رواية لعنة اختي والعقرب الفصل الرابع 4 بقلم منة محمد
رواية لعنة اختي والعقرب البارت الرابع
رواية لعنة اختي والعقرب الجزء الرابع
رواية لعنة اختي والعقرب الحلقة الرابعة
اسير فضل رايح جاي قلقان لذكي يعمل حاجه في جميلته
حمو: يعني ايه الي هيحصل بالتمشيه متقلقش هنلاقي حل
اسير: هتلر معرفش عمل ايه في جميله, انا غلطت ليه ناديت عليها
حمو: الواحد بيفقد عقله لما بيحب عقله بيختفي
اسير : هو انا مكتوب ع وشي اني بحبها الكل عمال يقولي كده انت يظهر انجننت
حمو بضحكه: لاء مش مكتوب بس انا شايف حالتك من ساعه ما سمعت انهم بيتكلموا عن جواز بنت هتلر وانا ساكت ومستنيك تقولي من نفسك
اسير: قلبي مش قادر يصدق اني حبيت بنت للدرجه بس عارف انا اتأكدت بدليل لما مشفوفتهاش من تلات ايام اتجننت ومش عارف ازاي امنع الغلط الي هيحصل
حمو: خد رقمها من عمر
اسير: مفيش فايده من كده المقدر والمكتوب هيرسم طريقه, انا مروح البيت اقفل الدكان بدري
حمو: الي تشوفه يامعلم
…………….قصص منه محمد كاتب………………….
جميله قاعده ع سجاده الصلاه ورفعت ايدها بالدعاء: يا الله انت وعدت عيادك في القرآن الكريم ان الرجاله المحترمه للستات المحترمه ليه بتعاقب مع واحد زي ايمن كداب وغشاش مش بيحترم الست , حنيت راسي عشان احافظ ع سمعه ابويا يارب خرجني من البلاء الصعب ده ونورلي طريق
ذكي فتح الباب: استعدي ايمن وابوه بره جاين يطلبه ايدك
جميله في سرها: يارب ساعدني
ذكي طلعلهم بالشاي وقعد وسعيد قاله: ذكي
ذكي: نعم ياسعيد يا خويا
سعيد: انت سربعتنا وملقتش وقت اعمل حاجه
ذكي: الي حصل
سعيد: اسمعني النهارده هنقرء الفاتحه ونلبس لبنتك خاتم ماشي وع اخر الاسبوع نكتب الكتاب اصل ابن سعيد مش هيتجوز كروته
ذكي: عندك حق يا سعيد يا خويا الف شكر
ايمن: عمي الاول وقع ع الاوراق دي
ذكي: مكتوب فيها ايه الاوراق دي
سعيد: قوله
ايمن: مكتوب فيها انك هتجوزني جميله بـ 100 الف بس 30 الف دينك وسبعه الف طلبك
ذكي قام وحط ايده ع شفايفه: بس وطي حسك متقولش لجميله امضي هنا صح
ايمن: وامضي الورقه التانيه ومتقلقش ياعمي سمعتك من سمعتنا وعشان الوعد ده ورق دكانك عطتهالك
ذكي: ايوه بس
ايمن: عايز تقول حاجه
ذكي: لاء بس عايز اسأل سؤال هاخد السبعين الف بعد كتب الكتاب
ايمن ضحك: ليه بس قلقان هيتحط في ايدك السبعين الف بمجرد ما نكتب الكتاب
ذكي: طمنتني
ايمن: مش كدا يابابا
سعيد بخبث: طبعا انا تاجر, والتاجر لايمكن يرجع في كلمته
ذكي: ماشاء الله هقوم اجيب جميله وادخل الاوراق
ايمن: عمي اديها السلسله دي تلبسها
ذكي: ماشي
سعيد ميل ع ابنه: الفلوس تشتري اي حاجه
ذكي دخلها : جميله شوفتي السلسله _بتر كلامه لما لقاها قاعده بجلابيه البيت_ هو انتي لسه ملبستيش لحد دلوقت
جميله نزلت دموعها: انا جاهزه
ذكي: ده منظر هتعملي مشكله دول جاين يطلبه ايدك والبسي السلسله دي واجهزي يله بسرعه
جميله بصتله بغيظ: اول اب اشوفه يطلب من بنته تجهز قبل دفنتها
ذكي: بطلي تقولي الحوارات دي قدام صوره امك كنتي مسكينه ودلوقت بدئتي الحوارات البسي بسرعه اتحركي واحمد ربنا انك لقيتي واحد يلمك زي ما انا لميت امك البسي في خمس دقايق واطلعي بسرعه
جميله تابعته وهو بيقفل الباب واخدت السلسله قطعتها كذا حته وقامت طلعت زي ماهي بالجلابيه
…………..قصص منه محمد كاتب……….
في بيت عيله اسير
خيريه:اشرب الشاي اسير انا جبت عريس لرباب وماشاء الله عنده خمس محلات للهدوم بس سنه كبير شويه
اسير: خاليه يجي ونشوفه
خيريه: جاين بكره بس ع العصر
اسير حرك دماغه برفض: قوللهم العصر لاء خليهم يجوا ع بالليل عشان اقابلهم بنفسي
خيريه: ليه بس مش واثق في امك
اسير: مش القصد بس هقابل المحامي بكره العصر عشان اسجل الدكان بأسمها وانتي لازم تروحي معايا تمضي
خيريه كشرت بستياء: اخدته بالعافيه بس انا قلت الحق هي متستهلش
اسير: اماه مش عطيتك نصيبك فيه ملوش لزوم نعمل مشكله انهي الحكايه وركزي ع جوزاه اختي لان انا بفكر اتجوز انا كمان
خيريه بفرحه: والنبي هتفرحني بيك اسمع عندي صور بنات حلوين اوي
اسير: اخترت بنفسي خلاص
خيريه قلدمت: يعني اخترت كمان
اسير ابتسم: ايوه لكن الاول اجوز اختي وبقولهالك من دلوقت عشان نبقي ع نور
خيريه بسعاده: ماشي المهم انك وافقت بس اسمع لازم البنت تبقي من عيله محترمه وانا مش هوافق ع بنت عيلتها اي كلام
اسير: البنت من عيله اطمني
خيريه: الف حمد وشكر ليك يارب هعيش واشوف ابني نور عيني عريس هقوم اصلي ركعه شكر لله
اسير ابتسم ولنفسه: هتكلم مع جميله اني عايزها واخد امي واطلب ايدها وبعدها يعرف هتلر اني مش بلطجي وراجل محترم ونيتي شريفه
…………….قصص منه محمد كاتب…………….
جميله طلعت وأأعدت وبقرفه: اهلا
سعيد ابتسم بمكر: اهلا عامله ايه انا ابو ايمن عريسك وامه كمان
ذكي: اه امه الله يرحمها
سعيد: عشان كدا لازم اقوم بكل الرسميات ابني قلبه طيب وجاب الخاتم بسرعه
ايمن:مين يبقي وحش حتي بعد لطشه قلم ع وشه اعمل ايه قلبي طيب
ذكي ابتسملها: بقي شاعر
جميله نظراتها قدام بجمود: عندي شرط قبل ما البس الخاتم في صوباعي كتب الكتاب مش بعد اسبوع
ذكي اتك ع اسنانه بغيظ وقال : جمييييله الكبار هيقرروه ده
جميله : لو مقلتش اليوم شرطي هرفض وقت كتب الكتاب
ذكي انفعل: جمييييييله
سعيد: ذكي سيبها تتكلم هي الي هتتجوز وده حقها اتكلمي يا بنتي اتكلمي
جميله: دي اخر سنه فالكليه وبعد شهرين الامتحانات النهائيه الجواز هيكون بعدها ومش هسيب الكليه من غير شهادتي
ذكي اتعصب جدا: ازاي تتجرئي تحطي شرط زي ده بعد كل الي حصل
ايمن بهدوء: عمي سيبها انا كمان عايز مراتي متعلمه
سعيد: خلاص ياذكي هنلاقي وقت للاستعدادت ده ابني الوحيد لازم يبقي فرحه فخم, ايمن لبس الخاتم في صوباع مراتك
ذكي: والله انتم ناس طيبين
ايمن ابتسم ومسك ايدها وبصلها كانت فرت دمعه من عيونها وذكي مسك ايدها وايمن لبسها الخاتم وهي قبل ما يدخل شدت ايدها بعـ نف وذكي جه يكمل شدت ايدها منه اعـ نف
ذكي اتوتر وقال: هي اتكسفت
سعيد بنظره مكر : وانت كمان اتكسفت
ذكي ابتسم يضيع حرقه دمه وقال: عندك حق
…………….قصص منه محمد كاتب…………….
في بيت عائله اسير في حضور اخت العريس وبنته ورباب وخيريه واسير موجودين
البنت بسؤال لرباب: انتي بتشتغلي ولا قاعده في البيت
رباب بهدوء: لاء انا قاعده في البيت
البنت فرحت وقالت: ممكن اسالك سؤال لو معندكيش مانع عمرك كام سنه
رباب: ثلاثين سنه
البنت: بجد فكرتك اكبر من كده
اسير اضايق: اسف لمقطعتك انتي جايه تشوفي اختي ولا تشتري اضحيه
البنت: انا كدا بحب الصراحه وبصراحه اكتر احنا كنا عايزين واحده قاعده في البيت لان الي بتشتغل مش هتتأقلم معانا والا مين هيراعي بابا
اسير بستفسار: هو ابوكي مريض
البنت: لاء هو سليم بس عند 55 سنه لكن شكله يديله اصغر بعشر سنين وعنده محلات ملابس جاهزه ومش هتحسي بالزهق
خيريه: ع العموم لما يجي والدك واخوكي هنقابلهم
البنت: وافقوا ع الجوازه ومن بكره بابا يجي انا لقيت ام زي منا عايزه
رباب انزعجت: ايه
اسير اتحرك بنزعاج: قلتي ايه, قلتي ام , قصدك ايه
البنت: انا جايه اجوز بابا طنط خيريه هو انتي مقلتلهمش
عمه البنت: ليه مقلتلهمش ياخيريه ان العريس اخويا مش ابنه وانتي وافقتي وقلتي تعالوا
اسير بص لـ امه الي عايزه ترمي اخته وهي خافت ولفت وشها
البنت بصت لرباب: شكلك متعرفيش هوريكي الصوره
اسير بعصبيه وغضب: سيبك من الصوره قوموا من هنا اطلعوا من بيتي
عمه البنت: ايه قله الادب دي خيريه احنا جينا ع طلبك
رباب اتعصبت جدا وبصتلها: لما انتي ترضي تجوزي بنتك لراجل عجوز متنسيش تعزميني وهاجي اغنيلها وارقص ببلاش
عمه البنت: يله يابنتي وابقي تفي ع وشي لو لقت عريس عجوز يرضا بيها
اسير زقهم ع بره: غوري من هنا
عمه البنت: ايه العالم القذره دي
اسير بيزق فيهم: احنا برضو ولا انتم غوره من هنا
البنت: متزقش احنا ماشين
اسير هبد الباب: غوره
رباب طلعت وحدفت ظرف قدامها: انا طلبت دكان ابويا , لكن انتي بعترتي كرامتي
اسير: اظن الدكان حقك ولازم تاخديه
رباب: ده حقي لكن الجواز مش من حقي عايزه اعرف ليه امك جبت لي العريس ده
اسيرم بصلها: ايوه يمه قوللنا ليه جبتي لـ اختي عريس مش مناسب
خيريه: وفيها ايه منا اتجوزت من واحد عنده عيله ست سنين اتكلم عن حالي
رباب: فيه فرق بين عيله ست سنين وشاحطه كبيره 26 سنه العيله الي كان سنها ست سنين محتاجه لـ ام اما البنت ام 26 سنه جايه تجوز ابوها لانها مش محتاجه ام دي محتاجه خدامه لـ ابوها خلاص يا اسير بقيت عبئ عليك عشان ترميني لـ اي واحد
اسير: انا اموت ولا يمكن اعمل فيكي كدا معقول انا ارخصك
رباب: كدا لو فعلا اخويا يبقي توافق نتجوز سوي
خيريه بصتلها بكره: نعم انتي اتهبلتي في نفوخك اياك تتكلمي عن الجواز البدل
رباب: انا مش بتكلم معاكي بتكلم مع اسير رد موافق تتجوز اخت عادل وانا كمان اتجوز اخوها وكدا فعلا ثبت لي اني اختك شقيقتك ها رد قولي اه ولا لاء
اسير فكر شويه وبعدين رد: لاء انا مستعد انفذ كل الي بتقوليه لكن اتجوز برغبتي
رباب بحقد : هفضل ادعي كل يوم عليك انك متجربش معني الحب وتعاني كتير لحد ما تلاقيه وان لقيته متطلهوش وتتعذب لحد ما اتشفي فيك وافتكر الي بينا مش هيخلص يا اسير
………….قصص منه محمد كاتب………….
يوم جديد اسير واقف قدام التلاجه بيرص الازايز
حمو جري عليه: ابله جميله راجعه من الكليه
اسير: ايوه اعمل ايه
حمو: روح وكلمها الطريق فاضي روح قولها كل الي في قلبك, بدل ما تلاقي نفسك مدبس في واحده مطلقه عشان اختك تتجوز
اسير:لاء مقدرش اهين قلبي تحت رجل بنت كده لازم تحس هي كمان بمشاعري
حمو: ملها مشاعرك انت كمان معجب بيها صح
اسير: ايوه معجب
حمو: ومفكر هي هتفهم لوحدها وتجيلك منها لنفسها قولي ازاي هتعرف مشاعرك كدا
اسر: تصدق عندك حق بس هنعمل ايه لو هتلر جه زي المره الي فاتت
حمو ابتسم بحماس: طالما حبيت بلاش تخاف
اسير بقتناع: مظبوط طالما حبيت احذف الخوف
حمو صقف: بديع يا وديع توكل
………..قصص منه محمد كاتب………….
قاعده بتذاكر في امان الله لقت الباب بيخبط
جميله قفلت الكتاب: مين؟؟!!
طفل: انا يا ابله جميله
جميله: جايه _فتحت الباب وابتسمتله
الطفل: عم اسير عايز يكلمك
اسير هنا ظهرلها وابتسملها وبانت غمزاته وجميله سحبت الطفل: تعال هنا انا بعلمك تكدب ع الكبار
اسير: انا الي قولتله ولا مكنتيش هتفتحي الباب
جميله بحتقار: واحد رخيص زيك
اسير: دقيقه حبيبي امشي ومتشكر(بصلها) كملي مين الي رخيص يا ابله
جميله: انت لانك بتعلم الاطفال يكدبوا امشي من هنا
اسير مسك الباب: ثانيه كدا
جميله بنفعال: ايه الوقاحه وقله الادب دي بتعمل ايه
اسير :جيت اقدم مساعدتي وعايز اقول حاجه سمعت ان دكان ابوكي مرهون
جميل : وجاي تاخد مقابل الدين
اسير بضيق: طيب ليه كدا انا بحترمك كتير
جميله: احترام الرجاله امثالك بيحجره ع البنت مننا انها تعيش بسعاده وحتي تتنفس بكل حريه اوقات تطلعولنا قدام دكان , واحيانا توقفونا في الطريق , واوقات قدام الكليه , وساعات تدخولنا بيوتنا تدمروا حياتنا
اسير :انتي غلطانه انا مش كده , اه مكملتش علام لكن لايمكن اسمح بأهانه الست
جميله بسخريه: بجد امال مين الي بيبحلق ع السطح, كنت انت ولا عفريتك , ومين كان واقف في النصيه مع صاحبتي انت , ومين الي اتكلم معايا بحجه الايشارب , ومين الي عمل حكايه وليله لما رفضت اديلك رقمي عشان تشحن لي واشتريت كارت انا حياتي اتقلبت بسببك افعالك ابويا بيشك ان فيه بينا علاقه نظراتك وتنادي عليا حول شكه ليقين وبدء يصدق ان بينا علاقه
اسير: انا هكلمه وافهمه لكن اسمعيني
جميله: انت الي تسمعني انا مش ميرفت عشان ادي قلبي لـ اي حد بالمجان انا جميله عمري ما شوفت بياع همجي , ومشاغب, و بلطجي زيك واني اشارك مشكلتي مع واحد زيك دي اكبر اهانه ليا
اسير بعصبيه عليها: انا بلطجي لما الاب يموت ومفروض اسيب المدرسه عشان اشتغل واصرف ع البيت لازم اكون مشاغب ومدوحر عشان يبقي ليا مكان , ولازم اتكلم كدا وابان بشخصيه قويه حتي لو قلبي مليان وجع وقهر وحزن لكن لازم امشي وانا راسي لفوق في السماء وبفخر لما حد يجي يحط ايده ع رقبتي وياخد فلوس الضعيف لازم ابقي بلطجي ولما احب اعيش بالحلال ومحدش يكسرني لازم اكون مشاغب وانتي صح الي زيك مش محتاجه تهتم بكلام واحد بلطجي ده بجد همشي يا ابله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة اختي والعقرب)
