكتب لها مهر 100 الف وبعدها دخلت لمت هدومها في شنطه مع صوره امها وطلعت تمشي معاه
ذكي: كنت اتمني ابعتك بيت جوزك بطريقه تشرف,, امك اتجوزتني كدا انا لاعرفت ابقي اب ولا زوج هاتي عنك
جميله سحبت منه الشنطه ومشت لكن بدون روح ع ما اسير راح جاب عربيه لواحد صاحبه
اسير قرب عليها: هاتي
جميله بعدت عنه: قادره اشيل حمل مسؤليتي
اسير: العربيه هتشيل الحمل مش انا هاتي
جميله سابت الشنطه وهو اخدها وقالها: يله تعالي
حط الشنطه في العريه وركبها وطلع جنبها وبصلها: معلش ممكن تشغلي موبيلي اصلي سايق
جميله مدت ايدها وشغلته وحطته ع التابلوه لحد ما صوت رسايل جات كتير
اسير اخده: ايوه ياحمو خلصت عمليه امك
حمو: متقلقش ع امي اقلق ع امك اتصلت بيا وعماله تعيط ومنهاره , اهل عريس رباب رفضوا الارتباط ومشيوا
اسير بنزعاج: ايه ازاي يحصل كده طيب اقفل (اتصل بعادل) ايوه ياعادل انا اسير متلغيش الخطوبه ….حصل ظرف طارئ وانشغلت فيه عشان كدا معرفتش اجي…. بس انا في السكه حالا شوف ياعادل المسأله متعلقه بسعاده اختي واحترامها ……انا جاي وانت متفركش الجوازه
جميله بصتله ازاي قلبه ع اخته وهو اشترها وقلل احترام نفسها
………….قصص منه محمد كاتب……..
خيريه من بره: ياباب دول راجعين اسير اتصل بعادل, انا قلت ابني راجل لايمكن يرجع في كلمته
رباب حطت ايدها ع قلبها بفرحه: الف شكر ليك يارب
خيريه: يله اجهزي بسرعه وتعالي
اسير فتح الباب ودخل: اتفضلي وسيبي الشنطه هشلها الحمل ده صغير جدا الي هيحصل اتقل منه مكنش مفروض انه يحصل وعارف انك قلقانه وانا كمان قلقان جدا المفروض النهارده قرايا فاتحه اختي وانا كمان اصل علاقه بدل وانا اتجوزت
جميله: امر محير عندك اخت لكن دفعت تمن بنت حد تاني امر يحير
اسير بصلها ومش عارف يقولها انه لو دفع عشر مرات فيها ده قليل لكنه مشترهاش ابوها الي باعها ومشي وهي مشت وراه
اسير طلع السلم وعند باب الشقه بصلها: استني متدخليش لحد ما انادي عليكي
جميله هزت له دماغها بطيب
اسير فتح الباب ودخل: السلامو عليكم
خيريه وقفت: اهلا يابني انت كويس يا ضنايا
اسير: ايوه كويس محصليش حاجه
عادل قام يسلم وبمرح: صاحبي دي مفاجاه يوم الفرح تجبلنا سكته قلبيه
اسير ابتسمله وقال: انا بجد اسف
خيريه كشرت: اسف انا مش هقبل اسفك ابدا لو كنت مشغول ع الاقل اتصل قولنا
اسير: اماه حصل ظروف
رباب بضيق: اي ظروف دي
خيريه ضيعت المشده وضحكت: انسوا خلينا نقرء الفاتحه الوقت اتأخر تعال يا اسير اقعد جنبي
في نفس اللحظه جميله عطست جامد
رباب: اسير هو حد جاي معاك
خيريه بسؤال: هو فيه حد بره
اسير بلع ريقه: ايوه جميله تعالي عندي
جميله زقت الباب وسمت بالله ودخلت
اسير وقف: دي جميله مراتي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة اختي والعقرب)
