رواية لعنة اختي والعقرب الفصل الخامس 5 بقلم منة محمد
رواية لعنة اختي والعقرب البارت الخامس
رواية لعنة اختي والعقرب الجزء الخامس
رواية لعنة اختي والعقرب الحلقة الخامسة
اسير بعد كلام جميله الجارح القاسي له مشي من عندها وطلع قعد قدام الدكان ع الرصيف
حمو لمحه قرب عليه: معلم هو انت مروحتش البيت
اسير بقهر: لاء
حمو: هو انت قاعد من بدري كدا
اسير: ايوه
حمو: ليه بس تحرق قلبك
اسير: مش مهتم ان قلبي يتحرق بس ان كرامتي يداس عليها ده الي لا يمكن اتحمله
حمو بستفسار: انت روحت تتكلم مع حبيبتك
اسير قام شده من ياقته وزعق فيه: متقولش حبيبتي والا هكسر عضم وشك
حمو انكمش في نفسه وخاف بجد من اسير الي تمالك نفسه وعدله هدومه وقاله: مفكراني بلطجي , والبلطجي مينفعش يتجوز ولا يعمل علاقه جديده فهمت سبب غضبي , بمجرد ما شوفتها اول مره عجبتني بجد ولما مشفوفتهاش تلات ايام فهمت ان نمرود زي خسر قدام الحب كنت مبسوط اوي لان قلبي العاصي حب بنت شخصيتها قويه لكن نسيت اني بدي البنات حاجات بالمجان عشان اخدعهم مش كدا
حمو بزعل: اكيد يعني هي قلقانه ولازم تثق فيك قبل ما تحبك
اسير: انت متعرفش اني الي مفكرنا سيئين , منقدرش ابدا نفوز بثقتهم زي اختي انا اسوء شخص في نظرها
حمو: يعني قبلت الهزيمه وهتستسلم
اسير: لا هحتفظ بقلبي وانقذ كرمتي لو الحب هيهين شخصي يبقي بلاش منه والمره الجايه يجيلي بنفسه
…………قصص منه محمد كاتب…………….
الصبح بدري في بيت جميله واقفه في المطبخ تغلي اللبن
ذكي رحلها: جميله ايمن وسعيد جم اتعاملي معاهم بأدب , مش عايز اي شكوي منهم اعملي الشاي بسرعه
جميله غمضت عيونها واستغفرت في سرها
ذكي راح فتحلهم: اهلا يا سعيد ياخويا تعال اتفضل ادخل اقعد هنا هات عنك يا ايمن
ايمن حط الحاجات ع الكنبه: ازيك ياعمي
ذكي بفرحه وانبساط: الحمد لله اقعدو ع الكنبه هجيب كراسي
سعيد ميل ع ابنه بهمس: شايف الخدمه
ذكي: الكراسي جات اهيه
سعيد :مش شايف مراه ابني ناديها
ذكي بضحكه: اقعدوا الاول وانا هندهلها
جميييله دخلت وراه ذكي الي حط صنيه الشاي: اتفضلوا
سعيد شده من دراعه: ذكي اقعد خيلتنا
ذكي ضحك: حاضر أأعدت
سعيد: ليه مرمتيش حتي السلام
ذكي ضيع الموقف: ارمي السلام ع عمك سعيد
جميله: اهلا
سعيد بمكر: اهلا بيكي , جبنالك حاجات كتير اصل قرايه الفاتحه حصلت بسرعه ,ومجبناش هديه ليكي لكن قلت لـ ايمن لازم نجبلك
ذكي مسح جبينه: لزومه ايه الحاجات دي
ايمن مثل الحنيه وقال: ياعمي ده انا لو اطول افرق جاتوه ع الحاره كلها عشان الكل يعرف مين هو خطيب جميله , حاجه كمان البياع الي محله قدامك عينه زايغه ع بيتك خد بالك منه
ذكي بقرفه: سيبك منه الحقير ده منتكلمش عنه
سعيد بأمر: جميله شوفي مقاس الفساتين عشان لو فيها مشكله تروحي مع ايمن تغيريهم
جميله: بقيت متعوده ع الحاجات الغير مناسبه
سعيد اتحرك بنزعاج: ايه
ذكي اتك ع اسنانه: اعملي الي بيقولك عليه عمك سعيد امسكي
ايمن بمكر: ازاي يعني هتشيل كل الاكياس دي لوحدها, خليني اقوم اساعدها
ذكي فتح عيونه: ايه
سعيد حط ايده ع كتفه: سيبه طالما هيتجوز ويفتح بيت خليه يتحمل المسؤليه من دلوقت
ايمن قام: يله نروح
ذكي: امسك براحه
سعيد: كل واشرب الشاي يا ذكي
ذكي قاعد مش مرتاح: كل انت الغريبه
سعيد: حطها هاكلها
جميله مشت شويه: هات هشيلهم زي ما اتحملت عبئ ندمك المزيف واتهامك الباطل
ايمن رفع حاجب بتحذير: اتكلمي معايا بحترام بصراحه انا بحب طاعه الزوجه
جميله: متشطحش اوي مجرد علاقه خاتم وبس
ايمن بتحدي: لو امرت هخليها علاقه جواز
جميله بصتله بنظرات كلها احتقار من فوق لتحت
ايمن: تمام مليني رقمك
جميله لفت وبصتله: تلفوني مع بابا ياتري عايزه
ايمن: بجد مفيش مشكله بكره هجبلك موبيل جديد
جميله: مش محتاجله اطلع اقعد بره
ايمن: ليه مش محتاجاله انا هتكلم واسمك كمان وبعدين يجي الحب في الاخر
جميله بنرفزه: اسمع العلاقه دي بسبب ابويا امشي اقعد معاه
ايمن شخط فيها: هش وطي صوتك شويه , انا مش واحد واقف بره الكليه انا جوزك المستقبلي
جميله همشته ومشت ودخلت اوضتها ورزعت الباب في وشه
ايمن ببرود: والطبق مش هتخديه
ايمن راح حط الصنيه قدام الباب وخبط: خدي طبق الحلويات
جميله رمت كل الاكياس وقعدت تعيط وايمن سمع بكائها فرح وقال: ده حلو اوي كده
جميله مسكت صوره امها: ليه قدرك وقدري انكتبوا بنفس القلم مش عايزه اعيش حياه عاجزه زيك بس بنتك النهارده واقفه في مكانك انتي كان عندك حق اننا نلاقي راجل بجد في الايام دي بقي صعب انتي ملقتهوش ولا حتي انا
…………قصص منه محمد كاتب………..
قدام بيت جميله بعد خروجهم
ايمن بغيظ: كنت عمال تمدح في مراه ابنك كتير
سعيد ابتسم بخبث: وليه ممدحش بسببها هناخد محل وبيت كبير
ايمن: فعلا وطبعا انت مقهور انك عمال تبعزق في فلوسك بس بعد الجواز الي هناخدوه منهم هيعوض كل ده بالورقه البيضه الي المغفل ذكي وقع عليها
سعيد: اخيرا كمل الانتقام ,انتقام الدين, وانتقام لطشه القلم
ايمن بحقد: لاء يا بابا لسه مكملش انا عايز اكسر عين جميله بت شايفه نفسها متعجرفه ومغروره زياده عن الزوم لازم الاميره دي تحس انها عايشه مسجونه ومفيش طريق للرجوع كل الطرق قدامها مقفوله
سعيد: هايل يله بينا
………….قصص منه محمد كاتب………….
في منزل عائله اسير بتنشر الهدوم ع السطح
اسير: رباب الشاي , وطالما غسلتي هدومك كنتي اغسلي هدومي معاكي, كلها مش نضيفه
رباب كشرت: ليه قول لـ امك ولا انتم عايزني اخدمكم طول العمر
اسير ابتسم:لو كان كلامك مظبوط كنت عملتلك الشاي بايدي وجبتهولك لحد عندك, الناس مفكرني بلطجي وضايع كبير بس ميعرفوش اني بخاف من امي واختي في البيت
رباب: انت لو كنت خايف مش هترفض اخت عادل
اسير: لما بزعل قلبك واخليه حزين ربنا بيعاقبني
ربتب بصتله بستفهام: قصدك ايه
اسير اتنهد بقهر: البنت الي بدئت احبها قفلت بابها في وشي
رباب : شوفت كلامي كان في محله عشان كدا كنت بتجري ع الدكان
اسير: ايوه كانت واقعه في مشكله وحبيت اساعدها بس رفضت ايدي
رباب بتشفي فيه: الي حصل معاك حصل نفسه معايا طول حياتي من لما كان عندي سبع سنين كنت بحضنك وكانت امك تخطفك مني , ولما كنت تعيط وانت بتلعب كان ابوك يضربني وكانوا بيسبوني عند الجيران ويخرجوا يتفسحوا, ولما انت كبرت شويه بقيت كل حاجه حلوه ليك وانا ليا الاهانه, بس اتعودت ع المعامله ولما جه الي يمد ايده ليا بالخير اهلي اخده مني
اسير عيونه رغرغت: معاكي حق ده نفس الي حصل معايا , يمكن عشان اول مره انجرحت واتأذيت اوي
رباب: انزل هات هدومك اغسلهالك بس متقولش ده فرض عليا
………….قصص منه محمد كاتب…………………
في بيت جميله تحديد المطبخ
ميرفت بتاكل جاتوه: انتي كتومه بجد معقوله تتخطبي في الخفاء ومتقولليش, كويس ان عمي قالي والا انتي مستحيل تقوليلي
جميله بصتلها: الموضوع ميستهلش اقوله
ميرفت: لاء بالعكس مستاهل تقوليه الخاتم الي في ايدك مهنش عليكي تقوليلي صح انتي طول الوقت قاعده في المكتبه معندكيش ليا حتي وقت
جميله نزلت دموعها وبسرعه لفت تقلب الحله وميرفت سحبتها من ايدها للخارج: تعالي معايا واحكيلي بسرعه مين هو وبيشتغل ايه وجابلك ايه ووريني الخاتم(مسكت صوباعها) واو شكله غالي
جميله بملامح حزينه مقهوره: اسمه ايمن سعيد التهامي, ابوه تاجر جمله صاحب ابويا وابنه معاه بكالوريوس تجاره
ميرفت: حلو ده انتي كسبتي ورقه يانصيب في ليله واحده بس ليه وشك مكشر شكلك مش سعيده
جميله زمت شفايفها : سعيده بالظبط نفس امي ع رآي ابويا المحظوظين الي بيلاقه جوازه سقع زي دي
……………قصص منه محمد كاتب…………..
قدام الدكان
حمو: معلمي تشرب معايا شاي
اسير بيكتب في الدفتر: ماشي ياحمو (لمحها) اسمع هات كوبايه عصير معاه
حمو بستياء: عصير
اسير شوحله بأيديه : ايوه امشي
ميرفت ابتسمت بمكر ورفعت حاجب: اسير خد جاتوه
اسير: ليه هتتجوزي
ميرفت: وانا مستنيه موافقه الي نفسي اتجوزه بس ده جاتوه خطوبه جميله
اسير: ايه خطوبه جميله امتي حصل ده
ميرفت: الاسبوع الي فات بس الجاتوه النهارده كنت بقول انك بتحبها حب ميتنهيش مش تعاطف معاها فقلت ليك الحق تدوق الجاتوه دوقه
اسير حس الدنيا كلها بتخنقه حرفيا
ميرفت كملت سمها: تحب اقولك حاجه جميله معملتش الصح معاك مفكراك سيئ من الاول لان ليها علاقه مع ايمن ابن تهامي تاجر الجمله شاب غني عنده فيلا وعربيه ومتعلم تعليم عالي هتفوز بأيه اكتر من كده قولي ليه تفكر فيك انت هي بتنضف طريق ايمن قدام ابوها
اسير بعدم تصديق: جميله مش كدا مش مصدق
ميرفت: مصيرها هيتغير سواء صدقت ولا لاء هي سعيده جدا هقولك ايه طايره من الفرحه
اسير بقي حاسس بنار بتغلي في جوفه وجري بسرعه ركب الموتسكل وفضل سايق في الشارع من غير هدف ولا غايه لحد ما كان هيدخل في عربيه وصاحبها نزل زعقله
لحد ما رجع البيت ودخل غرفه اخته لقاها بتختم الصلاه قعد قدامها ع الارض وربع
اسبر بصلها وقال: فاكره لعنتك فاكره
رباب: ايوه
اسير بقهر: مبروك اتحققت, القدر رفضني وعطاه مكاني لحد تاني
رباب عقدت حواجبها: قصدك ايه ,ايه الي حصل
اسير بصوت مخنوق بالدموع: اتخطبت ظنتها فكرتني واحد بلطجي من شكلي بس مش مهم وقلت مسيرها تحس بقلبي لكن لما تحضر الثروه والعز في كفه الحب قيمته ايه وهيبقي في الكفه التانيه مبروك لازم تكوني فرحانه فيا وانا موافق اتجوز اخت عادل المطلقه عشانك, وهتجوز لما تقوليلي ومنين ما تقوليلي
رباب بصتله بفرحه جواها وهو قام قبل ما دموعه تنزل منه قدامها وهي قامت فتحت الدرج وطلعت صوره حبيبها وكلمتها: حبيبي اتكمل الجزء الثاني من الانتقام اول مره لما اخدت منه الدكان , من ايده والنهارده ربنا اخد منه حبيته ووافق يتجوز المطلقه عشان انا اتجوز واعيش سعيده ع انقاضه وهو مش هيعيش سعيد ابدا طول عمره
……………قصص منه محمد كاتب………………
ذكي فتح الباب بفرحه وترحاب: تعال يا ايمن جايب ايه بس
ايمن مسح انفه: ولا حاجه دول شويه حلويات مشكله ,وشويه هدوم, وهديه قيمه ليك والموبيل ده عشان جميله
ذكي: اقعد زمانها جايه من الكليه
جميله هنا فتحت الباب ودخلت ووزعت نظراتها عليهم
ذكي بتحذير: ارمي السلام
جميله كالعاده: اهلا
ذكي: اهلا شايفه ابني جاب حلويات مشكله وبيقول طعمها تحفه هتاكلي صوابعك وراها وجابلك موبيل ايفون كمان طلعي الخط من التلفون القديم وحطيها في الجديد احنا ربنا بيحبنا اننا ناسبنا واحد زيك استني هحطلك حلويات في طبق
جميله بتتحرك ع اوضتها هو وقفها: اسمعي جبتلك الموبيل ده هديه
جميله بنفعال: انت اطرش قلت مش عايزه
ايمن ابتسم بغل: انا كمان قلت هسمع شويه لكلامك وانا هتكلم بشويه كلام والحب هيحصل مع الوقت
ذكي قرب وضحك: بتتكلموا ماشي
ايمن بصله: عمي ممكن اتكلم مع جميله ع الموبيل لما احب لو معندكش مانع
ذكي: ايوه انا ابوك ومش معترض هي خطيبتك وكمان يحصل بينكم تفاهم
جميله بصت لـ ايد ايمن الممدوده بالموبيل وسابته ومشت
ذكي ضيع الكسفه وهرش في دماغه وقاله: راحت تجيب تربيزه ايه الي حصل ليه واقف زي التمثال اقعد
ايمن: رفضت تاخد التلفون
ذكي: انا , انا هدهولها
ايمن: هو فيه واحد بعد ما اضرب قلم يجيب تلفون ايفون شكلها كدا مش موافقه ع الخطوبه لو قالت كنا نلغيها
ذكي بسرعه: لاء بتقول ايه هي بس راجعه من الكليه تعبانه يمكن كان فيه امتحان هندهالك اقعد انت اشرب الشاي ولا اشربك بأيدي
ايمن بغلاسه: ياريت
………….قصص منه محمد كاتب……………..
في بيت اسير تحديدا ع السطح
خيريه طلعتله: انت طاوعت كلام رباب
اسير طفاه السيجاره وهرسها برجله ولف بصلها: ايوه
خيريه: وانا بسأل ليه عماله تلف في البيت مبسوطه انت كنت رافض المطلقه وقلت فيه بنت ناس كويسه وهنروحلها نخطبها ايه الي حصل
اسير بضيق: كان كدب كنت بهزر
خيريه مسكت دقنه: بصلي هنا انا امك وعرفاك كويس انك مش بتكدب
اسير اتنرفز: قولت لك كان كدب وكنت بهزر وانا موافق اتجوز اي واحده عشان اختي تعيش مبسوطه
خيريه بعصبيه: انت اكيد اتجننت في عقلك
اسير: ايوه اتجننت خلاص واقبلي جناني
خيريه بنظرات حاده : والله لو عملت كدا مستحيل اتكلم معاك تاني يا اسير انت عارف رباب عايزه تنتقم منك وتجوزك المطلقه ليه مش فاهم انك هترجع تندم لو عملت كده
اسير: بس لو سبتلك البيت انتي الي هتندمي خدي قرار هتسيبي ابنك ولا عنادك
خيريه ندهت عليه: آآآآآآآسيييير
……………..قصص منه محمد كاتب…………..
قدام الكليه خارجه هي وصحبتها
ميرفت شافته: مش ده الشاب الي ضربتيه قدام الكليه
جميله: ده ايمن خطيبي
ميرفت وسعت عيونها: ايه يعني البنات كان عندهم حق انتي ع علاقه معاه ليه مقولتليش
جميله: لاء انتي الي كنتي صح لما قولتلي ان بابا لو عرف هيرميني ع اي واحد
ميرفت: ده جاي
ايمن قرب بأبتسامه وحمحم
جميله بنرفزه: ليه جاي هنا
ايمن بتحذير شديد: اتكلمي معايا قلت بحترام عمال اتصل بيكي مش بتردي
جميله: كنت مشغوله
ايمن: مشغوله جيت اخدك
جميله: مفيش داعي اطلاقا هروح في الاتوبيس
ايمن: بتثقي في سواق الاتوبيس ومش بتثقي فيا
جميله بصت لميرفت ومدت بخطواتها ناحيه عربيته ووقفت
ايمن فتحلها: يله نمشي(بص لصوبعها) فين خاتم الخطوبه
جميله بدون اكترث: في البيت
ايمن قفل ملامحه: في البيت يعني لازم نطلع ع البيت ناخد الخاتم وبعدها نروح المطعم
جميله: بتقول ايه وضح قصدك
ايمن :هنروح مطعم نتغداه
جميله :انت قولت هتوصلني للبيت
ايمن: انتي كل يوم بتروحي ع البيت النهارده هتروحي معايا نتغداه , نتغداه من فضلك
جميله: ليه كدبت عليا
ايمن : لو قولت لك الحقيقه كنتي هتيجي معايا, ومفيش داعي للاندهاش اخدت اذن من عمي ذكي تحبي تتكلمي معاه عشان تصدقي
جميله بنرفزه : مش مصدقه عارفه ابويا اكتر منك مش هيسمح, عشان كدا اتصلي بيه وهعرف
ايمن اتصل: انا بتصل عمي ذكي
ذكي: الو
ايمن: اهلا يا عمي ايوه ايمن مش انا اخدت الاذن منك هاخد جميله ع الغداه… ايوه هي معاك اتكلم معاها اتفضلي عمي
ذكي: الموتسكل اتعطل ايه مشكلتك امك خلتني حزين طول حياتي فعلي الاقل اسعدي جوزك مش هفضل شايلك مسؤليتك طول عمري ايمن كل حاجه بالنسبه لك يله سلام
ايمن ابتسم: مع السلامه ياعمي (بصلها) ها صدقتي دلوقت المره الجايه متقولليش لاء
………….قصص منه محمد كاتب………….
في بيت عائله اسير ع الموبيل
اسير: ايوه يا حمو اتعامل جاي الدكان بكره نتكلم بعدين
خيريه: العريس عنده 35 سنه وشغال امين مخزن في شركه بس انا رافضه الجوازه دي يا اسير
اسير: ليه
خيريه: يالهوي اخته مطلقه
اسير: مش مهم الاهم اختي لقت الراجل المناسب
خيريه: يابني امه وافقت عشان تجوزك بنتها
اسير: الي يعجبه القلب والعين مش من نصيبي فمش مهم لو مكانه اي واحده تانيه
خيريه: ليه مش بتقولي عن البنت الي كنت بتحبها
اسير ضحك بقهر: الحب مش بيحبني لدرجه شكيت اني حبيت
خيريه: اسير ع الاقل شوف البنت الاول
اسير قام من مكانه: مش هشوف لاني اكتفيت, انتي وافقي واتفقي معاهم ع كل حاجه , وقوللهم الحقيقه اني مكملتش الثانويه العامه , وعندي دكان ,ولو حبوا يسأله عني قوللهم عنوان الدكان القدم سلام
خيريه كلمت نفسها بغيظ: مموت نفسه ع اخته هتتجوز بس هي لشاب وهو هياخد المطلقه عشان تقهرني لاء مش هيحصل لاء
………….قصص منه محمد كاتب…………..
في كافيه دخل اسير مع رباب
اسير: رباب
رباب بصتله: ايه
اسير: خدي الفيزا اشتري الي نفسك فيه وهروح اشرب كوبايه شاي
رباب: ماشي لما اخلص هتصل بيك
في نفس المكان جميله واقفه مع ميرفت ع السلم
جميله: كان ممكن تعملي عيد ميلادك في كافتريا الكليه ده شكله غالي
ميرفت: انتي ممله اوي يابنتي اخيرا خلصنا امتحانات واحنا مش بنخرج كل يوم وطالما جينا خلينا نستمتع عمي ذكي مش هيسمح لك مره تانيه
جميله: الكل بيدلع الدبيحه
ميرفت: انتي كدا بتمثلي ايمن مش وحش اوي
اسير جه من وراهم: السكه يا انسات
ميرفت لفت وبصتله: انت لما عزمتك رفضت ودلوقت جيت تفاجئني
اسبر بصراحه: لاء اختي بتتسوق عشان كدا جيت
ميرفت كشرت: ماشي طالما جيت خليك قاعد معانا
جميله : انتي لما جيباه ليه جبتيني
اسير قرب منهم: كملي بلطجي زي ميجيش لحفلات اعياد الميلاد
ميرفت: انسوا الامور القديمه بلاش زعل انسوا كل حاجه اليوم عيد ميلادي عايزه احتفل معاكم باليوم مفيش اعذار يله اقعدوا ع ما اروح اشوف التورته
اسير قعد وبصلها: ميرفت قعدت اتنين مختلفين سوي انا شايف اني اقوم قبل ما يبقي وجودي مشكله ليكي
جميله بهدوء: خليك قاعد انت ضيف ميرفت لو مشيت هتفهم انك مشيت بسببي
اسير: سمعت انك اتخطبتي
جميله: وهتجوز كمان
اسير: جواز عن حب
جميله: ايه معني السؤال بس هجاوبك ده جواز برغبه ابويا مجرد صفقه بالنسبه له
اسير بصلها بهتمام: طب لما هو كدا ليه قبلتي
جميله بصتله: لو مقبلتش هبقي وصمه عار في نظر ابويا
اسير: اليوم اياه جيتلك اقولك الحقيقه من ع الباب
جميله:اسفه قلت لك كلام تقيل في اليوم ده
اسير ابتسملها: مفيش مشكله الي مش بنحبهم مش بنثق فيهم همشي قولي لميرفت(حط فلوس) حفله اليوم ع حسابي
جميله تابعته لحد ما مشي وهو فرحان ان جميله مش هتتجوز عن حب وان مفيش حد ساكن قلبها والشوكه الي غرزتها ميرفت بقلبه خرجت اليوم ولازم يعمل اي حاجه وياخد جميلته تحت جناحه ويخليها تحبه زي ما بيحبها
رباب ندهت عليه: كنت فين بقالي مده بدور عليك
اسير: ابدا لقت واحد صاحبي اتكلمنا شويه ومحستش بالوقت
رباب ناولته الكياس: طيب يله
…………..قصص منه محمد كاتب………………
جميله: بابا الشاي
ذكي: استني لما اسرح شعري سعيد وابنه جاين المساء عشان نحدد معاد الفرح واعملي عصير حلو وبسبوسه كمان
جميله: بابا فاكر النهارده ايه
ذكي: اه ايمن قالي انه عيد ميلادك هنقرر كل حاجه النهارده
جميله بحزن: ايمن قالك فأفتكرت اليوم الي اتولدت فيه اكيد يعني حضتني اول مره ومهنش عليك تفتكر حتي اليوم
ذكي حدف المشط: يعني اروح اموت نفسي بعشرين رصاصه ايه لزومه الكلام الفارغ ده ع الصبح
جميله:دايما كنت بحاول اخليك مبسوط خدمتك وشلت معاك مصاريفي وساعدتك في البيت بس انت ولا مره ادتني الحب الي استحقه ابدا الاهتمام والحب الي كنا لازم ناخده منك انا وامي لكن سعيد وابنه بيلاقوه منك
ذكي :انتي بنت مش بتحمدي ربنا ولا شاكره ما انتي زي امك ترفسي
جميله انفعلت بصوت عالي: انا مش كده , بس مش قادره افهم ازاي ايمن بقي كويس فجأه يجي اوضتي او لكيتي او ياخدني ع المطعم
ذكي بشده: وطي صوتك ياغبيه انا بعمل كل ده لمصلحتك , عشان تحافظي ع احترامي في بيت جوزك افهمي ياحماره واسمعيني ليه افتكر عيد ميلادك كان نفسي اخلف ولد يبقي دراعي اليمين وايمن بقي ابني حتي كوبايه الشاي مش هطفحها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة اختي والعقرب)
